سودارس : الليلة الفطور ب (فيتا)

شاهد بالفيديو.. في مشهد مؤثر.. كابتن طائرة "سودانير" المتجهة إلى العاصمة الخرطوم ينهار بالبكاء أثناء مخاطبته الركاب الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه منع مشاركة أي وزير في أعمال أي لجان أو مجالس أو كيانات خارج نطاق الحكومة إلا بإذن من رئيس الوزراء شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا البرهان يقدم واجب العزاء في الشهيد اللواء معاوية حمد قائد الفرقة 22 مشاة بابنوسة وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس عثمان ميرغني يكتب: إثيوبيا والسودان: تشابكات الحرب والأمن الإقليمي وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" المريخ يواصل تدريباته بقوة بكيجالي والدامر انطلاق دورة متخصصة لتطوير الأداء الرقمي برعاية وزير الشباب والرياضة وزارة الشباب والرياضة تواصل انفتاحها على الولايات ووكيل الوزارة يشهد ختام دورة شهداء السريحة بولاية الجزيرة رشيد الغفلاوي يلتقي قيادات الاتحاد السوداني لكرة القدم تطور حاسم بقضية "الاعتداء الجنسي" في منزل لامين يامال كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 هدى الإتربي تكشف كواليس مسلسل "مناعة": تجربة مختلفة بتفاصيل إنسانية مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى ضياء الدين بلال يكتب: قوش وآخرون... جرد حساب! الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الليلة الفطور ب (فيتا)

محمد عبد الماجد نشر في النيلين يوم 27 - 07 - 2014

من شفت ليك ترويج قناة قوون لصلاح ادريس في حوار في العيد وهو لابس ليه (عقال) قنعت ليك من الاهلي شندي
"""""""""""""""""""
نحن كنا بي (فهم) فاكرين الجماعة ديل ح يطيروا – اقوم (اتحرفن) كدا واكتب تحت عنوان (طيران في الوقفة)
""""""""""""""""""""""""""""""""
المريخ غلب ..والكيني بتاع (الشاي) دا جاب ليه قون ..خلاني اشوف ليك الكتابة دي عشرة – عشرة
"""""""""""""""""""""""""
تركب المكوة في الكهربة – التلفون يضرب – تشيل (المكوة) تختها في وشيك عشان ترد
"""""""""""""""""""""
. الزول وقت رأسو يضرب – بقوم من غير ما يشعر يدخل غلط.
. امس انتظرت مباراة المريخ والاهلي شندي – كان عندي عشم في الاهلي شندي.
. وكنت بفتكر المريخ ح يطير – نقوم نكتب لينا (طيران) خفيف كدا لي ناس المريخ يوم الوقفة.
. في زول بطير في (الوقفة).
. والله دي لو حصلت في العيد دا ما كان شفنا لينا (مريخابي) حايم في الشارع.
. العيد ما يطلعكم.
. لكن مرقتوا منها.
. خططت للموضوع – وقلت المريخاب ديل الليلة يطيروا ح نمسخ ليهم العيد.
. نبقى ليهم العيد (ملاريا – ملاريا).
. يبقى عليكم ملايات جديدة وستائر وخبيز وهدوم شفع وطيران.
. اسوأ حاجة في الدنيا تعيّد ب (ملاريا).
. نحن كنا بي (فهم) فاكرين الجماعة ديل ح يطيروا – اقوم (اتحرفن) كدا واكتب تحت عنوان (طيران في الوقفة).
. في زول بطير في (وقفة).
. طيران الوقفة دا عباس بن فرناس ما عملو.
. ناس الاهلي شندي – اهدروا لي (عمود) خططت ليه في (رأسي) ..وكتبتو في (خاطري) وكان باقى فقط انزلو وارسلو لي ناس احمد الحاج وعمر بشاشه.
. ضيعوا لي (عمود)...وخلوني تاني اقعد افكر في اكتب شنو؟..واطلع من الحتة دي كيف؟.
. يا ربى اكتب عن (الامطار).
. يا زول (مطر) شنو والهلال عندو مباراة الليلة.
. اكتب عن (عثمان ميرغني).
. لا – لا – الدنيا عيد.
. اكتب عن (الوقفة).
. يعني ح تقول شنو عن الوقفة.
. اطلع بي جاي وادخل بي هناك – عشان اكتب لي موضوع بعد منتصف الليل.
. والدنيا رمضان.
. طبعا (التفكير) عاوز ليه (وقت).
. قبل ما تكتب لازم تفكر (ساعة ونص) كدا وتعمل (تحضير) خارجي للعمود.
. وانا الحاجات دي كلها عملتها على اساس انو المريخ طاير – طاير.
. ناس المريخ ديل اصلو ما قاعد اقتنع بيهم.
. لو لعبوا مع فريق من الدرجة الثانية ..وسألوني من توقعو ..بقول ليهم المريخ ح يضرب.
