سودارس : قفة حبنا (بصلة) ما فيها

أنباء عن اغتيال ناظر في السودان الصادق الرزيقي يكتب: الدعم السريع وشهية الحروب التي فُتحت في الإقليم خسائر ضخمة ل"غانا"..تقرير خطير يكشف المثير "خطوة برقو" تفجّر الأوضاع في دارفور الترجي يسقط أمام فلامنغو في مونديال الأندية الحلقة رقم (3) من سلسلة إتصالاتي مع اللواء الركن متمرد مهدي الأمين كبة افتتاح المرحلة النهائية للدوري التأهيلي للممتاز عصر اليوم باستاد الدامر. فيكم من يحفظ (السر)؟ في السودان :كيف تتم حماية بلادنا من اختراق المخابرات الإسرائيلية للوسط الصحفي من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟ التقى بروفيسور مبارك محمد علي مجذوب.. كامل ادريس يثمن دور الخبراء الوطنيين في مختلف المجالات واسهاماتهم في القضايا الوطنية هيمنة العليقي على ملفات الهلال الحرب الايرانية – الاسرائيلية: بعيدا عن التكتيات العسكرية نشاط مكثف لرئيس الوزراء قبل تشكيل الحكومة المرتقبة نقل أسلحة إسرائيلية ومسيرات أوكرانية الى افريقيا بمساعدة دولة عربية والي الخرطوم يصدر عدداً من الموجهات التنظيمية والادارية لمحاربة السكن العشوائي أدوية يجب تجنب تناولها مع القهوة شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية) رئيس الوزراء يطلع على الوضع الصحي بالبلاد والموقف من وباء الكوليرا الجيش الكويتي: الصواريخ الباليستية العابرة فوق البلاد في نطاقات جوية مرتفعة جداً ولا تشكل أي تهديد إدارة مكافحة المخدرات بولاية البحر الأحمر تفكك شبكة إجرامية تهرب مخدر القات شاهد بالصورة والفيديو.. وسط ضحكات المتابعين.. ناشط سوداني يوثق فشل نقل تجربة "الشربوت" السوداني للمواطن المصري (يمكن نتلاقى ويمكن لا) سمير العركي يكتب: رسالة خبيثة من إسرائيل إلى تركيا عناوين الصحف الرياضية السودانية الصادرة اليوم الأثنين 16 يونيو 2025 شاهد بالفيديو.. الجامعة الأوروبية بجورجيا تختار الفنانة هدي عربي لتمثل السودان في حفل جماهيري ضخم للجاليات العربية شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة رباعية نظيفة .. باريس يهين أتلتيكو مدريد في مونديال الأندية بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل") على طريقة البليهي.. "مشادة قوية" بين ياسر إبراهيم وميسي المدير العام للشركة السودانية للموارد المعدنية يؤكد أهمية مضاعفة الإنتاج المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة من حق إيران وأي دولة أخري أن تحصل علي قنبلة نووية أول دولة عربية تقرر إجلاء رعاياها من إيران السودان..خطوة جديدة بشأن السفر 3 آلاف و820 شخصا"..حريق في مبنى بدبي والسلطات توضّح ضربة إيرانية مباشرة في ريشون ليتسيون تثير صدمة في إسرائيل بالصور.. زوجة الميرغني تقضي إجازتها الصيفية مع ابنتها وسط الحيوانات معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت بعد حالات تسمّم مخيفة..إغلاق مطعم مصري شهير وتوقيف مالكه رئيس مجلس الوزراء يؤكد أهمية الكهرباء في نهضة وإعادة اعمار البلاد إنهاء معاناة حي شهير في أمدرمان وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا فجرًا.. السلطات في السودان تلقيّ القبض على34 متّهمًا بينهم نظاميين رئيس مجلس الوزراء يقدم تهاني عيد الاضحي المبارك لشرطة ولاية البحر الاحمر وفاة حاجة من ولاية البحر الأحمر بمكة اكتشاف مثير في صحراء بالسودان رؤيا الحكيم غير ملزمة للجيش والشعب السوداني محمد دفع الله.. (صُورة) تَتَحَدّث كُلّ اللُّغات في سابقة تعد الأولى من نوعها.. دولة عربية تلغي شعيرة ذبح الأضاحي هذا العام لهذا السبب (….) وتحذيرات للسودانيين المقيمين فيها شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض) تراجع وفيات الكوليرا في الخرطوم أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية وزير المالية السوداني: المسيرات التي تضرب الكهرباء ومستودعات الوقود "إماراتية" "الحرابة ولا حلو" لهاني عابدين.. نداء السلام والأمل في وجه التحديات "عشبة الخلود".. ما سرّ النبتة القادمة من جبال وغابات آسيا؟ ما هي محظورات الحج للنساء؟ قُلْ: ليتني شمعةٌ في الظلامْ؟!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

قفة حبنا (بصلة) ما فيها

قوون نشر في قوون يوم 09 - 06 - 2014

في السودان – الزوجة وقت الغاز يقطع – تلاقيك فرحانة في خشم الباب زي كأنها جايبة ليك خبر سمح وتقول ليك : (الغاز قطع)
"""""""""""""""""""""
وقت الزول يكون (متقل) في الفول ..ممكن يعمل اي شيء – يتصرف اي تصرف - عادي جدا تكون بتحضر في مباراة تجمع بين مانشيستر يوناتيد وليفربول تشوفها (العباسية والتاج)
""""""""""""""""""""""""
في جماعة كأس العالم إلّا يلفوا ليه (الطبق)..ما اشتروا (الكرت) عشان ما يشوفوا (الهلال)
"""""""""""""""""""""""""""""
نتمنى ان تتاح الفرصة لمحمد عبدالرحمن واطهر الطاهر ووليد علاءالدين ومحمد حسن بعد انتقاله للهلال عشان الناس تتمتع بي (لو بهمسة)
"""""""""""""""""""""""""""""""""""
· في بدايات التمانيات كان المسرح المصري يقدم في تباري جميل مسرحيات مازالت الى وقتنا هذا - مرجعية للضحكة والفرحة والفلافل.
