كبر والجلوس علي كرسي السلطة بأي ثمن :- ادوم الملك رسالة عاجلة إلي الأستاذ / إبراهيم بقال سراج كلام خارم بارم :- حكت لي امرأة قادمة من السودان علي لسانها أن والي ولاية شمال دارفور عثمان كبر دعاء بعض العرافين والسحرة الذين تم إحضارهم من ( الذين امتلاء بهم قصر الضيافة بالفاشر حتى فاضت بهم الحيشان ) استشارهم كبر في أمر جلوسه علي كرسي السلطة لأطول وقت ممكن يعني طول العمر أي انه يريد أن يكون حاكما علي هذه الولاية ( خالدين فيها أبدا) ، فقال له احد العرافين ( لو داير حكمك يدوم إلي أكثر من نصف قرن فعليك إحضار مجموعة من كانم وبلاد القرعان مالي وسكوتو الذين اخترعوا الجن جويت وهم الامبتارا ( السناجاجيت ) بلغة أهل دارفور وهم السحرة أهل السفلي الذين لديهم الخدام من عالم الجان وما إدراك ما عالم الجان . وسرعان ما أحضر جماعة كبر من حارقي البخور أمثال معاذ بن دجل اكبر هؤلاء السحرة وقال كبير الدجالين لكبر: أذا أردت ذلك فلا مانع لدينا فيمكننا أن نكتب ليك كتاب ( الثبوت علي الكرسي ) وهذا يتطلب منك شروط منها : أن تذبح ثلاثة ثيران واحد احمر وواحد اسود وواحد ابيض وتقوم بذبحهم في التندل الواقع جنوب البحيرة بين سوق المواشي وحي أولاد الريف وان يكون ذبحها في منتصف ليلة الأحد عند تعادل القمر في منتصف شهر شوال وتقوم بتبخير غرفتك ببخور اللبان الدكر وتقف في منتصف الغرفة في تلك الليلة حيث تكون امرأتك عند الجيران ولا احد غيرك في الغرفة وعليك لبس جلابية ( سوداء بدون سروال ) وتنادي علي هذه الأسماء بهلول شخبور أمكور تليس اجلبوا لي ملوك الجان الساكنين في اعلي جبال ( كوسا ) واعلي جبال غرة ومرة وطره وعين سيرو جوه وبره واظهروا لي عيانا بيانا . وأعطوني ملككم وملك أجدادكم الأولين والآخرين فانا كبر الحاكم بأمركم ؟ امرتوني فقتلت حفظة القرآن من الزرقة أجمعين ومن الفور والمسا ليت والزغاوة وفرزعتهم في كل مكان حتى خلوا ليكم البلد خربان وحشرتهم في المعسكرات وكل واحد حيران ؟ وامرتوني يا سادتي بفتنة مشايخ العربان في جبل عامر حتى أكلتهم الغربان وفروا لاجئين إلي بلاد نسيبهم دبي اخو تيمان . وخلوا لي الخير في الدار والذهب الجمعوا في جبل عامر كيمان كيمان بعد ما قتلوا أخوانهم واهلهم وقطعوا صلة الرحم وكفروا بالرحمن . واعطيتوني خزائن الحرامية والسراقين من خلال مشروع النهب المصلح باسم سوق المواسير والمواخير وفلست كل اهل دارفور وافقرتهم .. واسألوا عبدا لحميد محمد نور ود الشرتاي في كرنوي واسألوا الشيخة عوضيه بنت الجان : وعندما تصل إلي هذه النقطة سوف يظهر ليك ملك الجان و يحييك ويقول ليك :- يا كبر يا جسمان يا ود عثمان جانوا اركع لسادتك كما ولدتك أمك عريان وسوف نأمر الخدام ليكتبوا ليك محاية الملك المعضوض الذي ليس له منتزع إلا الأجل وهو ملك لا يبلي ، وما تعاين لوراء لتعرف ما يفعله ملك الجان حتى لا يصيبك غضب ملك الجان ولا تتملل من الركوع والكتابة بين الرجلان واثبت حتى تجف المحاية يا حاكم أخر الزمان يا مرتكب الفواحش في قصر السلطان ، والبس ملابسك واشرب بعد ذلك من دم الثلاثة تيران ومن كل تور فنجان وقول سمعا وطاعة واطلع علي ناس الفاشر وادعوهم ثاني يوم عصر وقسم عليهم وليمة الثلاثة تيران ووزع ليهم اللحمة في السفرة كمان وما تخلي أي واحد يعرف السر داء لانو لو واحد عرف السر داء ونشروا كمان . دا حيكون آخر أيامك من الدنيا يا ( كبر ) و حنرميك من كرسي الحكم ونجيب فوق رأسك واحد اسموا (نجس) حنختاروا علي علم كمان . وسنظهر لأهل الفاشر انك دجال وعابد للشيطان من جرائم كبر ود جانوا يوم ينادي المنادي :- 1/ تجسست علي الفريق ابراهيم سليمان ولي نعمتك عندما كنت في مجلس الشوري يا حرامي يا وسخان . وكذبت وقلت لرئيسك البشير انو ود سليمان تمرد عليك وأمر أهله الزرقة وسلحهم من أقاصي جبل مرة ودار زغاوة وكل القري والفرقان