سودارس : انتقال مصطلح (ماسورة) الي الليغا الاسبانية (بيل) ماسورة ويلزية

حل لجنة المنطقة الشمالية بكوستي وتشكيل لجنة جديدة لإدارة مباريات الدرجة الثالثة الجزيرة تكثف التحضيرات للاستحقاقات القادمة في دوري الدامر السودان..مصدر حكومي يرد على تفاهم مثير مع الميليشيا شاهد بالصورة والفيديو.. رجل سوداني يُدخل نفسه داخل "برميل" تفاعلاً مع أغنيات "الطمبور" والحاضرون يحملونه ويطوفون به ساحة الحفل شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب جلوس أكثر من 3500 طالب وطالبة لامتحانات الشهادة المتوسطة بمحلية الخرطوم كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 جوجل توسّع الترجمة الحية إلى آيفون وآيباد الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل ماجد المصرى: الخلاف فى أولاد الراعى تجاوز المال إلى جوهر العلاقات الأسرية شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

انتقال مصطلح (ماسورة) الي الليغا الاسبانية (بيل) ماسورة ويلزية

محمد عبد الماجد نشر في النيلين يوم 29 - 10 - 2013

امس في هذه المساحة كتبنا عن رحلتنا (الخيالية) الي برشلونة ومشاهدة المباراة من ملعب (الكامب نو)...وقد كان عنوان المقالة (الكامب نو بالشنقيطي).كنا قد توقفنا فى دخولنا لملعب المباراة قبل (45) دقيقة من بداية المباراة.
اليوم نتحدث في جزء ثان عن الرحلة تحت عنوان (كلاسيكو بالفول السوداني) عن ما حدث بعد ذلك.
اهم حاجة في الكورة ..تدخل قبل المباراة ..تشرب ليك (شاي) ..وتقعد تتونس وتضحك في المدرجات.
لكن الاسبان ديل يتونسوا معاهم كيف؟.
والله يا حليل ناس فضل الله الصحاف والجنيد ..كانوا بونسونا قبل المباراة.
هسع ديل يتونسوا معاهم كيف؟...لا عندهم (رفع الدعم من المحروقات) لا بعرفوا (3) رغيفات بي جنيه...لا بعرفوا عربي.
والله انتوا مرتاحين في (عضمكم) دا.
على الاقل ما عندكم نشرة ..زي نشرة عشرة حقتنا دي...ولا عندكم (طه سليمان)...ولا فاتورة كهربة مدموجة معاها فاتورة المياه.
يا ربي ..الاسبان ديل بيعرفوا (التقلية)..بصلتها برة..قعدت قبل المباراة اسأل نفسي عن الحاجات دي.
انتوا مالكم ..نفسي كمان ما اسألها.
ضيّق شديد.
الواحد بينو وبين نفسو ..ما عاوزنو يتكلم.
الاسبان ديل ..ما عندهم اي مشكلة ...(قاعد قبل المباراة بفكر في الحاجات دي).
لا معتصم جعفر ...ولا اسامة عطا المنان.
عليكم الله في راحات اكتر من كدا.
دي حاجات يحسدوكم عليها.
ديل قالوا ليك من (راحاتهم)..يوم الجمعة ما عندهم (عالم الرياضة)..ولا عندهم (فيصل سيحة) كدا ..يقعد يشرع ليهم ويحلل ليهم قرارات الحكم ب (لون النجيلة).
سيحة هنا فترنا بي الهدف دا تسلل ..وهدف المريخ صحيح ..(على رأي لون النجيلة).
انت يا اخوي عاوز تفحص للحكم ...(لون النجيلة) دا حاجة ما شفناها إلا في تلفزيون السودان القومي.
ديل من المبالغات كدا ...(نجوم الغد) ما عندهم.
نيمار دا قالوا اول ما ظهر في نجوم الغد في البرازيل في ملاعب كرة القدم كان بغني لي وردي (المستحيل).
وميسي ظهر في نجوم الغد في الارجنتين وهو بغني لي عثمان حسين (شجن).
اما (رونالدو) فقد كان بغني لي مصطفى سيد احمد.
الدوري الانجليزي الناس بتابعوه بي كرت الجزيرة.
الاسباني ..بي كرت الجزيرة.
الايطالي ..بي كرت الجزيرة.
السوداني بي كرت الملاريا.
عشان كدا حكامنا قدر كورتنا ..يعني كورة ناس بلة جابر ديل ..حكامها لازم يكونوا ناس فيصل سيحة ..وما جاء بعدهم.