· طبعا (الفلافل) دخلت في السطر الفوق دا بالشباك – ما عندها اي علاقة بالموضوع.
· ولا بالغلط.
· ناس المرور ما يقوموا يمسكوها لينا.
· هسع يقولوا ليك (30) جنيه على (الفلافل) الداخلة غلط دي.
· وقت الزول يكون (متقل) في الفول ..ممكن يعمل اي شيء – يتصرف اي تصرف - عادي جدا تكون بتحضر في مباراة تجمع بين مانشيستر يوناتيد وليفربول تشوفها (العباسية والتاج).
· ممكن (واين روني) يجيب ليه قون..تفتكرو (محمد عبدالمنعم عنكبة).
· روني يضيع ليه كورة مضمونة ..تقول ليه والله يا (عنكبة) كورتك بقت زي الزول البفتش ليه عن رقم تلفون.
· لكن عنكبة دا مالو (صلعتو) بقت في نص رأسو زي (كرسي النص).
· يا ود الناس دا ما عنكبة– دا روني.
· الله يقطع سنين (الفول).
· مرة في واحد مننا ما عندو اي موضوع – النوع البدخل غلط داك – الناس تكون بتتكلم عن (الأنا) في الذات السياسية ...هو يشرّع براهو في موضوع جانبي يتنتر ويقول ليك : (امس سيد اللبن ما جاء).
· الناس في شنو؟..وهو في شنو؟.
· زولكم الما عندو موضوع دا – قاعدين نحضر لينا في مسلسل بطلتو كانت (ليلى علوي).
· صاحبكم (تقل) في الفول شاف ليلي علوي في المسلسل قام قال محاسن بنت الخضر (ممثلة سودانية قاطعة من رأسي دا عشان ما ازعل لي زول) مالها بقت تشبه ليلي علوي كدا؟.
· قلنا ليه دي ليلي علوي ذاتها...دي ما محاسن بنت الخضر.
· قال لينا طيب لو دي (ليلي علوي)...محاسن بنت الخضر دي تكون منو؟.
· يا جماعة ما تلخبطوني.
· تلخبطو الزول في يوم اجازتو.
· سكتنا – مشينا خليناه ..عرفناه - (الفول) عمل ليه تداخل في خلايا المخ.
· لخبط ليه بين المخيخ والطايوق عشان كدا تداخلت عليه الاشياء.
· الزول الما عندو موضوع دا – برضو مرة (تقل) في الفول – سقناه وجري على ناس التوم ود التومة كان عندهم مناسبة.
· ناس التوم ود التومة وصلناهم على (تشطيب) غداء كدا.
· الحلل كلها اترفعت.
· اتنفضوا يعني.
· قعدنا شوية كدا جابوا لينا (بامية مفروكة).
· زولكم الما عندو موضوع نزل ليك في (البامية المفروكة) شطف.
· ما خلى ليه (بامية) حايمة.
· ضرب ليك البامية دي ضرب ما حصل في الحرب العالمية الثانية.
· ضرب بي اخلاص.
· ونحن نعاين ليه 17 – 17 من الغيظ تقول (فركوا) مصارينا نحن ما فركوا البامية.
· صاحبكم بعد ما ضرب (البامية المفروكة) قعد يلاحق في اصابعينو ويلحس فيها.
· زولكم على هذا الوضع قال : (والله ناس التوم ود التومة) عندهم جنس (ضلع) حاجة ما تخلص.
