صلاح العائد يقود ليفربول إلى فوز عريض على توتنهام    وزير الداخلية المكلف يقف ميدانياً على إنجازات دائرة مكافحة التهريب بعطبرة بضبطها أسلحة وأدوية ومواد غذائية متنوعة ومخلفات تعدين    جبريل ومناوي واردول في القاهرة    وزيرالخارجية يقدم خطاب السودان امام مؤتمر القمة الإسلامية ببانجول    مشار وكباشي يبحثان قضايا الاستقرار والسلام    وزير الخارجية يبحث مع نظيره المصري سبل تمتين علاقات البلدين    (لا تُلوّح للمسافر .. المسافر راح)    (تاركو) تعلن استعدادها لخدمات المناولة الأرضية بمطار دنقلا والمشاركة في برنامج الإغاثة الإنسانية للبلاد    سعر الدولار مقابل الجنيه السوداني في بنك الخرطوم ليوم الأحد    سعر الريال السعودي مقابل الجنيه السوداني من بنك الخرطوم ليوم الأحد    سعر الدرهم الإماراتي مقابل الجنيه السوداني ليوم الأحد    انتفاضة الجامعات الأمريكية .. انتصار للإنسان أم معاداة للسامية؟    بوتين يحضر قداس عيد القيامة بموسكو    أول اعتراف إسرائيلي بشن "هجوم أصفهان"    برشلونة ينهار أمام جيرونا.. ويهدي الليجا لريال مدريد    وفاة بايدن وحرب نووية.. ما صحة تنبؤات منسوبة لمسلسل سيمبسون؟    الأمم المتحدة: آلاف اللاجئين السودانيين مازالو يعبرون الحدود يومياً    وداعاً «مهندس الكلمة»    النائب الأول لرئيس الاتحاد ورئيس لجنة المنتخبات يدلي بالمثيرأسامة عطا المنان: سنكون على قدر التحديات التي تنتظر جميع المنتخبات    الجنرال كباشي فرس رهان أم فريسة للكيزان؟    ريال مدريد يسحق قادش.. وينتظر تعثر برشلونة    الأمعاء ب2.5 مليون جنيه والرئة ب3″.. تفاصيل اعترافات المتهم بقتل طفل شبرا بمصر    شاهد.. حسناء السوشيال ميديا أمنية شهلي تنشر صورة لها مع زوجها وهما يتسامران في لحظة صفاء وساخرون: (دي محادثات جدة ولا شنو)    شاهد بالصور والفيديو.. رحلة سيدة سودانية من خبيرة تجميل في الخرطوم إلى صاحبة مقهى بلدي بالقاهرة والجمهور المصري يتعاطف معها    ريال مدريد ثالثا في تصنيف يويفا.. وبرشلونة خارج ال10 الأوائل    تمندل المليشيا بطلبة العلم    الربيع الامريكى .. الشعب العربى وين؟    الإتحاد السوداني لكرة القدم يشاطر رئيس مجلس السيادة القائد العام للقوات المسلحة الأحزان برحيل نجله محمد    ((كل تأخيرة فيها خير))    دراسة تكشف ما كان يأكله المغاربة قبل 15 ألف عام    مستشار سلفاكير يكشف تفاصيل بشأن زيارة" كباشي"    نانسي فكرت في المكسب المادي وإختارت تحقق أرباحها ولا يهمها الشعب السوداني    قائد السلام    بعد عام من تهجير السكان.. كيف تبدو الخرطوم؟!    شاهد.. حسناء السوشيال ميديا أمنية شهلي تنشر صورة حديثة تعلن بها تفويضها للجيش في إدارة شؤون البلاد: (سوف أسخر كل طاقتي وإمكانياتي وكل ما أملك في خدمة القوات المسلحة)    الأمن يُداهم أوكار تجار المخدرات في العصافرة بالإسكندرية    العقاد والمسيح والحب    الموارد المعدنية وحكومة سنار تبحثان استخراج المعادن بالولاية    بعد فضيحة وفيات لقاح أسترازينيكا الصادمة..