سُكتُم بُكتُم    السودان ولبنان وسوريا.. صراعات وأزمات إنسانية مُهملة بسبب الحرب فى غزة    إسرائيل والدعم السريع.. أوجه شبه وقواسم مشتركة    السودان شهد 6 آلاف معركة.. و17 ألف مدني فقدوا حياتهم    شاهد بالفيديو.. مذيعة تلفزيون السودان تبكي أمام والي الخرطوم "الرجل الذي صمد في حرب السودان ودافع عن مواطني ولايته"    مسيرات تابعة للجيش تستهدف محيط سلاح المدرعات    مصر: لا تخرجوا من المنزل إلا لضرورة    الملك سلمان يخضع لفحوصات طبية بسبب ارتفاع درجة الحرارة    واصل برنامجه الإعدادي بالمغرب.. منتخب الشباب يتدرب على فترتين وحماس كبير وسط اللاعبين    عصر اليوم بمدينة الملك فهد ..صقور الجديان وتنزانيا كلاكيت للمرة الثانية    الطيب علي فرح يكتب: *كيف خاضت المليشيا حربها اسفيرياً*    عبد الواحد، سافر إلى نيروبي عشان يصرف شيك من مليشيا حميدتي    المريخ يستانف تدريباته بعد راحة سلبية وتألق لافت للجدد    هنري يكشف عن توقعاته لسباق البريميرليج    تعادل سلبي بين الترجي والأهلي في ذهاب أبطال أفريقيا في تونس    باير ليفركوزن يكتب التاريخ ويصبح أول فريق يتوج بالدوري الألماني دون هزيمة    كباشي يكشف تفاصيل بشأن ورقة الحكومة للتفاوض    متغيرات جديدة تهدد ب"موجة كورونا صيفية"    مقتل مواطن بالجيلي أمام أسرته علي ايدي مليشيا الدعم السريع    محمد وداعة يكتب: معركة الفاشر ..قاصمة ظهر المليشيا    أمجد فريد الطيب يكتب: سيناريوهات إنهاء الحرب في السودان    يس علي يس يكتب: الاستقالات.. خدمة ونس..!!    مطالبة بتشديد الرقابة على المكملات الغذائية    السودان..الكشف عن أسباب انقلاب عربة قائد كتيبة البراء    شاهد بالصورة والفيديو.. "المعاناة تولد الإبداع" بعد انقطاع الماء والكهرباء.. سوداني ينجح في استخراج مياه الشرب مستخدماً "العجلة" كموتور كهرباء    شاهد بالصورة والفيديو.. حسناء سودانية تخطف قلوب المتابعين وهي تستعرض جمالها ب(الكاكي) الخاص بالجيش وتعلن دعمها للقوات المسلحة ومتابعون: (التحية لأخوات نسيبة)    بالفيديو.. شاهد رد سوداني يعمل "راعي" في السعودية على أهل قريته عندما أرسلوا له يطلبون منه شراء حافلة "روزا" لهم    مدير الإدارة العامة للمرور يشيد بنافذتي المتمة والقضارف لضبطهما إجراءات ترخيص عدد (2) مركبة مسروقة    قيادي سابق ببنك السودان يطالب بصندوق تعويضي لمنهوبات المصارف    شاهد بالصورة.. (سالي عثمان) قصة إعلامية ومذيعة سودانية حسناء أهلها من (مروي الباسا) وولدت في الجزيرة ودرست بمصر    آفاق الهجوم الروسي الجديد    كيف يتم تهريب محاصيل الجزيرة من تمبول إلي أسواق محلية حلفا الجديدة ؟!    شبكة إجرامية متخصصة في تزوير المستندات والمكاتبات الرسمية الخاصة بوزارة التجارة الخارجية    إنشاء "مصفاة جديدة للذهب"... هل يغير من الوضع السياسي والاقتصادي في السودان؟    سعر الريال السعودي مقابل الجنيه السوداني في الموازي ليوم الأربعاء    "تسونامي" الذكاء الاصطناعي يضرب الوظائف حول العالم.. ما وضع المنطقة العربية؟    شاهد بالصورة.. حسناء السوشيال ميديا "لوشي" تنعي جوان الخطيب بعبارات مؤثرة: (حمودي دا حته من قلبي وياريت لو بتعرفوه زي ما أنا بعرفه ولا بتشوفوه بعيوني.. البعملو في السر مازي الظاهر ليكم)    حتي لا يصبح جوان الخطيبي قدوة    5 طرق للتخلص من "إدمان" الخلوي في السرير    انعقاد ورشة عمل لتأهيل القطاع الصناعي في السودان بالقاهرة    أسامه عبدالماجد: هدية الى جبريل و(القحاتة)    "المايونيز" وراء التسمم الجماعي بأحد مطاعم الرياض    محمد وداعة يكتب: ميثاق السودان ..الاقتصاد و معاش الناس    تأهب في السعودية بسبب مرض خطير    باحث مصري: قصة موسى والبحر خاطئة والنبي إدريس هو أوزوريس    بنقرة واحدة صار بإمكانك تحويل أي نص إلى فيديو.. تعرف إلى Vidu    الفيلم السوداني وداعا جوليا يفتتح مهرجان مالمو للسينما في السويد    كيف يُسهم الشخير في فقدان الأسنان؟    هنيدي ومحمد رمضان ويوسف الشريف في عزاء والدة كريم عبد العزيز    تنكُر يوقع هارباً في قبضة الشرطة بفلوريدا – صورة    معتصم اقرع: حرمة الموت وحقوق الجسد الحي    يس علي يس يكتب: السودان في قلب الإمارات..!!    يسرقان مجوهرات امرأة في وضح النهار بالتنويم المغناطيسي    بعد عام من تهجير السكان.. كيف تبدو الخرطوم؟!    العقاد والمسيح والحب    أمس حبيت راسك!    جريمة مروّعة تهزّ السودانيين والمصريين    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



المشكلة في (الملعب) السوداني وليس في (الملعب) المالي
نشر في قوون يوم 07 - 03 - 2014

غلط ..غلط ..مالكم انتوا كمان نحن طلعنا من دور ال (64).
