تغريده واتساب???? بقلم : معاذ ابومؤيد✍???? الكل يصرح والخلاصة تخبطااات والقبعه ترفع لناس القروبات يصبح صباح تلاقي مانشتات كل يغني علي ليلاه ولاعلاج للمشكلة معقولة بس ياناس المشاكل معروفة للجميع تصريحات شنو تاني يا تعالجوها ياتتخارجوا يعني اسه مصعب بقى حديث الساعة بالله حاج موت عندو قضية وطلع ليه صوت مصعب عمر مش ياهو الناس طالبت بانهاء اعارته لاهلي الخرطوم مش ياهو مصعب الرجل المتدين والملتزم بالتدريبات والحضور وعدم الغياب يعني ياناس المجلس عايزين تعلقوا اخفاقاتكم في مصعب وعايزين تشغلوا المدرج بموضوع مصعب قول شطبتوه عديل كدة عالجتوا مشكلاتكم المالية والله قايلننا ناس مابنفهم وناس دراويش بدل تستاجروا مكتب تنفيذي في الخرطوم 2 ادو اللاعبين حقهم بدل معسكر في مصر ماتعسكرو في مروي ولا كنانة عيبو لينا المعسكرات الداخلية المشكلة شنو الناس كلها عارفانا مفلسين شنو النفخة الكضابة مصر واثيوبيا والخ اعطوا الاجير حقه قبل ان يجف عرقه انتو الناس الكانت سبب في خروجنا الافريقي ماعملتو ليهم قومة وقعدة جاين تزعجونا بموضوع مصعب اشغلتونا وعايزين تشوفو شماعة لاخفاقاتكم يجيك واحد يقول ليك ديل اتصدوا للمهمة طيب اتصدوا ومية مية اسه (مكنكشين ) مالهم ارحلوا وانتوا ماقادرين توحدوا المنابر الإعلامية عندكم كل واحد فيكم عنده تصريح كل يوم في صحيفة الكل يصرح المعد البدني طالع بتصريح تصريح شنو ولياقة اللعيبة في الحضيض وإبراهومة اقرب مثال الاعلام يقول مصعب عاملين ليه اجتماع مخصوص اجتماعاتكم دي وين وقت راجي اتمرد واجتماعاتكم وين وقت المحترفين كل زول جاي من غير نفس اجتماعاتكم دي زاتها مكانها وين وفيها بند منصرف ولامافي معقولة الجمهور شايل هم الأفريقية ويجهز النادي والاستاد لمباراة الرد وانتو النادي ماعايزين تجو ماشين بجمبو انتو لو ماعايزين تحسو بنبض الجمهور رضيتو ولاابيتو الجمعية العمومية جاية اقعدوا (كنكشوا) في المناصب لسة ياخ عزبتونا وماعندكم غير التصريحات طيب عاملين ناطق رسمي لشنو وكل واحد فيكم يصرح مصعب استلم مصعب سقط من حساباتنا والخ مصعب دا طالب بحقه بيعرف يلعب ولا(كيشة) طالب بحقه والناس الماخدة حقها ومتمردة ماقادرين تقولوا ليهم تعالوا اتمرنوا بالله عليكم انتو قايلننا خريجين روضة ولاشنو وياناس التسيير الشغلة غلبتكم عديل وقاعدين تمحوروا في القضايا وتشغلوا الشارع المريخي كل يوم بقضية انصرافية شي شيبوب اشتكيناه وشي الوك لعبوه مجرد وقت وشي مصعب قطع تزكرته وماسافر وكل المحصلة صفر قضايا لاتهمنا لو قعدنا نباري الافراد ضاع الكيان ياتنجزوا او تعجلوا بالرحيل وتخلوا زول يجي ينجز المال عندكم بح ومافي شي بمشي من غير مال والمثل بقول الماعندوش ماليزموش ولو فاكرين الحياة بتمشي بالشخصية كنا لبسنا بدل وكل زول خت كرسي جنب بيتو وقال الحياة تمشي والمال حيجي معقولة بس شاغلننا بقضايا انصرافية وناسين الاهم ناس انو شهر 3 جا وعندنا مباراة افريقية اسه بالله عليكم كوره نيجيريا دي سوقتوا ليها اعلاميا ولاجهزتوا تذاكر مباراة الاياب ولا نسقتوا الفنادق لمباراة الرد ولاعملتوا تعبئة جماهيرية الظاهر مصعب اهم من مباراة البطولة الأفريقية في حساباتكم ختاما ارحلوا قبل ماتغرق المركب وبي فهمكم دا انتو قاصدينا تغرقونا معاكم ونحن علي المدرج ونتفرج وكل يوم شفوت المدرجات يبهروك بتكاتفهم في القروبات والمامصدق يمشي النادي يشوف الحاصل براهو بيعرف الناس دي بتسوي في شنو الغريبة ناس الخارج والقنوات سمعت بنفرة القروبات وناس الطاسة الضائعه ماسمعو وماشافو وهمهم الايراد وفي سرهم يقولو بوهية شنو ونادي شنو وانا متاكد بعد انجاز الشباب للعمل حيظهر مئة اب شرعي للعمل وكل زول حينسب العمل ليه وماتستبعدو انضمامه بعض الاشخاص للقروبات الانجزت هشان يظهروا في الصورة وناس الطاسة الضائعة اصلهم مزنوقين شديد في المال ومصعب عمر بقي شماعتهم ياناس القروبات وشوفوت المدرجات لنا عودة للبتعملو فيه لانو الملاحم الحاصلة عايزة تغريدة مخصوص والبجي ماشي بشارع العرضه لازم يعاين للنادي لانه العمل ظاااااهر وجميل ابقو الصمود ماتبقو زيف شدو الهمة عشان نشوف مريخنا فوق في القمة جاااااينكم بتغريدة قريب ياشفوت القروبات العملتوه ماااااهين