· نحن اتفصمنا ليك فيه ..قلنا ليه : (هو وينو الضلع؟)..والله ما شفنا حاجة غير (البامية المفروكة) المسيخة دي.
· اوعك تجيب لينا سيرة (الضلع) هنا...الناس ديل يفهمونا غلط.
· يفتكرونا ما بنفرز البامية المفروكة من الضلع.
· كفاية علينا حسرة البامية المفروكة دي.
· صاحبكم قعد يغالط فينا على اساس انو (البامية المفروكة) هي (ضلع).
· يا زول (ضلع) شنو؟...نحن الموضوع دا بنضارب فيه عديل كدا.
· بنطاعن – نحن ما شفنا لينا (ضلع).
· وزولكم يغالط ويمص في اصابعينو.
· عليك الله يا ود الناس في (ضلع) بلحسو ليه (الاصابع)...مالك عاوز تشككنا في (اصابعينا)؟.
· لحس الاصابع دا بكون في (البامية)..ما شفناه في الضلع.
· ولا سمعنا بيه.
· التوم ود التومة يقوم يسمعك بتتكلم عن (الضلع) يشك في (باميتو المفروكة) دي.
· يقوم يسويها لينا (ضلع).
· وناس الزمن دا قاعدين على الهبشة ..اقل حاجة يعملوها ليك (ضلع).
· بعد شوية عرفنا ليك الزول دا كان ضحية للفول.
· الفول عمل عمايلو.
· الفول بعمل اكتر من كدا.
· وعطفا على ذلك.
· في 1981 كان سمير غانم مع شيرين وجورج سيدهم ونجاح الموجي قد قدم مسرحية (المتزوجون) ..التى كتبها فيصل ندا صاحب المسلسلات الشهيرة في حقبة التمانينات.
· المسرحية اخرجها حسن عبدالسلام صاحب العقد النضيد من المسرحيات في جيّد المسرح العربي.
· في تلك المسرحية ...كان سمير غانم يتحدث عن (الفول) ويتلو مآثيره على زوجته شيرين التى كانت تشكي من الفول قايلة (كل يوم فول).
· كل يوم فول يا مسعود.
· سمير غانم في اروع مسرحياته كان يقول عن الفول في هذا السجع.
· فولتيمز معروف.
· يروح ضارب على طول...(والحديث عن الفول).
· العالم صحته زي الحديد من ايه؟.
· من الفول.
· ويبان على الواحد على طول.
· الماكل فول بيبان.
· في الزحمة الماكل فول بيبان.
· تلقى الاشارة حمراء فجأة واحد راح معدي كدا.
· يا عمي الاشارة حمراء.
· حمراء مين؟.
· (المعني البياكل فول بيعدي الاشارة الحمراء).
· بقطعها ولا بتلفت.
· ولا بيقيف.
· وفي المسرحية ايضا.
· تتقدم شيرين على خشبة المسرح لتسأل سمير غانم.
· مسعود ايه دي؟.
· دي أوله (قلة يعني).
· أوله ..اوله و الله.
· وشيرين تتحدث عن (القلة) التى تشاهدها لاول مرة.
· تجنن - تهوس (أوله) حبنا.
· اوله حبنا.
· وفي المسرحية الشهيرة ..(صرصار) حبنا.
· وملوخية حبنا.
· وجدو حبنا.
· وليفة حبنا.
· وزير حبنا.
· وفجلة حبنا.
· ونحن هنا ممكن نتم ليكم الناقصة ونقول بطيخة حبنا – وقرعة حبنا – وعجورة حبنا.
· واظن من هنا غنت ام كلثوم (حب ايه الانت جاي تقول عليه).
· صرصار شنو البدخل في مكونات الحب.
· قالوا ليك واحد (شفت) حاول ياكل عيش من مسرحية سمير غانم دي.
· قال احسن يشبك (المرا) رومانسية تقيلة – عشان ما تكتر ليه في الطلبات.
· بتم ليها الشهر (حب).
· عشان كدا صاحبكم من يوم خمسة بدور ليك (حنك) تقيل..وانت ست الكل ..وسيدة العالم ..واميرة حبنا.
· الولية تسمع الكلام دا كهربة ما تقول ليه عاوزة.
· يشبكها ليك عيونك متل عيون المها ...الغاز ان قطع ..(المرا) تتدس الخبر من زوجها.
· عليكم الله شفتوا ليكم (زوجة) بتدس خبر (الغاز قطع).
· في السودان – الزوجة وقت الغاز يقطع – تلاقيك فرحانة في خشم الباب زي كأنها جايبة ليك خبر سمح وتقول ليك : (الغاز قطع).
· هسع الغاز قطع عاوزة (الفرحة) دي كلها.
