جدل واسع بفوز ريال مدريد على مارسيليا    المالية تؤكد دعم توطين العلاج داخل البلاد    مبارك الفاضل يهاجم مجدّدًا ويطالب قيادة الجيش بقبول"خطّة الحلّ"    الأمين العام لوزارة الدفاع يطمئن على ترتيبات عودة تشغيل مطار الخرطوم    غادر المستشفى بعد أن تعافي رئيس الوزراء من وعكة صحية في الرياض    شاهد.. الفنانة إيمان الشريف تفاجئ جمهورها وتطرح فيديو كليب أغنيتها الجديدة والترند "منعوني ديارك" بتوزيع موسيقي جديد ومدهش    التغير المناخي تسبب في وفاة أكثر من 15 ألف شخص بأوروبا هذا الصيف    مصر .. السماح لحاملى التأشيرة الخماسية بالإقامة 180 يوما بالمرة الواحدة    إبراهيم نصرالدين (درمي).. صخرة دفاع أهلي الكنوز وطمأنينة المدرجات    والي ولاية كسلا يشهد ختام دورة فقداء النادي الاهلي كسلا    تحالف خطير.. كييف تُسَلِّح الدعم السريع وتسير نحو الاعتراف بتأسيس!    الخارجية البريطانية: مستقبل السودان يقرره شعبه    الفرقة السادسة مشاة تنفذ عملية عسكرية ناجحة وتحرر مواقع استراتيجية فى الفاشر    شاهد بالفيديو.. في مشهد مؤثر.. خريج سوداني يجري نحو والده بحب كبير في ليلة تخرجه من الجامعة والأب يعانقه ويشاركه الرقص بطريقة جميلة وملفتة    د. الشفيع خضر سعيد يكتب: دور المجتمع الدولي والإقليمي في وقف حرب السودان    توجيهات مشدّدة للقيادة العسكرية في الدبّة..ماذا هناك؟    شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير)    شاهد بالفيديو.. الفنانة توتة عذاب تشعل حفل غنائي بوصلة رقص مثيرة والجمهور: (بتحاولي تقلدي هدى عربي بس ما قادرة)    شاهد بالصورة والفيديو.. فتاة سودانية تثير ضجة غير مسبوقة بتصريحات جريئة: (مفهومي للرجل الصقر هو الراجل البعمل لي مساج وبسعدني في السرير)    شاهد بالفيديو.. نجم السوشيال ميديا ود القضارف يسخر من الشاب السوداني الذي زعم أنه المهدي المنتظر: (اسمك يدل على أنك بتاع مرور والمهدي ما نازح في مصر وما عامل "آي لاينر" زيك)    ماذا لو اندفع الغزيون نحو سيناء؟.. مصر تكشف سيناريوهات التعامل    الجزيرة: ضبط أدوية مهربة وغير مسجلة بالمناقل    ريال مدريد يواجه مرسيليا في بداية مشواره بدوري أبطال أوروبا    السودان يدعو المجتمع الدولي لدعم إعادة الإعمار    ما ترتيب محمد صلاح في قائمة هدافي دوري أبطال أوروبا عبر التاريخ؟    ماذا تريد حكومة الأمل من السعودية؟    الشرطة تضع حداً لعصابة النشل والخطف بصينية جسر الحلفايا    شاهد بالصور.. زواج فتاة "سودانية" من شاب "بنغالي" يشعل مواقع التواصل وإحدى المتابعات تكشف تفاصيل هامة عن العريس: (اخصائي مهن طبية ويملك جنسية إحدى الدول الأوروبية والعروس سليلة أعرق الأسر)    شاب سوداني يستشير: (والدي يريد الزواج من والدة زوجتي صاحبة ال 40 عام وأنا ما عاوز لخبطة في النسب يعني إبنه يكون أخوي وأخ زوجتي ماذا أفعل؟)    