سودارس : مدوا كراعكم قدر (سيكافا)

شاهد بالفيديو.. بفستان مثير المودل آية أفرو تنصح النساء بطريقة ساخرة: (الرجل مثل العصفور إذا مسكتي شديد بموت ولو فكيتي بطير والحل الوحيد تنتفي ريشه) وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد عاجل..بيان مهم للجيش في السودان شاهد بالصورة والفيديو.. ظهور علم السودان على ظهر سيارة بأحد شوارع مدينة "غلاسكو" الأسكتلندية شاهد بالصورة والفيديو.. سودانية تحكي قصتها المؤثرة: (أبوي وأمي اتطلقوا وجدعوني ودمروا حياتي) تقارير تكشف عن تفاهمات بعدم استهداف مطاري الخرطوم ونيالا وفاة داعية سوداني بارز وزير الشباب ووالي الخرطوم يشرفان ختام الفعاليات الرياضية بالشقيلاب شاهد بالفيديو.. ظهر معه في الصفوف الأمامية.. مواطن سوداني يكذب جنود المليشيا الذين زعموا اعتقالهم العميد محمد منصور قائد "الكرمك" كل ما تريد معرفته عن نزاعات الزمالك فى الفيفا وخطة النادى لحل الأزمة تأجيل حفل شاكيرا فى الأهرامات من إبريل إلى نوفمبر 2026 شاهد بالصورة والفيديو.. شاب سوداني يقتحم عقد قران "حبيبته" يشتبك من الحاضرين ويخطف "القسيمة" من المأذون ويمزقها جلوس أكثر من 3500 طالب وطالبة لامتحانات الشهادة المتوسطة بمحلية الخرطوم جوجل توسّع الترجمة الحية إلى آيفون وآيباد ماجد المصرى: الخلاف فى أولاد الراعى تجاوز المال إلى جوهر العلاقات الأسرية الدولار يرتفع وسط توترات الشرق الأوسط إندونيسيا تصبح أول دولة في جنوب شرق آسيا تقيد وصول الأطفال لمواقع التواصل هل يمكن علاج الكبد الدهنى؟.. دراسة جديدة تربط الوقاية بفيتامين ب3 شاهد بالصورة والفيديو.. رئيس المريخ السابق يفجر مفاجأة كبيرة بخصوص المحترف الجزائري المنضم للمنتخب السوداني ويعد بضم محترفين أفارقة لصقور الجديان الإعيسر .. حين يفعلها رئيس أكبر دولة يسقط عذر الآخرين.. الإعلام الصادق أمانة ومسؤولية وطنية شاهد بالصورة والفيديو.. مشجعة الهلال الحسناء "سماحة" تطالب إدارة ناديها بتقديم "رشاوي" للحكام من أجل الفوز بالبطولة الأفريقية وتشكر "أبو عشرين" مساعدات غذائية تصل آلاف المستفيدين بوادي حلفا عبر منظمة اضافة للمساعدات والكوارث والتنمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية بسبب ضعف الراتب.. وزير الثروة الحيوانية بالسودان يبحث عن عمل إضافي هل من أمل في الكرة السودانية؟ رئيس الوزراء يصدر قرارًا بشأن الرسوم الجديدة في المعابر بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر محمد عبد الباسط يكتب: لهذا تحركت باكستان الآن للوساطة بين أمريكا وإيران عمرو دياب يحيى حفلا غنائيا فى تركيا 2 أغسطس السكوت على هذا الأمر لا يرضي الله ولا رسوله!! دراسة : النشاط البدني مفتاح الوقاية من السكري رغم زيادة الوزن ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي دراسة تكشف ترابطا بين أمراض معدية وخطر الإصابة بالخرف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مدوا كراعكم قدر (سيكافا)

محمد عبد الماجد نشر في النيلين يوم 07 - 08 - 2014

ولو طلع بره في الحوش ورجع – بقول ليك الليلة ح تجي مطرة – شكلها شايل
""""""""""""""""""
زوجتو جات ناطة – قالت ليه انت تعال هنا بتكتب في (القصائد) في بنات الناس ما تكتب فيني قصيدة – هسع عليك الله (البامية المفروكة) البعمل فيها دي ما عجبتك
""""""""""""""""""""""""""""""""
ما عارف ليه الزول وقت يكون بنزل ليه في اسكراتش بكون مبسوط؟
"""""""""""""""""""""""""""""""
الهلال الى الآن احتسبت ضده (4) ضربات جزاء في البطولة الافريقية
""""""""""""""""""""""""""""
بتذكر من رأسي (طلّع ورقة وقلم واكتب) – حكاية الزول المشى ليه مطعم بتاع (فول) – قام سأل من (السمك).
اسمع عندكم (سمك)؟.
وهو اصلا ما عندو قروش للسمك.
قروشو قروش فول ساكت.
بتاع المطعم قال ليه نحن شغالين (فول) بس.
السمك بندس كمان – السمك من ريحتو ظاهر.
سمك ما عندنا يا ابو الشباب – ما في غير الفول.