وخلقت العداوة بينهم وأهلهم من العربان وقلت ليهم الجماعة استعدوا ليكم يا حسين جبريل ويا طافي النور العسكري ولازم تسوي لي تمام و تدمروا لي دارفور بالطيران , وجبت سيدك البشير يا جانو آخر الزمان وقلت ليهو اخطب في ناس الفاشر خطبة الحجاج وصدق صاحبك واصدر اوامروا وقال ا قتلوا كل الشباب والشيب وما تخلوا عجوزا ولا طفل من الصبيان و أهل بيتك في الحيشان لو دعاء الأمر كمان وطلبت المدد من المبدل موسي هلال. فجيش ليك قوات الخفيف المخيف وجند ليك حرامية بنك نيالا من ادومة لغاية اخوة الموقاي في دار اوم خلف بنك الغرب . 2/ وما تنسي انك حرمت المساكين الفارين من نيران الظالم البشير لما جو وقعدوا ليك في الوادي ما بين السوق والبحيرة ليلة العشرين من سبتمبر سنة 2003وحرمتهم من الأكل والدواء والعلاج وناسبت جدو ود سليمان . 3/ وحولت قصر السلطان علي دينار لقهوة ونسه تجلس فيها ستات الشاي وصعاليك النهابة وعتاولة المجرمين من أهل علي ود عثمان . 4/ ونجست الفاشر بالبوت ومنعت حلقات تجويد القرآن . 5/ وقتلت من الأنفس ما يعجز عن العد والحصر في هذا الزمان . 6/ وبعت واشتريت قادة الحركات وفرقت جمعهم من ابوجا لي ليبيا وطاردت الشهيد خليل في مصر وقتل جمالي في سوق امدرمان وعبد الواحد أرسلت ليهو ودخالتوا الوزير بشنطة مليانه بالاسود الفتانوخليتوا اختلفوا مع اخو وناس بيتوا ومني واخوانوا فعلت فيهم ما لم يفعله الخمر وأصبحت اكبر أبناء الشيطان وتم ترقيتك لقائد عام حرس الحدود ومدير امن المشير بابو زكريا . 7/ وحاولت تفرزع المعسكرات وتشتت الغلابة لكنهم عرفوا كيدك وطردوك شر طردة حتي تركي مركوبك النمر وبقيت حكاية في لسان . 8/ وما تنسي يوم دخل الرجال الفاشر وضربوا المطار انو جريت ودخلت تحت السرير في بيت أختك في حي الوحدة وظنيتا انك ناجي يا جبان . 9/ وما تنسي فضيحتك في جامعة القاهرة لما عملت دكتور وبعت دارفور مقابل شقق في القاهرة ووزعتها لاقربائك ووعدت أولاد بمبا وسقت ناس منعم سليمان لبيتك ورشتيهم وقلت ليهم اكتبوا عني كويس ما تفضحوني يا مركز السودان وما تنسوا ود أختي في القسمة واحذروا ناس ود الفكي ولما ظهروا ليك الجماعة فريت صوف كمان وقلت عندك قلب وصمام . 10/ وأول فضا يحك لما قلت لرئيسك البشير امش مع الفريق صاحبك للفكي (في الحاج يوسف) الله يرحمه و خلي يكتب ليك محاية ويدخلك في حفرة النار ويكتب ليك ملكك علي كرسي من ( نار مضمونة ولا جنة مجههة ) ولما اقتنع البشير برأيك وذهب للفكي الساعة 1 بالليل وهو راكب العربية الحمراء ودخلوا الحفرة وسوا ليهو الكجور وأدوا العصاية من اليوم ديك البشيرشرب المقلب و مات والناس الآن تأتمر بخياله ( القرين ) الطلع من حفرة واسألوا الفريق من السر دا قبل ما يمشي يحصل أهله . 11/ والمسكين سمع كلامك وقال جيبوا لي كل الامبتارا وخليهم يكتبوا محاية عشان ماتقوم مظاهرات في الخرطوم ، ووزعتهم في كل جامع وبقوا يكتبوا ليك المحاية بالبراميل شوفوا الدجل والكجور يا اهل السودان الرجال ممشيكم بالدجل والكجور ومصطفي سيد احمد صدق ، تم تخصيص هليكوبتر في القيادة العامة مهمتها تقوم برش المحاية علي ناس الخرطوم بالليل والنهار ومن اليوم ديك مافي حد يقدر يقوم بمظاهرات ألا ناس الحاج يوسف وناس جامعة الخرطوم لأنو الطيار دايما ينسي يرش المحاية داخل حرم الجامعة لانها قريبة للقيادة العامة وخايف ما يخدر الجيش ويقوم ود إبراهيم بانقلاب . آخر الأخبار انو كبر بعد نشر هذه المقالة أختفي لأنو كان خيال مآته كأنه ملح وان ذاب في الماء ودا حال الدجال عندما يظهر المهدي بعض الناس قالوا انو كبر مات بالقلب من يوم ما شاف ملك الجان وسئلوا في جامعة الشهيد العشرة اسئلة وسقط علي قفاه ورفعوا ناس متوكل ود التجاني ، والبعض الآخر قالوا انو كبر ضاع في احدي الطائرات التي ضلت الطريق من مولد الدوحة وهوا لان في لاهاي .