هالاند مهاجم سيتي يتخطى دروغبا وروني بعد التهام مانشستر يونايتد    الهلال السوداني يتطلّع لتحقيق كأس سيكافا أمام سينغيدا    إنت ليه بتشرب سجاير؟! والله يا عمو بدخن مجاملة لأصحابي ديل!    مصر تسجل مستوى دخل قياسيا في الدولار    وزير الداخلية يترأس إجتماع لجنة ضبط الأمن وفرض هيبة الدولة ولاية الخرطوم    عودة السياحة النيلية بالخرطوم    في أزمنة الحرب.. "زولو" فنان يلتزم بالغناء للسلام والمحبة    إيد على إيد تجدع من النيل    شاهد بالصورة والفيديو.. عروس سودانية ترفض "رش" عريسها بالحليب رغم إقدامه على الخطوة وتعاتبه والجمهور يعلق: (يرشونا بالنووي نحنا)    حسين خوجلي يكتب: الأمة العربية بين وزن الفارس ووزن الفأر..!    ضياء الدين بلال يكتب: (معليش.. اكتشاف متأخر)!    في الجزيرة نزرع أسفنا    من هم قادة حماس الذين استهدفتهم إسرائيل في الدوحة؟    مباحث شرطة القضارف تسترد مصوغات ذهبية مسروقة تقدر قيمتها ب (69) مليون جنيه    في عملية نوعية.. مقتل قائد الأمن العسكري و 6 ضباط آخرين وعشرات الجنود    الخرطوم: سعر جنوني لجالون الوقود    السجن المؤبّد لمتهم تعاون مع الميليشيا في تجاريًا    وصية النبي عند خسوف القمر.. اتبع سنة سيدنا المصطفى    عثمان ميرغني يكتب: "اللعب مع الكبار"..    جنازة الخوف    حكاية من جامع الحارة    حسين خوجلي يكتب: حكاية من جامع الحارة    تخصيص مستشفى الأطفال أمدرمان كمركز عزل لعلاج حمى الضنك    مشكلة التساهل مع عمليات النهب المسلح في الخرطوم "نهب وليس 9 طويلة"    وسط حراسة مشددة.. التحقيق مع الإعلامية سارة خليفة بتهمة غسيل الأموال    نفسية وعصبية.. تعرف على أبرز أسباب صرير الأسنان عند النوم    حادث مأسوي بالإسكندرية.. غرق 6 فتيات وانقاذ 24 أخريات في شاطئ أبو تلات    بعد خطوة مثيرة لمركز طبي.."زلفو" يصدر بيانًا تحذيريًا لمرضى الكلى    الصحة: وفاة 3 أطفال بمستشفى البان جديد بعد تلقيهم جرعة تطعيم    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



عامل لي بتاع نكتة
الانتباهة نشر في الانتباهة يوم 22 - 01 - 2013

في أوائل سبعينيات القرن الماضي وعندما لم يكن الناس في الشرق الأوسط يعرفون «الكميرا الخفية» كنت أنا قد اخترعت مواقف كهذه:
في بعض المجالس التى تضمك مع أصدقائك مجال واسع للثقالة وخاصة مع الذين يحبون رواية النكت والطرائف ... فهناك ناس دمهم خفيف وبتاعين نكت وظرائف ... ولكنك تستطيع ان تتثاقل عليهم الى حد بعيد.
ففي احد المجالس ... ابتدأ احد الظرفاء يروي نكتة فقال:
واحد في مستشفي المجاذيب ...
وقاطعته قائلاً: واحد ولا اثنين ؟ ها ... ها ....
قال: اسكت يا بايخ واحد في مستشفى المجاذيب ...
قلت: مقاطعاً: لكين هنا في مستشفى بتاع مجاذيب..
قال: ابداً الحكاية دى مش هنا ... الحكاية دى حصلت في حتة ثانية.
