دولة إفريقية تصدر "أحدث عملة في العالم"    والي الخرطوم يدشن استئناف البنك الزراعي    الناطق الرسمي بإسم القوات المسلحة السودانية: نحن في الشدة بأس يتجلى!    السودان: بريطانيا شريكةٌ في المسؤولية عن الفظائع التي ترتكبها المليشيا الإرهابية وراعيتها    أول حكم على ترامب في قضية "الممثلة الإباحية"    البطولة المختلطة للفئات السنية إعادة الحياة للملاعب الخضراء..الاتحاد أقدم على خطوة جريئة لإعادة النشاط للمواهب الواعدة    شاهد بالفيديو.. "معتوه" سوداني يتسبب في انقلاب ركشة (توك توك) في الشارع العام بطريقة غريبة    شاهد بالصورة والفيديو.. حسناء سودانية تقدم فواصل من الرقص المثير مع الفنان عثمان بشة خلال حفل بالقاهرة    شاهد بالفيديو.. وسط رقصات الحاضرين وسخرية وغضب المتابعين.. نجم السوشيال ميديا رشدي الجلابي يغني داخل "كافيه" بالقاهرة وفتيات سودانيات يشعلن السجائر أثناء الحفل    شاهد بالصورة.. الفنانة مروة الدولية تعود لخطف الأضواء على السوشيال ميديا بلقطة رومانسية جديدة مع عريسها الضابط الشاب    بعد اتهام أطباء بوفاته.. تقرير طبي يفجر مفاجأة عن مارادونا    موظفة في "أمازون" تعثر على قطة في أحد الطرود    "غريم حميدتي".. هل يؤثر انحياز زعيم المحاميد للجيش على مسار حرب السودان؟    الحراك الطلابي الأمريكي    تعويضاً لرجل سبّته امرأة.. 2000 درهم    سعر الدرهم الإماراتي مقابل الجنيه السوداني ليوم الثلاثاء    معمل (استاك) يبدأ عمله بولاية الخرطوم بمستشفيات ام درمان    سعر الدرهم الإماراتي مقابل الجنيه السوداني ليوم الثلاثاء    انتدابات الهلال لون رمادي    المريخ يواصل تدريباته وتجدد إصابة كردمان    أنشيلوتي: لا للانتقام.. وهذا رأيي في توخيل    بعد فضيحة وفيات لقاح أسترازينيكا الصادمة..الصحة المصرية تدخل على الخط بتصريحات رسمية    راشد عبد الرحيم: يا عابد الحرمين    بعد أزمة كلوب.. صلاح يصدم الأندية السعودية    الإمارات وأوكرانيا تنجزان مفاوضات اتفاقية الشراكة الاقتصادية الشاملة    القلق سيد الموقف..قطر تكشف موقفها تجاه السودان    السودان..مساعد البرهان في غرف العمليات    تعلية خزان الرصيرص 2013م وإسقاط الإنقاذ 2019م وإخلاء وتهجير شعب الجزيرة 2024م    إيران تحظر بث مسلسل "الحشاشين" المصري    شاهد بالفيديو.. الفنانة ندى القلعة تواصل دعمها للجيش وتحمس الجنود بأغنية جديدة (أمن يا جن) وجمهورها يشيد ويتغزل: (سيدة الغناء ومطربة الوطن الأولى بدون منازع)    يس علي يس يكتب: روابط الهلال.. بيضو وإنتو ساكتين..!!    سرقة أمتعة عضو في «الكونجرس»    تدمير دبابة "ميركافا" الإسرائيلية بتدريب لجيش مصر.. رسالة أم تهديد؟    حسين خوجلي يكتب: البرهان والعودة إلى الخرطوم    شاهد بالصورة.. بعد أن احتلت أغنية "وليد من الشكرية" المركز 35 ضمن أفضل 50 أغنية عربية.. بوادر خلاف بين الفنانة إيمان الشريف والشاعر أحمد كوستي بسبب تعمد الأخير تجاهل المطربة    قوة المرور السريع بقطاع دورديب بالتعاون مع أهالي المنطقة ترقع الحفرة بالطريق الرئيسي والتي تعتبر مهدداً للسلامة المرورية    السينما السودانية تسعى إلى لفت الأنظار للحرب المنسية    بيان جديد لشركة كهرباء السودان    أمس حبيت راسك!    دخول أول مركز لغسيل الكلي للخدمة بمحلية دلقو    شركة توزيع الكهرباء في السودان تصدر بيانا    تصريحات جديدة لمسؤول سوداني بشأن النفط    لطرد التابعة والعين.. جزائريون يُعلقون تمائم التفيفرة والحلتيت    دخول الجنّة: بالعمل أم برحمة الله؟    الملك سلمان يغادر المستشفى    عملية عسكرية ومقتل 30 عنصرًا من"الشباب" في"غلمدغ"    جريمة مروّعة تهزّ السودانيين والمصريين    تطعيم مليون رأس من الماشية بالنيل الأبيض    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    لمستخدمي فأرة الكمبيوتر لساعات طويلة.. انتبهوا لمتلازمة النفق الرسغي    مضي عام ياوطن الا يوجد صوت عقل!!!    إصابة 6 في إنقلاب ملاكي على طريق أسوان الصحراوي الغربي    مدير شرطة ولاية شمال كردفان يقدم المعايدة لمنسوبي القسم الشمالي بالابيض ويقف علي الانجاز الجنائي الكبير    الطيب عبد الماجد يكتب: عيد سعيد ..    بعد نجاحه.. هل يصبح مسلسل "الحشاشين" فيلمًا سينمائيًّا؟    السلطات في السودان تعلن القبض على متهم الكويت    «أطباء بلا حدود» تعلن نفاد اللقاحات من جنوب دارفور    دراسة: القهوة تقلل من عودة سرطان الأمعاء    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



