سودارس : عبدالباسط حمزة على طريقة الوالي والبرنس قطعوا (الشارع) بس

كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين محرز يسجل أسرع هدف في كأس أفريقيا شاهد بالفيديو.. جنود بالدعم السريع قاموا بقتل زوجة قائد ميداني يتبع لهم و"شفشفوا" أثاث منزله الذي قام بسرقته قبل أن يهلك شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) السودان يردّ على جامعة الدول العربية وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان المريخ يحقق الرمونتادا أمام موسانزي ويتقدم في الترتيب سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين جنوب إفريقيا ومصر يحققان الفوز مجلس التسيير يجتمع أمس ويصدر عددا من القرارات شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عبدالباسط حمزة على طريقة الوالي والبرنس قطعوا (الشارع) بس

قوون نشر في قوون يوم 27 - 05 - 2013

اذا شاهدت مباراة للمريخ في (التلفزيون) ..فانك تحتاج كل (5) دقائق كدا زول (يقرصك).

يقرصك في (اضانك).

يقرصك عشان ما تسرح ..وتفتكر ان الفريق البيلعب قدامك دا (مع الاحتفاظ بالمقامات) هو فريق الهلال.

اما اذا كنت بتحضر ليك في مباراة للمريخ في (الاذاعة) فإنك محتاج كل (3) دقائق الزول القاعد جنبك (يعضيّك).

يعضيّك عديل كدا عشان تعرف أن الفريق البيلعب دا ..هو فريق المريخ وليس الهلال.

اتخيّل الكورة تبدأ من اكرم الهادي سليم ...تمشي للباشا في النص ...يلعبها لي هيثم مصطفى .. يمررها لي كلتشي.

خليتو شنو للهلال.

بعد دا تصوّروا في مريخاب بقولوا بنشجع (المريخ).

هو وينو المريخ البتشجعوه دا؟.

اكرم ..الباشا ..هيثم ..كلتشي...(غير المشاطيب مجاهد وعلاء الدين وريتشارد).

الكلام دا بحصل وين؟.

دا الهلال ذاتو.

خاصة اذا كنت طوّلت شوية من البلد...والله ما بتعرف (المريخ).

قالوا ليك مغترب كان ليه (7) سنوات برة البلد.

(7) سنوات ..تلفون ما بضربو.

اجازة ما بجي.

(7) سنوات برة شغال شغل الجن ...ما شغال بي أي حاجة ..وما جايب خبر لي أي شيء.

بس عاوز يجيب ليه (قروش) ويرجع للسودان.

في ال (7) سنوات دي ..قالوا ليك المغترب دا ..(فيس بوك) ما كان بدخل.

فيس بوك شنو؟.

دا الباب برة ما كان بقيف فيه.

كلو وقتو كان في (الشغل) ..شغال ليل نهار (زي اذاعة ام درمان) 24 ساعة ...عاوز يعمل قروش ويرجع للبلد.

المغترب دا بعد (7) سنوات رجع.

اول حاجة ...بعد العودة كان نفسو يشوف كورة للهلال.

دي الحاجة الوحيدة الكان مشتاق ليها.

عشان كدا ....يوم كان عابر باستاد الخرطوم (جابو الموقف)..شاف ليك الخلق دي داخلة على الاستاد.

قال كدا الندخل على المباراة دي ..نشوف كورة البلد دي وصلت وين؟.

الزول دخل الاستاد ..لقى ليك ناس (هيثم مصطفى) بسخنوا ..قال : الحمدلله الهلال عندو مباراة.

طبعاً ما في زول في الدينا دي عاقل كدا بتوقع هيثم مصطفى يكون بيلعب في المريخ.

دي الدكتور كمال شداد ما بتوقعها.

فرح ماغي ما بتتخيلها.

انتوا تذكروا الدكتور كمال شداد وقت قال حب الهلال ما بتغيّر من الزول.

وقال حب الهلال هو حب الهلال.

تذكروا الكلام دا.

المهم هسع دا ما موضوعنا.