يا ربي (أونديانو ماينكو) حكم مباراة الكلاسيكو العالمي ..في زول اتصل بيه بالتلفون.
رسل ليه رسالة في التلفون.
في زول (مسكل) ليه ساكت من الجماعة.
انا في الدوري السوداني الحكم من اشعر ليك ضارب ليه (سمك) في الحوش او في سمكنا بقنع منو.
طوالي بعرف الجماعة وصلوا ليه.
قاعد افكر براي.
انتوا مالكم يا جماعة ...(البضايقكم في الحاجات دي شنو؟).
الواحد ما يفكر.
بفكر كدا ..في (اسباني) قاعد جواري ..قال لي ممكن (تلفونك) ما عندي رصيد..عندي (خالتي) خليتها تعبانة ..عاوز اطمئن عليها.
قلت ليه : (هو الحنك دا في اسبانيا وصلكم)..خالتك مالها ؟..ووقت عيانة ..البجيبك المباراة شنو؟..ما تقعد تحرسها ...انتوا يا الاسبان ما عندكم احساس.
بعدين خالتك دي من السودان ..البخليها تمرض شنو؟..عندها (رفع دعم من المحروقات)..والله نلقى (اسبانيتكم) دي ..شيء ما تجينا.
اعطيتوا التلفون ..وقلت ليه ..ما تتكلم كتير ..(البطارية ضعيفة).
طبعا اي زول تقول ليه عاوز اضرب بي تلفونك...يقول ليك (البطارية ضعيفة).
كيف البطارية ما تكون ضعيفة؟ ..وانت اليوم كلو داخل بالتلفون (فيس بوك)..وشغال بالواتساب.
الاسباني شال تلفونو ...يتكلم ساعة ونص بي تلفونو ...ما خلى ليه حاجة.
الاسباني قطع ليك جنس قطيعة في التلفون...(انتوا يا كافي البلا القطيعة دي عندكم).
الإيطالي (كارلو أنشيلوتي) المدير الفني للريال ..نزل الملعب ..قلت اشوفو لابس (برمودة)..لقيتو لابس لبسة محترمة.
عاينت للمساعدين والجهاز الفني للريال كلو ..بما في ذلك الاولاد البلقطو الكور ...(ما في زول لابس برمودة).
نظرت على الجهاز الفني لبرشلونة الأرجنتيني خيراردو تاتا مارتينو..وطاقمه الفني ..ما لقيت واحد فيهم لابس ليه (برمودة).
رجعت السودان ..اتذكرت (كروجر)...حايم لينا بي (برمودة) تقول في (الغردقة).
تقول عاوز يغسل ليه عربية.
انتوا يا مريخاب مدربكم دا جبتوه من وين؟.
هسع نحن نفرز المدير الفني للمريخ من مدرب الحراس كيف؟.
الريال دخل الملعب ...الاسباني القاعد على شمالي ..قال لي رقم (22) دا منو؟.
قلت ليه عليك الله الحركات دي انا في مباراة (النسور) ما بقبلها ..ما تعملها لي في مباراة الريال.
انت اسباني على شنو؟..اذا كنت بتسأل عن اللاعب رقم (22).
الحاجات دي نحن في دار الرياضة ام درمان خلينها.
في ناس كدا ...من الفريق يدخل يسخن ..يقعدوا يسألوك ..اللابس (14) دا منو؟.
ورقم (16) داك ما عرفتو.
الحاجات دي حفظناها في استاداتنا دي...(عن ظهر قلب).
مرة دخلت استاد المريخ ..قلت احضر كورة المريخ والنسور..في واحد من الجماهير ..قعد ينظر لينا.
ما خلى حاجة.
اتكلم عن مازدا ..وغارزيتو ..وصلاح مشكلة.
سمّع لينا تاريخ الكورة السودانية ..سطر ..سطر.
انا قلت الزول دا خطير.
الزول دا موسوعة.
زولكم عمل لي فيها ابو العريف..عارف اي حاجة.
المريخ دخل الملعب ..قال لي اللاعب رقم (3) داك منو؟.
قلتوا ليه : موسى الزومة ..(عادي يكون ما بعرف موسى الزومة).
طيب الزول الواقف في مرمى المريخ داك منو؟.
دا اكرم الهادي يا اخوي ...(بدأت اتضايق)...يعني البكون واقف في مرمى المريخ (فرقة الصحوة).
ما ظاهرة.
شوية كدا سألني من فيصل العجب ..قال لي اللاعب الطويل الفي منتصف الملعب داك منو؟.
