1-المواصفات ايه؟ خريجه جامعية عاطلة عن العمل او خريجة ثانوية او ( بدون هذا وذاك) او تبحث عن عمل عموماَ الصوت ما مشكلة ممكن نغطي العيب عن طريق الكي بورد الشكل ما مشكلة ممكن نغير الشكل بالمصنوعات الموروثات والكريمات وغيرها ممكن نستورد من امريكا او نذهب الى مصر الشياكة ما مشكلة ممكن نخلق انواع من الملابس عشان الناس يلبسوا ذيك 2-كيفية تكوين فرقة؟ أول خطوة سهلة جداَ تتنفق مع واحد من الحلة بتاع ساوند تجيب ليك واحد بتاع بيانو ( كيب بورد) ترفع صوت الكيب بورد عالي اثناء الوصل الغنائية اخفي صوتك الشين دا تصيحي لا يوجد احساس بالكلمة ولا باللحن فقط الهم الكبير العداد دا وبس وحق الاولاد وباقي العباد مافي مشكلة ++++++++ سؤال مشروع للفنانة ديه هل تتمني ان تصلي الى مرتبة كل من ود الامين والمرحوم وردي ؟ معليش بس خليكم مع حنان بلوبلو ونجاة غرزة المهم في كل دا (العداد) وكثرة الحفلات وخلينا من الدوشة دية طبعاَ الاغاني بتاعتنا كلها سهلة جداَ اولا شوفي قبيلة العريس والعروسة اقعد كسري التلج عشان يكون في صفقة ورقيص عشان يرقصوا المطاميص هجيج ميلان سقوط وضرب بالسوط اهم شيء تكون في الحفلة ( شكله) عشان نفر بجلدنا عدادنا وقبضنا 3-اما طريقه صناعة الاغاني في الزمن دا لا تحتاج الى كلمات رصينة بس قص ولصق واليك ايها القاريء الكريم بعض من النماذج من تاليفي اسم الاغنية : ( ديل وديل) الشاعر : ( زيتنا في بيتنا) الملحن : ( زيتنا في بيتنا) اداء : ( زيتنا في بيتنا) النص : ديه شايقية ما بتخلي لزوجها الماهيه وديه دنقلاوية بكتب ليها اغنية وديلا ناس الجزيرة اصحاب تماسك وحنيه ديل ناس كردفان الكلهم صدق وعرفان دا هو السودان قبائل والوان ابطال وشجعان انتهى النص 4-كيفية اداء الاغنية زيادة في الاغنية تعملها كلها موسيقى ترفع صوت الكيب بورد عالي ما سامعة صفقة يا جماعة انا ما سامعة اللي ما يصفق انشاء الله ماعرست ما تعرس والعزابة الجنبي ديل نائمين اصحوا نحن خلاص ماشين انشاء الله ما تعرسوا كمان وصوت الكيب بورد عالي ترقص الفنانه ذي ما يرقصوا الجماعة ديل انتهت الاغنية ملحوظه : مع اعتذاري الشديد لعملاقة الفن السوداني الاصيل .
