أشاد بالأداء والنتيجة..دكتور معتصم جعغر يهاتف اللاعبين والجهاز الفني مهنئاً بالانتصار    إتحاد الكرة السوداني يشيد حكومة جنوب السودان    الأمانة العامة لمجلس السيادة تحتسب المهندسة هالة جيلاني    أديب: الحكومة الجديدة تحتاج "سوبر مان" لمواجهة التحديات    إغلاق مطعم مخالف لقانون الأغذية بالوكرة    سمية الخشاب ممنوعة من السفر.. تعَرّف على السبب    قصف مدفعي لقوات الدعم السريع في اتجاه الأحياء الشمالية الغربية لمدينة الفاشر    كوستي.. إسقاط مسيرات    شرطة بلدية القضارف تنظم حملات مشتركة لإزالة الظواهر السالبة    نائب رئيس مجلس السيادة يلتقي وزير الخارجية الروسي    السعودية.. رقم قياسي عالمي في التبرع بالملابس    النمير: المريخ لا ينفصل عن قضايا الوطن والحزن يخيم على الجميع    المليشيا المتمردة تقصف أحياء كرري وتخلف شهداء وجرحي    السعودية تعلن موعد غرة ذي الحجة والوقوف بعرفة وعيد الأضحى المبارك    السودان يهزم موريتانيا ويتصدر مجموعته في تصفيات كأس العالم    السودان يكسب موريتانيا بهدفين في تصفيات المونديال    الجزيرة تستغيث (4)    شاهد بالفيديو.. وسط ضحكات وسخرية الجمهور.. أفراد من الدعم السريع يعثرون على "مكثفات" أجهزة "تكييف" داخل إحدى المنازل يزعمون أنها قنابل ومتفجرات ويصفون الأمر بالانجاز الكبير    شاهد بالفيديو.. مواطن سوداني مشهور بتشجيعه لفريق بوروسيا دورتموند يسخر من فوز ريال مدريد: (الفريق الأسباني فاز بمساعدة فكي في سنار أحضروا له تيس أسود لتحقيق اللقب)    شاهد بالصورة والفيديو.. عارضة أزياء سودانية حسناء تستعرض جمالها بثوب عليه صورة الشهيد محمد صديق ومقولته الشهيرة (من ياتو ناحية)    انتظام حركة تصديرالماشية عبر ميناء دقنة بسواكن    "كعب العرقي الكعب" .. وفاة 8 أشخاص جراء التسمم الكحولي في المغرب    التضخم في مصر.. ارتفاع متوقع تحت تأثير زيادات الخبز والوقود والكهرباء    الكشف عن قيمة الشرط الجزائي الخيالي في عقد مبابي مع الريال    الأول من نوعه.. اجتماع أميركي مصري بشأن السلاح النووي    إجتماع بين وزير الصحة الإتحادي وممثل اليونسيف بالسودان    تعاقد الريال مع مبابي يرعب برشلونة    أمسية شعرية للشاعر البحريني قاسم حداد في "شومان"    "إكس" تسمح رسمياً بالمحتوى الإباحي    حادث مروري بين بص سفري وشاحنة وقود بالقرب من سواكن    السودان..نائب القائد العام يغادر إلى مالي والنيجر    تونس.. منع ارتداء "الكوفية الفلسطينية" خلال امتحانات الشهادة الثانوية    السعودية.. البدء في "تبريد" الطرق بالمشاعر المقدسة لتخفيف الحرارة عن الحجاج    وفد جنوب السودان بقيادة توت قلواك يزور مواني بشاير1و2للبترول    صدمة.. فاوتشي اعترف "إجراءات كورونا اختراع"    بنك السودان المركزي يعمم منشورا لضبط حركة الصادر والوارد    عودة قطاع شبيه الموصلات في الولايات المتحدة    داخل غرفتها.. شاهد أول صورة ل بطلة إعلان دقوا الشماسي من شهر العسل    بدء الضخ التجريبي لمحطة مياه المنارة    