قلتوا ليه كمان انت ما بتعرف فيصل العجب ...انت المريخ دا بتشجعو عن طريق رأس الرجاء الصالح.
وإلا المباراة دي داخلها بالواتساب.
يمكن بدخل مع ناس الملح.
وناس الملح كلهم ما بعرفوا العجب ..لأنهم لمن يدخلوا الاستاد ..فيصل العجب بكون المدرب طلعو.
المباراة بدأت ..عارفين الزول دا سألني من منو؟.
سألني من الحكم...قال لي انت الزول اللابس اسود داك منو ..البجري في نص الملعب وبصفر بالصفارة..وكل (5) دقائق بطلع ليه كرت اصفر.
يا ود الناس انت حكم المباراة ما بتعرفو ..وعامل لي فيها كمال شداد.
تفتكر الزول البعمل الحاجات دي (سيد اللبن)..دا الحكم يا اخوى.
هسع الدوري السوداني دا عليك الله طلعنا منو ..خلينا مع مباراة الكلاسيكو.
ما تجيب لينا سيرة ناس موسى الزومة ...نحن مرقنا لي (الكامب نو) عشان نطلع من ناس موسى الزومة.
اتخيلت موسى الزومة بيلعب في الريال...كان الناس كلها شجعت (برشلونة) حتى راموس.
قلت عشان تبقى في موازنة بلة جابر يلعب في برشلونة.
عارفين في الحالة دي بحصل شنو؟.
الناس ح تخلي الريال والبرسا ..وتشجع اتلتيكو مدريد.
الحكم صفّر ..والمباراة بدأت...جاء بتاع (القنقر) حايم.
هنا في (قنقر).
انا زمان كنت بتخيل (التفاح) حقنا ..في اسبانيا (قنقر) ساكت.
وكنت بقول يا ربي (الدوم) دا في اسبانيا شنو؟.
ما لقيت ليها اجابة...غلبتني.
قلت معقولة ..الاسبان ديل عندهم (قنقر) في الاستاد السمح.
طيب فرقكم شنو؟...مع (القنقر) دا ما يقوم يظهر لينا (سعيد السعودي).
شوية كدا ..بتاع (الترمس) جاء حايم ...الناس كلها كوركت فيه....دي شنو الحركات دي.
الجماعة طلع عندهم (ترمس).
نفس كواريكنا الفي السودان ...(يا زول اقعد ..اقعد ..عاوزين نشوف).
خفت الكشافة تضرب.
والكهربة تقطع ...وناس البوليس يقعدو فوق الحيطة ...عشان ما في زول يتلب.
الناس ديل ما عندهم فرق مننا.
بتاع الشاي ..شلت منو كباية شاي ..وقال لي ما عندي (فكة) ..لمن المباراة انتهت ..ما جاني راجع تاني.
نفس الحركات ..(بنوموا بالباقي).
اسباني عاين لي كدا قال لي (بيبي) لاعب ريال مدريد دا كورتو زي (ضفر) عندكم.
قلت ليه ..والله كورة (ضفر) لو زي كورة الزول دا كان طلع هداف الدوري السوداني.
كان عملناه وزير.
ان شاءالله وزير الصحة.
ضفر شنو؟.
ضفر دا لو كان قاعد في المدرجات ..كان حكم المباراة طردو ليك.
فرجتو ساكت فيها (كرت احمر).
شوية كدا ..سمعت ليك اسباني طويل القامة ..عريض المنكبين ..زي زول عادل امام ..قام وقف ..وقال (بيل) دا ماسورة.
قلت (ماسورة) دي وصلتكم هنا.
طيب خليتوا لينا شنو؟.
دي العولمة يا ناس ...الزمن دا ما في جزر معزولة.
الاسباني التاني قال لي (ماسورة) دي بقى مصطلح عالمي.
والله دا انجاز لينا.
لو المواسير وصلت الدوري السوداني ..ناس بلة والزومة وضفر وسعيد السعودي بحترفوا في الدوري الاسباني.
وقت في (مواسير) في الدوري الاسباني ..ما تشيلوا من الدوري السوداني شوية.
غاريث بيل دا ..لو دعمونا بي قروشو ..كنا عملنا لينا (41) كوبري طاير في الولاية.
وكان الدعم للمحروقات ذاتو ما رفعناه.
نيمار جاب الهدف الاول...وقف مشجع من مشجعين ريال مدريد ..وقال الهدف دا (تسلل).
حركات مامون ابوشيبة.