هلال مريخ ..تموا النزول يا ارفعوا الورق
قوون نشر في قوون يوم 16 - 04 - 2013


العزابة وقت يفلسوا ..بنزلوا »حلة البطاطيس« يسخنوها

في حاجات انا (بنقشها) ليك من قولة (تيت)..بعرفها ليكم بالخبرة (الصحفية).

يعني وقت نمشي لينا لي ناس ...يقوموا يفتحوا لينا (الشباك)...بعرف ليك طوالي الناس ديل كهربتهم قربت تنتهي.

دي عليّ انا.

بنقشها وهي طايرة.

ما محتاجة ليها زول يمشي كل (5) دقائق يقيف قدام العداد يعايّن ليه ويرجع.

الزول وقت يكون مضّايق منك ...بعايّن للساعة كتير ...(انت مستعجل وإلا شنو؟).

المعنى ما فاضي.

تركب في الحافلة ..تكون شايل ليك (جريدة)...بتلقى في زول قاعد جنبك ...غالبوها القعدة.

يتململ زي (الزلابية) في اخر رمية.

زي الحكم الرابع ...كل ما يشوف ليه زول ماشي على الخط ...يجري عليه.

الزول دا ينتظرك تطبق الجريدة ...عشان يقول ليك : (عليك الله جريدتك دي دقيقة).

موش مفروض الموضوع ينتهي على كدا.

تصوروا ما بنتهي.

زولكم يقعد يعلق ليك في المواضيع المكتوبة في الجريدة ...صفحة صفحة.

ما يخلي ليه (عمود) ما يعلق عليه.

الكاريكاتير ما يخلي.

الحاجات دي نحن ...حفظنها حفظ.

مشي بس ...مشي بس يا سيد.

عندنا زول في الحلة ...(ديمة النزول ما بتمو)...زي ناس المريخ.

يا عصام الحاج ...ارفع ورقك دا.

زول (ممحوق) خلاص ...طوالي بنرفعو ورقو...(دا الزول الفي الحلة ..ما عصام الحاج).

يا جماعة (اللخبطة) ما كويسة.

الزول دا لمن يلاقيك في الشارع ...ويتكلم ليك عن (السيول والفيضانات)...طوالي تعرف انو بعد الكلام دا عاوز يقول ليك : (ما عندك 10 جنيه).

صاحبكم دا في (الشتاء)..يلاقيك ...يخش ليك في (السيول والفيضانات)..شوية كدا ...يطلب (10) جنيهات.

نحن ناقشين للحركات دي.

في حلتنا برضو الكلام دا حصل ...(بس يا جماعة الكلام دا ما يطلع من العمود دا).

