ونتاسف للبلد لأن المريخ (طول) ما افرحها فمن غيره يفرحها علي طول الخط وبكبير الخط بسيكافا وبسيفه بمانديلا وبنضاله فالفرح السوداني احمر خالص و جمعة طوالي للكورة مالص مفروض يلقي تطعيم لل(ملص) ده واحد هلالابي شاف صاحبو بياكل في مطعم دفع ليه وقال : مالص يا معلم خالص اتغيرت في البلد دي في موضة في سعد قشرة لتوب اسمها ملصة جمعة منسوبة لجمعة جي طارو مالص مرمي الهلال التاج مغلوب قال الهزيمة لاسباب فنية محمد عد الماجد قال من الحكم داؤود صطفي قال من خليفة دماعة كتار قالوا من جمعة انا بقول من المطرة المطرة شالت الفاتح النقر من تدريب اهلي شندي الفاتح النقر حا يكون مدرب الهلال الجاي المطرة في الهلال بتشيل وتجيب واحد يقول ليك المطرة شايلة شايلة مدرب يا حبة الغربان طارت بالهلال ختتوا مع السحاب وفكتوا اقصد وملصتو لسه ما وصل الواطاة في ناس منتظرة بعيونها وفي ناس راخية اضانها زي ما في افلام الكارتون الهلال ده زي الكديس في توم وجيري طواااالي مغلوب والله مرات الكديس بحننني عديل كده مما عملوا افلام الكارتون دي ما شال كاس اقصد ما انتصر طبعا في مرة ضخمة بتظهر في الفيلم بتاع الكارتون مش طلعت هي مازيمبي طوالي بتمسك الكديس وتديهو شلوت بره منظر الكديس وهو طائر زي منظر اول امس (مالصني محيرني شوف جلطات اتير صدفة هي الصعدت بالهلال) الليلة طار يا عشايا عديلة لي وفوزي استفرغ المحايا العجبني لي اتغلب بقينات تلاتة العديلة لي ومرق بالطريقة زاتا العجبني لي الشغيل لابعرف الكورة لا باصاتا العديلة لي والقارورة سلمت لو في سيدا كان شاتها العجبني لي) مازيمبي استعمل الاهداف المتفجرة دي زي البراميل المتفجرة ما ببتمسك واحد قال لي الكورة دي اسمها (لوكس) الكورة الاتملصت دي الا تكون صابونة واحد صاحبنا طيارابي اقصد هلالابي مشينا نعوم خش الموية بي ملابسو حلف ما يملصهن يبقي زي جمعة قال (مع البيااااح قال لي لا لا لا لالا لا لا هداك مازيمبي مطيرني) قال ليك الترجي رسل احتاج للكاف الهلال ده تخصصوا هو الكاف قال ليه : كمان ادي التانيين معاك فرصة يجتاحوا الحكم الكيني قالوا غنا للنور الجيلاني (السكة يا انتا) الكاردطار قالوا زعلان شديد قال صلاح ادريس شيكاتو طايرة وقال حا يأجر طايرة جاتوا الفرقة طايرة كديابا شغل مكنة قص النجيلة طوالي كديابا رقص جمعة ملص من رقص ومن ملص و معليش يا بلد غدا يهب الاحمر من نومته ويستقيظ من سباته ويعطيك سبته سبت العطاء في انتظار احد الثناء ولا مشكور ده الواجب اذن