. اي مباراة يلعبها المريخ ما عندي (توقع) غير خسارة المريخ.
. اصلو الجماعة ديل ما قاعد اخت ليهم حاجة كويسة في المباراة.
. خسارة بس – على اسوأ الفروض كدا (تعادل).
. المريخ امس غلب ..والكيني بتاع (الشاي) دا جاب ليه قون ..خلاني اشوف ليك الكتابة دي عشرة – عشرة.
. اها يا جماعة يقولوا شنو؟.
. كل من الفاضل ابوشنب...داخل المباراة فقط من اجل ان ينتصر المريخ.
. دي مهمتو الاولى.
. مهمتو الاساسية.
. يا ريتني لو كنت (مامون ابوشيبة) بتاع الهلال.
. كنت قلت هدف انغا دا (تسلل).
. مامون ابوشيبة لو الهلال جاب ليه قون من (دنقلا العجوز) بقول ليك هدف الهلال تسلل.
. قعدت (افكر) في مخرج.
. والتفكير عاوز ليه (وقت).
. والناس ديل قالوا مستعجلين شديد.
. طبعا طلال مدثر الايامات دي قايم ليه في (حنك) جديد – كل مرة يقول ليك نحن بنمشي (المطبعة) من بدري.
. وتاني يقول ليك كدا في (كلام عابر)..نظام تفهمو براك ...العدد انتهى بس باقيين على (عمودك).
. في نص اعلان في الاخيرة – يعني ما فاضل لينا حاجة غير (عمودك).
. وانا بعمل ليه فيها مصدق كلامو دا.
. بقول ليه جدا.
. (5) دقائق بس والعمود يكون معاكم.
. الغريبة احمد الحاج دا كلو يوم بطلع من الجريدة الساعة خمسة صباحا.
. وطلال مدثر عامل لي فيها بمشوا المطبعة الساعة (12).
. بالله.
. عشان بصدقكم.
. المهم يا جماعة الموضوع دا كملوه براكم.
. افهموا زي ما عاوزين تفهموه.
. ما في وقت عشان اقوم اتمدد ليكم فيها.
. الواحد وقت يكون مستعجل بتلمس المواضيع من فوق لي فوق.
. بس يا جماعة عاوزكم تشوفوا لينا (عذر) – عشان مرات بتكون مخطط ليك لي عمود معين.
. عندك الفكرة والعنوان.
. وجهزت الموضوع في رأسك ..وقعدت تنظر بينك وبين نفسك.
. منتظر بس المباراة تنتهي وتكتب.
. تقوم المباراة تخذلك وتمشي ليها على (حتة) تانية...ما تعرف تقول شنو؟.
. شفتوا زي المواقف دي – هي البتطلع الزول من شعرو.
. عندكم موضوع في رأسك ..وبتكتب ليك في موضوع تاني.
. بقوم في الحالة دي زي بتحصل لخبطة كدا.
. لمن يكون عاوز تعمل حاجتين في وقت واحد – لازم تتلخبط.
. زي كأنك عاوز تضرب تلفون – وعاوز تكوي ليك قميص.
. تركب المكوة في الكهربة – التلفون يضرب – تشيل (المكوة) تختها في وشيك عشان ترد.
. تكون عاوز تحضر ليك فيلم اجنبي ومباراة في كرة القدم.
. تقوم تعمل شنو؟.
. تقوم تمشي تحضر (النشرة الجوية) عشان تتخارج من الموقف المحرج دا.
. لا تحضر الفيلم الاجنبي ولا تحضر المباراة.
. تعمل ليك حل وسط عشان ما تلخبط على (معدتك).
. هسع (المعدة) الدخلها هنا شنو؟.
. نرجع للمباراة البتمغص دي.
. ناس الاهلي شندي (الله يسامحهم) طيروا لي (عمود) جاهز.
. والله انا من شفت ليك ترويج قناة قوون لصلاح ادريس في حوار في العيد وهو لابس ليه (عقال) قنعت ليك من الاهلي شندي.
. ناس الاهلي شندي ديل بتفاصحوا ساكت.
. ويجوا دائما يتغلبوا من امام المريخ باخطاء ساذجة (وعبيطة).
. ما قاعدين تنستروا يا ناس الاهلي شندي.
. اعود الى ترويج صلاح ادريس في قناة قوون وهو لابس (العقال) السعودي..واحلل الحوار الذي اجراه الاستاذ كمال حامد على اساس شخصية صلاح ادريس وعناده.
. شفتوا الزول دا (عنيد) كيف؟.
. عشان بشتغلوه بالعقال وبالغنا – صلاح ادريس جاء هذا المرة لابس ليكم (عقال) عديل كدا.
. وشايل (عودو) مع عقالو – تحلف تقول (محمد عبده).
. هذا المشهد ..اكد (عناد) صلاح ادريس ..واثبت (ردة فعل) صلاح ادريس.
