الوعي أساس كل شيء والتروي مع تناول الامور بعقلانية يؤدي الى خلق الاستقرار ويكشف التآمر والتخطيط الخلف الستار ويا ستار من التخطيط الخلف الستار أيها الناس مع إطلالة كل موسم يقوم بعض اخوتنا الاهلة بخلق مشكلات ومؤامرات في الوسط المريخي القصد منها واضح جداً وانجراف بعضنا في التغريد خلف الناس ديل بالتأكيد سيشوش على سيمفونية التجانس التي ننعم بها فتنقلب لضدها وندور في تلك المشكلات المصنوعة ونلتفت لنجدنا قد خرجنا بخفي حنين والموسم شارف على الانتهاء أيها الناس راجعوا أرشيف الصحف الهلالية حينما تعاقد الهلال مع غارزيتو وحينما تسلم العمل وعندما ابعد هيثم واثناء الموسم اشادات بالشهادات بالعبقرية بالتاريخ المشرف في تحقيق بطولة مازيمبي الافريقية الاولى وكيف ان الداهية غارزيتو قد خطط وهزم الهلال بالخمسة في استاده راجعوا حديثهم عن انطونيو ولياقة الهلال الما بتكمل وحب اللاعبين لانطونيو راجعوا اشاداتهم بشخصية الخواجه القوية وبعد ان تراجعوا كل ذلك ارجعوا لما يكتبونه اليوم وارجعوا لما يخططون له تلك الشهادات بقت مافي وتلك الاشادات اتنست وقوة الشخصية تلاشت ومسح التاريخ بطولة مازيمبي التي حققها غارزيتو له وانكروا هزيمة ابو الهل بالخمسة من مازيمبي تحت اشراف غارزيتو وانطونيو طلع بتاع مشاكل وغارزيتو بفرضو على المريخ كل القديم اتغير أيها الناس الديبة في لقاء صحفي قال غارزيتو كويس لكن انطونيو ما عندو فكرة ثم لقاء آخر بالفاتح النقر يردد نفس الحديث عن انطونيو في الوكت داك المريخ ما اتعاقد مع انطونيو لكن كان في الامر تحذير للمريخ التحذير كان لاشعال الفتنة لانهم يعلمون تماماً ان غارزيتو لا يعمل الا وابنه معه لثقته في ابنه فاكل مجلس المريخ الطعم وتسرع الفريق طارق في نفي التعاقد مع انطونيو وده كان المطلوب ايها الناس مع صدور قرار تكوين القطاعات الجديد الجماعة دوروا ابو جريشة ما بنفع مع عبدالصمد وعبدالصمد بكره صديق وصديق ما بحب انطونيو وانطونيو مصاحب مدرب الحراس الجزائري ومدرب الحراس الجزائري قال الهلال افضل فريق في العالم كلام فارغ كتير بتقال وللاسف بعضنا بياكل الطعم ويدور في الفارغة أيها الناس فكروا قبل كل شيء ويجب تناول الامور بعقلانية قبل الخوض فيها ماذا تستفيد صحيفة هلالية عندما تفتح صفحاتها لمعارضة المريخ؟؟؟؟ هل تريد صالح المريخ؟؟؟؟ وهل يمكن ان تفتح تلك الصحيفة صفحاتها للقاء المعارضةاذا كانت المعارضة تريد الحديث عن جويات المريخ ؟؟؟؟ وهل يمكن ان تفتح صفحاتها لمجلس المريخ ليتحدث عن انجازاته؟؟؟؟ وهل يمكن ان تفتحها لمريخابي يريد ان يرد على المعارضة في لقائها بتلك الصحيفة ؟؟؟؟ وتيب !!!!!!!!! أيها الناس على المعارضة مع احترامنا لها ان تطل عبر منابر المريخ وان لم تجد «ولا اظن ان الامر كذلك» عليها ان توجد لنفسها منبراً او منابر حمراء تطل من خلالها بوجهها الانيق على الشفوت وان لم تستطع ان تنشئ منبراً او منابر يبقي بتعارض في شنو؟؟؟؟؟؟؟؟؟؟؟؟ اأيها الناس تهيئة الجو المناسب للعمل هي اولى المكاسب وخدمة المريخ تجوز من اي مكان لا ضرورة للمناصب كلنا خلف مريخنا لموسم جديد وشديد وانجاز مديد دايرين نتقابل في المطار خلونا من فارغة ناس الجوهرة «الزرغاء» المهم هلالابي قال لي رأيك شنو في الكاردينال قلت ليهو شعرو زي شعر راسي ده عاين لي راسي وضحك المهم بدلة المدينة وقدلتو تاعبة الناس شديد والمثل بقول الغير مخدتو غير مودتو وبكور غير بدلتو وحلالالالالالات قدلتو أيها الناس الموسم ده لو شفتوا بكري جاري واليوناميد كلو جاري ورا ما تستغربو قبل كده عيسى كان جاري والكنغو كلها جارية ورا قابلناهو في المطار بي مانديلا واجري يا بكري الحياة أيها الناس إن تنصروا الله ينصركم أها نجي لي شمارات والي الخرتوم كان شفت يا والينا نشيد امة الامجاد زي الرسم من بدري خارطة طريق لينا كلو مقطع فيهو يا والينا بحكي عن حالا مر علينا من الاسم امة الامجاد يا والينا لما اتكتب النشيد كان في امجاد قدر ده حايمة فينا ؟؟؟ قبلة الانظار يا ارض الهدى والحق كنت شوف كلمة «كنت» دي يا والينا فعل ماضي مضى كالسيف فينا لا تبالي ان اساء الدهر يوماً لا تبالي اسي قاعدين نبالي، موش ساكتين طوااااالي يا والينا ويعدد الشاعر يا والينا عشان يقول لينا امتي يا امة الامجاد والماضي العريق«في دي صدق» يا نشيداً في دمي يحيا ويجري في عروقي «وانا اقول عروقنا دي البجري فيها ده ما الدم البنعرفو» اذن الفجر الذي شق الدياجي بشروق «مع البكور ده الفجر لاصق في الشروق لاصقين في الضهر قاب مافي فجله بس» وطريق النصر قد لاح فسيري قي الطريق« سيري للسلامة في التفويج التزمي القانون ولا تتعدي السرعة المسموح بها» سلك كهربا ننساك كيف والناس كلها عارفة انها لو تعدت السرعة المسموح بها بتتقلب. والى لقاء سلك