تقلّب في دفاتر الهم وتمسح صفحة من همي تجادل في الحزن والخوف وتكتب رمية لى نمي ٭ ٭ ٭ ٭ لقيتك صدفة في الخاطر .. بترسم لوحة للحاضر بلون الأخضر الناضر وغيبك في القليب ماطر بيغسل مني حرماني وبكيت بي حروف شاعر قصص أحلام.. وحب نادر ٭ ٭ ٭ ٭ لقيتك صدفة بين الناس بتشبه ذكرى في الماضي وتنقر في القليب أجراس لقيتك طيبة رويانة غنا.. وإحساس وحنية أهل غالين وزول وناس وإنتا المافي زيك.. زي.. ولا بتنقاس.. بسعر الماس ٭ ٭ ٭ ٭ لقيتك العمر مارق هموم الدنيا مجتمعات علي.. والزمان فارق أسابق سكة الأحزان وأفتش عن حبيب عاشق يربت كتفي بالتحنان ولون الريد عليهو لايق ٭ ٭ ٭ ٭ لقيتك.. والحياة ابتسمت لي فرح السنين.. عزمت وجونا الناس ملوا الساحات وشافوا اللقيا شوف العين وكيف كل الأمور حسمت تلويح: (الصدفة أجمل في الحقيقة بلا انتظار)