برغم خوف الأهلة من لقاء المريخ إلا أنهم بعد انتهاء اللقاء بالتعادل لم يصدقوا بل طلعوا علينا بعبارة جديدة المريخ فلت من الهزيمة كيف يكون المريخ فلت والهلال من الضغط يدخل الكرة في مرماهو براهو كيف يكون المريخ فلت واوليفيه يرد فيهم الروح باضاعته لهدف مضمون في الشوط الاول ذلك الهدف الذي كان سيقضي على أخضر الشجرة ويابس الصفر الدولي بل وإضاعة تراوري «مرعبهم» لهدف وهو في مواجهة المرمى وبرضو في الشوط الاول حتى هدفهم كان بكري هبشها تسلل نشوف في الاعاده غايتو بفرض انو نزار احرز الهدف قالوا من تمريرة بكري المتقنة بكري الله يعلم وهو يعلم والاستاد كلو يعلم لا مرر ولا شي بكري كان شايت القون من شتارة بكري صنعوا تمريرة وكمان متقنة لكن الحق ليس على الاهلة الحق على بعض ناسنا الذين يؤدون بدون اصرار يؤدون بهشاشة شديدة ايها الناس نعلم ان البيض سلعة محلية بشتريها المواطن بالجنيه المحلي مهما بهظ سعر الجنيه ولكن سيسيه ورانا انو في البلد دي في جنا جداد مستورد بالدولار زول يجي بالدولار تمر الكرة تحت رجلينو ؟؟؟ راجعوا هدف المريخ فالكرة دخلت بين اقدام سيسيه قبل ان تدخل شباك الهلال أما أتير فتطور من صانع ألعاب لهداف على الطائر يا عمك ذكرني القرد القرد طبعا بخاف من الاسد شديييييييييد لما يشوف الاسد ما بتنفس يلبد في الشجرة لما الاسد يمشي واذا عفص الاسد ضل القرد في الواطه القرد من الخوف بقع من الشجرة قدام الاسد وأمس أتير وقع من الشجرة لما شاف تراوري المهم التحكيم كان أفضل من الماضي يعطينا أمل بالتطور لكن شارع الستين مساوي وشارع الأربعين أتير اشارطكم حايكونوا أشهر شارعين بالمجموعات واحتجب محمد عبدالماجد دليل على الحال يا أبو حميد حاتحتجب كتييييييييييييير الصفر لسه كبيييييييييييييير اها نجي لي شمارات والي الخرتوم كان شفت يا والينا رمضان جايينا والمدارس قربت تفتح علينا في الحتة دي راعوا لينا يا ندفع حق المدارس ونرفع قبل المغرب صوانينا يا نصوم للمولى ونأجل المدارس يا والينا طبيعي صايمين لكن ندي الشهر الكريم حقو نعمل طقوسو على الاقل يا والينا بدون لياقة التراويح تصعب علينا بدون لياقة قيام الليل بتقل علينا بدون لياقة ما بتشيلنا كرعينا يا المدرسة يا رمضان يا والينا سلك كهربا ننساك كيف والمدرسة والصوم مع بعض قاسيات علينا والى لقاء
