& نلتقى هلال السلاطين. & ومع إحتراماتنا لهلال السلاطين. & لايوجد وجه مقارنة بيننا وبينهم. & لايوجد وجه مقارنة فى الأعداد والإستعداد. & ولا فى الأجهزة الفنية المستوردة بالدولار فى ظل هذا الظرف الدولارى الخرافى. & لاتوجد مقارنة بين خبرات اللاعبين. & ولا توجد مقارنة فى الفنيات. & سنقابل هلال السلاطين. & فى النقعة. & فى الخور. & فى ام جمينا. & كلو واحد. & لابديل سوى النصر. & النصر هو النتيجة المنطقية والتى لا يشكر عليها لاعب. & ولكن أية نتيجة غير النصر هى عدم المنطق. & ويجب ان يحاسب عليها لى لاعب شارك فيها. & لأن لعيبة هلال السلاطين لو وجدوا واحداً على المية مما يجده بله وأخوانه. & لفازوا على الجميع. & أيها الناس. & إستهتار اللاعبين هو ما تسبب فى أن السخرية تأتيهم من جماهيرهم. & وشر البلية ما يضحك. & عندما يضحك الجمهور على لاعبه. & فإن تلك الضحكة تمثل بلية كبيرة. & وفقدان للثقة فى اللاعب. & أيها الناس. & جماهير المريخ كانت تصفق لللاعبين بحرارة. & أصبحت تقلب كفيها حسرة على البحصل فى المريخ. & اليوم هو الفيصل. & أى متقاعس من الفاشر ما يرجع معانا. & يجى بالطوف. & تجيبوا الأنتنوف. & يشيلوا السيل. & ما بهمنا. & لن نفتح صفحة جديدة. & لا للاعب ولا لأدارى ولا لعضو لجنه مساعدة. & ورمتوا فشفاشنا وكملتوا كراسنا. & قتال اللاعب داخل الملعب هو المطلب. & وقتال الإدارى حماية لمصالح المريخ هو المكسب. & أما التهاون والتساهل فما حبابهما. & بعد ان كانت أكف الجماهير تدمى من فرط التصفيق والتشجيع والإعجاب. & أصبحت قلوبهم كلمى من فرط الإستهتار والإستخفاف. & المهم. & موضوع هيثم ما تنسوهوا. & السهم بى خمسين. & ممكن خمسين يتشاركوا سهم. & وممكن زول واحد يساهم بى خمسين سهم. & فقط رسالة فيها أسمك وعدد أسهمك على الرقم 0913800449. & أنه مليار ردالوفاء. & أنه مليار الكرامة والشهامة والفداء. & وطالما الشفوت بخير. & يبقى المريخ لسه بخير. & أيها الناس. & يجب ان تعود الصدارة لأصحابها اليوم عصراً. & ويقابل الوصيف ليلاً بعطبرة عصراً. & عصراً يؤكد علو كعبنا. & وعصراً يؤكد وصافة الوصيف. & وأهلى عطبرة فقط يتمنى حكماً لا يخطئ كثيراً. & الحكم فى عطبرة منو؟؟؟؟ & أبوشنب ولا معتز تنشيطية ولا بدرالدين عبدالقادر؟؟؟؟ & رجل الخط فى عطبرة منو؟؟؟ & محمد نيالا ولا وليد ولا منو؟؟؟ & كورة عطبره تحتاج لحكم خطييييييييييييير. & والكلام حايكون كتييييييييييييير. & أيها الناس. & دايرنكم تلاحظوا لإنطلاقات أهلى عطبرة الهجومية وكيف توقفها صافرات الحكم. & طبعاً عطبرة تنطلق والهلال بعمل فاول والحكم نزيه بعد الفاول وما بدى الصالح. & بس لاحظوا معاى الهجمات المرتدة وكيف تتوقف. & وإستاد عطبرة طبعاً الإضاءة فيهو ما مية المية. & عشان كده الشوط التانى رجل الخط البهناك ما بشوف كتير من تسللات الأهلة. & الغريبة رجل الخط البهناك ده بكون قريب من مساطب عطبرة الشعبية. & على العموم إنشاء الله النور مايقطع. & أها. & نجى لى شمارات والى الخرطوم. & أكان شفت يا والينا. & كنت بتونس مع أجنبى. & حكى عن بلدو,,,الراجل غريب ما من عندينا. & حكيت ليهو عن عن بلدنا يا والينا. & قلت ليهو نحن قوم إذا سرق ناس منينا. & نحللهم ويعودا لوظائفهم السمينة. & وإذا إحتج بعض منينا. & وخرج الشارع معبراً عن إحتجاجوا لينا. & نمنعهم يا أخينا. & قال لى ما يعبروا يعنى يا سلكينا. & قلت ليهو ما يعبروا يا أخينا. & قال لى اى شعب انتم. & تحللون الحرام للحرامى وتحرمون الحلال وطلعة الشارع بالنهار؟؟؟ & قلت ليهو نحن شعب متطور الهتاف من تهليل لى تكبير لى تحليل. & الخوف من البعد التحليل يا والينا. سلك كهرباء & ننساك كيف والتحليل هتاف المرحلة الفينا. والللللللى لقاء سلللللللللللللك في السلك - بابكر سلك