قلت ليه اقعد يا فيصل سيحة ...(عليك الله ما تكرهنا الكورة)..نحن الحركات دي كانت السبب الجابنا هنا.
ما عندكم اي فرق مننا.
انتهى الشوط الاول بتقدم برشلونة ..نص الريالاب طلعوا من الاستاد.
الشوط الثاني بدأ.
مخالفة مع رونالدو ...(ضربة جزاء)...الحكم صرفها.
قلت لي جماهير ريال مدريد ...والله ضربة الجزاء الصرفها الحكم دي للريال ..لو لقاها مامون ابوشيبة يكتب عنها (25) سنة.
ربع قرن بي حالو.
ويعمل ليه ذكرى سنوية كمان لضربة الجزاء دا ..يطلع فيها كل ما تمر ذكرتها ملحق في صحيفة الصدى.
برشلونة جابت التاني ...والريال جاب قون.
المباراة انتهت.
ناس برشلونة قالوا عندهم (17) كرسي ناقص.
دي شنو الحركات البعملوا فيها ناس برشلونة ديل؟.
كراسيكم ديل ..الاتحاد الاسباني ..ما بشتغل ليكم بيها ...لكن لو قدمتوا شكوى يا ناس برشلونة للاتحاد السوداني وقلتوا عندنا (17) كرسي اتكسرت في (الكامب نو)..الاتحاد السوداني لكرة القدم بقوم يغرم ليكم ناس الهلال.
موش معتصم جعفر العندو (3) مساعدين دا.
يمين ما بتلفت ..طوالي بقول دا جمهور الهلال.
الغريبة لمن جمهور المريخ يثور ويكسر ..ويموت زول في مباراة للمريخ مع سيمبا ..الاتحاد العام بقول دا جمهور سيكافا.
ووقت يتكسر (كرسي) في استاد المريخ ..والهلال منتصر ..الاتحاد بغرم الهلال ..وبقول دا جمهور الهلال.
عليكم الله دا فهم.
اليوم التاني ...من مباراة البرسا والريال ..حرصت اقرأ الصحف الرياضية في اسبانيا ..قلت النشوف الجماعة ديل بقولوا شنو؟.
لقيت ليكم (مزمل ابوالقاسم) حقهم ...(محتجب لظروف فنية).
اما (سلكهم)..فهو كتب شيلوا رونالدو واقلبوه (بنشر عربيات).
مامون ابوشيبة بتاعهم ..خلى موضوع الكورة ..وقعد يتحدث ليهم عن تحويل الموقف...والاستعداد للخريف.
سبحان الله.
نفس الحركات.
اتاريها ..الكورة ..دي كورة ..في اي حتة ...واي مكان.
الشيء واحد.
لملمت حاجتي ورجعت سوداني ..قلت ما في احسن من البلد دي ..حتى في الكلاسيكو العالمي.
ملحوظة : شفتوا كيف؟.
هوامش
مباراة اليوم بين الهلال والاهلي مدني صعبة للغاية.
لكن الهلال ان شاءالله سوف يتجاوز هذا المطب.
تحولوها بالعصر ..تجيبوها نص النهار ..الهلال ح ينتصر ان شاءالله.
الله يستر بس من ارضية الملعب ...ومن حكم المباراة.
كمان ناس الاهلي مدنى رفضوا التلفزة.
عاوزين يأخدوا راحتهم.
الممتاز حق الهلال.
والهلال سوف يفوز بالممتاز ان شاءالله.
ويومها ح تفهموا حاجة.
نتمنى مشاركة اساسية لسيدي بيه..وان يكون في يومه ..ويحسم لينا مباراة اليوم.
نزار الصاقعة ..بقدر يصنع الفرق.
بشة وكاريكا وبكري المدينة ..ما شاءالله عليهم.
دوافع الاهلي مدني والضغط الذي سوف يلعب به مباراة اليوم سوف يكون خصما عليه.
مشجع الهلال بلولة ..رزق بثلاث توائم..ويستحق من الهلال مساعدته.
مطلوب من اقطاب الهلال ومن رجالاته دعم (بلولة) مشجع الهلال.
وان شاءالله التلاتة نشوفها الليلة في شباك الاهلي مدنى.
اوعكم من فارق الهدف.
احسموا المباراة مبكرا..وما تحرقوا لينا اعصابنا ساكت.
بكرة نلتقى ان شاءالله في نفس المساحة.
الله ينصر الهلال بس.
............
عاجل :
غايتو غاريث بيل دا لو كان بيلعب في المريخ ...كان جبنا ليه (جيوب انفيه).
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.