اخر ما كتبه شاعر الشعب حبيبي وشرياني (محجوب شريف) من داخل مستوصف ( تقي ) التخصصي بمدينة أم درمان .. حمل عنوان (صحة وعافية).. بتاريخ 31 مارس 2014م.. وجاء تحت هذا العنوان :- مِنْ وجْداني.. صَحَّة و عَافية لكل الشعب السوداني القَاصِي هناك والداني شُكراً لﻸرض الجابتني والدرب الليكم ودَّاني يا طارف وتالد..يا والد النيل الخالد شرَّفني واحد من نسلك عدَّاني إنتَ اﻷول وما بتحوَّل وتَب ما عندي كﻼم بتأوَّل أنت اﻷول.. وكل العالم بعدك تاني.. يا متعدِّد وما متشدِّد.. ما متردِّد ... ما متردِّد.. ملئ جفوني بَنوم مُتأكِّد.. بل متجدِّد .. تنهض تاني.. ولما تعاني .. بَعاني واعاني.. وقلبي وعَاني أحبك أكتر.. وما كفَّرتَ .. وﻻ نفَّرتَ.. ولم تستعصى عليكَ مَعَاني .. علمتونا نسِد الفرقة.. وإتقاسمنا رحيق الطَرَقَة .. وكم شلناهو ثباتك دَرَقة.. بكل البَيْ وعَلَىْ وحياتك..أتحدَّاه كما أتحدَّاني..