سودارس : سيكافا ريفي ريفي ريفي ريفي ريفي ريفي ريفي ريفي ريفي بطولة الكونفدرالية

تشيلسي يضرب ليفربول بثلاثية ويتمسك بأمل الأبطال توجيه عاجل من وزير الطاقة السوداني بشأن الكهرباء قائد منطقة البحر الأحمر العسكرية يقدم تنويرا للبعثات الدبلوماسية والقنصلية وممثلي المنظمات الدولية والاقليمية حول تطورات الأوضاع الخارجية القطرية: نجدد دعمنا الكامل لوحدة وسيادة استقرار السودان الاعيسر:استخدمت في الهجوم سبع طائرات مسيرة انتحارية، شكّلت غطاءً لهجوم نفذته طائرة استراتيجية أخرى وقف الرحلات بمطار بن غوريون في اسرائيل بعد فشل اعتراض صاروخ أطلق من اليمن حزب الأمة القومي: نطالب قوات الدعم السريع بوقف هذه الممارسات فورًا والعمل على محاسبة منسوبيها..! المضادات فشلت في اعتراضه… عدد من المصابين جراء سقوط صاروخ يمني في مطار بن جوريون الاسرائيلي مصطفى تمبور: المرحلة الحالية تتطلب في المقام الأول مجهود عسكري كبير لدحر المليشيا وتحرير دارفور الجيش يوضح بشأن حادثة بورتسودان "ميتا" تهدد بوقف خدمات فيسبوك وإنستغرام في أكبر دولة إفريقية بورتسودان وأهلها والمطار بخير انتر نواكشوط يخطط لتكرار الفوز على المريخ قباني يقود المقدمة الحمراء المريخ يفتقد خدمات الثنائي أمام الانتر عزمي عبد الرازق يكتب: هل نحنُ بحاجة إلى سيادة بحرية؟ الأقمار الصناعية تكشف مواقع جديدة بمطار نيالا للتحكم بالمسيرات ومخابئ لمشغلي المُسيّرات فاز بهدفين .. أهلي جدة يصنع التاريخ ويتوج بطلًا لنخبة آسيا بتعادل جنوني.. لايبزيج يؤجل إعلان تتويج بايرن ميونخ السودان يقدم مرافعته الشفوية امام محكمة العدل الدولية هل هدّد أنشيلوتي البرازيل رفضاً لتسريبات "محرجة" لريال مدريد؟ إسحق أحمد فضل الله يكتب: (ألف ليلة و....) شاهد بالصورة والفيديو.. حسناء الشاشة نورهان نجيب تحتفل بزفافها على أنغام الفنان عثمان بشة وتدخل في وصلة رقص مؤثرة مع والدها كم تبلغ ثروة لامين جمال؟ حين يُجيد العازف التطبيل... ينكسر اللحن أبوعركي البخيت الفَنان الذي يَحتفظ بشبابه في (حنجرته) شاهد بالفيديو.. في مشهد نال إعجاب الجمهور والمتابعون.. شباب سعوديون يقفون لحظة رفع العلم السوداني بإحدى الفعاليات شاهد بالصور والفيديو.. بوصلة رقص مثيرة.. الفنانة هدى عربي تشعل حفل غنائي بالدوحة تتسلل إلى الكبد.. "الملاريا الحبشية" ترعب السودانيين استئناف العمل بمحطة مياه سوبا وتحسين إمدادات المياه في الخرطوم هيئة مياه الخرطوم تعلن عن خطوة مهمة تجدد شكاوى المواطنين من سحب مبالغ مالية من تطبيق (بنكك) ما حكم الدعاء بعد القراءة وقبل الركوع في الصلاة؟ عركي وفرفور وطه سليمان.. فنانون سودانيون أمام محكمة السوشيال ميديا تعاون بين الجزيرة والفاو لإصلاح القطاع الزراعي وإعادة الإعمار قُلْ: ليتني شمعةٌ في الظلامْ؟! الكشف عن بشريات بشأن التيار الكهربائي للولاية للشمالية تبادل جديد لإطلاق النار بين الهند وباكستان علي طريقة محمد رمضان طه سليمان يثير الجدل في اغنيته الجديده "سوداني كياني" دراسة: البروتين النباتي سر الحياة الطويلة في حضرة الجراح: إستعادة التوازن الممكن التحقيقات تكشف تفاصيل صادمة في قضية الإعلامية سارة خليفة الجيش يشن غارات جوية على «بارا» وسقوط عشرات الضحايا حملة لمكافحة الجريمة وإزالة الظواهر السالبة في مدينة بورتسودان وزير المالية يرأس وفد السودان المشارك في إجتماعات الربيع بواشنطن شندي تحتاج لعمل كبير… بطلوا ثرثرة فوق النيل!!!!! ارتفاع التضخم في السودان انتشار مرض "الغدة الدرقية" في دارفور يثير المخاوف مستشفى الكدرو بالخرطوم بحري يستعد لاستقبال المرضى قريبًا "مثلث الموت".. عادة يومية بريئة قد تنتهي بك في المستشفى وفاة اللاعب أرون بوبيندزا في حادثة مأساوية 5 وفيات و19 مصابا في حريق "برج النهدة" بالشارقة عضو وفد الحكومة السودانية يكشف ل "المحقق" ما دار في الكواليس: بيان محكمة العدل الدولية لم يصدر ضبط عربة بوكس مستوبيشي بالحاج يوسف وعدد 3 مركبات ZY مسروقة وتوقف متهمين الدفاع المدني ولاية الجزيرة يسيطر علي حريق باحدي المخازن الملحقة بنادي الاتحاد والمباني المجاورة حسين خوجلي يكتب: نتنياهو وترامب يفعلان هذا اتعرفون لماذا؟ من حكمته تعالي أن جعل اختلاف ألسنتهم وألوانهم آيةً من آياته الباهرة بعد سؤال الفنان حمزة العليلي .. الإفتاء: المسافر من السعودية إلى مصر غدا لا يجب عليه الصيام

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سيكافا ريفي ريفي ريفي ريفي ريفي ريفي ريفي ريفي ريفي بطولة الكونفدرالية

محمد عبد الماجد نشر في النيلين يوم 02 - 09 - 2014

لو عاوزين ترفعوا قدر جمال الوالي – ما تنزلوا قدر المريخ
مزمل ابوالقاسم سألوه مشروبك المفضل شنو؟..قال ليهم : (اسكافي)
اتخيل لي كدا – لو ناس هيثم كابو ديل اجتهدوا شوية في (المقصورة) ممكن يدخلوا لينا كأس سيكافا ضمن مقررات الشهادة السودانية مادة (سلة المهملات).
شوية كدا.
اعملوا (بياض) للمقصورة.
غيروا الكراسي.
رشوا الملعب.
اعملوا أي حاجة كدا – بدخلوا ليكم (سيكافا) في مقررات الشهادة السودانية.
اصلو السلم التعليمي الايامات دي قاعد على الهبشة – يغيروا فيه سنة.
اديكم مثال – انتوا اصلوا إلّا يطبقوا ليكم النظرية.
يعني ممكن الطالب يدخل امتحان الكيمياء.
السؤال الاول (اجباري) بطولة الاندية الافريقية للابطال – الطالب ما يفهم أي حاجة.
انتوا الاسئلة دي بتجيبوها لينا من وين؟.
الطالب يطلع من دور ال (64).
ذكرتونا يا ناس المريخ زمن الازمة في الرغيف وصفوف العيش – الواحد كان بقوم من النباه الاول عشان يمشي الطابونة.
الرغيف كان زي الجواز الالكتروني إلّا تقوم ليه مع النباه.
هسع جماعتنا ديل طلعوا من دور ال (64).
المهم يا جماعة الطالب ما يفهم حاجة في السؤال الاول.
يقوم يمشي للسؤال التاني – (الكونفدرالية).
برضو ما يفهم حاجة.
يمشي للسؤال الثالث (الممتاز).
ما يفهم شيء.
يقوم يقول بدل ما اجمع الورقة فاضية احسن اتكلم عن (سيكافا).
لو ادوني (نص درجة) بجي اعمل لي جوطة في البلد دي واطلع لي (مسيرة).
