من هنا وهناك هيثم صديق المريخ يهزم الهلال ويتوج بالكاس طبعا ده عنوان كل الصحف صباح الاثنين مش ناس العرس بيطبعوا كروت دعوة قبل العرس وتنتقل الافراح لصالة كذا يعنيكان يعقدوا ويدعو ضامنين العرس في التاريخ المعين العروس محبوسة لليوم داك والعريس يتحنن الوزير من كترة الساونا بقي زي خزانة الهلال ابيض يعني ناس الهلال ديل زي الزول العجوز في الصلاة الامامها سريع تلقاهو راكع والامام سجد ناس المريخ جابوا باصين قبل زمن ناس الهلال امس نزلوا باصهم يادوب وفيه صورة جماعية لفريقهم معظم المصورين برة الكشف الشهر الجاي ناس شايلهم المريخ وناس شايلاهم نومة مما هيثم مصطفي مشي المريخ الهلال قاعد بدون باص الكمبيوتر بدون باص ويرد طبعا بكرة التقسيمة الداخلية للمريخ المريخ الرسمي حا يلاقي المريخ الغير رسمي تمانية من الفريق الخصم جايين المريخ زي الانسلاخات في الاحزاب انسلاخ الف عضو من حزب الشعب وانضمامهم للحزب الحاكم انسلاخ مائة قيادي من المؤتمر الوطني وانضمامهم لمدرسة المؤتمر الثانوية ناس بكري المدينة ديل انسلاخهم ظاهر زي سلخ الجلد لجزار محترف الزمن زمن احتراف الجزار المحترف بقي عنده ركشة يشيل بيها الكبرسون عشان ينفخ الجلد يطلعوا ليك زي اللصقة النفخ التقليدي ده الا في جرايد الهلال بس وجرايد الهلال الايامات دي محتفلة بالباص الهلال اباصو والنجم بعد بكرة حا يتكلموا عن تعاشيق الباص عنده مازيمبي تعشيقات اكيد سواقو ما عنده رخصة دولية الرخصة مرتبطة بالكاسات عندك كاس من برة يدوك رخصة دولية ما عندك …ما عندك امس المريخ عمل تمرينو الختامي احمد الباشا قعد يتمرن علي رفع الكاس جابوا ليهو كاس سيكافا الاخير ويقعد يتمرن عليه المسعفون برضوا قعدوا يتدربوا يخشوا الميدان سرييييع يمكن خليفة ده تجيهو كومة خوف في اي زمن عمر بخيت قالوا زايغ الناس الكبار ديل بعرفوها والله تراوري قال لناس المريخ لو ما جبت قونين اشطبوني الكاردينال قالوا وعد بحوافز وسيقدمها للمجلس قالوا ليه يا زول انت الريس قال ليهم والله كنت فاكر البرير هو الريس وحا ينسحب بكرة الهلال لو انسحب الا يركب باص تاني الهللالاب قالوا عايزين كاس جوي ب(س) جابوا ليهم (ب(ص) ايمن سعيد اتصل بعبد الشافي وحمص قالوا ليه هنيالك ياعم جايزة نجم المباراة بجري المدينة جاري علي المريخ اربعمائة مليون اتبرعوا بيها اقطاب فوق حافز المجلس المريخ سقفوا السحاب منزل في كافوري وتوسان ورصيد بهل شديد جنتلمان الا مع الالمان مش المريخ ندو البايرن غير كده اي نادي مستهدف المريخ شال وارغو من الاهلي القاهري وشال كاس سيكافا الاخير بكرة المجلس حا يستقبل التهاني الساعة عشرة ف المكتب التنفيذي من مجلس الشوري التهاني بمناسبة الفوز بالكاس وليس بمناسبة الفوز علي الهلال الفوز علي الدماعة اسهل من درع بدلة في الشماعة انا خايف الهزيمة تحصل مرحلة مشيت اشرب واجي بتاعة تر(باص) ديك الباص قالوا صيني ابو منذر كان ميكانيكي في امريكا قالوا سمع اربعين صوت في الباص ده كركبة في كل مكان الباص ده باربعمائة برضو سقف الكاردينال كده الكاردينال وعدهم بكاس جوي بعد اربعمائة سنة سقفو كده قلنا ليكم (بص) شوف ..وانغا حا يعمل ايه
