كان اكرم لك ان تستقيل كل جهد بذلته لانقاذ النظام ..لم يحفظه لك سيد الاشرار كان اكرم لك ان تستقيل … خرج عليك بعض الصحفيين ..والمفروض تكون مهمتهم البحث عن الحقائق والكشف عنها ..خرجوا يعيبونك عندما فعلت ذلك … كان أكرم لك ان تستقيل … طردوا السفير الايراني .. ولم يطلعك احد ..سمعتها زيك وزي اي مواطن ما عندو كهرباء بسمع الاخبار من راديو بصباع بطارية … كان اكرم لك ان تستقيل … تلاعبوا علي المحاور الاقليمية ..وانت لا تدري علي اي جنب تصحو الصباح …شرق ولا غرب كان اكرم لك ان تستقيل … الوصف الافضل الذي يصلح عنوانا لما حدث لك …لن يتجاوز ابدا المقولة الاثرية القديمة … ما أكثر العبر ..وما أقل المُعتبرين … هوي لبلب ..هوي لبلب … كم في الخط … !!!!! ……………………….. سلامات جميعا جمعة غندور … !!! لو تسنّي لغندور رؤية الحب المبذول له علي طرقات الفيس بوك والواتساب ..لطلب من البشير ان …يعفيه تاني …!!! ولو رأي البشير عدد المحبين لغندور ..لنام قرير العين أنه إتخذ قرارا صحيحا بإبعاده …كعادته في التوجس من كل من ( يبرق ) … !!! يعني انا هسع ..ابقي مهذب وما بتلفظ وبالي طويل وخجول وجادي في الشغلة القدامي ..وامشي اخش الانقاذ ..يقوموا يقولوا يا سلااااام الانقاذ بقت بت السماء ..وفلان ملاكها …?! طيب وقت عاجبكم غندور كدا …ما تمشوا محل كان دا ..امشوا بتهذيبكم وادبكم واخلاقكم وطولة بالكم …امشوا خشوا مع الانقاذ .. ومن هناك ..اعملوا عمايل غندور : انا شفت بعيوني ديل ناس كاتبين انو غندور احسن وزير في الانقاذ ..دايرين يوزنوا الانقاذ ..زي الكأنهم ..جابوها بإختيارهم ..و زي الكأنها .. غلطتها الوحيدة ..انها ما كلمت دلعها للمواطن ..وفطمتو بدري … احسن ننتبه …احسن ننتبه احنا داخلين الشكلة مع الانقاذ دي ليه …احسن نعرف احنا عاوزين شنو … دي عاطفة سبهللية غير ما بتوّه ما بتودي حتة … شي عجيب … شن عرفكم بغندور … ?!