حليل زمن المسيرات.
خرطوم اللاءات الثالث بقت وقت تطلع (مسيرة)...تطلع لي (سيكافا).
الناس ديل قاعدين يغشوكم ساكت.
وانتوا تشيلوا وتفرحوا.
تشيلوا وتقعلوا في عيونكم.
ناس هيثم كابو ديل ما لقوا ليهم موضوع يكتبوا فيه قاموا قالوا نكتب عن (سيكافا).
المضحك في الامر أن اعلام المريخ ترك سيكافا الفرحانين بيها دي واتفرغ للرد على اعلام الهلال.
مريخابي اتلخبطت عليه الاشياء.
رأسو ضرب.
شاف ليك الاحتفالات شغالة والمهرجانات مدورة – والحكومة كل مرة تطلع ليها بيان تهنيء فيه المريخ.
المريخابي صدق.
لاقوه ليك جماعة شايلين ليهم (مايك) قالوا ليه الرفع علم الاستقلال منو؟.
صاحبكم حسب دوشتو وغسيل المخ العاملنو ليه قال ليهم : (بله جابر).
الجماعة قالوا ليه نحن سألناك من الرفع علم الاستقلال ما الرفع (الكورنر).
زولكم المريخابي قال ليهم ادوني فرصة تانية (بنقرو) ليكم.
قالوا ليه ما في مشكلة بنديك فرصة تانية – الرفع علم الاستقلال منو؟.
قال ليهم أحمد الباشا.
قالوا ليه يا ود الناس نحن بسأل عن العلم ما عن كأس سيكافا – انتوا مالكم بتلخبطوا كدا.
رأسكم خفيف.
سيكافا عملت فيكم كدا – طيب لو وصلتوا مرحلة المجموعات كان عملتوا شنو؟.
ناس بابكر سلك ديل خدروا ليك الجماعة.
المريخابي زمان كان بشيل ليه (ربع كيلو لحمة) من الجزارة وبمشي على كدا.
كلمة ما بقولها.
هسع المريخابي بقى يجي يشيل ليه (ربع كيلو) ويقول للجزار عليك الله زيد لي (الموية).
هي اللحمة فيها موية.
صاحبكم عارف الموضوع تامنو (موية).
دخلتوا لينا الموية في اللحمة كمان.
زمان الموية دي كانت في الفول وفي الجبنة – لكن في (اللحمة) دي جديدة علينا.
سلك دا طبعاً زول درامي خطير – مع (المحاماة) قالوا ليك بكتب (شعر).
وخايف على سيكافا دي – يقوم بابكر سلك دا يدخل لينا على الاغاني الوطنية – يقوم يضيف ليها (كأس سيكافا).
سلك طبعاً (فرحان) ومعتبر (سيكافا) دي بطولة – اصلهم هم ما طلعوا من سيكافا.
ما بعرفوا في الدنيا دي غير (سيكافا).
زي زمان عندنا جماعة في الحلة – الجامعة دي ما بعرفوا منها غير (كلية واحدة ) كدا – (ما عاوز احدد ليكم اسم الكلية عشان ما نزعل لينا طالب بقرأ في الكلية المقصودة دا).
خلوها مستورة.
خلونا نضع افتراضاً اسم وهمي لكلية وهمية اسمها كلية (التنجير العالي).
أي طالب يمتحن ليك يقدم ليك في كلية (التنجير العالي).
هم مفتكرين الجامعة دي (كلية التنجير العالي) ما عارفين في كليات تاتية وتخصصات مختلفة.
قايلنها جت (تنجير عالي).
أي واحد يشيل ليه استمارة يقدم ليك الرغبة الاولى (كلية التنجير العالي).
الغريبة الرغبة التانية برضو بكتبها (كلية التنجير العالي) باعتبار أن ما في غير كلية التنجير العالي.
أي شافع تلاقيه تقول ليه ساعة يكون بغسل ليك في ايديك في مناسبة – انت عاوز تقرأ شنو؟.
يقول ليك عاوز اقرأ كلية التنجير العالي.
لمن الحلة كلها بقت (تنجير عالي).