محمد صبحي: مهموم بالفن واستعد لعمل مسرحي جديد    خطاب مرتقب لبايدن بشأن الشرق الأوسط    السودان.. القبض على"المتّهم المتخصص"    قوات الدفاع المدني ولاية البحر الأحمر تسيطر على حريق في الخط الناقل بأربعات – صورة    الأجهزة الأمنية تكثف جهودها لكشف ملابسات العثور على جثة سوداني في الطريق الصحراوي ب قنا    ماذا بعد سدادها 8 ملايين جنيه" .. شيرين عبد الوهاب    الغرب والإنسانية المتوحشة    رسالة ..إلى أهل السودان    شركة الكهرباء تهدد مركز أمراض وغسيل الكلى في بورتسودان بقطع التيار الكهربائي بسبب تراكم الديون    من هو الأعمى؟!    حكم الترحم على من اشتهر بالتشبه بالنساء وجاهر بذلك    السودان..الكشف عن أسباب انقلاب عربة قائد كتيبة البراء    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    حتي لا يصبح جوان الخطيبي قدوة    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    كيف يُسهم الشخير في فقدان الأسنان؟    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



مباراة (ماكينة تصوير مستندات) تلاتة النيل جبناها في عطبرة
نشر في النيلين يوم 06 - 05 - 2014


عشان ما تقعدوا تغالطوا ساكت.
جبنا لينا طباشيرة ..وسبورة واستاذ رياضيات اسمو محمد أحمد بشة و (51) طالباً.
استاذ رياضيات خبرتو في المريخ (5) اهداف ويزيد.
ال (51) طالباً فيهم ضفر الطردوه في الفاشر.
وفيهم بله وفيهم باسكال ..وفيهم واحد كدا اسمو عباس الكرفس قميصو.
عليك الله دا زمن كرفسة قمصان ..خلينا في المباراة.
مالكم انتوا زعلانين من الحقيقة.
قلنا عاوزين نطبق نفس (النظرية).
انتوا الزول اللابس الكرفتة الحمراء دا منو؟.
يكون وديدي الفاتح.
والله الموضوع دا ما شغال بيه الشغلة.
عشان كدا انتوا ما تشتغلوا بيه كتير.
يكون وديدي الفاتح أو محمود يس.
ما عندي معاه قضية.
قلنا عاوزين نطبق (النظرية).
نزلنا لينا لوري طوب في استاد المريخ...و12 شوال اسمنت ..وقلاب تراب.
و (13) موسى الزومة.
موسى الزومة الظاهر ح يعمل مغادرة في التسجيلات القادمة.
الزومة ح يغادر المجموعة.
انتوا إلّا يشرحوا ليكم (النظرية) كدا ..عشان تفهموها لينا يا مريخاب.
هسع تلقاكم قلتوا (نظرية) شنو؟.
تكونوا نكرتوها لينا عديل كدا.
نكروها (حطب).
انتوا لو بصيتوا (للعنوان) الفوق ..ممكن تعرفوا النظرية.
أو على الاقل ممكن تعرفوا عنوان النظرية.
لكن انتوا ما بترفعوا رأسكم من الواطة.
ما بتعاينو فوق.
فتحنا (المدارس) في الاجازة.
ورجعنا الطلاب للفصول ..قلنا ليهم عندنا نظرية جديدة.
عنوان النظرية :
نظرية اسمها (ود الموية للحول قريب).
عشان ما تقولوا (اتلخبطت)..النظرية دي نحن شايلنها من (درب السلامة للحول قريب).
وقاصدها كدا ..(ود الموية للحول قريب).
موضوع النظرية:
شفتوا تلاتة النيل ...قلنا عاوزين نطبقها في الاهلي عطبرة.
دي عاوزة ليها كم (مسطرة)؟.
عاوزين لينا كم (علبة هندسة)؟.
شلنا ليك تلاتة النيل من الخرطوم ونقلناها ليك في الاهلي في عطبرة.
شلناها بالقطر.
مالكم انتوا؟.
