منظر (تدخل ساره علي مريومه وهي تقف محتارة في مخزن مقتنيات الحوار الوطني بدار اللمه) ساره: مبروووك يابت امي عاد أبوك برّاك بر شديد وقعدك فوق محلك البتستحقيهو... عاد كان ما صايمه وريقي ناشف كنت زغردت!! مريومه: الله يبارك فيك... الامام انتي ما عارفاهو حكيم وعندو بعد نظر.... الاّ قولي لي يا سرورة... اي حاجة في الرف هبشتها في مخزن الحوار دا لقيتها منتهية الصلاحية... (بااااايظه) دايرة أشيل حاجة أخش بيها المطبخ أعمل لي فطور معتبر لضيوفي من المعارضة... انتي عارفه ابوعويس دا معلم كبير وإحساسو مرهف! ساره: الامام قال لي المواد التموينية الحوارية دي كلها بقت ما نافعه وخزنوها في المخزن... خساره يابت... عدسية المؤتمر دي جابوها كويسه بس اسبوع سوست، البلح لقيناهو مقدد ومسوس شديد.. بليناهو ماطلّع أي طعم... القمردين مخمر... التين طعموا ملح ملح والبناتي لقيناهو رجالي... حاجة واحدة كدي مااتلقت نافعه!! ... سيدي الامام رسل لي من هنااااااك قال لي المواد التموينية الحواريه دي كلها أحفظيها في المخزن عشان نرجعها ليهم.. مابضاعة تالفه!! مريومه: الرز زاتو بايظ سارة: خااااصة الرز... الموضوع كلو رقد رز!! كوندوليزا وسوزان كلهن بنات RICE!! مريومة: اقول ليك ياسرورة... ارح المطبخ نعمل لينا رشوشه بي كسرة المعارضة الناشفة دي... والله أبوي غايتو شيلني جنس شيلة!! سارة: ولايهمك... بكره ود الشيخ يرسل لينا جالون سمن من النهود وملك المكرونة قال برسل لينا طرد مكرونة شعبية والبلاشفه وعدونا بي شوال شطة (ام زمباك) تاكلها وتتلب بالشباك والامام زاتو رسال قال بجيب ليكم معاي كجيك من مدريد..... يابتي الخير باسط.. بلا مؤتمر... رشوشتنا دي ولاعصاير الناس... أهلنا ماقالوا فارتنا ولاكدكاية زول Hi Hi Hi Hi منظر (ضحك متبادل.. تخرج علي إثره مريومه وسروره تغلق المخزن وراءها وتتجه -40 في المائة - من عضوية الهيئة الرئاسية الي المطبخ السياسي السندكالي) SITAAAAAAAAAAR - ستاااااااااااااار --- حورية بت الحوار: أنا حورية بت الحوار انتو متابعين قصتي؟؟؟ عشان ما أحكي ليكم من أول المشوار الخطيب شتت... وأهلوا قالوا ما بجوا وهو برّه الدار يمكن ماشي يجيب الشنطه... مش أحسن الانتظار لكين أهلي شفاقه.. ودايرين البوبار قالوا الخطوبة رسمية... وما كلام شمار برانا جهزنا المأذون والفنان.... وحجزنا الصالة وكمان دفعنا الايجار بس هس راجين السبعة زايد سبعة بتلاقو..... كان بالليل ولا النهار يختوا النقاط فوق الحروف.... واعرف مصيري وبالاختصار.... انا زهجت من سوف واخواتها....