قلت: ها ... قال: واحد في مستشفي المجاذيب جو عشان يخرجوه .... الا أن الدكتور قال لأهله خلاص الزول بتاعكم بقي كويس... فقام المجنون وقال للدكتور: طيب انا عايز أسالك سؤال؟؟ يا دكتور.. الماسورة دى بت منو ... واستغرب الدكتور جداً وقال ليه: ما فاهم كيف الماسورة بت منو؟؟ المجنون قال للدكتور لا ... لازم توريني ولو ما عارف قول ما عارف ..... الدكتور قال ليه: طيب انا ما عارف قام المجنون قال للدكتور: يا عوير الماسورة بتنقط ... » .... بت ...... نقط » وقبل ان يضحك الأصدقاء وبمنتهى البرود والتبلد قلت مقاطعاً: اها والدكتور قال ليه شنو؟؟ وتجمد بيان الاخ المنكتاني ولم يكن يتوقع مثل هذا السؤال لأنه لا يعرف له اجابة قال: الدكتور يقول ليه شنو ما هو كلام والسلام...
قلت: كلام والسلام كيف؟ ... مش انت قلت انو المجنون قال للدكتور الماسورة بتنقط.
قال: ايوه .
قلت: طيب الدكتور كان شعوره شنو؟؟ وتضايق الاخ جداً وقال بكل نرفزة:
يا اخي الحكاية نكتة وبس ... مالك عايز تعمل لينا فيها تحقيق.
قلت: نكتة بتاعة شنو؟؟
قال: الله ... بقول ليك نكتة تقول لى نكتة بتاعة شنو؟؟ يا اخوانا الحكاية شنو.
قلت: يعني الحكاية نكتة ساكت ... يعني ما حصلت؟
قال: ايوه ما حصلت ...
قلت: طيب نعتبر انها ما حصلت لكين تفتكر انو ما ممكن تحصل؟
قال مغتاظاً: يا اخي تحصل ما تحصل ... ما تسألني امش أسال ابو داود.
قلت: ابو داود منو؟؟
قال: ابو داود الفنان ...
قلت: طيب والدخل ابو داود هنا شنو؟؟
قال: هو الاخترع النكتة دى ...
قلت: وقد ظهرت عليّ علامات الفهم ...
ايوه ... يعني انت سمعتها من ابو داود ...
قال: ايوه ... دا ايه دا؟ ...
قلت: طيب وأبو داود قال شنو؟؟
قال وقد كاد ان ينفجر: يا اخي يقول شنو؟؟ ما قلت ليك ابو داود قال النكتة دى وخلاص.
قلت: يعني قال النكتة وخلاص وما قال اى نكت اخرى ...
وصمت الزميل صمتاً لئيماً جعلني احاول ان ابحث عن موقع آخر ... لأتثاقل منه وحاول احد الزملاء ان يخفف حدة الموقف ... فقال: يا اخوانا ليه صارين كدا ... انسوا القصة دى وخلونا نتونس ... اسمع وقال موجهاً لى الكلام:
انت ما سمعت بالنكتة بتاعة واحد عايز يقطع البحر قطع اصبعه.
قلت بكل عبط وبلاهة: بس هو معقول يكون عايز يقطع البحر يقطع اصبعه دا كان وين؟؟
قال: يا اخي دى نكتة ... انت اصلك ما سمعت نكت طيب اسمع واحد قالوا ليه جاك جواب من افريقيا الوسطى. قال ليهم بنين ولا بنات؟؟
قلت ايضاً بكل عبط وبلاهة وانا لم يشرق وجهى بابتسامة بل ظل عابساً كاظماً شاضماً:
بنين ولا بنات يعنى شنو؟ .. هو معقول يقول ليهم كدا ... اصلو الحكاية شنو؟
شوف دا بالله ما تستهبل روح كدا ...
لاحظ ان استعمال الكلام نفسه يجب ان يدل على عباطة متناهية لانك بعد مرحلة العباطة والبلاهة تنتقل الى مرحلة الثقالة الحقيقة وهى مرحلة متقدمة ولا تصلها الا بالمثابرة والمران والله الموفق. ولكن الاخ لم يفقد الامل في انه يستطيع اضحاكي فظل يواصل جهوده الضائعة وهو يقول:
يا اخي ما تكون بايخ نحنا بنقول نكت ... عايز تعمل لينا فيها فلقة ... اسمع واحد بوليس حركة واقف في الصينية اتملى ملوخية ... ها ... ها ... وطبعاً لم اضحك بل بكل برود العالم قلت: له: اها بعد ما اتملى ملوخية مشى وين؟
قال بضجر: وين يعني شنو؟
قلت: مش انت قلت انو اتملى ملوخية؟
قال: ايوه ...