أنا أول مرة في التاريخ أشوف لي فريق بعسكر (شهر) في قطر ..وبلعب أمام بايرن ميونخ الالماني ودي (في داعي للبزار دا)..وبدفع (12) مليار (الجنيه بنطح الجنيه) ..وبسجل ليه (7) أجانب ..وبجيب ليه مدرب (أجنبي) وبقسموا ليه (الميزانية) وبطلع من دور ال (64).
انتوا وقت بتطلعوا من الدور دا ...(المعسكر) لزومو شنو؟.
كان تعسكروا في (جبل طورية)..وقت طالعين بدري كدا.
وكان تلعبوا مع (رديفكم) بدل بايرن ميونخ ..طول ما انتوا ح تطلعوا من دور ال (64).
بايرن ميونخ لي شنو؟.
ولا كان في داعي لي (7) أجانب ..تقول عاوزين تمشوا اهرمات (البجراوية).
(7) أجانب في جامعة الخرطوم ما في ..تجيبوهم انتوا لي كلامكم دا.
بما أنكم طالعين من دور ال(64) كان تعتمدوا على ناس بلة جابر ديل (بقوموا بالواجب واكتر).
مالهم ناس بلة جابر ..على الأقل كان طلعتوا من التمهيدي بي ناس بلة جابر ديل ما كان في زول لامكم.
لكن انتوا لا خليتوا تراوري ...ولا باسيرو.
تراوري في الهلال متعود على (المجموعات).
وباسيرو ذاتو مع الأهلي شندي كان بتقدم في الكونفدرالية.
هسع طلعتوهم لينا مع (الجلد).
موش مرات في (ضباح) بكون ما عندو خبرة ..يقوم يطلع ليك اللحمة كلها مع الجلد.
وبعد ما يعمل حركتو دي يقول ليك عاوز أشيل الجلد.
مرة جبت لي جزار ..(ما عندو أي علاقة بالضبح).
لقيتو في شارع الستين ..شايل ليه (سكين)..رفعتو في العربية وجبتو يضبح.
الظاهر كدا زولكم دا كان ساكي ليه (حرامي)..وأنا حسب الواطة البدري افتكرتو ضباح ..جبتوا البيت.
زولكم طلع لي (اللحمة) كلها في (الجلد)...وقال لي بعد عمليتو دي ..عاوز (الجلد).
عاينت للجلد كدا (7) مرات ..وقلت ليه ..شيل (الخروف) وخلي لينا (الجلد).
الحاجات دي نحن فيها (شفوت).
بنعرف أي حاجة.
أنت وقت تشيل (الجلد)..خليت لينا شنو؟..(فول بعد الوقت دا ذاتو ما بنلقاه).
نحن عارفين أي حاجة.
نحن شفوت.
نحن ما في حاجة بتفوت علينا.
نحن أي حاجة عندنا بي نظام.
بس شنو؟.
بس الكلام دا ما يصل للناس الطلعوا من دور ال(64).
الكلام دا ما يطلع من العمود دا.
طالعين لي من دور ال(64)...وعاملين ليكم جهاز فني أجنبي.
الموضوع بي (كليتو)..ومصارينو برضو ..ما عاوز ليه جهاز فني أجنبي.
(معليش موضوع الخروف لخبط معاي في الكلام).
ابراهومة كفاية على دور ال(64).
جمال الوالي ذاتو كتير على الكلام دا ..(كان تعتمدوا فقط على عبدالصمد).
