ربيع عبد العاطي (دخل الفرد في السودان 1800 دولار) بالله ياجماعه انا الليل كلو قاعد اضرب مرتبي ده بمشي وين ...مانمت نهائي ننوم كيف والواحد عندو قروش قدر دي حسي كان نمت ساي وجا حرامي واحد صحبي من السعوديه ضارب لي نص الليل وغضبان قال شنو؟؟ قال ترسلونا بره نغترب وتصرفوا قروش قدر دي قدرل مااحاول اقنع اخونا ده برضو مامصدق ويردد(1800)يامفترين المهم ماخلاني الا قلت ليهو بشوف ليك عقد عمل هنا وكمان جايب معاهو (خمسه سعوديين وخمسه مصريين وكم فلبيني علي كم باكستاني )وانا اشترط عليهو يجيب كم هندي كده((اصلوا شكلنا حنمثل هندي.... المهم ياجماعه انو الزول ده بالتحديد كان علي وشك انو يشوف لينا عقد عمل ..تااني البقنع لينا الزول ده منو؟؟؟ اشوف فيك يوم ياعبد العاطي !!!!! الكاتب الساخر : لؤي شرفي