& الأخوة الأعزاء كتاب الهلال لعبتهم مكشوفة. & اليومين دى هايجين فى الأنسحاب من الممتاز. & ويحرضون فرق مدنى وغيرها على الأنسحاب. & ويعدونهم بركوب الهلال معهم أذا أنسحبوا. & وصدقونى فريق ينسحب مافى. & ولو فى فريق جنة وأنسحب. & الهلال بيعمل حميل. & لا بنسحب ولا بقيف جنبو. & الأنسحاب ليس الا جعجعة. & الأنسحاب خطاب رسمى يسلم للأتحاد. & أو زوغان بخشم الباب من المباريات. & يعنى الأنسحاب بالثابتة. & وثابتة الأنسحاب الحيازة. & وصدقونى ابو الهل بزوغ. & بحرشكم ساى. & أول من تجى الكبسة. & بقول الخطاب ما حقى. & أسمى ما فيهو. & ما لقوهوا عندى. & ويتخارج بعدم الحيازة. & فريق بينسحب مافى. & لأنو القانون واضح. & والقانون ما قال البنسحب حنسوهوا. & ولا قال البنسحب يستتاب. & الأستتابة دى عملها شداد أيام صلاح أدريس. & وكانت فى شكل أمهال لسحب الأنسحاب. & هنا حسب القانون مافى أستتابة. & تنسحب ينسحب عليك القانون. & تنزل للدرجة الأدنى. & وتلغى نتائجك فى الدورى. & وفى الدرجة الدنيا تنسحب تنزل الى الأدنى منها وهكذا لما تطلع الشارع. & أيها & مافى أنسحاب. & لكن الأمر تهديد للأتحاد حتى تمن لجانه المحترمة على الهلال بالمجاملات والعطايا. & تنظر من زاوية مشاترة لى شكوى شندى فى فييرا مثلاً. & تسند مباريات ابوالهل المتبقي لحكام أعتادوا ان يخطئوا لصالح الهلال دائماً. & وتسند مثلاً بقية مباريات الزعيم لحكام حايتعلموا يخطئوا فى مبارياتنا. & أخطاء من النوع أياه. & النوع الما مقصود. & كلها اشكال من الضغوط على الأتحاد تحت ستار الأنسحاب. & يبقى انسحاب مافى. & والراجل ينسحب. & القانون بقول كدة. & الراجل ينسحب. & المهم. & اليوم مباراتنا ضد الموردة الحبيبة. & وبرغم موقف الموردة الذى لا تحسد عليه & وبرغم محبتنا الخاصة للموردة. & ألا أن عمق الأنتماء الأحمر والعشق الخرافى يجعلنا نتمنى للموردة هزيمة محترمة. & تحت شعار لن تسقط فى طريق البطولة نقطة واحدة. & حتى ولو سقطت نقاط الهلال أمطاراً. & لن نفرط فى نقطة واحدة. & ولن يتأتى لنا ذلك ألا أذا قمنا بدورنا على الوجه الأكمل. & ونحن جماهير المريخ الشفوت. & يجب علينا ان نأتى بالكأس من حناجرنا القوية. & نخرج الهتاف ولو خرجت معه لوزاتنا وتناثرت على المدرجات. & حلاقيمنا ليست بالغالية على الزعيم. & نشجع بشراسة. & وفراسة. & نفهم مقاصد الأعداء طايرة. & .ونخرج لاعبينا من دائرة التوهان والأحباطات الناجمة عن تذمر الجماهير. & نشجع وبس. & بدون تدخل فى عمل الجهاز الفنى. & بدون تذمر على لاعب بعينه. & بدون أستعجال للنصر. & بالصبر يأتى النصر مختالاً ألينا..لنحتفل به. & أيها الناس. & التجربة أثبتت ان بمقدور الجماهير أن تأتى بالكاس عنوة. & ولن ننسى الوقفة الجماهيرية عندما تخطينا النسور بهف بلة جابر. & وأعلننا تتويجنا بالبطولة من داخل القلعة الحمراء. & وهتفنا وقتها ودية ودية. & فى أشارة الى ان مباريات الند القادمة كلها ودية. & لن تتوجه بالبطولة. & لذا. & نعيد الكرة. & ونجى كلنا بدرى. & نشجع بمنتهى الشفتنة. & والباقى على الجهاز الفنى واللاعبين. & ولا نقطة لن تسقط أن شاء الله. & أيها الناس. & الليلة الكورة بدرى. & الساعة سبعة ونص بتبدأ. & نصلى المغرب فى الأستاد. & عشان نقوم بى دورنا بدرى. & وننتصر بدرى. & وبعدها نتمنى للموردة الفوز فى باقى مبارياتها. & والبقاء فى الممتاز. & لأن الهبوط لا يشبه الموردة. & وأذا الهلال وأهلى مدنى أنسحبوا. & يبقى ريحوا الموردة والنسور والنيل الحصاحيصا. & أها. & أنسحبوا. & أنسحبتوا يا روشا ولا لسه. & بتنسحبوا متين. & المهم. & أمس الأهلة كاتبين أنو الهلال يتصدر الدورة الثانية. & الدورى ذاتو شققوهوا. & حسب مصالحهم. & خلاص. & ناس الأتحاد يعملوا لكم كاس يسموهو كاس التمنية مباريات الأولى فى الدورة الثانية. & ويدوكم ليهو. & زى كاس الضلمة. & لكن كان انسحبتوا اخير. & أنسحابكم يا روشا فيهو دعم للحركة الوطنية..وفيهو تخويف للحركات المسلحة. & وبذكرنى حركات الشفع البعملوها ساااااى ديك. & أيها الناس. & وين سيدى بيه سيستم راحت عليه؟؟؟؟ & وبرضو يتحدثون فى هذه الأيام عن المعجزة القادمة والمهاجم القامة والقنبلة. & قنبلة. & سماحة الزول فى الطول والعلا. & أوعة قنبلتكم تطلع قصيرة زى سيدى بيه بمبان ما تنفع. & أها. & نجى لى شمارات والى الخرتوم. & أكان شفت يا والينا. & بقى ولااا هامينا. & العيش ما بكفينا. & ولا هامينا. & العربية يغلبنا بنزينا. & ولا هامينا. & اللبن يحرم علينا. & ولا هامينا. & شفعنا نوديهم المدرسة يطردوهم لينا. & ولا هامينا. & نمرض نفقد سوائل الناس تحن علينا. & ولا هامينا. & ندفع الموية مقدم وما بتجينا. & ولا هامينا. & نلحس كوعيننا الفى ايدينا. & ولا هامينا. & الشى الوحيد البرزعلنا يا والينا. & وشديييييييد هارينا وهامينا. & لو نمنا وصحينا ولقينا روحنا تانى حيينا. سلك كهربا && ننساك كيف وعدم الموت هو الهارد فشافيشنا وهارينا وهامينا والللللللللللللللللللللى لقاء سلللللللللللللللللللللللللك في السلك - بابكر سلك