تصوروا نحن لي عند قريب ..كنا فاكرين (البطيخ) من (الطيور).
مية مرة تقول لينا الكلام دا.
إن شاء الله البطيخ يطلع من (التمهيدي).
مالك أنت؟.
هسع دا ما موضوعنا.
ما تحاول تتخندق لينا في الحتة دي.
وكنا فاكرين (الروس) ديل (هنود).
هنود على منو لكن؟.
رغم من أنو ما في علاقة بين الهند وروسيا...(في احساسيات كدا ما عارف بتجي للزول من وين؟).
كنا بدون مناسبة بنعتقد.
نقعد (نعتقد) في الشارع ...من غير مناسبة.
مثلاً.
كنا بنعتقد أنو يوم (السبت) دا يوم طويل...(والحقيقة غير كدا بعد ما طلع السبت عطلة).
السبت هسع بقى زي (الزمن البدل الضائع) البرفعو الحكم في نهاية الزمن الرسمي للمباراة.
وكان الجماعة ديل بقولوا لينا في مؤسسات الحكومة ...(الخميس يوم قصير).
ونحن نصدق الكلام دا.
الكلام دا طلع من وين ؟...ما عارف.
القال كدا منو؟...ما عارف.
البخلي يوم الخميس يوم قصير ..ويوم السبت يوم طويل شنو؟.
دي اعتقادات ساكت.
اعتقادات ناس ما عاوزة تشتغل بس.
من الاعتقادات (الراسخة) عندنا برضو ..هو أن الفيلم العربي إذا تميتو وما نمت ..فذلك يعني أنك بتحضر ليك في فيلم أمريكي مدبلج.
وكنا بنعتقد ..أنو الفول ما في أحسن منو في الفطور ...(لو سمحتوا لي دي اعتقادات زول مفلس ساي).
فول شنو؟...(نحن بنطير من دور ال 64) عشان تقول لينا (فول).
الفول دا ما تجيب لينا سيرتو ...(الكلام دا قولو لي زول بلعب في التمهيدي).
نحن الهلالاب كلامك دا ما بنفع معانا.
وبنعتقد برضو أنو المدارس دي عملوها في الدنيا عشان يدفعونا (رسوم) دروس العصر.
شفتوا (الاعتقاد) دا بايخ كيف؟.
زمان برضو كان في (اعتقاد) غريب كدا.
زمان كانوا بقولوا لينا (فهم السؤال نص الإجابة)..اتكلنا على الحكاية دي ..وبقينا أي امتحان كدا نجيب فيه (نص الدرجة).
بنجيب (الباص)...عن طريق (فهم) السؤال.
نفهم السؤال ..ونمشي للسؤال البعدو.
ما في زول كان قاعد يكتب ليه (اجابة).
ولا فاضيين للحاجات دي.
هسع أنا عاوز أقول لي ناس الهلال نفس النظرية ...عاوز أقول ليهم وهم سوف يلعبون بإذن الله بعد غدٍِ أمام الملعب المالي إن (فهم السؤال نصف الإجابة).
افهموا كلامي دا كويس ..وما ترموه البحر.
لو اشتغلتوا بالنظرية دي ...ما بتجيكم إن شاء الله أي عوجة.
بتغلبوا أربعة إن شاء الله ..لو اتعاملتو مع الملعب المالي على أساس (فهم السؤال نصف الإجابة).
يعني يا هلالاب ..مفروض تفهموا أن فهم السؤال هنا ...هو أن نسجل في الملعب اكتر من (هدف).
ما تجيبوا لي هدف واحد ..وتقعدوا تقفلوا لي على كدا.
يقوم ناس الملعب المالي ديل يخطفوا ليهم (هدف) تعادلي في آخر دقيقة ..يخلوا خشمكم ملح ...ملح.
أوعكم ..الموضوع دا انتوا قاعدين تعملوه كتير يا ناس الهلال.
هلال كادوقلي مرة خطف ليه هدف تعادل في آخر عمر المباراة.
والخرطوم الوطني.
دا غير الخروج المؤسف بالطريقة نفسها في البطولة الافريقية العام الماضي...عندما سجل الهلال ثلاثية ثم استقبلت شباكه هدف في آخر دقيقة أخرج الهلال من البطولة الافريقية.
هسع اعملوا حسابكم.
احسموا الملعب المالي من بدري ..وبأكثر من هدف ...وخلوا هناك على الأقل فارق هدفين.
نتيجة التعادل ..نتيجة مخيفة ..يمكن أن تمنح الفريق الضيف دافع أكبر للتسجيل.
وتسجيل هدف لصالح الهلال ..لا يعني تأهل الهلال ..إذا لم يسجل الهلال هدفاً ثانياً.