الحمدلله (قطرنا) ما طلع زي قطركم يا ناس المريخ ..راكبين ليكم (قطر) من الصباح ..وجايبين ليكم (نقطة) واحدة.
انتوا (قطركم) دا ما فيه سواق.
عاوزين تغالطوا ..بقعد اغالط فيكم للصباح.
عاوزين تقتنعوا ..ما عندي معاكم أي مشكلة.
ح افرتك ليكم (الثلاثية) ضلع ..ضلع ..لمن تقتنعوا لي.
ثلاثية زي ثلاثية نجيب محفوظ.
تطبيق النظرية :
في الخرطوم امام النيل ..الهلال سجل ليه تلاتة اهداف ..(دي واضحة).
دي فيها حاجة.
في عطبرة سجلنا في الاهلي برضو ثلاثة اهداف.
كدا وقعت ليكم.
يعني شنو؟.
يعني الثلاثية التى سجلناها في النيل ..مشينا وسجلناها بي صمتها في الاهلي.
عاوزين تفهموا اكتر.
عارفكم أنا ما بقتنعوا لي بالساهل.
في الخرطوم امام النيل الحصاحيصا ..سجل (بشه) اول اهداف المباراة.
في عطبرة بشه عمل نفس الشيء.
سجل اول اهداف المباراة في الاهلي عطبرة.
يعني موضوع (بشه) دا ما صدفة.
نحن قاصدنها.
نحن ما عندنا حاجة ساكت.
نحن أي حاجة عندنا بي نظام.
يا ربي (بشه) ح يطبق نفس النظرية في الجماعة الحمر ..ولّا في (تركيبة) جديدة.
بشه جاب قونو الاول في الخرطوم في شباك النيل الحصاحيصا ..ومشى عمل العليه في عطبرة في شباك الاهلي عطبرة.
الدور على مين تاني.
يا ناس المريخ ابقوا مارقين.
في الخرطوم حصل شنو؟.
في الخرطوم نزار حامد (الصاقعة) جاب الهدف التاني في النيل الحصاحيصا.
في عطبرة حصل شنو؟.
في عطبرة حصل نفس الشيء..نزار الصاقعة برضو جاب الهدف الثاني.
يا جماعة فهمتوها.
نحن قاصدين أي شيء.
يا ناس المريخ معليش ..الشغل دا ما بتقدروا عليه.
الموضوع دا كبير.
افتحوا تحقيق.
ضفر أخد ليه كرت أحمر ..(دي فهمتوها).
ضفر برضو قاصدها.
لو ما قاصدها ما كان بيأخد ليه كرت أحمر في الدقيقة 92.
دي حاجة يحسدك عليها باسكال يا ضفر.
نرجع للنظرية ..(ضفر ابعدو لينا من النظرية دي).
يقوم يلخبطها ليك زي (الحلبة).
أول الحلبة بتتلخبط.
في الخرطوم ..القون الثالث في النيل الحصاحيصا جابو صلاح الجزولي.
في عطبرة عارفين حصل شنو؟.
في عطبرة حصل نفس الشيء.
برضو الهدف الثالث في الاهلي عطبرة جابو صلاح الجزولي.
قولوا صدفة.
لو بشه صدفة هنا وهناك.
لو نزار حامد صدفة هنا وهناك.
صلاح الجزولي برضو صدفة.
ديل يقولوا ليهم شنو تاني؟.
ديل يعملوا ليهم شنو؟.
أنا فترت.
اها بعد النظرية دي يا ناس المريخ ح تنتظرونا يوم 10 مايو.
ولاَّ عندكم عذر.
نحن (النظرية) دي شلناها قصد من الخرطوم وطبقناها في عطبرة.
يمكن النجيل الصناعي هنا ..وهناك ساعدنا في تطبيق النظرية بكل تفاصيلها.
تتخيلوا مدثر كاريكا في الخرطوم امام النيل الحصاحيصا عندو كورة ضربت في العارضة.