· الزوج كان وقت يصرف المرتب ..بجيب ليه (قفة) فيها شوية طماطم وشوية بصل وشوية بطاطس وشوية عدس ..وبقول ليها دي (قفة حبنا).
· المعنى الشهر كلو ما تقولي لي عاوزة حاجة.
· الزوجة مسكينة تقطع من لحمها وتعصر على (القفة) الشهر كلو.
· مرة الشهر كان طويل.
· والقفة من يوم تلاتة شطبت.
· ما فيها اي حاجة.
· والزوجة ما قادرة تقول حاجة لزوجها بسبب (الرومانسية) المعيشها فيها.
· الزوجة (تلتق) في الوجبات – متل الواجب المدرسي.
· يوم عدس.
· ويوم عدس امس.
· ويوم عدس اول امس.
· ويوم تعمل ليها جدعة كدا ..(تخترع) ليها وجبة جديدة.
· الزوجة ما خلت (اختراع).
· كملت اي حيلة.
· خلاص بقى ما في اي حاجة في البيت.
· والشهر ماشي على مهل.
· يوم الزوجة قررت تصارح زوجها.
· انتظرتو في الباب ..وهو راجع من الشغل.
· الزوج عرف ليك الموضوع دا ما طبيعي.
· كافحها ليك ب (رومانسية) مستعجلة وقال ليها : (وين قفة حبنا).
· الزوجة انفجرت ليك فيه وقالت ليه : (قفة حبنا بصلة ما فيها).
· الزوج غضب من كلام الزوجة.
· دخل المطبخ شال (القفة) ..وهو طالع قال ليها : (انا بمشي اجيب لي بصل – لكن تاني عشان بقول ليك عيونك (عسلية) – من الليلة عيونك (بصلية).
· الزوجة لحقتو ليك في الباب – وقالت ليه خلاص تعال يا ابو العيال بتصرف – خلي البصل.
· الزوج رجع وقال ليها : والله العيون الفيك في انجلينا جولي ما في.
· دا ما كان بصل البخلي (التايا بت حمدنا الله) في خمس دقائق انجلينا جولي.
· ملحوظة : هسع الموضوع دا كلو فيه سيرة كورة.
هوامش
· الترجي والصفاقصي امس مباراة قمة في الروعة.
· اجمل قفلة منها وكأس العالم.
· في جماعة كأس العالم إلّا يلفوا ليه (الطبق)..ما اشتروا (الكرت) عشان ما يشوفوا (الهلال).
· كاس العالم دا إلا تتابعوه في 104.
· انتوا قايلنو (سيكافا).
· اها ناس ميسي ورونالدو ديل ما بتعملوا ليهم (كرت).
· اعملوا الكرت بعد كأس العالم ح تشوفوا بي نفس الكرت الشفتوا بيه ميسي ورونالدو (بشه).
· بشه وخليفة.
· نحن بنعرف ليكم.
· ادبة شديدة.
· التسجيلات تنتهي غدا – الحمدلله ح نرتاح من شطحات مجلس الهلال.
· مرة كدا قالوا في لاعب ارتكاز برازيلي خطير ح يصل السودان عشان يلعب في الهلال.
· كل يوم يقولوا لينا اتحرك من البرازيل.
· زولكم الى الان ما وصل.
· الغريب ..سيرتو بقى ما قاعدين يجبوها.
· الظاهر اكتفوا ب (دينلسون).
· محمد حسن درة الفاشر من غير شك مكسب كبير للهلال.
· نتمنى ان تتاح الفرصة لمحمد عبدالرحمن واطهر الطاهر ووليد علاءالدين ومحمد حسن بعد انتقاله للهلال عشان الناس تتمتع بي (لو بهمسة).
· نتيجة مازمبي والزمالك ما كعبة مع الهلال.
· من مصلحة الهلال ان يعرقل مازمبي كل الاندية التى تقابله – طبعا عدا الهلال.
· عاوزين فيتا كلوب والزمالك يطلعوا من بدري.
· عشان المسألة تنحصر على الهلال ومازمبي.
· الهلال سوف يتأهل ان شاءالله.
· وحسابنا مع الكوتش محمد الطيب ح يكون تقيل.
· زولكم قال تأهل الهلال ح يكون من عجائب الدنيا.
· انت يا كوتش عايش في دنيا براك.
· الكورة دي ما فيها الكلام دا.
· لو ركزت في (الكرفتة) كان احسن ليك.
· خلاص ح نخلي (سيحة)..ونمسك في الكوتش محمد الطيب.
· الحمدلله لقينا لينا زول (مصرج) كدا.
· .........
· عاجل : الهلال انحنى للعاصفة ...(ما تشيلو هم).

انقر هنا لقراءة الخبر من مصدره.