. ربما هذا اسلوب قصد ان يقول فيه صلاح ادريس انه ما فارقه معاه حكاية (العقال).
. وانو ما شغال بموضوع (العود) دا.
. وبدل ما تبقى الحكاية متداولة في (اليوتيوب)..ها هو صلاح ادريس يطلع في قناة قوون لابس عقال وشايل ليه عود.
. هذا من ناحية قد يكون فيها بعض (الايجابية) من صلاح ادريس.
. لكن (السلبية) هنا في ان تحركات صلاح ادريس وتصرفاته دائما ما تكون (ردة فعل).
. واذا كان صلاح ادريس ما شغال بالموضوع ما كان يتعب التعب دا كلو ويجي لابس ليه (عقال) من اجل المكاواة فقط.
. الحاجة التانية.
. صلاح ادريس الايامات الماضية كان مركز مع الهلال شديد – كتابات وانتقادات وطعون.
. بل وصلت الامور عند صلاح ادريس انه (عكر) الاجواء في الهلال الذي يلعب مباراة مصيرية اليوم امام فيتا كلوب.
. واهمل صلاح ادريس في ظل انصرافه (الهلالي) هذا فريق الاهلي شندي الذي اضحى (حمل وديع) امام المريخ.
. كان افضل لصلاح ادريس بدل اثارة موضوع (الطعون) الفشنك – ان يعد الاهلي شندي لاقصاء المريخ ليصل الى نهائي كأس السودان.
. وكان يمكن اذا اقصى الاهلي شندي فريق المريخ ان يقصى الهلال ويفوز الاهلي بكأس السودان ليحقق اول القابه القومية.
. لكن صلاح ادريس في الايام الماضية ركز مع الهلال..ونسى ليك موضوع الاهلي شندي.
. ليقدم صلاح ادريس فريق الاهلي شندي بهذا المستوى المتواضع ليخسر امام المريخ في آخر ربع ساعة من عمر المباراة.
. ويطيروا لينا عمود.
. نحن ذنبنا شنو – عشان نقعد نفكر من جديد.
. ونكتب لينا في موضوع تاني.
. طبعا الكلام دا كلو عشان اتخارج ليكم من مباراة الهلال وفيتا كلوب اليوم.
. ما عاوز ادخل ليكم في حتة ضيقة.
. احسن المباراة دي تهملوها (اعلاميا).
. الاعلام دائما لمن ينصرف عن مباراة وما يشكل فيها ضغوط على اللاعبين والجهاز الفني والجمهور النتيجة بتكون كويسة.
. كثير من الهلالاب براهنوا ان الهلال قادر على الخروج بنتيجة جيدة اليوم باذن الله.
. ونحن نطمع في ذلك ونسأل الله ان ينتصر الهلال اليوم على فيتا كلوب.
. عاوزين (3) نقاط عديلة كدا.
. وبعد كدا خلوا لينا الباقي.
. الفطور الليلة ب (فيتا).
. يا رب ونحن في آخر ايام الشهر الفضيل ان تجعل الانتصار اليوم من نصيب الهلال.
. ادعوا للهلال – عشان مستوى الهلال (فنيا) ما كويس.
. ولا بنغشكم.
. وانتوا ذاتو ما قاعدين تتغشوا.
. عاوزين نفرح قبل الفطور بهلال.
. وبعد الفطور نفرح بهلال شوال.
. عاوزين العيد يثبت لينا من الساعة ستة.
. الهلال دائما في الموعد.
. ....
. ملحوظة : اعملوا فيها ما قلتوا ليكم حاجة.
هوامش
. الفاضل ابوشنب كان قاسيا على الاهلي شندي.
. ما تعمل لينا فيها يا الفاضل انك ما كنت قاسي على الاهلي.
. بعدين المصري دا قايل نفسو بلعب في (اسوان).
. شايفو ماخد راحتو على الآخر.
. وناس اللجنة ما قصروا معاه.
. كل مباراة بعطوه نجومية المباراة.
. دائما المصريين بلعبوا علينا.
. وبعملوا (فهلوة) وكدا ويعطوهم نجومية المباراة.
. نحن ايمن سعيد دا لا مقتنعين بيه ولا حاجة.
. زولكم دا في المباريات الكبيرة ما بنستر.
. الكبر ظاهر في (كدارتو).
. بعدين هو ليه بضرب في اللاعبين كدا من غير ما يسألوه.
. الزول دا لو جبتوه لي ناس بويا بي حركاتو دي بشيلوه ركبو.
. ناس بويا ديل عصام الحضري (ادبوه).
. عشان كدا احسن تكلموه من بدري.
. ديل ناس بشة ديل.
. يا الشغيل لو جبت ليك قون يوم الوقفة – تكون بالغت عديل كدا.
. ان شاءالله قون ب (3) نقاط.
. ....
. عاجل : في ريحة (خبيز).
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.