ما عاوز اناقشكم فيه ..(ما تقعدوا تطيروا لي في عيونكم ساكت).

المغترب شاف هيثم مصطفى بسخّن قال خلاص ..أنا محظوظ في عمري دا....لقيت الهلال ذاتو لاعب.

زولكم شوية كدا ..شاف ليك الفريق اللاعب فيه هيثم مصطفى لابس (اصفر).

اتهجم في البداية.

قال ما مشكلة ..يمكن ناس الهلال في التسخينة بيلبسوا (اصفر) عشان ما يوسخوا (الأرزق).

يمكن دي حركة عملها الأمين البرير.

شوية كدا زولكم المغترب شاف (اكرم الهادي سليم) ..ينطط براهو ..اتلفت للنص لقى الباشا..عاين في الكنبة... شاف ليك (كلتشي).

صاحبكم اطمأن ..قال دا الهلال ..دا الهلال ..اصلو ما في شك.

موش لو لبستوا (اصفر)...لو طرشتوا (الاصفر) دا قدامي هنا ..اياكم الهلال.

بعد الاطمئنان دا ..زولكم شاف (العجب) في دائرة السنتر.

اتخلع شوية.

الموضوع ما وقع ليه.

يا جماعة (العجب) دا الجابو الهلال شنو؟.

معقولة ..احتمال البرير يكون عملها ..وجاب (العجب) الهلال.

البرير دا ممكن يعملها.

لكن عليكم الله الهلال عاوز بالعجب شنو بعد السن دي؟.

مالو الهلال دا عاوز يبقى لي زي منتخب نجوم 90م.

وداك منو؟.

موسى الزومة.

معقولة ..موسى الزومة برضو جاء الهلال.

لا دي كتيرة يا الأمين البرير.

كترتها عديل كدا يا البرير.

يا جماعة الهلالاب ديل جنّوا ولاّ شنو؟.

موسى الزومة شنو البلعبوه مع هيثم مصطفى؟.

ديل إلا يكون لاعب معاهم (مترجم).

إلا يكون في (مترجم) تامين بيه تشكيلة الهلال ..عشان موسى الزومة يفهم هيثم مصطفى.

براهم كدا لا بتفاهموا ولا حاجة.

قول هيثم مصطفى لعب ليه (تمريرة) لي موسى الزومة ...موسى فجأة كدا لقى نفسو قدام القون.

موسى (بدون مترجم) ح يتصرف كيف؟.

دي زي الزول البمشي ليه (فندق)..يقوم يلقى موظفة الاستقبال (صينية).

يلف ويدور سنة حول (الصينية) دي ..ما يفهم حاجة.

زولكم (المغترب) قاعد ..والحكاية بقت (ملخبطة) عليه شديد ..لا عرفها هلال ... لا عرفها مريخ.

ما قادر يقول حاجة.

صاحبكم المغترب ...طلع (النضارة)..وعاين ليها كدا ..وقال للزول القاعد جنبو ..والله أنا (النضارة) دي من لبستها حسيت ليك انها بتقلب اللون الازرق ..(اصفر).

قلت للدكتور الكلام دا ...لكن الدكتور ..ما صدقني.

ويا ريت لو بقت على (اللون الاصفر)..تتخيل انا مرات بتراوح لي في المباراة (بلة جابر).

عليك الله دي (نضارة) دي.

عليك الله انا (النضارة) دي موش مفروض (اكسرها) الان.

الزول القاعد جنبو ..اتهجم ..ما عرف يقول ليه شنو؟.

قال احتمال الزول دا تحويل (المواقف) اثر في قواه (العقلية).

المباراة شغالة ..والمريخ لاعب ..بلة جابر يمشي بالطرف اليمين ..ويعكس ليه كورة في (الكشافات).

صاحبكم المغترب يقوم على حيلو ..ويكورك في (بلة جابر)...وهو بيصيّح بي اعلى صوته : يا زول هوي دي شنو الحركات البتعملها لينا هنا دي ..حركات (بلة جابر) دي ما تعملها لينا في الهلال..دي اعملها هناك في المريخ.

