* تألق جمال سالم بعد إنضمامه للمريخ في النصف الثاني من الموسم، وتألق جمال الوالي كعادته دوماً بعد ختام الموسم ..!! * كلما هاجم اعلام الوصايفة الوالي رد عليهم بصفعة جديدة ..( وضربة المدينة خلت الجماعة يحردوا المعلم والغزال وديدا) ..!! * قلنا ليكم لو زعلتو الوالي ممكن يسجل كردنة ما صدقتونا، قام الوالي سجل بكري المدينة حالتو (ابو الجيم) ما زعلان، وما قرأ تصريحات الكاردينال القال فيها : (ما عندنا مع المريخ أي اتفاقية ولا جنتلمان) ..!! * (جنتلمان) مين وناس المدينة موقعين ..!! * البشوف صور كردنة و(إبداء الرغبة) مع بكري المدينة ما يشوف ولدنا لابس الأصفر وقاعد يمين متوكل ..(ويا كولا دي ضربة أخطر من الإيبولا) ..!! * سجل المدينة في المريخ، رد مجلس الهلال على (المعلم والمعز والغزال) ..!! * قالوا اللجنة الفنية قالت ما يعيدوا تسجيل مهند ..(حقيقي "العقربة" بتسوي "الهضربة") ..!! * أرجعوا ل(الجنتلمان)، لأنو الوالي بالطريقة دي ما بخلي ليكم ولا (مان) ..!! * الوالي شغال معاكم بنظرية (مان) تو (بيان) ..!! * رفع بكري المدينة يده ملوحا بالتلاتة ..(ودي المدينة وديل إيديا) ..!! * العقرب دا يا مزمل جانا بسرعة خرافية ..(فعلاً الود بكري دا أسرع من الدليفري) ..!! * المدينة جانا (ديلفري) والغزال ماشي مع المنتخب وجاي جايبنو (سفري) ..!! * غايتو يا الرشيد كل الخيارات موجودة .. و(بوفيه المريخ المفتوح برد الروح) ..!! * ناس الرشيد منتظرهم تخدير شديد .. لكن طريق التخدير صعب و(مجلس الكاردينال قفل السكة والبنج فك) ..!! * طالما فشلتم في الحفاظ على اللاعبين نأمل أن تحافظوا على الهلال الكيان .. و(كيانك يا مجلسي وين بيانك) ..!! * إحترموا الهلال (البيان) ..!! * بدأ الوصايفة التسجيلات بتفعيل بنود أتفاقية الجنتل(بيان) ..!! * بيان رقم واحد .. (تكريم التلاتة الكبار عمر بخيت ومعز والغزال)، انتوا يا جماعة بقيتوا تكرموا أولاد المريخ ولا شنو ..( ما دايرين نضحك عليكم زي ما عملنا في موضوع بكري ..مهند بأمانة لسه عندو جكة معانا) ..!! * بالنسبة لنزار يا كردنة الموضوع ماشي كويس والمفاوضات سايقنها حتة حتة والقصة بتتحسم شهر ستة ..!! * عندنا بكري ومهند و(شهر ستة بنكمل اللستة) ..!! * ينتزع المريخ أي لاعب من الوصايفة متى ما تألق ولفت الأنظار .. يتعامل (الجوي) مع الهلال مثلما يتعامل مع الخرطوم الوطني والأهلي والموردة والنسور، والزعيم إذا رغب في تسجيل لاعب ف(القلع بالدور) ..!! * يحسب للأندية الصغرى أنها تواصل تفريخ المواهب للأندية صاحبة الكأسات الجوية والبطولات القارية ..!! * واصلوا (التفريخ) في صمت ولا تتطاولوا على الزعيم، حتى لا يغضب أهل الجوي و(يخلوا الما يشتري "يتفرخ") ..!! * نخشى على الوصايفة من المشي على خطى الموردة إذا قاموا بالتفريخ دون الإستعانة بمواهب شابة .. والواجب يحتم علينا تحذير (أخوان فاطنة) من مصير (القراقير) ..!! * غايتو السنة دي (لا تسجيلات لا كورة ونزول للأولى) ..!! * إذا ضاعف محمد عبد الرحمن جهوده يمكن للمريخ أن يحقق له رغبته ويضمه لكشوفاته بعد ثلاث أو