ما تحرجونا مع الناس.

عندنا جماعة كدا ...الساعة اتناشر وربع ...وصلوهم جماعة ...دخلوا عليهم فجأة كدا جماعة بي بوكسي دبل قبينة ...(بوكسي جديد زي الاسكريم).

هسع (الاسكريم) برة التلاجة ربع ساعة بقعد.

21 زول نزلوا ليك من البوكسي ..بي العمم والجلاليب ومراكب جلد النمر ...(زي اعضاء البرلمان).

تحلف تقول البرلمان عندو جلسة طارئة هسع دي ...في البيت دا.

ناس الحلة اتهجموا ...شافوا ليك الجلاليب (تلمع)...والتلفونات مدورة.

اي واحد شايل ليه (تلفون)..وبمشي ويجي زي (الباك العصري).

الناس دي مالها كلها (مهمة) كدا.

اي واحد فيهم عامل ليك فيها مهم.

الما بتكلم بالتلفون ...تلقى برسل في رسالة.

سيد البيت شاف الجلاليب والعمم ...والموبايلات الما ساهلة دي ...طوالي جبد ليه (خروف) من الزريبة.

الزول من ظرافتو ...علق ليك الخروف في الباب ...قبل ما يشوفوه الضيوف.

الضيوف ...فجأة كدا ..شافو (الخروف) معلق...الراجل يسلخ فيه زي الزول العاوز يطلع ليه (لاب توب) من الشنطة.

زي كأنك عاوز تطلع (نضارة)...من جيب النضارة.

حاجة بي منتهى السهولة.

حاجة تفرح والله.

اقول ليكم حاجة اسهل ..زي كأنك بتفتح ليك في موبايل جلاكسي من الجراب حقو.

الضباح دا كان بسلخ في الخروف ...بالطريقة دي.

تقول بيأكل ليه في (رز).

والله انت يا ابوالشباب الخروف دا مفروض تسلخوا ب (ملعقة)...ما بي سكين.

حاجة ساهلة خلاص.

زي كأنو بقرف ليه في موزة.

يا اخونا ...شنو انت فكيت الجماعة ؟..ومسكت لينا في (السلخ).

ما خلاص ..وصفت لينا المشهد.

شنو عاوز تشربنا ليه (شراب).

فكنا عليك الله من (السلخ) دا.

نحن (السلخ) في العيد ...ما قاعدين نحضروا...عاوز تحضرنا ليه هنا في عمودك دا.

الضيوف شافوا (الخروف)...قالوا ليه يا اخونا يا ابوالشباب ...انت ضابح لينا ليه؟...نحن مستعجلين ...نحن والله ما قاعدين.

الراجل حلف ...(بيني وبينكم عمكم افتكرهم عاوزين يطلبوا يد البنت).

ما معقولة الناس دي ...والبوكسي الدبل قبينة ..والموبايلات البتتخابط دي ..بتتخابط من فراغ.

الموضوع دا موضوع عرس.

دي خطوبة ...واحتمال كبير ...الخطوبة دي تتطور في وقتها ..وتبقى (عقد) عديل كدا.

اصلو (الجلاليب) دي ما ساكت.

عشان كدا ...والله يستاهلوا (الخروف).

اصلو (الخروف) ما كتير عليهم.

الخروف اتسلخ ..ومشى عدل على النار.

النسوان ديل كانن منتظرات اللحمة على (النار).

مسكن ليك (اللحمة) دي جيهنها ليك جنس جيهة.

المسكت شية الجمر ...والمسكت شية الزيت ...والمشت على المرارة ..وركبت حلة الشوربة.

كل واحدة ..مسكت ليها حاجة.

في 15 دقيقة ...الخروف داك ...كلو دخل (النار).

ما فضل فيه شيء غير (الجلد) ...والكوارع.

الرأس ..ذاتو شالتو الحاجة فاطمة.

الحاجة فاطمة دي اي خروف ينضبح في الحلة ...بتشيل (الرأس).

مرات في خرفان بتشيل (رؤوسهم) قبل ما ينضبحوا.

زي واحد كدا في الحلة ...جاب ليه (خروف).

الحلة كلها عرفت بالموضوع دا.

خروف الزول دا اي زول في الحلة سمع بيه.

