في السلك بابكر سلك ورق وانفرك *نضحك كثيرا هذه الايام *فيلم الكاوبوي شغال *يجيك جيمس بوند لابس الكسكته *بالمناسبه *الكسكته دي عاجباهو شديد *زمان عندي ود اخوي صغير *جابوا ليهو كسكته *كانت عاجباهو شديد *شدت ماعاجباهو *كان بنوم لابسها *لو جاتو صحيه ساي *ولقاها واقعه في الواطه *ينزل من السرير يلبسها ويطلع يواصل نومو *المهم *ينقل لنا الواتس يوميا دعايات للفيلم الكاوبوي الجديد *اب كسكته لايرحم *كلو يوم لقطه ومعاهو صيده جديده *مرة الكسكته راجعه لي ورا *ويتصور *ومره الكسكته مدقره في النضاره *ونحنا نضحك *الغريبه نفس الصالون المضي فيهو بكري المدينه *ونفس التربيزه الوقع عليها بكوري *ونفس طقم الجلوس *ونفس الوضع القانوني للورق البيوقعوا عليهو *نفس الباميه *ايها الناس *القانون قال الا امام الاتحاد *حقو ناس فيلم الكاوبوي ديل *يعلقوا مرايا ويكتبوا عليها *الاتحاد *عشان يكون التوقيع امام الاتحاد *المهم *كلو يوم صوره مع زول جديد *اسلام قالت لي الهلال ده عندو كشف ولا بص اصلو ؟؟؟ *مجرد ورق *ولما تفتح التسجيلات يا روشا *بكون الورق انفرك *ايها الناس *لكل زمن امثاله *وآخر الامثال *البباري الكاردينال بوديهو الاولي *بالقانون *لا جوديه ولا يحزنون *بمناسبة الاولي دي *زمان موش الزول لما يحاول ينط الحيطه كتيييييير وما يقدر *برجع لي ورا شديد *وبي جاري شدييييييييييييييد *وينط *دي خطة الهلال للحصول علي جويه *غلبهم ينطوا حيطة الصفر الدولي *قالوا اخير يرجعوا ورا شديد *ويجوا جاريين عشان ينطوا الصفر الدولي *قاموا رجعوا ورا *رجعوا شديييييييييد لحدي الاولي *لكن الخوف لما يجوا جاريين *يعتروا في امبده ويقعوا *يقعوا في الاولي *يقعوا ويقعدوا قبلهم *قبلهم وحدهم *ايها الناس *بالامس ضمانا اجتماع مع الريس الجديد وبعض اركان حربه *صدقوني ربنا اكرمنا بي ناس زي الرصاص *طاخ تموت طوالي *ناس لايقلون مريخيه عن الشفوت علي المدرجات *وهم قامات في الفهم الاداري *عرفنا منهم الكثير المثير المنير *وصدقوني *مايتوفر من اموال للناس ديل *يمكنهم من احداث طفره كبيره يشهق لها الكاوبويات *ويعرفون جيدا ان التسجيلات ليست منظره *ولكنها حوجه تحتاج لفهم وحكم *ليست اوراق توقع بي فنيله واحد يلبسها اي زول داير يتصور *زكرتني فنيلتكم دي ياروشا *بدلة بتاع الاستوديو *يعلقها في المحل *اي زول داير يتصور قاشر *يلبسها *بالايجار *ووااااحده *في ميسي نص الكم تحت الكوع *وفي الدمازين نص الكم جمب الشنب *بدلة بتاع الاستوديو دي *بعد التسجيلات ما تجدعوها ياروشا *بتنفعكم شهر سته *الخوف الصورة الجايه في الواتس *نلقي كردنه لابس الفنيله *واللاعب لابس الكسكته *لبسوك الطاقيه يا كردنه وقعدوا *المهم *قالوا كردنه ماشي سويسرا يشتكي الاتحاد *لو الكلام ده صدق *ياكردنه حقو تصحصح معانا شويه *العرس بقي بالفيس *والبيتزا بالموتر *والعشا بالواتس *شكوي تمشي بيها سويسرا !!!! *رسلها ان شاء الله بي رقشه *اسي لو سافرت سويسرا *وجاكم لاعب *البلبس ليهو الكسكته منو ؟؟؟ *فطومه اختي ؟؟؟؟ *مابتجي الكسكته بتجيب العرق *والعرق بخرب الشعر *روشا ؟؟؟ *روشا بي تفتو دي الا قفه *كسكته ما بتشيلها *اقول ليك *فوضني البسها ليك في سراميكي ده *اتصور ليك مع اللاعب واختها ليك في حتتها لمن ترجع من سويسرا *لو جا لاعب تاني *اكورك لي آدم *اقول ليهو يا آدم جيب الكسكته *المهم *الجماعه قنعوا من بوي وفداسي *شايفهم ساكين مصعب *ايها الناس *مجلسنا الجديد يحتاج لثقتنا ووقفتنا لجانبه *انه حكومتنا *وكما ذكر الحبيب مزمل *الوقوف الي جانبهم فرض عين لافرض كفايه *وما بوصوكم يا شفوت *ايها الناس *لسه المنطق بهتف *قانونيه قانونيه *لا وساطه ولا جوديه *وياصديقي يس بتاع زفة الالوان *اهم حاجه في الانسان *ان يحترم القانون مهما كانت النتائج *اما الخروج علي القانون فهو تمرد لامبرر له مهما كان الظلم الواقع لخطأ في تطبيق القانون *ان كان هناك ظلما *هو احترام القانون ده كيفن ؟؟ *موش القبول بقراراته ولا كيف ؟؟؟ *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *قصة القانون الجديد البشيل سلطات التحري من الشرطه ما مناسب لينا *تجربة النيابات لسه تعتبر جديده علينا *خلوها تستمر شويه يا والينا *عشان نقيم التجربه بعدين تجربوا شئ جديد علينا *المستعجلين ليها شنو يا والينا *ما لسه قاعدين ليكم وقاعدين لينا سلك كهربا ننساك كيف والكلب عاين للمتحري قال ليهو كان زمان يا عمك والي لقاء سلك � � حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore � � � � � �
