بابكر سلك بققو كرطع *تعادل سلبي مع الزمالك *كنا نتمني الفوز *ولكن لاتتحقق كل الامنيات *من شكل الفريق *وبرغم توترنا اثناء المباراة *الا ان الشكل العام كان غير *تغيير واضح وايجابي في شكل الاداء *تطور ملحوظ *وبرغم اننا كجمهور ماكنا نحلم قبل لقاء الترجي ولقاء الزمالك بالنتائج التي صارت اليها المباراتين *الا ان تطور شكل الاداء في المباراتين جعلنا نلطم الخدود علي النتائج *ورفع سقف الطموحات *وبقينا زي زول المثل البقول *بققو كرطع *المهم *في شغل فني واضح *الكمال لله لكن التطور ملحوظ *واجانبنا واضح جدا انهم اصحاب بصمات علي الشكل الذي رفع طموحنا لدرجة طمعنا في الكرطعه *بمزيد من الانسجام والاهتمام والاستقرار وتكملة النواقص(مهاجم قناص وقوي وتيري) *سيكون لنا شأن في البطولة الافريقية القادمة *ايها الناس *ذهاب واياب ماعبط *عشان الارض بتلعب مع اصحابها *والجمهور هو وقود الانتصار *وهاهو المريخ يفقد تلك الميزة ويقاتل في جميع معاركه خارج الديار *حتي كورة ارضنا في ارض ما ارضنا ولكنها في حكم ارضنا *هذه الجزئية يجب ان نستصحبها معنا بشدة عند الاعداد لمريخ الموسم القادم افريقيا *يجب ان يكون الاستاد حاضرا وفقا لمطلوبات الفيفا والكاف والجمهور حضورا انيقا مشرقا مشرفا *كلو زول فينا بي كرسيهو وحمامو وباب الطوارئ البخارجو اذا حصل طارئ *يبقي الاستاد الاستاد الاستاد *المهم *يلتقي اليوم احمر كايرو بازرق الخرطوم *اتوقعها حلا وحمار *وادي النيل ياعمك *ايها الناس *المرحلة تتطلب وأد الخلاف وقتل الاختلاف *والمشاركة في رحلة البناء *صدقوني *لو كلنا شاركنا *دعمنا لنادينا حايكون هو الدعم السريع الحقيقي المبارك *ومابنكون احتجنا لي زول او فرد او جهة *وبشرف *بكل الشرف *نكون قد اكملنا بنياننا بدون ادني حرج ولا مرج *ومابنحتاج لتبرير *اخوك ضراعك يا اخوي *اخوك ضراعك لا ود امك ولا ود ابوك *فهمتوني؟؟؟؟ *يلا *المرحلة صعبة *قدامنا تأهل *لازم نطولوا *ايها الناس *شرفنا الحبيب المعلم محمد موسي بنيل الماجستير في جامعة السودان *تستاهل ياحبيب *وهي خطوة تأهيلة مهمة جدا في عملية تطوير الرياضة في البلد دي *لي قدام *ان تنصروا الله ينصركم *اها *نجي لي شمارات والي الخرتوم *كان شفت يا والينا *السقط يمشي ويجينا *قايلنا سمااااان يا والينا *ماعارفنا ورمانين وانتوا سبب الورم الفينا سلك كهربا ننساك كيف والكلب قال عرفنا الضنك…كمان جاب ليهو حمي؟؟؟ والي لقاء سلك