ولا يهمّك كتير يابا بناكُلا كِسرة بي موية وبنحمد ربّنا الجابا وهي زاتا كتيرة أصلاً جات قبيلك ما حلمنابا مدام العيش في ما بِنْجُوع ودي المقسومه نرضابا وسُعًاد والله في جنبك جُرُعْة المويه نهنابا دحين لا تزعل آيابا بتتذكّر زمان يابا بنتقلْقل من البندر عشان في الحله نَقْضي العيد ونفرح يا با حد الفرحه ما تلحق دروبا تصيد ونتوكل علي الحلة ونسافر في طريقا بعيد وناصَلْ مهرجان اعياد أحس الفرحه صوتا يزيد ونلقى الحله راجيه نجي سرامْس الشاي قعاد الضل فرح حبوبه بالجيّة وبِدْخُلو ناس وبِمْرُقو ناس كتار بالحيل وماشويه وترَضّي منو وتخلي منو هو دا يقول ليك تعال لا جاي ودا يقول ليك تعال لا جاي هدا الويكاب ودي امْ تَكَشُو وهدي الكِسره وهدي الشيه وهنا الحروم ونَسْة البن رمي الودعات بنية الصرّةوالويحيد واجِبْدي عليكي دي الطية