• كسكتة الكاردينال دي زي طاقية الاخفاء. • كلمتكم عن الحتة دي قبل كدا..لكن ما ركزتوا لي فيها. • الزول البي يلبسها – تاني اقنعوا منو يا مريخاب. • لو قريب بتشوفوا في (جوبا). • لو جاملكم بتشوفوه في (الملكية). • ناس المريخ عاوزين يشتكوا الكاردينال – في (الكسكتة). • تتخيلوا عاوزين يقدموا شكوى للفيفا يقولوا فيها ان شيبوب وهو موقع معهمعقد لاعب (هاوي) لبس (الكسكتة). • اريحكم. • اقول ليكم حاجة – تنفعكم في التسجيلات القادمة. • اي لاعب توقعوا معاه يا ناس المريخ عقد – اشترطوا عليه في (العقد) مايلبس (الكسكتة). • لو وافق ليكم على الشرط دا والله ما بتجيكم اي عوجة. • و • (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية). • امس (شيبوب) ظهر في (مدرجات) مباراة شبيبة القيروان والزائرون. • الزول دا مستعجل كدا مالو؟. • يا زول روق شوية. • اتقل. • الجوهرة الزرقاء دي (ملحوقة). • كمان لو فريق شبيبة القيروان طلع عندهم (جوهرة زرقاء) – يكونوا اصلو ماقصروا معانا. • يكونوا بالغوا عديل كدا. • موضوع الجوهرة الزرقاء دي ..ما بقدر اجزم ليكم بيه. • لكن الشيء الاكيد – ناس شبيبة القيروان ديل عندهم (حسن علي صالح) برضو. • والشيء العجيب ناس شبيبة القيروان ديل عندهم (كاس دهب). • وعندهم (خالد عزالدين) برضو. • الناس ديل بيشبهونا في اي شيء. • ما خلوا لينا حاجة. • تصوروا فرحانين زينا تماما ب (شيبوب). • تقول شيبوب دا استلق ليه المواسير. • تقول قفز ليهم من الطابق الرابع. • و • (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية). • شبيبة القيروان لعبت امس امام فريق (الزائرون). • فهمتوها براكم. • وإلّا اكملها ليكم. • اقولها ليكم عديل. • احددها معاكم. • الزائرون ديل طبعا ناس (شيبوب). • قلنا للاتحادي التونسي برمجوا ليكم مباراة مخصوصو للزائرين ديل. • اصلو نحن ما عندنا حاجة بندسها. • احسن الموضوع يبقى ليكم واضح. • عشان لو مشيتوا (الفيفا) تمشوا بي (فهم). • عليكم الله انتوا مع ناس اسامة عطا المنان وسمير فضل عاوزين ليكم (فيفا). • اصلو احترافو في تونس بنعتبره ليه (زيارة) اذا كان فترة تعاقده معالفريق التونسي لمدة (6) شهور فقط. • ال (6) شهور ذاتها انتهى منها (3) ايام. • الايام بتجري. • الله ينهي لينا ال (6) شهور دي – عشان نشوف شيبوب ح يمشي على وين؟. • الولد بفكر يمشى (اوروبا). • طبعا (الهلال) لي اي لاعب قادم من المريخ بعتبر (اوروبا). • برشلونة. • ريال مدريد. • اصلا نحن ما بنسأل في زول. • هلالنا دا عندنا ولا الريال. • شيبوب يمكن يكون بديل بوجبا في الانتقالات القادمة. • يمكن. • الظروف ما معروفة. • احسن تفتحوا اضنينكم لكل الاحتمالات. • عشان ما تتفاجأوا لينا ساكت. • اصلو الايامات دي عندكم حمى (مفاجآت). • قاعدين لي بس تتفاجأوا. • الفادني دفع ليهم (مليار) – جماعتك لغاية الآن متفاجأين. • نصيحة. • نصيحة ليكم. • اعلام المريخ مفروض ما يبخس (الصفقة)..ومفروض يدفع اللاعب ويسانده مناجل ان يقدم صورة ممتازة وجيدة للاعب السوداني في الدوري التونسي . • المعروف ان شيبوب يعتبر اول لاعب يحترف في الدوري التونسي. • كوبري النيل الابيض يعتبر اقدم كوبري في الخرطوم. • يليه كوبري النيل الازرق. • من بعده جاء جسر الانقاذ. • ثم المنشية. • والمك نمر. • والحلفاية. • وفي الانتظار كوبري الدباسين. • والقيروان. • انا قلت (القيروان). • قيروان شنو كمان؟. • بتتخيلوا ليكم حاجات من رأسكم. • الظاهر ضربة شيبوب اثرت في عقليتكم. • انتوا يا مريخاب عندكم رأي في الكبري. • الفادني دا ذاتو كبري. • كبري لعودة جمال الوالي. • ان شاءالله جمال الوالي يرجع – عشان على الاقل اعلام المريخ يرجع. • اعلام المريخ الايامات دي ما خلى لينا حاجة. • قاعدين يهاجموا ليك في المريخ – زي الفريق الغريب عليهم. • و • (ونحن عايشين والحمدلله (النفس) بينزل ويطلع إلى الآن..