شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف    شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها)    شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي)    بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها    وحدة السدود تعيد الدولة إلى سؤال التنمية المؤجَّل    قرارات اجتماع اللجنة التنسيقية برئاسة أسامة عطا المنان    تراجع أسعار الذهب عقب موجة ارتفاع قياسية    عثمان ميرغني يكتب: لماذا أثارت المبادرة السودانية الجدل؟    شول لام دينق يكتب: كيف تستخدم السعودية شبكة حلفائها لإعادة رسم موازين القوة من الخليج إلى شمال أفريقيا؟    الخارجية ترحب بالبيان الصحفي لجامعة الدول العربية    ألمانيا تدعو لتحرك عاجل: السودان يعيش أسوأ أزمة إنسانية    ياسر محجوب الحسين يكتب: الإعلام الأميركي وحماية الدعم السريع    الفوارق الفنية وراء الخسارة بثلاثية جزائرية    نادي القوز ابوحمد يعلن الانسحاب ويُشكّل لجنة قانونية لاسترداد الحقوق    السعودية..فتح مركز لامتحانات الشهادة السودانية للعام 2025م    كامل ادريس يلتقي نائب الأمين العام للأمم المتحدة بنيويورك    محرز يسجل أسرع هدف في كأس أفريقيا    شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!!    وزير الداخلية التركي يكشف تفاصيل اختفاء طائرة رئيس أركان الجيش الليبي    سر عن حياته كشفه لامين يامال.. لماذا يستيقظ ليلاً؟    "سر صحي" في حبات التمر لا يظهر سريعا.. تعرف عليه    والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة    فيديو يثير الجدل في السودان    إسحق أحمد فضل الله يكتب: كسلا 2    ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية    شرطة ولاية نهر النيل تضبط كمية من المخدرات في عمليتين نوعيتين    الكابلي ووردي.. نفس الزول!!    حسين خوجلي يكتب: الكاميرا الجارحة    احذر من الاستحمام بالماء البارد.. فقد يرفع ضغط الدم لديك فجأة    في افتتاح منافسات كأس الأمم الإفريقية.. المغرب يدشّن مشواره بهدفي جزر القمر    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    4 فواكه مجففة تقوي المناعة في الشتاء    اكتشاف هجوم احتيالي يخترق حسابك على "واتسآب" دون أن تشعر    ريال مدريد يزيد الضغط على برشلونة.. ومبابي يعادل رقم رونالدو    رحيل الفنانة المصرية سمية الألفي عن 72 عاما    قبور مرعبة وخطيرة!    شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة)    حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب    عزمي عبد الرازق يكتب: عودة لنظام (ACD).. محاولة اختراق السودان مستمرة!    انخفاض أسعار السلع الغذائية بسوق أبو حمامة للبيع المخفض    ضبط أخطر تجار الحشيش وبحوزته كمية كبيرة من البنقو    البرهان يصل الرياض    ترامب يعلن: الجيش الأمريكي سيبدأ بشن غارات على الأراضي الفنزويلية    قوات الجمارك بكسلا تحبط تهريب (10) آلاف حبة كبتاجون    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    مقترح برلماني بريطاني: توفير مسار آمن لدخول السودانيين إلى بريطانيا بسهولة    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الروتين ..
سعد الدين إبراهيم نشر في آخر لحظة يوم 09 - 10 - 2012

إنتي عارفه.. الملل.. والرتابة دي بتخلي الواحد يفكر في نوع كده من أنواع التغيير.. يعني مثلاً لو الشرع والأعراف كان أدت «المره» حق الزواج من أكتر من واحد.. وجيتي إنتي قلت لي أنا دايره اتزوج فلان أو علان والله ما بزعل.. لكن للأسف.. لكن ممكن إنتي برضو تقاومي الرتابة والملل بي اسلوب تاني.
هي: يا راجل رتابة شنو وملل شنو.. أنا لا حاسة بي رتابة ولا ملل.. حامده ربي وشاكراه.
: لا أنا بقصد يعني التغيير.. يعني مثلاً أوضتنا دي.. لو غيرنا السراير ختيناهن بالعرض وقمنا ختينا الدولاب في محلهن أكيد ح نحس بي ارتياح.. أها الإرتياح ده جا من وين؟ من كسر الملل والرتابة.. يعني لازم الناس تعمل تغيير.
