سودارس : تورتة بالبامية المفروكة

الخارجية ترحب بالبيان الصحفي لجامعة الدول العربية ألمانيا تدعو لتحرك عاجل: السودان يعيش أسوأ أزمة إنسانية ميليشيا الدعم السريع ترتكب جريمة جديدة بعثة الرابطة تودع ابوحمد في طريقها الى السليم ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين السعودية..فتح مركز لامتحانات الشهادة السودانية للعام 2025م محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تورتة بالبامية المفروكة

قوون نشر في قوون يوم 06 - 04 - 2012

• اصلا ..ما لقيت لي زول في الدنيا دي سألوه عن اكلتو المفضلة ..قام
اتجرأ كدا وقال (البامية المفروكة).
• ولا بالغلط دي ما بتحصل.
• وهذا الشيء بشوف فيه تهجم واستحقار بالبامية المفروكة.
• شفتوا ليكم زول دخل ليه (بامية مفروكة) التلاجة.
• البامية المفروكة تعاني من عنصرية بغيضة في المائدة السودانية.
• غايتو السودانيين ديل بحبوا (الخلط) بشكل.
• البامية ما ريحوها.
• البامية (فركوها).
• في خلط اكتر من كدا.
• زمان في اخر السنة ...وفي الكراسات والاجندة البعملوا فيها حوارات تعارف.
• كان أي واحد يسألوا فينا عن الاكلة المفضلة ...كان بقول (السمك).
• ماسكين في (السمك) زي الحاجة الغريبة...البريد السمك ...والما بريدو
..تسألو تقول ليه وجبتك شنو؟.
• بقول ليك (سمك).
• وينوم على كدا.
• يمكن كنا فاكرين الحكاية دي نوع من (القشرة)..وطلوع من القرع وملاح الورق.
• الوقت داك (السمك) كان طالع في الجو.
• الزول البقول ليك (سمك)...تعرف طوالى انو الزول دا (سقفو) عالي.
• عشان كدا الناس كانت ماسكة في (السمك) من طرف.
• لكن في ناس مرات بحاولوا يطلعوا من (المألوف).
• اذكر ان احد وزراء احد الحكومات العسكرية ...سألوه عن وجبته المفضلة
...قال : (العدس).
• نظام الزول متواضع ..وبيأكل العدس زيو ..وزي كل الناس.
• في مسؤول بيأكل ليه (عدس).
• الناس وقتها خلوا أي شيء وقعدوا يتحدثوا عن الوزير الذي كانت وجبتها
المفضلة (العدس).
• دا شنو التواضع دا؟.
• تخيلوا ان ذلك كان قبل ما يجتاح (العدس) الفضائيات بهذه الصورة
الاعلانية المكثفة.
• الواحد بقى يفطر ويتغدي ويتعشي (عدس) بسبب عدس الفضائيات.
• ناس (يا هو يا بيت ابوي)...ديل صعبين.
• ديل ما بتفاهموا.
• قطع جاف كدا.
• يا جماعة اعملوا لينا (ترويج) للبامية المفروكة.
• خلوها تطلع في الكفر.
• اعملوا ليها اعلان صغير ان شاءالله في اذاعة خاصة.
• اتذكرت في اعلان عن (بامية) كدا ...او عن زيت ما عارف.
• فضل (الفسيخ).
• ما علينا.
• دا موضوع ما بخصنا.
• انتوا شفتوا ناس المريخ عملوا شنو؟.
• ناس المريخ ديل عاوزين يرجعوا عصام الحضري.
• لو الحضري رجع إلا ترجعوا عادل ابوجريشة.
• ما عشان حاجة.
• عشان يجيب (التورتة).
• قالوا موسي الزومة من فات عصام الحضري ....ما شاف ليه (تورتة).
• ولا بالغلط.
• قلت ليكم ناس بلة جابر ديل ناس (زلابية) ساكت.
• ما عندهم حاجة اسمها (تورتة).
• يا جماعة الله.
• عاوز اقول ليكم نصيحة ..الحضري مع اكرم الهادي سليم ما بتلاقو.
• ما تعملوا لينا مشاكل ساكت.
• التورتة ما تلخبطوها لينا بالبامية المفروكة.
• الشيء دي ما بتبقى.
• الموضوع الاخطر من هذا.
• وبالجد كدا ..وبالقانون ..الحضري ما ممكن يرجع في الوقت دا.
• إلا في شهر يونيو.
• ما تقولوا لي (الفيفا) اجازت ذلك وفي (استثناء).
• الفيفا يا جماعة استثنت فريق الاتحاد السكندري ما المريخ.
• بمعنى ان الحضري يمكنه ان يذهب الي أي فريق ..شريطة ان يكون هناك خانة
شاغرة للحضري في هذا الفريق الذي يريد ان يتعاقد معه.
