سودارس : في مصر (جمعة) الشهداء في سوريا (جمعة) الصمود في السودان (جمعة) صد (ضربات الجزاء)

ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

في مصر (جمعة) الشهداء في سوريا (جمعة) الصمود في السودان (جمعة) صد (ضربات الجزاء)

محمد عبد الماجد نشر في النيلين يوم 26 - 03 - 2014

نحن برضو عندنا (جمعة).
انتوا فاكرنها شنو؟.
قايلنها (الطلقيبة) دي ساكت كدا...(فاكرنها برضو قسمة ونصيب).
وزي ما كان في (جمعات) مختلفة في الوطن العربي ابان ثورات الربيع العربي ...نحن برضو هنا في السودان طلعنا لينا ب (جمعة).
جمعة (جينارو).
مالكم؟.
انتوا قايلين شنو؟.
جمعة (جينارو) بس...ما عندنا ليكم اكتر من كدا.
في تونس كانت هناك مجموعة من (الجمع)..جمعة الثبات ..جمعة هروب بن علي ...جمعة الرجال...جمعة (لقد هرمنا في انتظار هذه اللحظة التاريخية).
الجمعة الاخيرة دي قاطعها من رأسي.
في مصر ظهرت على ميدان التحرير عدد لا حصر له من (الجمع).
ديل الجمعة كانوا بنتظروها ليك من يوم السبت.
جمعة الشهداء ..وجمعة الرحيل ...وجمعة التنحي ... وجمعة الجمل ..المصريون كمان ما خلوا ليهم (جمعة) فاضية.
طقطقوا ليك (الجمع) دي جمعة ...جمعة.
حليل زمان ...في مصر كان الواحد يوم الجمعة بيسوق الاولاد ويمشي على مسرح الاوبرا أو مدينة الانتاج الاعلامي أو يمشي على الاهرامات..أو متحف القاهرة القومي.
هسع قالوا ليك الواحد بيسوق الاولاد ويطلع يوم الجمعة على ميدان التحرير.
فرق.
وفي ناس اكثر تشددًا بمشوا على ميدان رابعة العدوية.
أو ميدان مصطفى محمود.
قالوا ليك في مصر ..الواحد لو زعل ساكت مع زوجتو بعمل ليها (جمعة).
المرا لو كترت (الملح) في الطعام ...زوجها بعمل ليها (وقفة) في شارع جامعة الدول العربية.
ويسموا ليك الجمعة دي...(جمعة الملح الطالع).
المرا ذاتها قالوا ليك وقت تزعل من زوجها ما بتشيل شنطتها وتمشي بيت ابوها.
ابدًا ما بتحصل حاجات بالشكل دا.
المرا في مصر وقت تزعل من زوجها بتشيل شنطتها وتمشي على ميدان التحرير.
تمتشي تعتصم هناك.
وهاك يا منظمات العمل المدنية ..وحقوق الانسان...وقناة الجزيرة.
المصريون في الحاجات دي بعجبوك..دوروا ليك في الجمع دي ..ما خلوا ليهم (جمعة) تمر ساكت.
ديل مرات الجمعة ذاتها بجروها ليك للسبت.
الكهربة تقطع...يعملوا (جمعة).
الكهربة ترجع ..يعملوا جمعة (الخلاص).
الواحد لو مشى للترزي ولقى ملابسو ما انتهت بعمل جمعة (التأخير).
في مصر قالوا ليك ...سيد اللبن لو زاد اللبن موية ...اليوم التاني بكافحوا ليك ب (جمعة زيادة اللبن موية).
ما بتلفتوا في الحاجات دي.
الجمعات طبعاً برضو انتقلت إلى اليمن..اليمنيون نزلوا ليك في الجمع دي على تقيل.
ما خلوا ليهم ميدان فاضي.
قالوا ليك شارع الستين في اليمن نزلوا فيه.
وكذلك كانت هنالك مجموعة من (الجمع) التى لا حدود لها في سوريا.
لكن في سوريا طبعاً بشار الأسد ...رأسو قوى ..مليون جمعة ما بتعمل ليه شيء.
قالوا ليك بشار الأسد في سوريا بفكر في تغيير الشعب ..بدل ما يختصر الحكاية يغيير الحكومة.
هنا في السودان الحمدلله طلع برضو عندنا (جمعة).
ما تعاينوا لي كدا.
ما تستغربوا.
مليتوا لي العمود دا كلو (استغراب).