صاحبكم قال لبتاع المطعم كلامك دا ما تقولو لي زول يا دوب صارف مرتبو.
فولك دا شوف ليك زول ما صارف يضربو ليك.
جماعتكم ديل عاوزين يقلبوا من (الفول) – للسمك.
سيكافا دي عدمانة (السمكة).
واحد تاني – النوع البكون قرفان من اي حاجة وعنده احساس دائم في اي لحظة انو الكهربة ممكن تقطع في اي لحظة.
ولو طلع بره في الحوش ورجع – بقول ليك الليلة ح تجي مطرة – شكلها شايل.
زول شفقان شديد – في اي وقت بقول ليك : (الشارع داك ما تمشي بيه فيه كلب لو عضاك (71) حقنة ما بتمرقك منو).
دائما بقفلها معاك.
الزول دا كان حظو كعب في (البطيخ)....اصلو ما عندو حظ في دنيا البطيخ.
اي بطيخة يجيبها البيت بتطلع كعبة.
زوجتو كل يوم بتكورك فيه – تقول ليه انت دائما بغشوك في (البطيخ)...تسمعو ليك الف كلمة فارغة.
صاحبكم يوم جاب ليه (بطيخة) كبيرة طلعت (قرعة)...مسيخة مساخة ما حصلت.
زوجتو وقفت ليه في نص الحوش – قالت ليه انت ما بتعرف (تختار).
الراجل قام ووقف برضو في نص الحوش – وقال ليها فعلا انا ما بعرف (اختار) – عليك الله لو بعرف (اختار) البخليني اعرسك انتي شنو (يا دوب انتي ربة بيت) واخواتك السبعة واحدة طبيبة وواحدة مضيفة طيران وواحدة صيدلانية وواحدة مذيعة ...الخلاني اختارك انتي شنو؟..عاملة (سنونك) ديل زي اكياس النفايات البتكون مردومة في طرف الشارع.
المرا – ما قدرت تقول اي حاجة.
قالت ليه : والله بطيختك (طااااعمة) – وما فيها اي كلام.
في حاجات بالشكل دا بتحصل.
طبعا انا بحكي ليكم في الحاجات دي بمناسبة (سيكافا).
في واحد تاني – عامل فيها (شاعر).
الشعر دا اصلو ما بتصاقع فيه.
شاعر يعني شاعر.
شاعر شفت.
صاحبكم دا – قال يكتب ليه قصيدة في (بنت الجيران) عشان (يشيلها) عبدالكريم الكابلي ويتغنى بيها زي نظام (وصوني احب لي سابع جار وانت اول جار).
زولكم كتب ليه قصيدة تانية في زميلتو في الشغل – قال القصيدة دي مفروض (يشيلها) محمد ميرغني.
على نظام (عاطفة وحنان يا ناس).
كتب ليه قصيدة في بنت شافها في حفلة قال القصيدة دي مفروض (يشيلها) جمال فرفور.
المشكلة – وروني حل للمشكلة.
كتب ليه قصيدة وطنية قال مفروض (يشيل) الاغنية دي حمد الريح.
كتب ليه قصيدة تانية معقدة كدا – قال مفروض الاغنية دي (تشيلها) عقد الجلاد.
زوجتو جات ناطة – قالت ليه انت تعال هنا بتكتب في (القصائد) في بنات الناس ما تكتب فيني قصيدة – هسع عليك الله (البامية المفروكة) البعمل فيها دي ما عجبتك.
الزوجة عارفة اسمح حاجة ممكن تعملها (البامية المفروكة).
زوجها قال ليها ما عندك مشكلة – بكتب لي فيك (قصيدة) – لكن الشهر دا ما عندي ليك قرش.
الزوجة قالت ليه ما مشكلة.
زولكم جاب ليه كرسي وتربيزة وقعد يكتب في قصيدة في زوجتو...(اقصد في البامية المفروكة).
الزوجة مفتكرهو حسب القعدة ان هذه القصيدة ممكن (يشيلها) محمد النصري او حمد الريح او مجذوب اونسة...مفتكراها قصيدة مليانة بالشجن العاطفي النبيل.
مفتكرة كدا – (انا اعمل ليها شنو؟).
بعد اسبوع الزوجة جاءت لزوجها الشاعر قالت ليه : اها القصيدة الكتبتها فيني (الشالها) منو؟.
الزوج قال ليها (شالها) السيل.
الزوجة عاملة فيها مفتحة قالت ليه : والله السيل دا حسب معرفتي ليهو بشيل (البيت) – لكن حكاية انو يشيل (القصيدة) كلها دي ما سمعنا بيها.
الزوج قال ليها انتي عارفة قصيدتك كان فيها كم بيت؟...فيها (42) بيت كلهن شالهن السيل.
الزوجة مسكينة ما قدرت تقول حاجة – قالت احسن تلحق (البامية المفروكة) قبل ما تحرق.
ريحة الحلة طلعت.
زول اخر.
اشترى ليه (اسكراتش).
كشط الكرت وقال ينزل الرصيد (زولكم فرحان).
ما عارف ليه الزول وقت يكون بنزل ليه في اسكراتش بكون مبسوط.