هي: هسه أرح نعمل تغيير نمشي نتعشى بره!!
: مالو! فكرة جميلة.. ذاتو نواصل الكلام في جو شاعري.. ونناقش القضية دي؟
هيَّ: يا راجل هوي.. مللك ورتابتك دي مادايره أسمع سيرتن!
: لا ما لازم تسمعي.. طيب أنسي الملل والرتابة.. إتخيلي انك بتأكلي كل يوم الحاجة البتحبيها يعني مثلاً إنتي بتحبي المحشي.. لو كل يوم بتاكلي محشي.. ح تكرهيهو مش كده.
هي: وأنا الجابرني شنو كل يوم آكل محشي؟
: ما نحنه بنضرب مثل.. طيب أنسى المحشي.. نفترض انو عندك توب واحد.. جميل جداً كل يوم بتلبسيهو هتشوفيهو بايخ.. الناس برضو ح يشوفوه بايخ.. تفتكري ليه؟ لأنو التوب شنو.. بقى روتين.
هي: والبلبسني توب واحد شنو.. وأنا وكت ما عندي غير توب واحد.. الممرقني من بيتي شنو.. ما ألزم بطن بيتي لمن الله يديني.
: أيوه بالظبط كده.. يعني الروتين حرمك من المشاركة.. فحتقعدي في البيت وما ح تطلعي للمناسبات.. اذن الروتين يسبب خساير.. عشان كده لازم نكسر الروتين.
هي: تعال نسافر لي أهلي في البلد نقضي اسبوع عشان نكسر الروتين.
: لكين الروتين ما بنكسر بالروتين.. أهلك ديل نمشي في العيد.. لما تكون في مناسبة.. ودي سفره روتينية.. بالعكس أهو ده واحد من الحلول البتزيد الطين بله.
هي: انت يا راجل داير تصل لي شنو؟
: هي المشكلة مش داير أصل لي حاجة.. أنا داير انتي التصلي.. تصلي لي قناعة إنو لو كل واحد مننا لقى طريقه يكسر بيها الروتين يعملها.
هي: يعني نعمل شنو؟
: لا هي مش نعمل.. هي كل واحد يعمل براهو.. يواجه روتينو.. لأنو روتينك بختلف عن روتيني.. يعني مثلاً إنتي كملتي الثانوي وما قريتي الجامعة.. ممكن تكسري الروتين بي انك تقري الجامعة.
هي: بي وين.. جامعة كيف مع طلباتك الكتيرة انت وشفعك.
: ايوه ممكن مثلاً أنا أريحك مني يوم كامل ما تشوفي فيهو خلقتي.. وتقري قرايتك بي مزاج.
هي: وإنت اليوم ده ح تمشي وين؟
: ما هو مافي حته أمشيها.. لكن ما مشكلة ممكن الواحد يلقى مخارجه للحكاية دي.. يعني ممكن أنا أكسر روتيني بي طريقتي.. المهم إنتي تقري الجامعة وتأخدي البكالريوس.. وتعملي الماجستير ليه لا.. وبعدها الدكتوراة.. ممكن جداً تكوني كسرتي روتينك وحققتي مجد.
هي: هوي يا راجل انت قايلني غادة السمان.. أنا لا عندي روتين.. لا دايره اكسرو.. وحكاية الجامعة دي ما مفكرة فيها.
: سيبك من حكاية الجامعة.. أعملي مشروع.. أعملي مشتل.. مشتل جميل لطيف تخلقي علاقة مع الشتول والورود والأزهار.. مع الاخضرار.. فكرة مجنونة مش.
هي: يا راجل أنا ما فاضية ليك.. أقوم أمشي.. ذاتو موبايلك بضرب رد عليه.
: ألو.. منو.. (يوطي صوتو).. المحاولة فشلت.. لكن جهودي مستمرة.. أنا ح أعرس تاني.. ح أعرس تاني.. منو كيف يعني ما ح أعرسك إنتي.. (يعلي صوتو) خلاص يا عادل أنا ح أشوف الموضوع ده.. كدي لمن نتلاقى بكره.
هي: ده منو الضرب ليك ده؟
: ده الروتين!.. أقصد ده واحد صاحبنا.. داير يكسر الروتين معاي ..

انقر هنا لقراءة الخبر من مصدره.