تستغربوا لي كدا زي العرب المستغربة.
في السودان عندنا جمعة (جينارو).
عاوزني اقول شنو يعني اكتر من كدا؟.
ولو بالغت ...مع جمعة جينارو ..بجيب ليكم خميس مارتن.
اكتر من كدا (ساعة) ما بديكم.
ولا دقيقة.
ما تقعدوا تتحلفوا لي ساكت.
اعمل ليكم شنو أنا؟.
اقطع ليكم حاجة من رأسي.
اغشكم يعني.
نحن جمعتنا جمعة جينارو.
أو جمعة (صد ضربات الجزاء).
جمعة بقى كل مباراة يصد ليه ضربة جزاء ...ما شاء الله.
جمعة دا يوم (الاحد) بصد ليه (ضربة جزاء).
عليكم الله في حارس مرمى حددها معاكم اكتر من كدا.
الغريب في الامر ...ناس المريخ بتكلموا عن (التحكيم).
أنا ما عارف التحكيم اكتر من كدا يعمل ليكم شنو؟.
التحكيم دا بقى في أي مباراة يلعبها الهلال خارج ارضه ...الحكم يحتسب ضربة جزاء ضد الهلال.
وفي وقت محرج كمان.
وجمعة بصد ضربات الحكم تلك.
إلى الان الهلال لعب مباراتين خارج ارضه في البطولة الافريقية ، احتسبت فيها ضربتي جزاء ضد الهلال ...كان لها جمعة جينارو بالمرصاد.
في واحد قال لي انت تعال هنا جمعة دا ضربات الجزاء دي بنفذوها فيه في ميدان (التحرير).
في مباراة الهلال وليوبارد الاخيرة ..مع احتساب الحكم لضربة جزاء لصالح ليوبارد ...كرّت حكم المباراة (5) لاعبين من الهلال.
الحكم ما فاضل ليه إلّا يكرت اعضاء لجنة تسيير الهلال.
نحن بدون ما نشاهد المباراة ..وبدون أي غلاط أو جدل نجزم أن هذه الكروت منحت للاعبي الهلال ظلماً أو مع سبق الاصرار والترصد..خاصة وأن حكم المباراة لم ينذر أي لاعب من فريق ليوبارد.
لاعبو ليوبارد ديل عندهم الجواز الامريكي.
اقنعوني أن هذا الامر عادي ..وطبيعي وما فيه ترصد ...ونتج بصورة (عفوية).
هل تعلموا بعد هذه الوقائع ..يتحدث اعلام المريخ عن (التحكيم).
طبعاً المريخاب عاوزين ليهم (حكم) من أول (3) دقائق يقوم يطرد بكري المدينة وسيف مساوي وجمعة جينارو.
المريخاب عندهم عقدة اسمها (بكري المدينة).
عاوزين الحكم من اول تلات دقائق يطردو.
المريخاب عاوزين أي هدف يسجله الهلال يحسبه الحكم تسلل.
وعاوزين مع ضربات الجزاء التى يصدها جمعة جينارو ...عاوزين الحكم يعيد تنفيذها.
زي ضربة الجزاء (الهدية) التى منحت للمريخ في مباراته الافريقية امام الاسماعيلي.
الحكم قعد يعيد ليك في (ضربة الجزاء) إلى اجل غير مسمى.
إلى ان سجلها فيصل العجب.
لو فيصل العجب ما سجلها ..كان فيصل العجب إلى الان بكون بنفذ في ضربة الجزاء من مدينة الفاشر.
الحكم في تلك المباراة كان قد منح المريخ ضربتي جزاء.
علماً ان المريخ في كل مبارياته الافريقية يمنح ضربات جزاء .. والدليل على ذلك ...ان الحكم منح المريخ امام كمبالا سيتي ضربة جزاء في الخرطوم اهدرها باسكال.
وكان الحكم (اكرم) من ذلك على المريخ في كمبالا عندما قام بمنح المريخ ضربة جزاء في مباراة الاياب اهدرها تراوري ثم جاء وسجل منها.
(اكرم) الهادي سليم ما بحسبها.
هذا هو المريخ مع كل هذه الهدايا وضربات الجزاء المحتسبة لصالحه في مقابل ضربات جزاء تحتسب بصورة دورية على الهلال في مبارياته الخارجية في البطولة الافريقية...يتحدث عن انحياز الحكام للهلال.
