النايرة في كل الظروف.. والطالة من وهج الحروف بنت الجزائر والجروف.. ست البلد زينة الحضور بتقدرا وبتمجدا لأنك إنت جد بتعرفا أميرة الزمان وست الحسان وكل الحنان إتلفحا وصارت ألق لكل إنسان بعرفا بتقدرا وبتسامرا وبتآنسا في كل حين حتى الحنين ما قال كفى من شدة مارواها وإتعتقا وصبحت مثل لكل حلوة مؤدبة.. وبقت صيحات أصحاب المقام الرفيع وهمسات الغلابه اللآلي المتعففا بتقدرا ما نحن شفناك من هناك روحك معاها وبهجتها يا متيما ما ضحكتا نغمة منمقة من طيب شفاها بترسلا لكل زول أسعد شقاها وآنسا بتقدرا والله مقدرك يا البي الفضائل دججك والله.. والله مقدرك ما أداك حنان ورقة وأماني في دنيتك بتقدرا وبتقدرك وقدرك حلو زي نيتك وهي على الوعد القديم البتحسو في كل طلتك وبمطنك ما تشيل هموم تسرح تخاف من دنيتك مافي حد يطال لي قلعتك وبتقدرا وتنثر عليها الورد والإكليل وبتقدرك دي بتديك عصارة قلبها طيبة وسلام وأجمل كلام يمكن يكون دستور غرام نهلة مجذوب تلويح: العزيزة داليا هذه مشاركة مني في مساحتك الرحبة التي هي بلا شك باحة ومتنفس لتعابير أتوقعها تنمو برعايتك الطيبة لها ولولا تقديرك واهتمامك لما رأت هذا البصيص.