سودارس : المريخ بدون (كابتن) طايرة بدون طيار

شاهد بالفيديو.. نجم كرة القدم المصرية الراحل: (مرة لعبنا مع الهلال السوداني وتفاجأنا أنا الطرف اليمين يبقى والد الطرف الشمال بتاعهم) في مفاجأة كبيرة.. الإتحاد السوداني لكرة القدم يرفض دعوة من الأرجنتين لإقامة مباراة ودية بين "صقور الجديان" و"التانغو" استعدادا للمونديال مواجهات نارية في ربع نهائي الأبطال شاهد بالفيديو.. شباب سودانيون يحتفلون بالعيد من قلب القاهرة بالرقص بمشاركة أصدقائهم المصريين وساخرون: (الكشة بتجيكم بس ما تصيجوا) شاهد بالصورة.. الناشطة وسيدة الأعمال السودانية رانيا الخضر تخطف الأضواء في ليلة العيد بلقطة على الطريقة الأرستقراطية شاهد بالصورة الفيديو.. الناشط منذر محمد يعانق اليتامى وأطفال الشوارع بالخرطوم ويهديهم "كسوة" العيد والإشادات تنهال عليه هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ العليقي يؤكد اكتمال الترتيبات.. ورايون سبورت الرواندي يعلن دعمه الجماهيري للهلال في مهمته الأفريقية عودة صلاح عادل لتشكيلة الهلال قبل موقعة بركان المرتقبة فيصل محمد صالح يكتب: العيد في كمبالا بالصواريخ والمسيّرات.. هجوم إيراني يستهدف 5 دول عربية الهلال السوداني يعلن وصول السوباط إلى رواندا البرهان: نجدد ألا هدنة ولا وقف لإطلاق النار بدون استيفاء إنسحاب وتجميع هذه المليشيا تمهيدا لاستكمال أي عملية سلمية رئيس مجلس السيادة القائد العام للقوات المسلحة السودانية يؤدي صلاة عيد الفطر بمسجد القيادة العامة القائد العام للقوات المسلحة يشارك مواطني منطقة شمبات فرحة عيد الفطر المبارك رسالة من المرشد الإيراني مجتبى خامنئي د.إبراهيم الصديق يكتب: الفولة تتفازع.. القتال وضعف الميليشيا..موسى هلال يفجرها مدوية الأمن يداهم مخزن يبيع الوقود المهرب لعصابات التنقيب عن الذهب شاهد بالفيديو.. قيادي بالدعم السريع: (مرتزقة من جنوب السودان يسيطرون على مدينة "الفولة" ويطردون قواتنا وأفرادنا عردوا وتركوا نساءهم) إيران تفتح باب المشاركة في كأس العالم 2026 مشيتك تفضحك.. هكذا يعرف الآخرون إن كنت غاضباً أو حزيناً ترامب: سندمر حقل بارس للغاز إذا قررت إيران مهاجمة قطر للعام التاسع على التوالي.. الفنلنديون أكثر الشعوب سعادة غوتيريش يخاطب إسرائيل وأميركا: حان وقت إنهاء الحرب السيسي يفاجئ الإمارات بزيارة خاطفة.. ويوجه رسالة بشأن الضربات الإيرانية القوات المسلّحة السودانية تعلن استرداد محطة مهمة تراجع معدّل التضخّم في السودان ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق 6 عادات يوصى بتجنبها في المساء لحماية القلب دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

المريخ بدون (كابتن) طايرة بدون طيار

محمد عبد الماجد نشر في النيلين يوم 01 - 06 - 2014

الناس كلها ..قعدوا يشربوا الشاي بي تمريرات الشغيل وهو في الهلال ويقولوا معقولة دا الشغيل الكان بيلعب في المريخ
بعد سفاري والشغيل ...كانت الكارثة الاكبر والتى تمثلت في التخلص من (الكابتن) الكبير فيصل العجب الذي اجبر على كتابة خطاب الاعتزال
موسى الزومة بعد سنوات عطاء طويل ..شطبوه من كشوفات المريخ بعد ان وصل الى رتبة (الكابتن)
(6) كباتن تخلص منهم المريخ بصورة غير حضارية (2) ركب – (2) اعارة – (2) شطب
في حلتنا ما بنعرف نجامل ..لا بنعرف نجامل ولا بنحضر المسلسلات التركية.