الصحة المصرية تدخل على الخط بتصريحات رسمية    راشد عبد الرحيم: يا عابد الحرمين    تعلية خزان الرصيرص 2013م وإسقاط الإنقاذ 2019م وإخلاء وتهجير شعب الجزيرة 2024م    بيان جديد لشركة كهرباء السودان    أمس حبيت راسك!    دخول أول مركز لغسيل الكلي للخدمة بمحلية دلقو    شركة توزيع الكهرباء في السودان تصدر بيانا    تصريحات جديدة لمسؤول سوداني بشأن النفط    دخول الجنّة: بالعمل أم برحمة الله؟    الملك سلمان يغادر المستشفى    جريمة مروّعة تهزّ السودانيين والمصريين    عملية عسكرية ومقتل 30 عنصرًا من"الشباب" في"غلمدغ"    بالصور.. مباحث عطبرة تداهم منزل أحد أخطر معتادي الإجرام وتلقي عليه القبض بعد مقاومة وتضبط بحوزته مسروقات وكمية كبيرة من مخدر الآيس    مضي عام ياوطن الا يوجد صوت عقل!!!    إصابة 6 في إنقلاب ملاكي على طريق أسوان الصحراوي الغربي    الطيب عبد الماجد يكتب: عيد سعيد ..    بعد نجاحه.. هل يصبح مسلسل "الحشاشين" فيلمًا سينمائيًّا؟    السلطات في السودان تعلن القبض على متهم الكويت    «أطباء بلا حدود» تعلن نفاد اللقاحات من جنوب دارفور    دراسة: القهوة تقلل من عودة سرطان الأمعاء    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



محترف المريخ الكيني (وانغا) غالي زي (المكوة ام ديك)
نشر في قوون يوم 27 - 06 - 2014

ناس المريخ ديل لو جابوا ليهم (مشجع) من نيجيريا ممكن بي كل بساطة يعملوا ليك (ميسي)

"""""""""""""""""""""""
جايبين ليكم لاعب من كينيا بقروش تجيب ليها لاعب من كأس العالم
"""""""""""""""""""""

الدولارات الدخلت كينيا من المريخ في صفقة (انغا) ..ما دخلت ليهم من الشاي الكيني
""""""""""""""""""""""""""""""""""
عمر النقي قادر على توفير اجواء مثالية لمواجهات الهلال الافريقية القادمة
""""""""""""""""""""""
· قاعد افكر براي.
· افكر في (الحر) دا.
· كبيت لي (صفيحة) تفكير في الحتة دي – الواحد حر في (تفكيرو).
· تموها خيال.
· اصلو الواقع صعب ..(وما ممكن الوصول اليه).
· جيبوا ليكم (طلب فول).
· صلحوا الفول ..اعملوا فيه زيت زيادة – جبنة ب (3) جنيه ..موية جبنة ..(موية الجبنة بلاش).
· اسكت كب.
· قبل ما تاكل ..اتخيل الفول دا (شية جمر).
· واضرب على هذا الاساس.
· خلي احساسك عالي.
· الفول بدون (خيال) علمي كدا ..لا بتأكل ولا حاجة.
· الحاجة البتغيظ وتفرّس الكبد ...انو (الجرسون) بعد الخيال دا بيجي يحاسبك على اساس انك اكلت (شية جمر) ..ما اكلت (فول).
· يحاسبك بالشيء الفلاني.
· تقعد تغالط فيه ..يجيب ليه ورقة وقلم ويقعد يحسب ليك ..جبنة ب (4) جنيه ...زادها جنيه ..انا ما قلت ليك جبنة ب (3) بس.
· موية جبنة ب (جنيه).
· موية الجبنة بقيتو تبيعوها.
· زيت ب (5) جنيه.
· ليه زيت ب (5) جنيه ..انا عاوز اشربو؟.
· والله بتبالغو.
· وشلت ليك (7) رغيفات.