صاحبكم ربط الخروف (جوة) البيت ...وبقى في كل 10 دقائق ..عثمان يرسل ولدو.

الولد يفتح الباب ويقول لي مختار : (يا عم مختار ..ابوي قال ليك عاوز الجلد).

عم مختار يقول ليه جدا.

10 دقائق تاني ...عمكم عثمان يرسل ولدو.

يا عم مختار ابوي قال ليك عاوز (الجلد).

عم مختار يقول ليه : (جدا).

10 دقائق تاني ...يا عم مختار ابوي قال ليك عاوز الجلد.

عم مختار يقول ليه جدا.

عمك مختار زهج ليك من الموضوع دا ...(ما معقول كل 10 دقائق ..يا عم مختار ابوي قال ليك عاوز الجلد).

عمك انتظر الولد في الباب ...وقال ليه : انت تعال هنا شنو كل 10 دقايق بتجيني وتقول لي ابوي قال ليك عاوز الجلد ...عاوز الجلد ..ما قلنا ليك جدا ...نديك الجلد قبل ما نضبح الخروف يعني.

وإلا ابوك دا فاكر (الجلد) بطلع من الخروف بي (اضغط نجمة وشيل الجلد)..انتوا مالكم عاوزين تجننونا.

على بالطلاق تاني بيتي دا في عيد الضحية ما يدخلو (خروف).

والله بي (عقد عمل) عديل كدا ..تاني بيتي دا ما يدخلو (خروف).

يا ود الناس ...عملت لينا العمود كلو (خرفان)..ما فهمنا اي حاجة.

تنط لينا من خروف لي خروف...تقول نحن في فصل الخريف.

نرجع ليكم للناس ال (21) زول - البي الجلاليب ومراكب النمر والموبايلات.

نحن واقفين وين؟.

واقفين في الخروف ...(ستفوه) ليك كلو في الحلل.

نص ساعة كدا ...الصواني دورت ...اللحمة طلعت ...الشيات ..والشطوط حاجة ما تخلص.

والبصل الابيض ..والدكوة والليمون ...الجنبك ما تديهو.

اصحابكم بتاعين الجلاليب والموبايلات ...طلعوا جلاليبهم ..اتفرغوا عديل كدا للحمة.

قعدوا بالعراقي والسروال.

وقفلوا الموبايلات.

نزلوا ليك في الصواني دي زي ( عجبوني الليلة جوا ..ترسوا البحر رجعوه).

تحلف تقول بترسوا ليهم في (بحر).

ضربوا ليك في اللحوم دي ضرب ...ما خلوا حاجة.

نسوا ليك اي حاجة.

نسوا الدنيا كلها.

عمك اتبسط ...قال الموضوع دا موضوع (عقد)...الضرب دا ما ضرب (خطوبة).

كمان نحن ضرب العقد ...من ضرب الخطوبة ..ما بنعرفو.

جابوا ليهم ...التحلية ..الشي فواكه .....والشيء كستر ..والشيء جلي.

رصوا ليك التحلية دي زي (الفريق القومي).

والجماعة يعجبوك ..ضربوا ليك في (التحلية) دي ضرب ..زي كأنو (الخروف) داك ..ما مر عليهم.

جابوا ليهم (البيبسي).

الما بشرب ...بشرب ليه (3) علب.

جابوا ليهم الشاي ....والقهوة.

نسفوا ليك الترامس دي نسف ..تحلف تقول الحرب العالمية التانية.

الجماعة وقفوا.

قالوا خلاص عاوزين نمشي.

جابوا ليهم الجلاليب...انتوا قايلين في زول دخل في الجلابية.

الجلاليب دي (جت) ضاقت عليهم.

اي واحد جاب ليه (كيس) وطبق الجلابية وطلع...وقالوا لي عمكم والله تب ما قصرت.

عداك العيب.

عمك عاوز يعرف ...الناس ديل جوا لي شنو؟...(الي الان ما في زول فاتحوا في موضوع العرس).

تلميح ساكت ما لمحوا ليه؟.

عمك قال احسن يكون واضح ..(خروفو ما يروح ساكت) ...يا جماعة خير ...ان شاءالله غرضكم مقضي ..ما قلتوا لي انتوا جيتوا لي شنو؟.

قالوا ليه : خير والله كلو خير.