ناشفين زي (الخطب).
. اللماضة دي ما بوصونا عليها.
. الواحد لو جاب ليك شاي مسيخ او شاي بارد – ممكن تسمعوا الف كلمة فارغة.
. ما تخلي ليه جنبة يرقد عليها.
. نحن (صعبين)..وشفوت وما بننقدر ...الدرب البقولوا لينا فيه (كلب سعران) بنمشي بيه مخصوص.
. شفوت ..وقت يقولوا لينا (الموية) قاطعة ، ممكن نقول اي حاجة.
. ما بنريح لينا زول.
. ولا بنكضب.
. الشفتنة دي خلوها لينا.
. من يوم ما قمنا ليك عرفنا ليك فهم طيارة بدون طيار.
. بقولوا الروس بعملوا كدا ..بفكوا ليهم طيارة بدون طيار.
. فهمنا من تلقاء نفسنا وكدا ..ان الطيارة البدون طيار دي يعني طيارة (تجارب).
. طيارات مجازفات.
. طيارات هوا.
. هسع ناس المريخ عملوا نفس الحكاية ..جماعتكم بتاعين (تنظير).
. او قول بتاعين (تجريب)...عملوا ليك المريخ بدون (كابتن).
. عشان يجربوا زي ما عاوزين.
. الفريق بقى من غير قايد.
. ما في زول بقدر يقول حاجة ..كدا ادارة الفريق كلها بتكون برة.
. فريق ما فيه ولا (كباتين).
. ولا حتة كابتن.
. تمت تصفية كل الكباتن في المريخ.
. بقوا راكزين على بلة جابر واحمد الباشا.
. ديل بقوا قاعدين في السهلة.
. صدقوني اول مطرة ح تجهجهكم.
. ناس (ضفر) ديل وقت يتحاصروا بشيتوا على اي اتجاه.
. ما فارقة معاهم.
. محل ما تمشي التمشي.
. السما فوق.
. اقول ليكم – السما ذاتو قريب.
. تقلعوا في عيونكم متل الاملاء الاعد.
. اول الاملاء الاعد بتقلع عيونها.
. عندما اراد مجلس المريخ ان يشطب (الكابتن) محمد علي سفاري عملوا ليهم حملة (اعلانية) ضخمة – اكدوا فيها اصابة (الكابتن) محمد علي سفاري في (الركبة).
. كلهم كتبوا عن اصابة سفاري.
. طلعوا ليهم تقرير طبي قالوا فيه ان اصابة سفاري خطيرة تمنعه حتى من مشاهدة المسلسل.
. علما ان مشاهدة المسلسل ما عندها علاقة بالاصابة في الركبة.
. لكن البلد دي اي حاجة فيها جائزة.
. دي ممكن يدخلوها ليك في دي.
. ولا فارقة.
. اشاعوا لكل الناس ان اصابة (الكابتن) سفاري خطيرة وانه لا جدوى من استمراره في الملاعب.
. يمشي يقعد في بيتهم بس...وتاني الكورة دي في قناة (بن سبورت) ما يقعد ليها.
. تم شطب سفاري بعلة (اصابته) ليتجه محمد علي سفاري الي شندي ليلعب مع الاهلي شندي وليقدم مع (الارسنال) اجمل المواسم على الاطلاق واروعها.
. انتوا ما قلتوا (مصاب).
. مصاب دي حاجة عندكم غير (الاصابة) البنعرفها نحن.
. بعد التخلص من (الكابتن) محمد علي سفاري..كان التخلص من اللاعب نصرالدين الشغيل.
. ناس الهلال اللاعب وقت يكونوا ما عاوزنو بشطبوه عديل كدا.
. ناس المريخ اللاعب اول حاجة يخربوا ليه سمعته (الرياضية) ويأكدوا اصابته ثم يشطبوه بعد ذلك.
. ما فعلوه مع الكابتن سفاري جاءوا وفعلوه بنفس التفاصيل مع الكابتن نصرالدين الشغيل.
. نفس (التقرير) الذي خرج في سفاري طلعوه في الشغيل ..بس بدلوا الاسم وغيروا التواريخ.
. قالوا ليك كابتن الشغيل عنده (اصابة) خطيرة واستمراره في الملاعب تاني مستحيل.
. شطبوا (الشغيل).