عشان نتيجة 1 / صفر ممكن تتعدل في أي لحظة ..وتعديلها لا قدر الله يعني خروج الهلال.
لذلك بحث الهلال منذ الان يجب أن يكون هو الانتصار بأكثر من هدف.
اعتبروا الهلال خسر في مالي صفر / 1.
اعتبروا ضربة الجزاء التى احتسبت ضد الهلال ...سجل منها الملعب المالي هدفاً.
لذلك مطلوب أولاً من الهلال تعديل النتيجة ...ثم التسجيل من أجل التأهل.
عشان كدا نقول (فهم السؤال نصف الإجابة).
افهموا السؤال أولاً.
الشئ العاوزين نقوله في حكاية ( فهم السؤال نصف الإجابة) ...هو أن (الملعب) السوداني أخطر على الهلال من (الملعب) المالي.
يعني يا ناس الهلال اعملوا حسابكم أولاً من ملعب استاد الخرطوم.
اعملوا حسابكم من (الأرضية)...الملعب المالي الهلال بقدر عليه إن شاء الله.
وهذا يجعلنا نقول ...إن الهلال عليه أن يسجل أكثر من هدف ...تحاشياً لتقلبات (الملعب) تربيع.
ملعب استاد الخرطوم...وملعب مالي.
الوصية الأخيرة ..وأنا أسمع الان عبر إذاعة الشباب والرياضة اف ام 93 عبر الزميل الإعلامي (خليل) من خلال سهرته (أمسية الخميس) أغنية (الوصية) التى كتبها إسماعيل حسن ولحنها برعي ..وتغنى بها العملاق وردي.
اسمع لها الان بصوت عصام محمد نور ..ونقول إن (الوصية) لجمهور الهلال هو أن يكون حاضرًا أمسية الأحد بكل الحماس والطموح والفرح لمساندة الهلال.
عودوا إلى مدرجاتكم ..وشجعوا الهلال.
انتوا فاكرين في أحلى من تشجيع الهلال.
تعالوا اشربوا الشاي والقهوة ..وشوفوا ناس سيدي بيه ديل بعملوا في شنو؟.
قالوا (الحفلة) ح تبدأ من تمانية يوم الأحد.
الفنان الأول سيدي بيه.
الفنان التاني نزار حامد (الصاقعة).
ثم بشه ومهند الطاهر ومدثر كاريكا وكوليبالي.
انتوا عاوزين شنو اكتر من كدا.
ابقوا مارقين ساكت على الاستاد.
ناس (التمهيدي) ديل ما يشغلوكم بالمسلسل التركي.
خلوهم براهم يتابعوا المسلسل التركي ..انتوا عندكم بطولة أفريقية ..(كمان نحن بنلعب).
ملحوظة : غايتو الزول وقت يطلع من دور ال(64) ما بفك الريموت من ايدو.
هوامش
الأهلي شندي اليوم سوف يفعلها إن شاء الله مساء اليوم.
فرحتنا دائماً تبدأ من شندي.
وأولاد الأهلي قادرون على أن يسبقوا حتى الهلال في التأهل.
مفروض شندي كلها تكون اليوم حاضرة في الاستاد.
عندكم فارس اليوم سوف يتم زفه إلى الدور المقبل في الكونفدرالية.
خلونا نبدأ من شندي.
ومن الأهلي تحديدًا.
ثم تكون الفرحة القادمة في الخرطوم عبر الهلال.
موضوع استقالة عبدالصمد...وجمال الوالي رئيساً للقطاع الرياضي..ما تجيبوه لي.
نحن ما فاضين للحاجات دي.
خلونا كلياً اليوم مع الأهلي شندي.
عاوزين نفرح.
وعاوزين نبدأ صاح من الأهلي.
واسألونا بعد ذلك يوم الأحد.
اثق في تأهل الأهلي شندي..وأعرف أنه قادر بإذن الله وتوفيقه على ذلك.
انتوا الحركات البعمل فيها (شوبير) دي شنو؟.
الزول دا اشتغل في القطاع الرياضي بتاع المريخ.
يا شوبير ..اتلم...شوف مشاكلكم بعيدًا عن الهلال.
أخبارك (المعفصة) دي لمّها عليك.
بعدين أنت القوانين دي يا شوبير ..درسوك ليها في (طابونة) رغيف.
دا شنو البتعمل فيها دا؟.
هلال منو البعاقبوه.
عصام الحضري بي جنسيتو المصرية وعن طريق جامعة الدول العربية كان بلعب في المريخ ..ما في زول قال ليه حاجة.
الحضري دا كان في السودان شغال في حرس الصيد.
يا زول مسرحيات ناس سعيد صالح ديل ..ما تعرضها لينا هنا.
....
عاجل : ناس المريخ ديل لو لعبوا في دور ال (110) بطيروا.


انقر هنا لقراءة الخبر من مصدره.