• وهذا ما يجعلنا نراهن على ان المريخ لن يستطيع الاستفادة من الحضري في
هذا التوقيت ..لأن الحضري خانتو في المريخ مليانة.
• ما في خانة شاغرة في المريخ عشان يرجع فيها الحضري.
• بعض الاتحادات تشترط في الاعارة ان تترك خانة اللاعب خالية ..لكن في
السودان لا نعمل بهذا القانون.
• عليه عاوزين نعرف الحضري دا ح يرجع للمريخ كيف؟.
• دي محمد الشيخ مدنى ما بقدر عليها.
• كبيرة عليه.
• محمد الشيخ بعد هذا العمر ...رجع المريخ الي كأس السودان.
• بالله انتوا ما بتخجلوا.
• الناس ديل شغالين بي ياتو (قانون).
• قانون الصيد.
• وناس البرير ..متفرغين للفارغة..(والله ما عندنا مشكلة مع هيثم مصطفي)
حفظه الله ورعاه.
• والجماعة بي غادى خربوا البلد.
• ساطوا القوانين.
• هسع نحن بنتحدى ....عاوزين نفهم.
• عاوزين نعرف التورتة بالبامية المفروكة دي ح تكون كيف؟.
• ح تسكروها بي ياتو طريقة.
• ورونا ...فهمونا.
• من الذي يمكن ان يخرج من كشف المريخ في هذا التوقيت؟.
• موسي الزومة.
• بلة جابر.
• زوغبير.
• ورونا ح تضحوا بي منو؟.
• هل سوف تستخرجوا (اورنيك) طبي ..تأكدوا فيه ان اللاعب الفلاني ما بقدر يلعب.
• ممكن يقولوا ليك مجدي ام بدة (مصاب).
• او كبير في السن ...ما بقدر يلعب.
• وممكن يقولوا عن أي لاعب تاني عندو قلب ...زي ابوبكر كونى.
• طلعوا عندو قلب.
• زولكم الي الان بيلعب.
• السؤال تاني.
• عشان يبقى واضح.
• وعشان ما الحضري يغشكم ساكت.
• في أي خانة سوف يتم تسجيل الحضري.
• او دعنا نقول في أي خانة سوف يعود الحضري باعتبار ان الحضري كان (معارا).
• ح تكتلوا ليكم لاعب...عشان تفضوا ليكم خانة للحضري.
• ورونا يا جماعة.
• الموضوع دا اصعب من (الجنسية).
• واصعب من العودة لي كاس السودان.
• محمد الشيخ مدنى دا عندو (قوانين)...كاس العالم للاندية ممكن يلعبكم فيه.
• ما فارقة معاه في حاجة.
• لكن حكاية عودة الحضري للمريخ في هذا التوقيت ...محمد الشيخ مدني ما بقدر عليها.
• يعني عاوزين تخلوا كشف المريخ 29 لاعبا.
• دي شكاوي جاهزة.
• وشكاوي مضمونة كمان.
• ما تغشوا الناس ساكت بالاستثناء الذي طلع للاتحاد السكندري.
• نكرر يا جماعة.
• عشان النقطة دي تبقى واضحة.
• الاستثناء الذي اخرجه الاتحاد الدولي لكرة القدم ...كان استثناء
للاتحاد السكندري.
• وربما كان الاتحاد السكندري يظن ان خانة الحضري في المريخ (شاغرة)
باعتبار ان اللاعب معارا.
• لكن ما في خانة شاغرة.
• وما في لاعب مصاب...يمكن ان يقبل الاتحاد السوداني او الدولى شطبه في
هذا التوقيت (استثناء).
• وليس هناك لاعبا رحل في المريخ.
• لذا تبقى عودة الحضري قبل يونيو (مستحيلة).
• ما في أي طريقة.
• ما تقعدوا تغشوا الناس ساكت.
• عشان كدا استحملوا اكرم الهادي سليم دا الي يونيو.
• ما عندكم غيره حل.
• بالمناسبة يمكن ان نقول تحذير شديد اللهجة للمريخ منذ الان.
• يا مريخاب اعملوا حسابكم من كورة بكرة.
• المباراة دي صعبة عليكم.
• اوعكم من الخروج من دور ال (32).
• اوعكم تعملوها تاني.
• نحن عازونكم تصعدوا.
• عندنا فهم.
• عاوزين نشوفكم مع (مازمبي) ح تعملوا شنو؟.
• غايتو يا مريخاب ما عندكم أي مشكلة.
• جمال الوالي بعد مباراة مازمبي دي بعمل ليكم طابق تالت.
• وبعلى ليكم (السور).
• وبنظم ليكم (سيكافا).