نحن في الهلال (كشافات) بالصورة دي ما عندنا.

الجمهور كان عاوز يدق (المغترب)..دا شنو الزول البشتم لينا في فريقنا في مدرجاتنا؟.

زولكم عاين للكنبة ..لقى ليك (الكوكي) واقف على الخط...تاني قام على حيلو وقال : دا جابوه متين كمان من اهلي شندي دا؟.

والله هانت الزلابية.

مالو فريقنا دا بقوا كلو (مواسير) كدا؟.

بعدين الزول (أبو شعر) دا جايبنو البلد دي نعمل بيه شنو؟.

غايتو زمنا نحن ما كان في محترف زي دا بيلعب في الهلال.

والله لو ما هيثم مصطفى دا ..كنتوا افتكرت نفسي في (مصفاة الجيلي) ...دا شنو الفريق الكلو (مواسير) دا.

زولكم عاين فوق ..لقى ليك جمال الوالي قاعد في (المقصورة).

طوالي قال للزول الجنبو ...كمان جمال الوالي بقى يحضر مباريات الهلال.

المواسير دي انا عرفتها جاءت من وين؟.

الوالي بان على حقيقتو ..قلنا ليكم الزول دا هلالابي ما صدقتونا ..اها هسع جمال الوالي بقى يحضر في مباريات الهلال.

الدقيقة (80) من عمر المباراة ..والكورة تعادل ...الحكم صفّر (ضربة جزاء) لي ناس هيثم مصطفى.

زولكم المغترب طوالي قام علي حيلو وقال : علي بالطلاق الفريق اللاعب قدامي دا ما الهلال.

موش لو هيثم مصطفى لاعب معاهم ..والله لو الامين البرير قاعد معاهم في الكنبة ديل ما ناس الهلال.

على بالطلاق ديل ناس المريخ ..البدوهم (ضربة جزاء) في اخر الدقائق ....الهلال ما في حكم بحسب ليه ضربة جزاء.

دي ما بعملوها للهلال.

نحن كمان الهلال ما بنعرفو.

شفتهم لابسين اصفر ..قلت ..ما مشكلة ..العيب في (النضارة).

شفت فيصل العجب ..قلت احتمال عاوز يختم حياته الرياضية (مسكا) في الهلال.

شفت موسى الزومة ذاتو ..قلت البرير دا ممكن يعملها ..ويجيب موسى الهلال.

شفت كور تمشي على (الكشافات) ...قلت ...حركات (بلة جابر) البعمل فيها دا منو في الهلال؟.

شفت جمال الوالي في (المقصورة)..قلت اصلو الزول دا من ايام الدراسة في مصر كان بحب الهلال وبشاهد في مبارياته.

لكن بعد ما شفت (ضربة جزاء) حسبها الحكم ...عرفت ليك طوالي انو الفريق دا ما فريق الهلال.

ضربة الجزاء دي ..هي الفاصلة.

زولكم شال (مويتو)..وطلع من الاستاد.

لكن قبل ما يطلع (المغترب) من الاستاد ..قال لي بتاع التذاكر ..انت تعال هنا ..هيثم مصطفى دا الجابو المريخ شنو؟.

بتاع التذاكر قال ليه (زعلة) ساكت.

المغترب قال ليه ..زعلة يمشي (المريخ)...ما يمشي (الموردة).

ملحوظة : دي الظاهر عليها زعلة شديدة.

هوامش

المريخ الان يفاوض في لاعب الهلال السابق (سادومبا)...الذي جاء للهلال قبل خمس سنوات.

يا كندورة خليك جاهز.

يا اسامة الثغر ..خلي تلفونك فاتح.

لو عاوزين مدافع ..شوفوا (الثعلب).

سادومبا سوف يلعب جوار كلتشي الذي لعب في الهلال قبل سبع سنوات.

تشكيلة المريخ سوف تبدأ من اكرم الهادي سليم وتنتهي عند سادومبا.

يعني الهلال (من القون للقون).

