* الرائع كبوتش شباك الهلال عذراء شباك الهلال عذراء. * أمس أتفاجأنا. * ما عزمتونا الجرتق يا كبوتش. * ولا ما بتجرتقوا. * بتعسلوا ساااااى. * وإتعسلى. * قلناها كثيراً. * ما عندكم تيم يا كبوتش. * ولكنها ضربة جزاء أدخلتكم وضربة جزاء أخرجتنا. * وبعض الحظ. * المهم ورونا يا محمد عبدالماجد. * بتجرتقوا بعد شهر العسل!!!!! * غايتو لو عندكم جرتق أجلوهوا شوية. * ده حالتو أهلى شندى. * أنتظروا بعد ده أهلى بنغازى. * ولا أقول ليكم. * الجرتق خلوهوا بعد الترجى ومازيمبى. * يبقى جرتق أوفرنايت. * وبعدها طوالى الحوش. * سريركم بااااااااااااارد. * أيها الناس. * سقطات كثيرة صاحبت مباراة الأمس. * أصيب الدعيع بحجر والحكم يواصل المباراة. * يصاب رجل الخط بحجر. * وأظنو حجر طاحونة. * رقد لا بجر أيد ولا بجر كراع. * ودخل الأسعاف. * شالوا رجل الخط. * والحكم واصل عادى كأنو رجل الخط ده ما زولو. * وعدالة السماء عاقبت الجدع الحجر. * عاقبتو بحجر جدعو الحبشى من دائرة السنتر. * وفى شبكة الهلال العذراء أتحكر. * أتجرتق أول. * وسقطات غيرها. * لاعب من أهلى شندى ساقط على الأرض. * ويلعب ناس الهلال عاااااااادى. * وتكررت كثيراً. * الدعيع يصاب يجدع الكورة خارج الملعب للعلاج. * ناس الهلال يحصلوها ويواصلوا اللعب. * كورة تقيف لى زول مصاب ماف. * دى أخلاق شنو؟؟؟ * قال مجموعات قال. * العصابات عندها مبادئ وأخلاقيات تحترمها. * دى مجموعات شنو!!! * المهم. * عاد الروليت لرشده. * والقفانا قفانا. * لسه بى ورانا. * والحقيقة أنو أهلى شندى الطار من الكونفدرالية. * غلب الهلال الدخل مجموعات الأبطال. * عشان تعرفوا المستوى. * وعشان تعرفوا ان من يقوده الحظ للمجمعات مافى داعى يتبختر ويعمل فيها كبير. * أمس وريتونا..وريتونا أنكم كبار. * كبار شديد. * كبار قدر كيف يا ربى؟؟؟ * وقطعت الإذاعة بثها بسبب الشتائم الخارجة عن الأدب فى وجه النابى. * اللفظ النابى فى وجه النابى قلة أدب. * إنها رياضة ويجب أن نتحلى فيها بالروح الرياضية والأدب الجم. * سقوط كبير. * سقوط فنى وأخلاقى. * المهم. * أمس جمعة دخل واحدة وجلى واحدة. * جمعة مباركة يا محمد عبدالماجد. * وإن شاء الله طوالى جمعتكم تبقى مباركة زى جمعة أمس دى. * جمعة جينارو وغلبوهوا فى دارو. * أيها الناس. * لما قلنا ليكم تأجيل القمة كان للحفاظ على معنويات الهلال الجاتوا بالصدفة ما صدقتوا. * أمس صدقتوا؟؟؟؟ * وبجرى المدينة عفص أمس أربعين لاعب. * كان يستحق الطرد. * ولكن الحكم يخطئ ولا يظلم. * بكرى المدينة أمس عفص كل المدينة. * عفص المدينة. * لكن أسألكم سؤال. * وين النابى الشاطر الظهرت بصماتو؟؟؟؟ * والله يستر على الحكم الفلقوهوا. * لأنو الضربة كانت قاتلة وفى مقتل. * وفقدان الذاكرة والأرتجاج بالمخ وارد. * والنزيف بالراس وارد. * نتمنى ان لا يصدق حدثنا وان يتعافى رجل الخط. * مقتل رجل خط مقتل أمه. * لأن أمه تقتل حكماً. * تكون قد ماتت أخلاقياً وأدبياً ورياضياً. * والأمة التى تموت أخلاقياً تبقى ميتة أكلينيكياً. * تبقى جثث ساى. * أيها الناس. * الهلال يستحق العقاب لأن جمهوره تفلت. * نلفت نظر الأتحاد العام لذلك. * أيها الناس. * تبرعت الدولة للهلال بمليارى جنيه. * وتبرعت الولاية للهلال بتلتمية مليون جنيه. * ولم نسمع بمستشفى الأطفال المحتاج ومستشفى القلب. * وما سمعنا عن حق الشعب وأموال الوطن. * ولا سمعنا عن مرضى الكلى وغسيل الكلى. * أكلوا وغسلوا خشومهم وسكتوا. * وأوعك تقطع صفقة شجرة. * أيها الناس. * أمس أولاد المك نمر أجادوا. * حتى الحبش الأتنين المعاهم برضو جعليين. * موش المك نمر عندو أولاد فى الحبشة! * ديل منهم. * لكن والله صدقونى الحكم الأنضرب أمس ده ماااااااااا شديد. * الله يستر غايتو. * أيها الناس. * الحظ لا يلعب دائماً. * وناس الهلال أرهقوا الحظ. * ولو كانوا أدوهوا معاهم من مليارى الدولة. * أمس يمكن كان لعب معاهم. * وأوعك تقطع صفقة شجرة. * وحقوا ترجعوا يا روشا لنادى الخريجين تانى. * أرجعوا للحركة الوطنية. * يظهر الحركة الأخيرة دى ما نفعت معاكم. * عندكم حساسية من الشجرة. * بتقبضكم نعم. * لكن بتكتلكم الحساسية دى. * بتقبضكم نعم. * وأقبضى يا أختى. * ماعزمتونا الجرتق. * بكرى المدينة. * تجرى جرى الوحوش وغير صفرك ما بتحوش. * أيها الناس. * دخلنا القصر الجمهورى مرتين. * الأولى فى سيكافا الأولى. * والتانية فى مانديلا الأول. * وفى المرتين دخلنا للقصر وقدمنا للقصر إنجازين. * جينا القصر عشان ندى القصر. * ناس دخلوا القصر عشان يديهم القصر. * ودخل القش وما قال كش. * أيها الناس. * إتخيل لى مجرد خيال. * أنو تعليق الفاتح النقر على مباراة الأمس. * ما بكون هزمن االهلال لأنو الهلال فريق ضعيف. * لكن بقول قدمنا خدمة جيدة للهلال. * أها.. * نجى لى شمارات والى الخرتوم.. * يا والينا.. * تلتمية مليون دى لو جبت بيها مبيد للباعوض الهارينا. * لو دعمت بيها أسرة أسرتين من أهالينا. * لو ألغيت قصادها رسم رسمين لينا. * لو أنرت بيها شارع ضلمتوا حالكة فينا. * تجيب عمود ولمبة أو رتينة. * تزيل ضلمةً تأصلت فينا. * لو عملت بيها أستوب مرور فى تقاطع كمل الفينا. * أو كوبرى طائر ينظم الحركة ويخفف لينا. * أو كوبرى مشاة جمب كبرى الأنقاذ يحافظ على عيالنا ويحفظهم لينا. * موش كان أخير من تديها لفريق ما بقدم لى روحو ولا لى وطنو ولا لينا!!! سلك كهربا * ننساك كيف وتيراب المك فى أديس نجح. والللللللللى لقاء سللللللللللللللك في السلك - بابكر سلك