. ومثلما شالوا (سفاري) لحم ورموه عضم ..جاءوا وكرروا السيناريو ذاته مع الشغيل.
. لكن الشغيل مفتح ..مشى الهلال.
. الشغيل عمرو كلو ح يقعد يشكر في (الاصابة) الخلصتو ليك من المريخ.
. ح يظل طول عمرو (مديون) للاصابة.
. وكما ذهب سفاري الي شندي ليتألق بصورة لافتة مع الاهلي تألق الكابتن نصرالدين الشغيل مع الهلال بصورة ادهشت الجميع.
. الناس كلها ..قعدوا يشربوا الشاي بي تمريرات الشغيل وهو في الهلال ويقولوا معقولة دا الشغيل الكان بيلعب في المريخ.
. الشغيل دا حصل ليه شنو؟.
. الشغيل دا جنّ؟.
. يا جماعة - ناس الهلال ديل عملوا شنو للشغيل؟ ...كورتو بقت (برشلونية) عديل؟.
. بقى ينزل ليك الكورة زي ما بقول الكتاب.
. حاجة ما بتخلص.
. الشغيل ما فاضل ليه إلا يعطر الكورة وقت يلعبها.
. ما نريد ان نقوله ان المريخ تخلص من محمد علي سفاري بصورة (سخيفة).
. والصورة (السخيفة) التى تخلص بها المريخ من محمد علي سفاري جاء وتخلص بها من نصرالدين الشغيل.
. اتنين من (الكباتن) الكبار ..تخلصوا منهم بسبب اصابة الركب.
. انا ما عارف ناس المريخ مشكلتهم شنو مع (الكباتن).
. اللاعب من يبقى (كابتن) يلموا فيه يشطبوه.
. بعد هذه (الكوارث) غير الانسانية ...كانت الكارثة الاكبر والتى تمثلت في التخلص من (الكابتن) الكبير فيصل العجب الذي اجبر على كتابة خطاب الاعتزال.
. اجبروه على التوقيع على خطاب الاعتزال بعد ان وعدوه باستقدام نادي اوروبي كبير من اجل اللعب في (ماتش) اعتزال فيصل العجب.
. كضب مبالغ فيه.
. فيصل العجب (بطيبته) المعروفة ..وافق على طلب المجلس ووقع على خطاب الاعتزال ثم انتظر (6) شهور دون ان يوفي مجلس المريخ بما وعد.
. ليتجه (كابتن) فيصل العجب الي الغرب ليلعب في مريخ الفاشر ويتألق مع مريخ الفاشر بصورة فيها الكثير من (العجب).
. فيصل العجب كان الكابتن الثالث الذي تخلص منه المريخ بصورة غير حضارية.
. الكابتن الرابع والذي كان الدور عليه في فترة التسجيلات الحالية كان هو الكابتن موسى الزومة.
. موسى الزومة بعد سنوات عطاء طويل ..شطبوه من كشوفات المريخ بعد ان وصل الى رتبة (الكابتن).
. موسى الزومة بشطبوه كدا يا مريخاب ...(اعارة) ما بتشوفها ليه.
. ليه بس الحقارة دي.
. عشان موسى الزومة ما عندو (ضهر).
. موسى الزومة اتخارج من المريخ بي (كرامتو) لا اعارة ولا تحزنون.
. الكابتن الخامس الذي استهدفه المجلس في حملته الانتقامية على (الكابتن) كان هو سعيد السعودي الذي تمت (اعارته) الى الاهلي شندي.
. وقد كان هذا هو التخلص عن طريق (الاعارة).
. الكابتن السادس هو الكابتن اكرم الهادي سليم اخر معاقل الكباتن في معسكرات المريخ.
. اكرم الهادي سليم ما عرفوا يعملوا معاه شنو؟.
. ناس قالوا (اشطبوه) عديل ..وريوحنا من الموضوع دا.
. وناس قالوا اكرم الهادي سليم دا لو شطبتوه ممكن يعمل فيكم (خازوق) ما يطلع الى ان يتأهل السودان الى نهائيات كاس العالم.
. اكرم الهادي سليم ..خلوه ليك زي (عمود المستشفي) جابوه الاتحاد ورجعوه.
. بقوا يجيبو ليك في اكرم الهادي سليم ويرجعو ليك فيه.