أبعد هذا ..يتحدث اعلام المريخ عن الدعم الذي يجده الهلال من حكام المباريات.
انتوا يا جماعة مباريات الهلال دي بتشوفوها بي (نخرينكم).
انتوا بتسمعوها بي (الاربطة الصليبية).
كلام محاباة الحكام دا تاني ما تقولوه عشان ما نفتح ليكم ملفات تجاوزاتكم.
المواضيع دي انتوا لا بتقدروا عليها ولا حاجة.
عشان كدا احسن تسكتوا ..وتصموا خشمكم.
ما تخلونا نقوم عليكم ..لو قمنا عليكم ..تاني من بيوتكم ما بتطلعوا.
الطريف في الامر ..عندنا زول في الحلة ما عندو أي علاقة بالكورة.
الكورة دي بفهم فيها شوية كدا...الكورة عندو زي (الكيمياء).
الزول دا كان بعد أي مباراة يقولوا ليهو جمعة جينارو صد ليه ضربة جزاء.
صاحبكم افتكرها ضربات ترجيحية.
قام قال لي شنو؟.
قال لي انت تعال هنا ...الهلال دا قاعد يتأهل في البطولة الافريقية عن طريق الضربات الترجيحية.
قلت ليه ترجيحية شنو؟..دي ضربات جزاء عديل كدا بصدها جمعة جينارو اثناء المباراة.
قال لي لكن مالها كتيرة كدا.
كل ما يلعب الهلال مباراة خارجية ..يقولوا ليك جمعة جينارو يصد ليه ضربة جزاء.
ويقولوا ليك بعد دا كلو ...الحكم كان مع الهلال.
والله انتوا لو في مرادكم ...حكم المباراة يشيل ليه (رشاش) ويرصص بكري المدينة وبشه وكاريكا ومهند الطاهر ونزار حامد وجمعة جينارو.
خلاص عليكم الله مباراة الهلال القادمة مع ليوبار خلوا يحكمها لينا عادل ابوجريشة.
عادل ابوجريشة طبعاً ممكن يكون اكثر عدلاً من الحكام الذين يحكمون مباريات الهلال.
وتثبيتاً للكلام دا ...الليلة الحكم سوف يمنح المريخ ضربة جزاء امام النسور.
ديل مع النسور بمنحوهم (ضربة جزاء).
احضروا المباراة لو الحكم لم يمنح المريخ اليوم (ضربة جزاء) قولوا الزول دا بتكلم ساكت.
ملحوظة : الحاجات دي نحن حفظناها حفظ.
هوامش
الحمدلله ان عمودي (القراية ام دق) سوف يعود اليوم بصحيفة (الصيحة) بعد توقف (13) يوماً.
الاستاذ امير سيد احمد ..المريخي الراقي تكفل بتذاكر سفر الجنيد إلى القاهرة.
وهذا دائماً هو الوسط الرياضي.
رغم ما فيه من خلافات ..وصراعات ..إلّا انه في مثل هذه الاحوال يتواجدون تعاضدا.
برشلونة والريال الاخيرة كانت من اجمل مباريات القمة الاسبانية في السنوات الاخيرة.
المباراة كانت غاية في الروعة ...والدهشة ...والمتعة.
والله ما عارفين الليلة نحضر مباراة المريخ والنسور كيف؟.
حاجة (محلية) خالص.
خايفين تعمل لينا (تسمم).
النسور والمريخ ...عليكم الله ما بتقلب البطن.
غايتو إلّا نحضرها في الاذاعة.
اوعكم تجيبوها لينا في التلفزيون.
الايامات دي نحن من الهلال وليوبار إلى الريال وبرشلونة ..ثم مانشيستر سيتي ومانشيستر يوناتيد.
معقولة بعد الحاجات الدسمة دي نحضر النسور والمريخ.
ليه نحن رايحين.
تاني.
وتاني.
المريخ عندو (ضربة جزاء) اليوم.
احضروا المباراة وارجعوا لي.
تراوري لو عاوزنو يسجل ..سلموه (المرتب) في التسخينة.
دي افضل طريقة يسجل بيها تراوري.
رغم ان مباراة الهلال وليوبار لم تسجل تلفزيونيا ..وما في زول شاف المباراة...لكن مع ذلك اتوقع سيحة يظهر الجمعة القادمة ويقول ضربة جزاء ليوبار صحيحة.
....
عاجل : سيحة لو ما قال كدا ما ببقى سيحة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.