في عطبرة مدثر كاريكا عندو نفس الشيء ..برضو عندو كورة ضربت في العارضة.
انتوا يا جماعة المباراة دي كانت متلفزة ب (ماكينة تصوير).
دخلنا الاصل في الخرطوم ..طلعت الصورة في عطبرة.
صورة طبق الاصل.
يوجد في الهلال تصوير مستندات.
عليكم الله قولوا ما شاء الله ..ما تلخبطوا لينا الامور ساكت.
العلم دا كبير عليكم.
النظرية دي صعبة عليكم يا ناس المريخ.
وعشان الموضوع يكون عندكم واضح.
نحن النظرية دي يمكن نطبقها في يوم 10 مايو.
يمكن نطبقها بي نفس التفاصيل ...بشه نزار صلاح الجزولي.
يعني تلاتة يا ناس المريخ.
عارف بله جابر بكون حسبها اربعة.
لا يا بله تلاتة بس..وبي نفس التفاصيل.
أنا مني ومنكم ما اقعد.
انتوا القاعدين ليها شنو يا مريخاب؟.
الكلام دا ماشي عليكم.
بعد دا بقينا عليكم.
نحن نظريتنا ما بنتنازل عنها.
بنضرب من طرف.
بنضرب بالتلاتة.
ولا بنتفاهم في مواضيع زي دي.
عشان تكونوا عارفين.
بعدين بشه ذاتو أهدافو الايامات دي تطير القلوب.
بشه فاتح صاح ..(ما شاء الله).
يجيب في الاقوان أشكال وألوان (ما شاء الله).
بشه عمل أي حاجة (ما شاء الله).
وإن شاء الله ..إن شاء الله بشه يكمل جميلو يوم 10 مايو.
بشه اصلو ما فايتكم.
بشه متين فاتكم ..عشان يفوتكم يوم عشرة.
بي امانة كاملة.
بي صراحة ..الهلال الشايفنو دا ما بتقدروا تنستروا معاه يا مريخاب.
ما تتعبوا ساكت.
لو جبتوا ليكم (120) حكم ما بتنستروا.
بشه قالوا ليك لقط ليك (الجوازات) كلها من الأجانب.
خلاص ...فترة السماح انتهت للأجانب ديل.
اتوفيستر في الفاشر قلبو طاير كدا.
أمام هلال الفاشر ..زولكم بقع من الكرسي ويقعد يتجرس لينا كدا.
أمام الهلال (سيد البلد) ح يعمل شنو؟.
بعدين بي صراحة (تانية) رجفة الزول دا ..وخوفو في الفاشر ...هي رجفة وخوف منذ الان من الهلال الكبير.
شغل (الخوف) واضح.
صاحبكم بقى يقع من الكرسي براهو.
أحمد ساري قعد يكوس ليك في اتوفيستر تحت الكرسي ساعة ونص.
ساري ما عرفو مشى وين؟.
نوع دا.
وزي دا ..مع ناس بشه لا بصمد ولا حاجة.
زولكم في الكرسي نفسو قايم ..عاوزنو يثبت ليكم قدام ناس بكري المدينة.
دا ما تجيبوه لينا يوم 10 مايو.
ما بستحمل الحاجات دي.
ولا بقدر عليها.
بشه لا بعرف اتوفيستر لا بعرف احمد ساري ..كلهم عندو واحد.
عشان كدا ..احسن تنسقوا من بدري.
جيبوا صلاح مشكلة.
جيبوا مازدا.
جيبوا أي زول ود بلد ...(الاجانب) ديل لا بنستروا ولا حاجة.
الهلال الايامات دي (ما شاء الله) يقسم فيها زي المرارة.
دي حالتها بدون (النابي).
حالتها دي (كامبوس) قاعد في المقصورة.
أها نوع الحاجات دي يا مريخاب انتوا بتقدروا عليها.
الحاجات دي ما بتنستروا فيها.
لو بتنستروا ما كان محمد عبدالله ضفر اخد ليه (كرت احمر) قبل (5) أيام فقط من مباراة القمة.