· رغيفك الصغار دا ...تقول عاوزين تشركوا بيه للقمري.
· المهم وقت يخلص الحساب ..بتلقى نفسك دفعت ليك في فول ما بستاهل (47) جنيه.
· اها القروش دي عليكم الله ما قروش (شية جمر).
· القروش قروش (شية جمر)...والطعم طعم فول.
· في اصعب من كدا.
· ديل بقوا يحاسبوك في الخيال.
· عندنا واحد من قمنا في الحلة – هو بحلم يسافر امريكا.
· منيتو في الحياة دي يسافر (امريكا).
· قدر ما تلاقيه في حتة يقول ليك انا البلد دي لازم اطلع منها.
· زولنا دا يوم قاعد في امان الله في الحلة ...يشوف ليك ناس (رسوم المغادرة).
· في شنو يا جماعة؟.
· قالوا ليه تدفع (رسوم المغادرة).
· رسوم المغادرة كيف وانا قاعد في بلدي.
· لكن انا ما غادرت.
· قالوا ليه : لا لازم تدفع رسوم المغادرة انت بتحلم كتير ب (السفر) الي امريكا ..ونحن احلامك دي عملت لينا فروقات في المزانية – عشان كدا لازم تدفع رسوم المغادرة.
· الواحد ما يحلم يعني.
· صعبتوها عديل كدا.
· عندنا زول تاني ...حلمو في الدنيا دي يعرس.
· قدر ما تلقى في حتة يتكلم ليك عن العرس.
· تسمع كلامو تقول الزول دا عرسو الاسبوع المقبل.
· بحلم ليك بالعرس دا صباح ومساء.
· صاحبنا دا يوم قاعد في الحلة كدا (جنب الدكان)...اهل (المرا) ظهروا ..قالوا ليه عاوزين (خروف السماية).
· قال ليهم سماية شنو؟..انا عرس ما عرست..اجيب (خروف السماية).
· اهل المرا قالوا ليه نحن (خروف السماية) عندنا شيء اساسي – قبل قولة الخير – قبل فتح الخشم ..تجيب (خروف السماية).
· نحن عارفين الرجال ديل – الواحد قبل ما يعرس يدق صدرو اي حاجة يقولوها ليه اهل المرا يجيبها – عشان كدا نحن عاوزين نضمن اول (خروف السماية).
· اول حاجة نجيب (خروف السماية) عشان نربطو في الحوش – وبعد داك نتكلم عن العرس.
· الواحد فيكم بعد ما يعرس ..لو قالوا ليه عاوزين (شطة) يقعد يسمع لينا مزانية السودان سنة 1984.
· صاحبكم وقت جاب (خروف السماية)..قال والله ما كنت قايل (حلم) العرس صعب كدا.
· تحلم بالعرس ساكت يجوبوك (خروف السماية).
· خلوا الكلام دا كلو.
· امشوا اي (محلية).
· قول ليهم اي (فكرة).
· الموظف يجر ليه (كرسي) ..ويقعد يناقشك.
· يقول ليك : (لا انت عاوز تعمل شنو؟).
· تقول ليه عاوز اعمل كدا ..وكدا ..وكدا.
· والموظف يكتب.
· كل ما تقول ليه (فكرة) يسجل في الورقة.
· وقت تقوم منو يقول ليك امشي الخزينة ادفع (750) جنيه.
· في شنو؟.
· يقول ليك في (الافكار) القلتها دي.
· افكار يدفعوك فيها (750) جنيه كرسوم مبدئية.
· عشان كدا الاستثمار كلو بقى في اثيوبيا وارتريا وكينيا.
· وزير الاستثمار قال فقدنا اكثر 950 مليون دولار في السنة بسبب تعقيدات الاستثمار في السودان.
· تقول عاوز تعمل ليك (ركشة).
· ناس المرور يخلوا الحركة كلها ..ويقعدوا يرصدوا (ركشتك) دي.
· يدفعوك قروش على الركشة ...(قطر) ما يدفعها.