في شنو يا جماعة ..انا رقبتي سدادة؟.

والله ما بتقصر....والله نحن جابتنا (القسمة)....القسمة والنصيب يا حاج.

القسمة بس الجابتنا ليك.

عمك اتبسط وقت سمع ليك كلمة (القسمة والنصيب) ..بقى يضحك زي مرايات اللوري.

كل مرايا في جهة.

في شنو يا جماعة ..ادخلوا في الموضوع طوالي ...(قسمة) شنو (ونصيب) ايه الجابكم؟.

والله يا حاج.. الظاهر عندنا (قسمة ونصيب) في خروفك دا.

سبحان الله ...جينا من البطانة ..عشان نضرب (الخروف) دا ونرجع ...حقيقة الزول لو عندو (لقمة) في حتة ما في زول بشيلها منو.

شفتوا (القسمة) دي كيف؟.

عمك جاء واقع على طولو.

شلنا وجري على المستشفى.

عمكم اول ما فتح عيونو في المستشفى بعد (4) يوم ..قال لينا اسمعوا (الجلد) ما تديهو زول.

قلنا ليه يا زول قول باسم الله جلد شنو؟.

قال لينا جلد الخروف...يعني ح يكون جلد الاصلة.

ملحوظة : اها رأيكم شنو في الكلام دا؟.

هوامش

نحن عندنا الزول وقت ما يتم النزول ..بنرفعو الورق.

والله لو خالو (عبدالباسط) ما بنخلي ينزل.

عبدالباسط منو؟.

السنة دي الهلال والمريخ ...مع التقشف ..والشكاوي والطلوع من دور ال (32)...الظاهر كدا رفعوهم ورقهم.

النزول ما تموه.

عارفين التم النزول منو؟.

الاهلي شندي.

برضو ..يا جماعة ..عندنا (عزابة)...اول ما يفلسوا ..كلامهم بيكتر.

عارفين العزابة لمن يفلسوا ..بنكشفوا كيف؟.

شفتوا من واحد فيهم يقول ليك : نزلوا حلة البطاطيس دي سخنوها ..اعرفوا طوالي انهم فلسوا.

حلة البطاطيس ..بكون ليها اسبوع ما في زول مشى عليها.

من يحصل (ضيق)..بنعصروا على حلة البطاطس.

ناس الهلال والمريخ ...السنة دي برضو انعصروا على حلة البطاطس.

كنت عاوز اقول الانعصروا على حلة البطاطيس دي ...المريخاب فقط.

لكن قلت احسن اقول الهلال برضو ..عشان الليلة عندنا مباراة صعبة.

مباراة الهلال مع هلال كادوقلي مباراة ما ساهلة.

يا ربي مع الضرب الحاصل في كادوقلي دا ..سيكافا ح تلعب هناك كيف؟.

السنة الفاتت بدون ضرب ..الاتحاد حوّل مباراة المريخ مع هلال كادوقلي لتلعب في كوستي.

يعني انتوا اندية دول الجوار دي ما بتخافوا عليها ...بتخافوا فقط على ناس المريخ.

اشمعنا.

وليه ..التفرقة دي.

مباراة الهلال اليوم ..صعبة ..تحتاج الي حضور جماهيري ..ووقفة ومساندة من اللاعبين.

مطلوب من اللاعبين ان يلعبوا اليوم بمسؤولية.

الموضوع ما بحتمل حرق اعصاب تاني.

صدارة الهلال للممتاز يجب ان يحافظ عليها الهلال.

اياكم والتفريط.

ولا نقطة.

اللعب بجدية ومسؤولية هو طريقنا للفوز.

ناس هلال كادوقلي طبعا بيلعبوا مباراة اليوم ...وعندهم امل واحلام.

استقلوا هذا الاحساس ...وانتصروا انتصار كبير.

منذ مباريات عديدة ..نبحث عن تراوري.

اليوم نسأل الله ان يعود تراوري باكثر من هدف.

عودة المعز محجوب لمرمى الهلال ..مهمة.

المعز اضحى شكل من اشكال الهلال.

المعز من ثوابت الهلال.

عاجل : عصام الحاج لو لقى ليه طريقة بمشي اهلي شندي.

انقر هنا لقراءة الخبر من مصدره.