أربع سنوات ..!! * نعتذر لأطهر الطاهر عن عدم قدرتنا على ضمه للجوي، فالراغبين في الإنضمام من أندية الممتاز للكشوفات أعدادهم كبيرة، ولا بد من توزيع الفرص عليهم بالتساوي (وبالطبع إن تركنا بعض الخانات فاضية فلا مكان لخليفة وسيف مساوي) ..!! * يا خليفة : الوالي دا لو خت لعيبتكم ديل في رأسو بلحقكم الموردة ..!! * جميل جداً أن يصرف الزعيم النظر عن بوي حتى يظل الهلال بالممتاز ..!! * يا محمد عبد الماجد : انتهى دوري الفساد الممتاز، وناس الإتحاد ادوكم (بطولة التواطؤ) لكن مشاكلكم ما بحلها (الكأس) بحلها (الكاش) ..!! * ما عندكم قروش وبتتفاصحوا مالكم و(من لا يملك قوته لا يملك "شعاره")..!! * انتوا فرطتو في شعاركم ما تفرطوا في أولادكم ..(والمدينة ب الأصفر زينة) ..!! * انت يا (ناطقة) مسؤولة من (التخدير) ولدنا بكري دا لما جاب القون في (شباك فريقو) احتفل وعمل فيها شوية عقربة ولا سابكم للضجيج والهضربة ..!! * أصيل يا ود يا بكري ..!! * بمناسبة أصالة بكري : مستوى ولدنا نزار حامد في مباراة القمة الأخيرة دي ما عاجبني ..!! * انتوا الكاردينال دا جبتهوا بإعتبار أنو (مفكر) ولا عشان (رجل أعمال) ..!!؟ * غايتو كردنة دا لو جبتوه (رجل أعمال) ما شفنا ليهو (أعمال)، لكن لو جبتوهو (مفكر) أمسكو فيهو قوي لأنو طريقة ادارتو للهلال بتأكد أنو (مفكر ما بطال) ..!! * غايتو انا (مفكر) أقول للناطقة طلعي كتاب عن نهج التفكير عند الكاردينال في تشتيت شمل الهلال ..!! * كسب الوصايفة معركة التسجيلات ببيان من العيار الثقيل !! * رد عمر بخيت على بيان مجلس الهلال ببيان ساخن كشف فيه الحقائق واتهم المجلس بالفشل !! * إستعد الوصايفة للتسجيلات بحزمة من البيانات ..!! * نشطت إدارة المريخ في إختيار العناصر الجديدة ودخلت معهم في مفاوضات، في الوقت الذي جمع فيه الهلال أكبر قدر من الجمل الإنشائية ودخل بها (غرفة بيانات) ..!! * غرفة (بيانات) مغلقة ..!! * التوقيع في كشوفات الوصايفة يمكن أن يتم ببيان من غير رصيد ..!! * عمر بخيت كشف حقيقة مجلس الهلال ورد عليهم بيان ب(الفشل) ..!! * المعز لا يستحق كل هذا الجحود والنكران وإنهاء مسيرته ببيان ..!! * من الطبيعي أن يشعر (ديدا) بالندم بعد جحود الوصايفة ووضع حد لمسيرته الطويلة مع الهلال بجرة قلم ..!! * الوصايفة لا يحترمون سنين العطاء ولا يعرفون الوفاء ..!! * يا مزمل : هجوم ومدفعية .. بيانات كمية وفي العرضة شمال (الحال بطال) ..!! * كان الوصايفة بالأمس يستعدون للتسجيلات بحشد أكبر عدد من المواسير .. الآن تطورات (غرفة بيانات الهلال) وباتوا يستعدون للتسجيلات بأكبر عدد من المفردات والتعابير ..!! * وين بيانك يا معز ..؟؟ * يا وصايفة (وريتونا التسجيلات ومليتونا بيانات) ..!! * بيان (لغم) واحد .. (مافي قروش والكلام دخل الحوش) ..!! * لم نتحدث عن المدينة بعد فالبيانات لم تترك لما مساحة للتعبير أقصد للتسجيل ..!! * يا والي كفاية خلاص جهجهت الناس ..!! * إتولولي ..!! نقش أخير * وصدفة في أبعد وفي أجمل (مدينة) التقينا .. والدهشة هي الإتكلمت قبل الأيادي العيون هي السلمت