بئس الفن للفن.. وياله من نزف عابث مترف.. وكم هو كامل وباهر الإشراق ذاك الفن الذي هو للحياة.. ودعوة.. ملحاحة.. لكل من خرج من حزبه.. أو تخاصم مع حزبه.. وإلى الذين لم «يرسو» حتى اللحظة.. إلى ضفاف حزب.. في اليمين القصي.. أو الوسط أو اليسار الأقصى.. وإلى كل من طرده حزبه.. ادعو مثل هؤلاء.. وإذا كانت أرواحهم.. وقلوبهم.. ونفوسهم مفعمة بالإنسانية.. شاهقة النبل.. جسورة شرسة في الانحياز إلى جماهير شعبهم.. وإذا كانوا يحملون.. أفراح وأتراح.. غناء وأحزان مواطنيهم.. في عيونهم.. أنصحهم بالانضمام حالاً وفوراً.. إلى أعظم حزب في السودان.. أشرف حزب في الوطن.. أنبل حزب في البلاد.. حزب عقد الجلاد.. ودلوني.. على حزب واحد.. حمل أحلام وآمال بنيه مثل عقد الجلاد.. إنهم تغنوا.. للذين عاشوا مرّ الحياة.. وتقلبوا في لظى الجحيم.. وباتوا.. جوعاً.. على الطوى... ما أروعكم أحبتي في عقد الجلاد.. وأنتم.. ترسمون بالكلمة.. والإيقاع والنظم.. والتطريب.. فجر.. الأمل.. وتبثون.. روح الصمود.. والصبر والكفاح في نفوس أحبابكم ومستمعيكم ومشاهديكم.. ويالروعتكم وأنتم تطلبون الصبر.. لحاجة آمنة.. تشدون من أزرها.. تبكون في وجع.. دموعها الحارقة والغالية.. حاجة آمنة اصبرى üüعارف الوجع فى الجوف شديد عارفك كمان ما بتقدري üüاصبرى .. اصبرى جاهلك شكى وجاهلك بكى üüوفى بيتك المرق اتكى والشيء البحير ومابحير üüمابيه يا حاجة الزكاة ... طلع الصباح لو ليك مراد üüيا حاجة ما تطلع شمس والليلة عندك زي أمس üüلسه الرويدي مع الصباح من مدة ماجاب ليك خبر üüكان جوفو زي جوف العيال من مدة داير ليه حجر üüوالله على الزمن الحجر المابى بالصبر اتكرى سرحتي في هموم العيال كيفن يعملوا مع الدروس وسرحتي في حق الفطور باقي الأمور البي القروش واحد زمن داير ردا واحد خلاص قلموا اتكسر üüزى التقول أكلوا الصبر يا حاجة آمنة اصبرى üüمشيتى لى برج الحمام برجك صفحتين ما بزيد üüومشيتى لى برج الحمام كان تلقى ليك جوزاً جديد üüيمكن بعد طلع الصباح يغشاكي زولاً يشتري üüهبشتي جاي فتشتي جاي كان تلقي سكر بس محال üüباقي الرطيل الفي الكرت يا حاجة سفوهوا العيال üüيا حليل زمان وسنين زمان يا حاجة لو تذكرى ... يمه üüوسمعتي صوت جاك من بعيد وبعد قليل بابك ضرب üüوسمعتي صوت جاك من بعيد شالك تعب ... ختاك تعب üüيا حاجة ناس المويه جوك أصلو الشهر روح جرى üüيا حاجة آمنة اصبرى بعد صراع وصراع طويل üüيا حاجة بينك والمحال ما لقيتى فى داك النهار شيتاً يجو ياكلوا العيال üüحبة عدس ما بسوي شيء وينو البصل وينو اللحم üüحبة عجين ما بسوي شيء وينو الدقيق وينو الفحم üüمن جاي لجاي هبشتي جاي فتشتي جاي üüكان تلقي شيء لازمك كتير شان تقدري üüلازمك كتير اتقدري -أحبتي.. وأصدقائي.. في عقد الجلاد.. إنكم.. وقسماً بالشعب والأيام الصعبة.. قسماً.. ببسالة رجاله.. وجسارة بناته.. إنكم أعظم وأروع حزب في الساحة..
