فاطمة الصادق او فطومة اختي كما يحلو لي ان اخاطبها اصبحت هي الناطق الرسمي باسم الهلال يعني لسان الحال وما ممكن لسان الحال المعين من قبل المجلس ان ينطق بعبارات ضد المجلس الذي عينه لذا ظلمت فطومة اختي الاخ مبارك سلمان ظلمته وهي تصفه بالساعي خلف السفر والمال بالمتنصل عن التزامه وولائه للهلال شخصيا اعرف مبارك معرفة لصيقة منذ ان كان لاعباً بالهلال مبارك غيور وواضح وشجاع والعروض التي قدمها له المجلس ليترك التأهيل الامريكي هي عروض تشبه العروض التي قدمها الهلال لغير مبارك العروض والالتزامات التي قدمها الهلال لكل من ذهب مجبوراً للفيفا لاستيفاء حقه من الهلال ووعد الكاردينال يا فطومة يشبه وعود الكاردينال القديمة لجماهير الهلال قودوين جاي ببني استاد عالمي وهلم جرا اذا كان الهلال يفكر في تأهيل ابنائه لأصر الهلال على مبارك ليسافر ولكن القائمين على امر الهلال يا فطومة ينظرون لمصالح تخصهم ايه ضمن مبارك اذا ترك البعثة التأهيلية ان لا يرميه نفس هذا المجلس ؟؟؟ جرة قلم ممكن تودي مبارك الخور ونفس الذين وقفوا مع المجلس اليوم سيقفون مع المجلس يوم يرمي مبارك في الخور أيها الناس مبارك مشروع مدرب قومي كبير وعلى مبارك ان يؤهل نفسه لذلك الموقع اما فاطمة الناطق فغداً ممكن ان نقرأ لها نجاح المجلس في اعادة مبارك بعد العودة من امريكا موش هي الناطق الرسمي !!!! المهم في النقعة افتقدنا اعمدة اساسية وكان الارهاق مسيطراً على ناسنا والملعب لم نعرف انه ملعب الا بعد ان شاهدنا الناس فيهو بتلعب وفعلاً الناس د بتلعب ولكن حقق المريخ السلطان الاحمر سلطان شرق ووسط افريقيا كلها بما فيها السودان حقق المراد وجلب النقاط وحقق المقولة المريخ بمن حضر فقط الفريق يحتاج لخلق صانع لعب او طريقة لعب تعوضنا عن غياب صانع اللعب وبعدها عينك ما تشوف الا النور أيها الناس جمال سالم ما شاء الله كل يوم يبعث في نفوسنا سكينة وطمأنينة ربنا يحفظه المهم أين دوري الشباب والرديف أين التخطيط السليم يا اتحادات أين الاستفادة من عثرات المنتخب أين أنتم ؟؟؟؟ أيها الناس إن تنصروا الله ينصركم أها نجي لي شمارات والي الخرتوم كان شفت يا والينا الباعوض الحايم فينا قايلنا بهايم وهو المربينا كلو يوم يضبح اتنين تلاتة فينا بقى يجسنا قبال يتكينا شايفنا هاملين يا والينا يتكي الواحد فينا ويضبحوا بالسكينة وكمان يكبر علينا قايلنا هاملين يا والينا قايلنا غنم ساكت وهو راعينا ما عارفنا يا والينا بي والينا لكن البقنعو شنو اننا ما هاملين و اننا بي والينا يا والينا سلك كهربا ننساك كيف والباعوض قايل روحو الوالي علينا والللللللللللللى لقاء سلللللللللللللللللللك في السلك - بابكر سلك صحيفة الإنتباهة
