من التعبيرات الأنيقة الرائعة عبارة تقول: «كانت صفوفًا من أشجار الحور الرقيقة تسير في صحبة الطريق حتى وصلت المدينة». ذلك أن المسافر في الطريق «المزركش» بالأشجار المنسقة الجميلة يحس بأنها تسير معه وتتحرك وهو يشاهدها من شرفة المركبة التي يستخدمها عبر الطريق. ولقد شاهدت في الطريق من القاهرة للإسكندرية «نار الغابة» تتقد وتسير في الطريق و«نار الغابة» اسم يطلق على أشجار «البنسيانة» وتُدعى أيضاً «القولد مور» لها أزهار برتقالية صارخة لقبت بنار الغابة. وفي الحديقة النباتية العريقة بالخرطوم يبهرك مشهد شجرة نادرة لها أزهار برتقالية كما تظهر «بالصورة هنا» اسمها العلمي Bihno mnic eae وتُعرف بشجرة اللهب.. ونتعرّف على لقطة أخرى رائعة من كتاب «الحديقة» للكاتب «أوسبرت سيتويل» ويقول فيها: «إن اللون الأخضر هو الدليل على خلق حديقة، وليس امتلاك كل الألوان التي توجد في قوس قزح.. إن أكثر حدائق العالم الجميلة لا تنتج إلا أزهاراً قليلة، فهي تعتمد في جمالها على الشجرة والصخرة والماء والمنظر الذي يحيط بشرفاتها.. هذه الحدائق خلقت للراحة في بيئة هادئة للاسترخاء والتجول، والخيال الفكري، وللحب والإحساس بالغموض». اه ولعل أوسبرت يميل إلى لون خاص من الحدائق يريح بها نفسه.. لكننا في السودان لا نهتم كثيراً بتوظيف الأشجار مثلما نضع أحياناً الإنسان غير المناسب في المكان غير المناسب، نزرع دقن الباشا والنيم والدمس السعودي كيفما اتفق. ونحتفظ بأشجار ذات كفاءة عالية في متاحفنا فقط للنوع والذكرى.. رأيكم شنو؟!. شنطار حرامي القلوب ودّع حرامي القلوب تلّب قبضوهو بالبوليس كان من زمان هربان مطلوب ومدسي من شرطة التفتيش ناس الأمن سكوهو وما قدرو قبضوهو شان ما سوو ليهو الفيش في شكلو بتغيّر ما بِتعرِف أصلو حربوية ساسوسية ما بحمل الهبيّش شخصيتو تتقلب كل يوم في شكلو جديد زي التقول إبليس ٭٭٭ والليلة أضحى رماد وعضامو طارت فوق شالا الهوا وروّح زي الدقيق والريش والليلة ودّع راح فارق خلاص الكنز ما أصلو حرامي طموح بقصد بنات العز الراكبة في برادو والسايقة كامري تهز والبيتا مزرعتو في السطح ترعى الوز ودادتا الخاصة شان بس تصحيها تشيلا فوق وتلز شحمانة نديانة تلمس جليدا ينز مرتاحة نوامة ما بترضى مرة تبز في حفلة بتساهر وطول النهار شخير وتلقى الخروف جاهز محشي جداد ورز ٭٭٭ حرامي القلوب ودّع أنسيهو يا بتي واستمتعي بوقتك شان عندك عريس جاهز غنيان ومتريّش تلقيهو في يدك د. خوجلي إبراهيم تلفون 0184361156