ولا ينقصنا شيءسوى رؤياكم الغالية). • معروف ايضا ان لاعب المريخ السابق محمد موسى كان اول لاعب سوداني يحترففي الدوري المغربي. • تجربة المهندس في الوداد المغربي لم تكن ناجحة – نبحث عن تجربة ناجةلشيبوب في تونس. • ساعدوه. • وعاونوه. • الزول دا برضو بيعتبر ممثل للسودان في تونس. • اللاعب بقولوا انتقل لشبيبة القيروان من المريخ. • ما بقولوا انتقل ليها من الهلال. • يعني يا ناس المريخ عندكم ممثل في الدوري التونسي. • واحد قال لي الحمدلله شيبوب لبس (الكسكتة) (5) دقائق بس. • قلت ليه في شنو؟. • الكسكتة الدخلها في الموضوع شنو؟. • قال لي الزول دا ليس (الكسكتة) 5 دقائق مرقها في تونس ..يعني لو لبسهاربع ساعة كان طلع وين؟. • قلت ليه كان طلع في البيت الابيض. • امس قالوا ليك شيبوب اتألق مع شبيبة القيروان. • الزول دا في (مدرجاتو) اتألق. • الغريبة – شيبوب لابس ليه (كاب). • يعني (كسكتة) إلّا شوية. • الكسكتة بيلبسها في مايو. • نتمنى ان نشاهد (شيبوب) في مباريات شبيبة القيروان القادمة – الاكيد انالمباراة القادمة والمباراة التى يليها لن يتمكن من المشاركة فيها لأنجاهزية اللاعب ولياقته لا تؤهله الآن للمشاركة في المباريات القادمة. • شيبوب عاوز ليه فترة اعدادية كاملة ..قبل مشاركته في المباريات. • وان كان اللاعب من الناحية البدنية ما قصر. • اللاعب طاف ليه (4) مطارات. • وساعة في منزل اسامة ونسى. • وساعة في منزل الكاردينال. • وتسلق اعمدة. • وقفز من مناطق مرتفعة. • لكن الضغوط النفسية بتكون كتيرة عليه ..وهو المادة الرئيسية والاساسيةللاعلام الرياضي في السودان. • واظن ان اللاعب اصبح المادة الاساسية للاعلام الرياضي في تونس. • على العموم هي فترة (6) شهور …يجمّل فيها شيبوب تجربته الرياضيةويضاعف من خبراته ويرفع من مستواه – فهو يلعب الآن في الدوري التونسي العالي المستوى. • الى جانب ذلك فان ال (6) شهور كافية ليتخلص فيها شيبوب من كل الضغوط. • يعني شبيبة القيروان محطة مهمة جدا للاعب. • الكاردينال رئيس نادي الهلال في حواره مع صحيفة (الاسياد) كان قد قالعن شيبوب انه افضل ارتكاز في السودان. • وجهة نظر. • و • (ونحن عايشين والحمدلله (النفس) بينزل ويطلع إلى الآن..ولا ينقصنا شيءسوى رؤياكم الغالية). • بالمناسبة العروض سوف تكون كبيرة على شيبوب في الفترة القادمة – خاصةان اللاعب موقع ل (6) شهور فقط. • اذا كان اللاعب موقع ل (6) شهور مع فريق شبيبة القيروان – يبقى حراسةاللاعب وحمايته امر لا بد منه. • جمال الوالي اذا عاد للمريخ سوف يكون هدفه الاول هو عودة (شيبوب) عشانيوضح الفرق بينه وبين اسامة ونسى. • لذلك على الهلال الحذر. • وعلى الكاردينال الضغط على (الكسكتة). • الموضوع اكيد ما انتهى كدا. • جرسة المريخاب ..وبشتنة حالهم دي ..ما بيجبرها إلّا عودة شيبوب. • ما تسمعوا لي في كلام المريخاب. • ورفضهم عودة اللاعب. • بل ان هناك تحركات مريخية مرصودة لعودة اللاعب في التسجيلات القادمة. • يا الكاردينال نحن تاني ما عاوزين (نط) ..وتسلق اعمدة وقفز من الطابق الرابع. • اللاعب صغير في السن ..والتأثير عليه ممكن. • ابقوا عارفين. • الفادني وسوداكال بيبحثوا ليهم عن بطولات. • ويبحث جمال الوالي عن (دعاية) له للعودة للمريخ. • …………….. و • قالوا ليك امس شيبوب من مدرجاته جاب ليه قون. • لكن الحكم قال الكورة عبرت. • كيف ما تعبر اذا كان اللاعب (عابر) ليه (4) مطارات في 48 ساعة. • و • (ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية). • ……….. • السيدة (ل) – تم تغذية البطاقة ب (شوفة) جديدة. • وقرّط على كدا.