· يا جماعة (ركشة) تعملوا فيها كدا – طيب (الطيارة) بتعملوا فيها شنو؟.
· مستثمر جاء من الخارج شايل ليه قروش النار ما تاكلها.
· قال عاوز يعمل ليه (مشروع) زراعي.
· مسكوه ليك (دفع).
· اي رسوم تمر في بالك ...عملوها ليه.
· رسوم البطاطس براها – ورسوم العدس براهو – ورسوم الفول – ورسوم البصل.
· دفعوها ليك دفع صاح.
· اخر حاجة وقت سلموه الورق كان قرش ما عندو.
· مسك الورق وقعد.
· الناس هنا بحاسبوا على (الخيال).
· على الافكار.
· عشان كدا بقى ما في زول (بفكر).
· شغالين بدون تفكير.
· تفكر ليك في حاجة – يدفعوك دم قلبك.
· تندم على (فكرتك).
· بمناسبة الخيالات دي – ناس المريخ هسع بجيبوا ليهم محترف (جردل) ويعملوه ليك صهريح.
· ربع كيلو لحمة يعملوا ليك (كراع).
· ناس المريخ ديل جيب ليهم (مشجع) من نيجيريا ممكن بي كل بساطة يعملوا ليك (ميسي).
· عندهم اعلام خطير.
· بيت الجالوص – بعملوه ليك (عمارة) في شارع الستين.
· طوبة واحدة يعملوها ليك (كمينة).
· بنخفوا نفخ صاح.
· ديل مرة جابوا ليهم محترف من (البوسنة والهرسك) اسمو (نجاد) عملوا لينا اخطر لاعب في اوروبا.
· نجاد دا لعب ليه على ما اظن (15) دقيقة امام المهدية ..وقعد ليك القعدة الما قام منها الى الان.
· جابوا ليهم محترف من بلغاريا اسمو (ميشاوي) قالوا دا (هيثم مصطفى).
· بكضبوا جنس كضب.
· عندهم قدرة على الاقناع غريبة.
· كباية الشاي قدامك ..ممكن يقنعوك بيها على انها (عصير ليمون).
· بي كل بساطة.
· ولا بتعبوا في الحاجات دي.
· ولا بتلفتوا.
· هسع ناس المريخ جابوا ليهم محترف من كينيا اسمو (وانغا)...زي (مكوة الفحم ام ديك).
· دفعوا فيه اكثر من 400 الف دولار.
· النادي الكيني براهو دفعوا ليه (200) الف دولار.
· غير الوكيل والسماسرة الجوة وبرة.
· واللاعب ذاتو.
· عليكم الله (المكوة ام فحم) دي الغشاكم بيها منو؟.
· طبعا في الايامات الماضية كانوابقولوا ليك الواحد لو عندو (مكوة فحم ام ديك) ممكن يبيعها ب (70) مليون جنيه.
· مكوة هي وإلّا عربية.
· يقولوا ليك دخل الموبايل في المكوة لو طلع الموبايل من الشبكة ...دا يعني ان المكوة (اصلية).
· هسع انغا دا يا ناس المريخ عملتوا ليه اختبارات المكوة دي وإلّا سجلتوه ساكت.
· ما تتغشوا ساكت في مكوات فيها (ديك) لكن برضو ما اصلية.
· بعدين كينيا دي اصلا ما فيها كورة ..ما سمعنا لينا فيها بي كورة.
· سمعنا ب (الشاي).
· لكن الكورة دي لا سمعنا بيها ولا حاجة.
· جايبين ليكم لاعب من كينيا بقروش تجيب ليها لاعب من كأس العالم.
· غايتو اتغشيتوا زي غشة (المكوة ام ديك).
· عشان كدا محترفكم الغالي دا من الليلة ح نسميه (المكوة ام ديك).
· العاجبو عاجبو ..والما عاجبو من هسع يشوف ليه بلد.
· كمان نحن بنلعب.
· نحن الحاجات دي ولا بنجامل فيها.
· من زمان قلنا ليكم نحن اي حاجة عندنا بي نظام.
