& أمس شفنا كامبوس فى الصورة قاعد فى المقصورة. & بنطلون الجينز ياهو نفس بنطلون الجينز. & القميص المخطط ياهو نفس القميص المخطط. & ونفس بدلة الإيجار. & وما دام كامبوس نفس كامبوس. & ومازيمبى نفس مازيمبى. & يبقى البامية ياها نفس البامية. & بامية فيها كم حرف؟؟؟؟ & يبقى السرير التانى برد شدييييييييد. & أيها الناس. & الساعة الرابعة عصراً. & الجماهير فى ملعب النقعة راجية اللاعبين. & واللاعبون يؤدون التسخينة دايرين حكام. & والحكام لسان حالهم يقول دايرين نصل. & والحكام فى الطيارة. & والطيارة يا دوبها فى قندهار غرب سوق ليبيا. & نظام نهى تم كرتا كهيه. & ومستوى التحكيم كالعادة كان فى مستوى التنظيم. & ومايؤكد حال التحكيم ماحدث فى عطبرة فى نفس اليوم. & رجل الخط البهناك دافع أكثر من دفاع الهلال. & أى كورة خطيرة. & الراية فى العلالى. & وفى الشوط الثانى نام عن تسلل لو شافو القرد كان صفر. & يخطئ. & أيها الناس. & والناس فى إنتظار طائرة الحكام. & بعضهم تمنى لو تطلع ماليزية. & تطش وفى بطنها شايلة الأذية. & عشان نرتاح من بعض ممن يخطئون ولا يظلمون. & تطلع ماليزية تطفش غير رب الخير ما فى حد يعلم مشت وين. & إن شاء الله يا ربى أى حكم يركب طيارة يكون ماشى يحكم ليظلم. & تطلع طيارتو ماليزية. & لو ماشى يخطئ ساى. & تطلع ماليزية. & أو أنتنوف سواقها روسى وأيدينو مليانات صوف وما بشوف. & وتقطع بنزين ويقيف فيها محركان محل معسكرات المتمردين. & محل حركة من الحركات اللسه ما إتفقت. & يا ربى دعوة المظلوم مجابة. & وأنا المظلوم ده بدعى على جميع الظلمة والظلام. & ظلام لجنة التظليم المركزية. & الذين يخطئون ولايظلمون. & أيها الناس. & معقولة. & معقولة البيحصل من إتحادنا العام ده؟؟؟؟ & لا تطور فى التنظيم. & ولا تطور فى التحكيم. & ولا ولا ولا؟؟؟ & أنه وجه من أوجه الفساد التى تطل كل يوم على هذا الوطن المغلوب على أمره ستة صفر. & والقصور الإدارى الذى يمثل فساداً. & يمكن ان يقود إتحادنا الى لجنة التحلل. & أصلو التحلل بقى موضة لكل من يعتدى على مصلحة عامة. & المهم. & أمامنا موقعة مهمة. & نزاجه فيها الإتحاد والتحكيم والتنجيم والهلال. & النصر فيها للهلال ضرورى. & لأن الغراب مازيمبى أمامه. & والغراب بعرف جنازتو وين. & وبالتأكيد هم يعملون على رفع معنويات جنازة الغراب. & لذلك سيختارون لنا من يخطئ ولا يظلم. & يعزلوهوا عزل. & ليخطئ ويخطئ ويخطئ فى إتجاه واحد. & ولكن هيهات. & فالشفوت قرروا أن يراقبوا المباراة. & يراقبوا مستوى التحكيم. & ويحسموا أى فوصى. & يصححوا كل الأخطاء. & أيها الحكام. & كان رجال تعالوا وأخطئوا. & الشفوت قرروا. & ولما يقرر الشفوت القرار بيبقى سارى. & ويمكن ا يسرى بأثر رجعى. & المهم. & رجع البلد. & سيدا رجع البلد. & وإن كان سيدا فى وجهة نظر المجلس لاعباً للمريخ حتى ديسمبر2014. & فإن سيدا فى وجهة نظر الجماهير مريخياً حتى النهاية. & مريخياً حتى نهاية العمر وبكل العطاء. & ومن الرسائل التى وصلتنا فى موضوع إعادة قيد سيدا. & عرفنا منها ان الرجل عظيم. & وان جماهير المريخ عظيمة. & كيف لا وهى التى قررت إعادة قيده من حر مالها قبل إكمال فترته. & كيف لا وسيدا يحب ان يبادل الجماهير وفاءها بعطاء. & سخاؤها بفداء. & فداؤها بسخاء. & سخاؤها بوفاء وعطاء وفداء. & مرحب سيدا وجايين لى موضوعك بالروقة. & المهم. & كامبوس مسكلوا ليهو رجع. & جنس شفقة. & قاعد ساى يا عمك. & شغلة ما عندو. & حليل قودوين لما قال العطالة ولا الهلال. & لكن كامبوس ده دحين موش قالوا أدوهوا قروشو بالفيفا؟؟؟ & طيب رجع بنفس الجينز ونفس القميص المخطط ونفس البدلة ليه؟؟؟ & كامبوس جاى لى وقعتوا. & الزول ده عارف بى قصة جية مازيمبى دى؟؟؟؟ & الخواجة ما تخموهوا. & كلموهوا يا محمد عبدالماجد. & قولوا ليهو مازيمبى قدامنا. & والسرير التانى المفرش ورانا. & وورا ورا ورا غنانا. & الحقنا فى الحوش وجيب معاك غطاما. & أها. & نجى لى شمارات والى الخرطوم. & أكان شفت يا والينا. & قالوا فى بتاع بحر. & قال وكت أصلو ما حانورث أولادنا عمارات كافورية أو عملات دولارية. & ولا بندخلهم فى جرائم عقوباتها تحللية. & أخير نورثهم علم ينفعهم وينفع الرعية. & قام بقى يراجع مع ولدو القراية والدراية والأخلاق السوية. & بعد الشرح أدى ولدو مسألة قال ليهو يا أبنى حللها ليه. & قال بعد ساعة الولد جانى شايل المسألة مدنقر عينو ما بعاين ليا. & قال لى يا بابا المسألة صعبت عليا وابت تتحلل ليا. & قلت ليهو وكت ما أتحللت تبقى مسألة نزيهة وماها حرامية. & لأنو يا إبنى...الزمن ده التحلل يخص الحرامية. & ما بتتحلل إلا المسأله الحرامية. سلك كهرباء & ننساك كيف والفساد كال حماد. والللللللى لقاء سلللللللللللللك في السلك - بابكر سلك