الواحد تلقى اشترى ليه كرت ب (5) جنيه وفرحان.
زولكم بنزل في الاسكراتش ما نزل معاه (فشل في الشبكة).
قدر ما اتحرفن وحاول ينزل الرصيد – الرصيد ما نزل ليه.
واحد من ناس الحلة (الشفوت) شافو بحاول ينزل في الاسكراتش وما قادر ينزلو.
صاحبكم مشى عليه – وقال ليه : انت الاسكراتش بتاعك دا مالو زي (فيصل العجب) في ايامه الاخيرة في المريخ يسخن المباراة كلها وما (ينزل).
زولكم الكان بحاول (ينزل) في الاسكراتش طوالي جاتو رسالة من شركة الاتصالات (قفلو الشريحة).
الشريحة حرقت.
كيف ما تحرق بعد الكلام دا.
ديل حرقوا البلد كلها ما يحرقوا (الشريحة).
لكن بيني وبينك كدا الكلام دا عندو علاقة بي سيكافا.
كيف ما عندو علاقة بي سيكافا.
سيكافا دي اي حاجة كعبة عندها علاقة بيه.
ادخل ليكم في الزاوية الرئيسية.
انفردت قوون بنية جمال الوالي الترشح لرئاسة الاتحاد الافريقي – لا حول.
الكلام دا جد.
معقولة من رئاسة نادي بيطير من دور ال (64) الى رئاسة الاتحاد الافريقي مرة واحدة.
الموضوع دا يا جمال الوالي (مقصورة) فيه ما بتمرقك.
سور ما بمرقك.
حضري ما بمرقك.
الموضوع دا كبير.
لو عملت ليك بطولة قارية – كان نقول يمكن تقدر تنافس.
جمال الوالي فشل في كل (السيكافات) التى شارك فيها – فشل في ان يفوز ببطولة من تلك البطولات الوهمية.
سيكافا دي نظموها في البلد دي وطلعوا ليها برة – مع ذلك فشلوا في الفوز بها.
لا هنا ولا هناك.
بل ان المريخ اضحى في الموسم الواحد يشارك مرتين في سيكافا.
مرة جوة البلد.
ومرة برة البلد.
المنقا بتطلع مرة واحدة في الموسم (اسألو هيثم علي السنوسي خبير فواكه).
البطيخ بطلع مرة واحدة في السنة.
الشمام – مرة واحدة في الموسم.
ديل في الموسم بقى عندهم (2) سيكافا.
كترتوها.
كتروها يا سيحة.
يا جمال الوالي (سيكافا) دي لا تؤدي الي رئاسة الاتحاد الافريقي.
دي ممكن توديك الاتحاد المحلي الخرطوم.
بالكتير كدا الاتحاد العام.
نحن معاك لغاية اتحاد شرق ووسط افريقيا.
لكن (الكاف) كتيرة دي.
جمال الوالي لقى حكاية السيطرة على الاتحاد العام هنا ما بجيب ليه بطولة.
عاوز يجيبها من كبارها.
(غايتو لو دي حصلت تاني المريخ في كل 5 دقائق بيحسبوا ليه ضربة جزاء في البطولات الافريقية).
ح يكتروا ليكم (ضربات الجزاء).
تاني في المباراة الواحدة بكون عندكم (15) ضربة جزاء.
انتوا هسع بي حاجاتكم دي ما ساهلين.
المريخ في (التمهيدي) منح ضربتين جزاء.
ضربة في الخرطوم وضربة في كمبالا وطار على كدا.
الهلال الى الان احتسبت ضده (4) ضربات جزاء في البطولة الافريقية.
عليكم الله دي ما حقارة.
اها لو جمال الوالي بقى رئيس الكاف – الهلال سوف تحتسب ضده (45) ضربة جزاء في البطولة الافريقية.
كفاية البعملوا فينا هنا ناس سيحة.
سيحة وبدرالدين عبدالقادر ووديدي وصلاح احمد محمد صالح.
.......
ملحوظة : مدوا كراعكم قدر سيكافتكم.
هوامش
تفاؤل الهلال بالانتصار على مازمبي كبير.
يا جماعة انتوا قايلين مازمبي دا (النيل الحصاحيصا).
ناس النيل الحصاحيصا قالوا قنعوا من الممتاز.
بقوا يفكروا في تأهيلي الموسم القادم.
وناس الاتحاد مدني ذاتهم قربو.
فريق الرابطة كوستي صاحب اجمل العروض في هذا الموسم.
نحن كنا مفتكرين السر في (برهان).
طلع السر في (كوستي).
اها يا جماعة ناس المريخ ديل وقت يطيروا من سيكافا ح يعملوا شنو؟.
مفروض تمشوا تنظموا ليكم (سيكافا) تالتة كدا في مروي.
ناس مروي ديل ما بقصروا مع الضيوف – وانتوا عندكم (نقص) في الحتة دي.
عاوزين ليكم اي (ميدالية) ترفع ليكم معنوياتكم.
ان شاءالله ميدالية (بلح).
............
عاجل : بله جابر من كترة المشاركة في سيكافا بقى بله صابر.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.