* أكثر من ثلاثة ايام يتحدث الاعلام المريخي عن تصعيد مازن شمس الفلاح للفريق الاول .. * لم يحدثنا الاعلام المريخي عن فريق السنية الذي يلعب له مازن شمس الفلاح في المريخ ! * فلا احد يعرف حتى الآن شيئا عن مازن شمس الفلاح .. القصة التي تصلح لفيلم كوميدي او تراجيدي علي حسب المخرج! * فمازن شمس الفلاح الذي صعده المريخ لخانات الفريق الاول من الفرق السنية للنادي كما تقول الرواية الرسمية هو شخصية وهمية ! * فلا يوجد في الفرق السنية بنادي المريخ لاعب اسمه مازن شمس الفلاح حتى يتم تصعيده ! * عندما قرأت عن تصعيد هذا اللاعب بحثت مع عمك (قوقل) عن لاعبي المريخ في الفرق السنية والفريق الاول .. لم اجد اي اسم لمازن او مشابه لمازن .. مزمل ساي ما لقيت ! * قلت امكن عمك قوقل غلطان .. او تعبان عايز مساعدة .. كتبت مازن الناشئين .. مافي حاجة .. مازن الشباب .. مافي حاجة .. مازن الفريق الاول .. لا يوجد ! * كتبت مازن الرياضة .. طلع مازن صلاح امين اقوال الصحف الرياضية !! * مافي لاعب في المريخ اسمو مازن شمس الفلاح عشان المريخ يصعدوا ! قلنا جائز في غلط في شهادات الميلاد .. احتمال يكون ادوهو شهادة ميلاد سعيد السعودي القديمة !! بتاعة امبده .. تذكروها ! كتبنا مازن سعيد السعودي ! انقروا طلع شنو ! طلع لاعب بيسبول في فريق تايلاندي !!! أيوااااا .. ده مازن التايلاندي ! يكونوا قاصدين محمد شمس الفلاح ههههههه .. * كتبنا لي عمك (قوقل) محمد شمس الفلاح .. ما شاء الله تبارك الله .. جاتنا معلومات كاملة ابتداء من تسجيله في الامير البحراوي وحتى مشكلتو مع ناس المريخ ومهاجمتو لاعضاء قطاع الشباب ! * محمد شمس الفلاح .. معلومات غزيرة في قوقل ! متوقف عن اللعب مع فريق المريخ منذ فترة .. لاعب مزور .. لا احد يجزم بعمره الحقيقي ولكنه يلعب في الفرق السنية للمريخ ! * لم يتم شطبه من الفرق السنية رغم مطالبته بذلك .. أعترف من قبل بمشاركته باسم شقيقه ولكنه لم يحدد هل هو شقيقه الاصغر ام الاكبر ! * فجأة تذكرت .. كتبت مازن نجم المنتخب الاولمبي السوداني .. طلع لي هو زااااتو ! نفس الملامح والشبه ! * معقولة بس يكون في كاتب سيناريو بهذا المستوى العالمي في السودان ؟؟ مازن شمس الفلاح لاعب المنتخب الاولمبي هو نفسه محمد شمس الفلاح المتوقف عن اللعب مع المريخ .. هو نفسو مازن شمس الفلاح الذي تم تصعيده للفريق الاول للمريخ وبعقد لموسمين وهو متواجد في الجزائر الآن مع المنتخب الاولمبي !! والله كاتب سيناريو متميز !!! بس الغريبة مافي زول جاب اسم كاتب السيناريو ! تكون تبع الحبكة برضو وزيادة في الاثارة .. يعني ممكن يكون ده اسامة عطا صديق علي صالح ! ولا ممكن يكون طارق علي صالح او يكون معتصم جعفر عطا المنان او مجدي شمس الدين شمس الفلاح !! ههههه * لاعب كورة اعترف بانو مزور وبلعب باسم اخوه في الفرق السنية ! لا اتحاد عاقبوا لا نادي عاقبو لا زول سأل .. لا زول جاوب .. ياخي طيب المشجعين البسيطين ديل اقل حاجة وروهم الحصل شنو .. عشان يشجعوا بس .. يعني ما ممكن يكونوا بشجعوا في لاعب اسمو محمد .. تمام يا محمد .. العب يا محمد .. يطلع اسمو مازن !! * واحد هلالابي ثقيل قال لي يا خالد .. انت مستغرب لييه .. الناس ديل لي هسة ما عارفين اسمهم المريخ ولا نجمة فكتوريا ولا المسالمة .. ولا في زول عارف المريخ ده سمو المريخ ليييه .. وبت عبد السيد المسيح دي عرفت اصلا المريخ من وين وهي طفلة صغيرة .. بالمناسبة سيدة دي كان عمرها كم سنة لما سمت المريخ .. بس ما تقولو لي ما اسمها سيدة ! * على العموم نحن منتظرين رد اتحاد العجائب .. اقصد اتحاد المريخ .. ياخالد .. مدام انت ما قادر تفرز الاتحاد من المريخ معقول تقدر تفرز مازن من محمد !!! * أحتمال يكونوا تيمان ؟ ههههه لو تيمان يا شاطر هو شايل شهادة ميلاد اخو لييه ما يشيل شهادتو ! * مش احتمال شهادتو يكون شالها سعيد السعودي !!!! * والله ناس المريخ ديل ما قدرت عليهم الا سماء ميديا ! تلاتة مليارات لحدي المحكمة العليا! * يعني احتمال في الدلاله الجاية تلقوا حجزوا على شهادات ميلاد في المكتب التنفيذي !!!!!!!!!!!!!!! سؤال اخير .. * منو من اولاد شمس الفلاح بصم في العقد ؟ ما يكون علاء الدين هههههههههه