قلت: وبعدين «مشى» غسل هدومه وبعد داك ولا كان واقف بيهم في الصينية؟ وطبعاً لم تفلح جهود الاخ في افهامي ان الموضوع كله نكتة وبس ولا يصح ان اذهب ابعد من ذلك لتغيير ملابسه ام لا .... اذ ان الموضوع برمته نكتة فقط لا غير .. وهنا لا بد ان افعل شيئاً وقلت للجماعة: خلاص ما دام كدا كلنا ان شاء الله ننكت: اسمعوا ... واحد قريبنا الليلة جا من السفر.
ولم يضحك اى واحد منهم ... وقلت بكل بلاهة . ليه ما عايزين تضحكوا ماهو دى نكتة زى بتاعتكم:
وقال احدهم وهو يغلي من الغيظ: زى بتاعنا بتاعة شنو ... يا اخي .... تقول واحد قريبك جا من السفر دى فيها شنو؟ ... وريني النكته هنا وين هنا ... ؟
وقلت متحدياً: طيب انت وريني النكتة وين في واحد عايز يقطع البحر قطع اصبعه:
وقال الزميل وهو في غاية التعب: اسمع في حاجة اسمها المفارقة النكتة دى فيها مفارقة ... النكتة بتاعتك ما فيها مفارقة...
وقلت: شوف بالله دا ... المفارقة هسع وين هنا؟ ما خلاص اذا النكتة بتاعتك فيها مفارقة انا برضو نكتتي فيها مفارقة.
قال الاخ بتبرم: طيب ورينا المفارقة وين هنا ...
قلت: المفارقة انو واحد قريبي جا من السفر بعد ما «فارق» اهله ...
وهنا قال الاخ: يا اخى ان شاء الله تفارق عقلك اكثر من كدا ... يا بني آدم دى حكاية ما بتضحك ابداً ... واحد قريبك جاء من السفر يعني شنو؟
قلت: يعنى واحد قريبي جاء من السفر ...
قال: طيب نحنا نفهم شنو عشان نضحك..
قلت: وطيب انا أفهم شنو عشان اضحك من حكاية عايز يقطع البحر قطع اصبعه.
قال: يا اخي انت مش عايز تفهم ...
قلت: انت المش عارف تفهم ... انا اقول ليك نكتة زي دي وانت لا تفهمها لا تضحك ليها ... طيب انا اضحك للنكت بتاعتك ليه؟ .. هى الحكاية فوضى ولا عشان الواحد جاء عشان يتونس معاكم تقوموا تستبدوا عليه ولا عشان قايلين الواحد اقليمي وانتو اولاد الخرطوم بس البتعرفوا تنكتوا...
وتدخل احدهم وهو يقول: يا ابن العم القصة دى ما فيها اى حاجة وما جابت ليها اولاد خرطوم ولا اولاد اقاليم على اى حال النكتة بتاعتك كويسة جداً وانا معجب بيها جداً ...
قلت: النكتة ياتي؟؟
قال: النكتة بتاعتك طبعاً؟
قلت: عايز اسمعها اصلو قبال كدا ما سمعتها؟
قال: سبحان الله ... انت القلتها ... تجي تقول ما سمعتها ...
قلت: ايوه..
وهنا انفجر الشخص الاول وهو يقول: يا اخي دا راجل ثقيل وبايخ ويلا يا اخوانا من هنا ... وخليك مع قريبك الجا من السفر دا ... وانصرفوا وهم يلعنون اليوم الذى جمعنا سوياً.
«هذا قبل أربعين عاماً.. تقولي شنو وتقول لي منو؟».

انقر هنا لقراءة الخبر من مصدره.