طالب الحزب الاتحادي الديمقراطي ( الأصل) في تعميم صحفي أمس الأول بإطلاق سراح قياديه الشاب الرئيس السابق لاتحاد طلاب جامعة كسلا الشريف حسين محمود ، عقب احتجازه من جهاز الأمن قبل أربعة أيام . ودعا تجمع متأثري سد مروي للإطلاق العاجل لعضو لجنته التنفيذية الشريف، مؤكدا أن الأوضاع الحالية بالقرى الجديدة أدت لهجرة أكثر من 400 أسرة لأمري القديمة عقب تردي الاوضاع الاقتصادية بأمري الجديدة ، فضلا عن هجرة مئات الأسر للمدن والمشاريع المحازية للنيل ليزرعوا مع أصحاب الاملاك. الجدير بالذكر أن أهالي الحامداب (وأغلبهم من قبيلة المناصير) هجروا قسرا منذ عام 2004م لصالح بناء (سد مروي) الذي نفذته وحدة بناء السدود وعلى رأسها أسامة عبد الله، وتم الاتفاق على إنشاء مشروع الحامداب الزراعي الإعاشي لأسرهم، ولكن السلطة لم تفي بالتزاماتها للأهالي وظل المشروع يعاني من (موجات عطش أدت لموت وتلف أشجار الفواكه والنخيل وعلف البرسيم، مع فقدان المزارعين كل تعويضاتهم ومدخراتهم وأصبحت أرض المشروع يباب) كما أورد بيان صادر عن أهالي الحامداب في وقت سابق. واعتصم أهالي الحامداب عدة مرات أمام المباني الإدارية للمشروع في أوقات عديدة في الأعوام الماضية، بدون أي مردود ولا اهتمام من المسؤولين الحكوميين . ووصف أحد شيوخ المنطقة ما آلت اليه الأوضاع قائلاً : (البلد بتحكى بى حاله براها مادايراة زول يحكيها يعنى لو الواطة والزروع بتبكى كان بكت البنى آدم الفيها كان ببكى الا انحنا ناس شجعان مابنبكى وهسه الشىء البنسوى فيهو ده دى المناظر لكن الفيلم لى قدام) ، (النهارده انحنا لبن ما لاقين والله خلقنا ماكنا بنشتريه والموية بتاعت الشراب بتجينا ساعتين بس فى اليوم وموية حامضة ومربوبة . اذا كان جناك حصلتلوا ظروف أو مشيت المركز الصحى تجى تلقى الموية قطعت ، موية الشراب البنشربا فى خشمنا خليك من الموية البتعيش بها انحنا النهارده فقدنا حياتنا باكملها انا مولود من سنة 46من الله خلقنى يوم واحد لا أخدته لى ملاح لا أخدت قش وماكانت فى جهة بتتسيطر فينا انحنا كنا ناس حرين عزيزين بنحل مشاكلنا وكنا مزارعين ، كنا مصنع كريمة ده مشغلنا انحنا لحد ماوقف. كنا الحامداب .. كنا بنغذى مروى كريمة ونورى كانوا حياتهم مننا بهائم لبن بصل ملاح النهارده انحنا الكنا بنغذى الناس نفقد القوت الضرورى!!).