انتوا عندكم شنو في المريخ بعد كدا؟.

وبين اكرم الهادي سليم ..وسادومبا سوف يكون هناك الباشا وهيثم مصطفى.

العجب سوف يتخلص منه في يونيو القادم.

نجم الدين زعلان.

بلة جابر إلا يلعب في التمارين.

مصعب عمر سوف يحوّل لفريق الاهلي مدني.

يعني المريخ سوف يكون تحت السيطرة (الهلالية) الكاملة.

ولا مريخابي.

اي واحد يعمل (شوشرة) سوف يعيّروه.

القريب بمشي اهلي مدني.

ما يحدث في كشوفات المريخ ..حدث ايضاً في المجلس او في لجنة التسيير.

الكل يعرف هلالية جمال الوالي والذي يأكده الوالي بنفسه بسعيه المستمر على كل ما هو (هلالي).

جمال الوالي تمت اضافة هلالي اخر له في لجنة التسيير وهو عبدالباسط حمزة.

الزول القال ما بقرأ جرايد.

اها الزول الما بقرأ جرايد دا ..لو كان بقرأ جرايد كان عرف نفسو انو (هلالابي).

الظاهر عبدالباسط مشغول ...وما عارف ان اللجنة القاعد فيها دي هي لجنة لادارة المريخ.

يكون زولكم دا إلى الان ما سمع بالموضوع دا.

لو سمع ما بقعد ليه في لجنة (مريخية).

الطريف في الامر وبعد هذا التحول الذي حدث في المريخ واصبح بمقتضاه المريخ هو (هلال العرضة جنوب)....ان المريخاب زمان كانوا بقولوا انهم ما بضعوا (الهلال) في جامع المريخ.

بقت على الجامع.

الجامع اصلاً يفترض ان يكون فيه (الهلال) بعيد عن هذا الفهم الضيّق.

المريخ الحاجة المفروض يكون فيها (الهلال)...شالوا منها الهلال.

في الوقت الذي وضعوا الهلال في اي شيء في المريخ.

لجنة التسيير فيها جمال الوالي (الرئيس) هلالابي.

وفيها نائب الرئيس الما بقرأ جرايد عبدالباسط حمزة (هلالابي).

وما عارف ..يمكن لو فتشنا في لجنتكم الفيها (17) لورد دي ..نطلع لينا ب (11) هلالابي.

لكن ما عاوزين نفتش ..البقية غير مهمة....كفاية علينا الرئيس ونائب الرئيس.

بتاع مزرعة الدواجن لو قال هلالابي ..بنكروا عديل.

ما عشان (الدواجن).

لكن عشان عندنا رأي في الزول ذاتو.

تشكيلة المريخ تحت قيادة (هلالية) بالكامل ..بداية من القائد الميداني (هيثم مصطفى).

وانتوا عارفين الباقي.

لمن سادومبا يجي للمريخ ...الناقصة بتكمل.

الموضوع كدا بكون (هلالي) للاخر.

الجماعة ديل ..كلهم ساقتهم (زعلة) للمريخ.

قطعوا (الشارع) بس.

شارع العرضة.

من الشمال إلى الجنوب.

يا جماعة وحسب الجغرافية وحسب المنطق...الهجرة بتكون من الجنوب إلى الشمال.

الطيور ذاتها بتشتغل بالنظرية دي.

الطيب صالح عنده (موسم الهجرة إلى الشمال).

انتوا يا ناس المريخ عكستوا الحكاية.

هجرة عكسية.

عشان كدا ما بتمشوا لي قدام.

ما تفعلونه الان ..فعله الهلال قبل سنوات.

سنوات بعيدة.

ديل يا دوب جابوا سادومبا.

يعني تاني ح يكتبوا لينا (سا سا سا سادومبا).

المحطة دي نحن اتجاوزنها زمان.

دائماً انتوا بتأتوا متأخرين.

عاجل : لو في وكيل مفتح ..يعرض للمريخ (مصطفى النقر)..افضل ليهم من محمد موسى.

انقر هنا لقراءة الخبر من مصدره.