. مرة يقولوا اشطبوه.
. ومرة يقولوا ليك لا اعيروه.
. الجماعة اتلخبطوا.
. يصلوا شارع واحد عشان يشطبوه ..يضربوا ليهم تلفون.
. يرجعوا تاني.
. بعد شوية يحضروا الاتحاد العام عشان (الاعارة).
. اكرم الهادي سليم (يعنقد).
. يرجعوه.
. ناس الاتحاد العام هم ذاتهم ما عرفوا يعملوا شنو؟.
. يا جماعة الزول دا نعيروه ليكم وإلّا نشطبو.
. فهمونا.
. الاهلي الخرطوم (حلال المشاكل) ظهر ليك في الساحة ..تقول كانوا قاعدين في (لذيذ).
. الاهلي الخرطوم قال ليهم خلاص اعيروا لينا اكرم الهادي سليم.
. تمت (الاعارة).
. لتكون هذه هى العملية السادسة التى تخلصوا بها عن كباتن المريخ (2) ركب – (2) اعارة ...واحد شطب واحد اعتزال.
. الان الكابتن في المريخ سوف يصبح هو علاءالدين يوسف القادم من الهلال والذي ذل المريخ ذلة ما حصلت في (البصمة).
. انتوا يا مريخاب اللاعب البعمل فيكم كدا تبقوه (كابتن)..واللاعب المسكين تعيروه.
. لاقين لي ناس العجب المساكين ديل ..وتكتبوا فيهم في خطابات الاعتزال.
. والزول الما ببصم تبقوه (كابتن).
. دي سمعتوا بيها.
. تاني يا بلة جابر لو قالوا ليك ابقى (كابتن) اوعى تبقى.
. لو قالوا ليك ابقى كابتن معناتها عاوزين يشطبوك.
. اخير ليك تقعد في (بكونتك) دي.
. مالك ومال (الكبتنة).
. ملحوظة : الكيشة كبتنو واشطبو.
هوامش
. انتوا سيكافا دي ما فيها اخبار.
. اصلو ما قاعدين نسمع لينا منها اخبار.
. معقولة المريخاب ديل بعد سيكافا ح يدخلوا على كاس العالم.
. من سيكافا لي كاس العالم بيجيكم (شلل) ارتعاشي.
. بتجيكم صدمة.
. نحن من المجموعات بندخل كاس العالم ..شوية في تقارب.
. لكن من سيكافا لي كاس العالم دي زي الزول الكان سايق ليه ركشة ..يقوم فجأة كدا يسوق ليه (همر).
. يا جماعة اعملوا ليكم فواصل.
. ما تدخلوا طوالي كدا من سيكافا لي كاس العالم.
. بتنفقعوا.
. انتوا قايلين الحكاية دي لعب.
. فاكرنها ساهلة.
. الموضوع دا ممكن يعمل ليكم (زهايمر).
. الهلال امس خسر تجربته الودية امام المقاصة.
. سيرجيو ...كتر خيرو ..لعب وطلع ما في زول شعر بي وجودو.
. انتوا البرازيلي دا جايبنو لينا من وين؟.
. البرازيلي دا لو شغلتوه (مترجم) احسن ليكم.
. ان شاءالله ما يترجم ليكم اي شيء.
. ترجمتو ما بتكون اكعب من كورتو.
. قلنا ليكم سجلوا صاح.
. تسجلوا في الغلط.
. اشطبوا سيرجيو دا الان وسجلوا لينا محترفين على مستوى.
. الشغل دا ما شغل (مجموعات).
. هامان اخبارو شنو في المريخ.
. هامان دا لو قعد اسبوع ح يصبح الكابتن.
. يا رب المريخ يسجل هامان.
. نسأل الله ان يتم تسجيله.
. نحن هسع ما عاوزين نكتب عن تسجيلات المريخ عشان ما يصرفوا نظر.
. خلوهم يسجلوا ..ونقبل عليهم.
. بخيت خميس قالوا سأل من (الكشافات).
. قال ليهم عاوز لي (كدارات) مقاسها قدر كشافاتكم.
. جهزوا ليه (كشافات) يدرب عليها.
. كشافات كوستي ارتاحت.
. الله يستر على كشافات الخرطوم.
. .....
. عاجل : سيكافا دي عاوزة ليها صبر وصفيحة جبنة.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.