• قولوا لي عرفت الحكاية دي كيف؟.
• ح اقول ليكم انا خطير.
• عارف أي حاجة.
• لكن عامل ليكم فيها ما عارف.
• قالوا كمال دحية ...طلع تصديق (المظلة).
• وهمد جهز الطوب.
• ومزمل ابوالقاسم عاوز يعمل ليه ديوان شعر في (المقصورة).
• غايتو نحن عندنا اعلام.
• النجيلة ان (خدرت) ساكت ...بشوفوا الموضوع دا انجاز لي جمال الوالي.
• ملحوظة : ألحقوا (البصلة) ما تحرق.
هوامش
• هيثم مصطفي حفظه الله ورعاه ...في كل يوم يثبت فيه انه كبير.
• في كل يوم يقدم درس جديد.
• ان شاءالله تفهموه.
• امس كان هيثم مصطفي حاضرا مع اخوانه مساندا وداعما للهلال.
• دا هيثم البنعرفو.
• اليوم امام الهلال فرصة لتحقيق اكبر انتصار في البطولة الافريقية ان شاءالله.
• يا سادومبا عازونك تحسم موضوع هداف البطولة الافريقية من المباراة دي.
• عشان تتفرغ للحاجات التانية.
• ونحن أي حاجة عندنا بي نظام.
• بكري المدينة احتمال يكون هداف البطولة برضو من هذه المباراة.
• نريد من الهلال اليوم انتصارا تاريخا.
• انتصار كبير.
• انتصار كبيرا استعدادا لمباراة الاربعاء.
• طيروا قلوب الجماعة من اول عشرة دقايق.
• اصلو في ناس بترجف الليلة.
• ناس الاربعاء بظهروا الليلة.
• عيونهم ح تكون في نص (ضهرهم).
• علاءالدين يوسف ...يقدم في هذه الايام لمحات من الدوري الايطالي.
• قولوا ما شاءالله.
• يا مهند ...كتر لينا من (الهوبات).
• نتمى من اتوبونج اليوم التسجيل.
• لكن يمكن اتوبونج يكون صايم ليه بي فهم.
• لو صايم لي يوم الاربعاء ...يا اتوبونج ما عندنا معاك مشكلة.
• صوم ساكت ..لو دا فهمك.
• جمهور الهلال في الفترة الاخيرة ...ظل بعيدا عن الهلال.
• حتى عندما يدخل للاستاد ...لا يشجع بالصورة المطلوبة.
• الليلة عاوزين حضور جماهيري خاص لمباراة اليوم.
• وعاوزين تشجع اكثر خصوصية.
• هيثم مصطفي ما تشيلوا همو.
• هيثم الله معاه.
• ما تخافوا ....الحبة ما بتجيه.
• عشان كدا ...الليلة انصرفوا نحو التشجيع.
• شجعوا ساكت.
• وخلوا الهلال يلعب كورة.
• اشتقنا لعبده جابر.
• عاوزين عبده جابر يرجع لينا سريع.
• عبده جابر موهبة نادرة يجب الاعتناء بها.
• التسجيلات تبقى لها اقل من 60 يوم.
• نتمنى من مجلس ادارة نادي الهلال التحرك مبكرا لحسم هذا الملف.
• الهلال يحتاج الي مدافعين وطرف يمين.
• تاني ما عندنا أي مشكلة.
• حسم هذا الامر ..يجب ان يكون منذ الان.
• ما تقعدوا تتلفتوا لينا ساكت ...وقت تجى التسجيلات تقولوا لينا الوقت ضيق.
• جهزوا لينا محمد سيلا منذ الان.
• خلوه يتمرن منذ الان مع الهلال عشان غارزيتو يشوفو ويحكم عليه.
• بعدين عشان يتعود على لعب الهلال.
• ونادي مويس ما بفتكر يكون عندو مانع.
• انهوا لينا الموضوع دا منذ الان.
• يوسف محمد وجمعة ..يمكن مغادرتهما منذ الان.
• الهلال في التسجيلات القادمة يحتاج فقط ل (3) لاعبين.
• تاني (برشلونة) ما بتقيف قدامنا.
• قناة الشروق لماذا تتجاهل فريق الاهلي شندي.
• ولا شغالة بيه الشغلة.
• الطاهر سادومبا لو جاء الهلال في يونيو افتكر ح يكون مكسب كبير.
• العبقري الرفض الطاهر سادومبا دا منو؟.
• لو الطاهر سادومبا كان في كشف الهلال ما كان ح يكون عندنا أي مشكلة في
الطرف اليمين.
• هسع مع مجلس الموردة الجديد دا ...(الله اعلم).
• عاجل : ريكاردو باقى ليه 5 يوم في البلد دي

انقر هنا لقراءة الخبر من مصدره.