· انتوا قعدتوا تغالطوا فينا.
· الدولارات الدخلت كينيا من المريخ في صفقة انغا ..ما دخلت ليهم من الشاي الكيني.
· الشاي االكيني ما بجيب ليهم دولارات قدر دا.
· انا خايف ناس كينيا يخلوا الشاي ويقبلوا على الكورة بعد الدولارات الجاتهم (منبهلة) من المريخ.
· تاني ما بزرعوا ليهم شاي.
· اذا كان لاعب كورتو ما بتلعبوا في حوش الخليفة جاب ليهم (400) الف دولار.
· دي كم مليار بالسوداني؟.
· ضيعتوا قروش البلد في حاجات ما بتسوى.
· نفسي اعرف الغشاكم ب (المكوة ام ديك) دا منو؟.
· مكوة شنو يا زول؟.
· مكوة انغا.
· ملحوظة : خلاص زولكم دا اقنعوا منو – هسع بطقوا ليكم (رباط صليبي).
هوامش
· محمد عبدالرحمن لو وجد الفرصة الكافية ممكن يكون اخطر مهاجم في البلد.
· ووليد علاءالدين خطورة مطلقة.
· نتمنى ان يعطي كامبوس الفرصة لتلك المواهب.
· في الهلال بدلاء اخطر من الاساسين.
· لذلك يجب الاعتماد في المرحلة القادمة على بدلاء الهلال وعلى منحهم فرصة المشاركة.
· يمكنهم من تقديم الكثير للهلال.
· رحلة الهلال الى الكنغو اذا لم يعد به الهلال ب (نقطتين) على اسوأ الفروض فان فرص الهلال في التأهل سوف تكون مستحيلة.
· خاصة بعد الاضافات التى حدثت في الزمالك.
· لذلك يجب ان ينتصر الهلال في الكنغو.
· ينتصر ويتعادل.
· الخسارة مرفوضة.
· استراتجية الهلال يجب ان تكون على هذا النحو بعد التعادل المؤسف مع فيتا كلوب في الخرطوم.
· لا بد من عرقلة مازمبي وفيتا كلوب في الكنغو اذا اراد الهلال التأهل.
· ثقتي في ان الهلال قادر على ان يعمل حاجة في الكنغو.
· خسارة الهلال صعبة في الخارج.
· ورهاننا قائم على قدرة الهلال على العودة من الكنغو بي اسوأ الفروض بتعادلين.
· ان لم يعد الهلال بتعادل وانتصار.
· على اسوأ الفروض سوف ننشد تعادلين.
· على الهلالاب ان لا ينصرفوا كليا نحو الانتخابات فتغيب عليهم نقاط الكنغو.
· التركيز الان يجب ان يكون في مباريات الهلال في الكنغو.
· حتى اعلام الهلال عليه الانصراف نحو ذلك الهدف.
· الانتخابات دي كلام فارغ ساكت ..وضرب تحت الحزام.
· الهلال يحتاج الي الاستقرار.
· ويحتاج الي التركيز في المباريات القادمة.
· عمر النقي قادر ان يوفر الاجواء المثالية لمباريات الهلال القادمة.
· اذا وصل صراع الانتخابات للاعلام اكيد ح يضرب استقرار الفريق.
· لذلك يجب اولا ان ينصرف الاعلام عن الانتخابات.
· صراع الادارة والاقطاب ابعدوا منه.
· ذلك الصراع بدون اعلام ببقى لا اثر له ...ولا خطورة منه.
· جماهير الهلال يجب ان تكون بعيدة عن هذه المنطقة.
· مع الحرص على ان يأتي للهلال منتخبا مجلس يكون قادر على اعزاز الهلال.
· ما عاوزين زول يدخل المجلس وهو ما عندو مؤهلات للدخول للمجلس.
· ............
· عاجل : انتوا في دنقلا بتعملوا كدا في (المقبرة) ح تعملوا شنو؟.


انقر هنا لقراءة الخبر من مصدره.