اقنعوني الموضوع دا تم بمحض الصدفة.
صدفة صدفة ..أنا مالي؟.
ملحوظة : بس ما تقولوا الحكم قصدنا.
هوامش
أحمد الحاج قال لي كامبوس جاء من ريودي جانيرو من البرازيل عن طريق الامارات ..وحضر مباراة الهلال في عطبرة.
كامبوس وصل قبل حكام مباريات المريخ.
كامبوس من برازيلو وصل ..وحكام مباراة المريخ وهلال الفاشر فشلوا في الوصول في الموعد للفاشر وهم القادمون من الخرطوم.
فضحتونا.
زول من ريو دي جانيرو يصل قبلكم.
انتوا طيارتكم دي بدون طيار.
طيارة تجربة.
شغالة بي زيت سمسم.
ديل يقولوا ليهم شنو؟.
يعملوا ليهم شنو بس.
والله أنا فترت.
غلبونا عديل كدا.
اتوفيستر ذاتو البخليه يقع من الكرسي شنو؟.
دا من هسع (وقع).
طيب يوم 10 مايو ..بعمل شنو؟.
قلبو وقف.
ما شفتوا كامبوس كيف في عطبرة.
الزميل إدريس عوض ..قال لي الغريبة نفس (القطر) والنتيجة مختلفة.
يا إدريس ..قطر الهلال دا قالوا مرخصنو رخصة (طيارة).
مصدق (طيران).
يا ريت لو كان في قطر.
معقولة.
حاجة تحير.
ليفربول بعد أن كان متقدماً على كريستالبالاس استطاع الاخير أن يسجل ثلاثة أهداف ويتعادل مع الليفر.
يا جماعة.
كدا وقعوا لي الكلام دا.
أنا ما مصدق.
أنا ما مستوعب ...الموضوع.
فريق كان المرشح الاول للفوز بالدوري الانجليزي ...يتقدم بثلاثية نظيفة ثم يخسر نقاط المباراة بالتعادل.
لتنعدم آماله في الفوز بالدوري الانجليزي والذي انتظر الفوز به (24) عاماً.
دي كورة شنو؟.
حاجة تجنن.
والله ما رضيناها ليكم يا ناس ليفربول بعد الجهد الذي بذلوه في هذا الموسم.
كامبوس عاد أكثر شباباً.
كامبوس رجع أكثر حيوية.
كابوس عاد وعندو كلام كتير.
مجدي مرجان نجح في قيادة الهلال فنياً في عطبرة ..وحقق انتصار كبير.
الزميل حسن فاروق يقدم (زمن اضافي) يومياً عدا الجمعة والسبت في اذاعة هلا 96 من الثالثة إلى الرابعة ..ويناقش عبره قضايا رياضية بصورة هادية ومنطقية.
حسن فاروق استضاف أمس أسامة عطا المنان ..الذي تحاصر اتحاده العديد من الاتهامات.
ليفربول راح فيها.
خسر الدوري كله.
مباراة عطبرة كانت عقبة كبيرة أمام الهلال.
نجح الهلال تجاوزها أداءً ونتيجة.
بله جابر في الفاشر جاب ليه هدف.
دموع عطبرة نفعت معاه.
يا بله نحن في عطبرة ..بنجيب نقاطنا عديل كدا.
البكاء في النقعة طبعاً ما كويس.
بالمناسبة أمس بعد تعادل ليفربول والذي حدث في اخر ثواني دقائق المباراة لويسسواريز ذاتو قعد يبكي.
غايتو يا بله جابر خربت لينا الموضوع.
ما براك البتبكي يا بله.
لويسسواريز قعد يبكي.
بختك يا بله.
....
عاجل : قالوا ليك أكرم وقت يجيبوا ليه سيرة (بشه)...بقول ليهم عاوز اعتزل هسع ناو.
وإن طال السفر - محمد عبد الماجد
صحيفة قوون


انقر هنا لقراءة الخبر من مصدره.