يوم واحد من ناس الحلة الكبار جاء الخرطوم اكتشف ليك انو هناك كليات تانية – اكتشف ليك كلية للهندسة وكلية للطب وكلية للاداب وكلية للقانون وكلية للاقتصاد – الخ.
كليات لا حصر لها ولا عدد.
قال ليهم وقت في كليات قدر كدا – كاتلننا بالتنجير العالي مالكم؟.
زولكم رجع الحلة ...عمل ليك اجتماع مع هيئة الاباء ..وقال ليهم انتوا تعالوا هنا وقت في كليات تانية – اولادنا ديل ليه كلهم بقرأوا في كليات التنجير العالي.
واحد من الاباء الكبار رفع ايدو وقام يتكلم قال ليهم والله يا جماعة بي صراحة كدا اولادنا ديل لو مشوا الخرطوم وقرأوا لينا طب أو هندسة أو قانون تاني ما بجونا راجعين – عشان كدا اخير لينا كلية (التنجير العالي) دي.
الاباء اقتنعوا بكلام الراجل ورفعوا الاجتماع على التوحيد في التقدير ودراسة كلية (التنجير العالي).
طبعاً التنجير العالي دي ما عندها أي علاقة ب (سيكافا).
عشان سيكافا حقتكم دي بمشوا ليها من (التمهيدي) وكلية التنجير العالي بمشوا ليها من الثانوي العالي.
سلك هسع ما شايف غير (سيكافا) – عشان في الاساس ما عندهم غير سيكافا.
الحكاية دي زي شنو؟.
زي زول ما شايف (باريس) قام لاقى ليه زول تاني برضو ما شايف باريس.
قام قال ليه انت تعال هنا باريس دي زي شنو؟.
الزول قال ليه باريس دي زي (لندن).
طبعاً الاتنين برضو ما شايفين لندن.
التاني قال ليه ولندن زي شنو؟.
الزول قال ليه لندن زي مدريد.
ومدريد زي شنو؟.
مدريد زي واشنطن.
الزول اضايق عاوز ليه حاجة يعرفها – قال ليه لا يعني زي شنو هنا؟.
صاحبكم عاين فوق في السماء ..وقال ليه اقول ليك شنو – اقول ليك شنو يا التوم.
زي الكاسترد.
الزول وفكر ورجع ليه – قال ليه اسمع انت مرات موش بتنوم.
التوم قال ليه طبعاً.
وفي النوم يا التوم موش مرات بتحلم بالخرطوم دي نظيفة وجميلة كدا زي (علبة الحلاوة).
التوم قال ليه فعلاً.
الزول قال ليه شفت حلمك بالخرطوم وهي جميلة ونظيفة دي زي ريفي ريفي ريفي ريفي ريفي ريفي ريفي محلية (تور الحمامة) في مدريد.
التوم قال ليه معقولة (باريس) سمحة كدا.
هسع يا سلك عارفين سيكافا دي شنو؟.
سيكافا دي ريفي ريفي ريفي ريفي ريفي ريفي ريفي ريفي ريفي بطولة الكونفدرالية.
قالوا ليك سلك دخل ليك على الاغاني الوطنية كلها وعمل ليها تعديل.
ديل عدلوا (البصمة) يعني غابلهم يعدلوا الاغاني.
كيف يعني.
اغنية امتي يا امة الامجاد والماضي العريق..بقت امتي يا امة الامجاد وكأس سيكافا.
يلا يا يوسف السماني شوف ليك صرفة مع الجماعة ديل.
الحق (امجادك).
نشيد العطبراوي الخالد (انا سوداني انا) بقى انا سوداني وشايل سيكافا كمان.
نشيد اسماعيل حسن بقى (تخيل كيف يكون الحال لو ما شلنا سيكافا؟).
كأنوا الهلالاب ما ريحونا.
هم الهلالاب كدا ما قعدونا في الواطة – كرهونا سيكافا – المريخابي بقى يشوفك في الشارع يقوم يتهرب منك.
الشيء المدهش ..سلك (سمسم القضارف) ذاتها ما خلاها.
سلك قال سمسم القضارف دي اغنية وطنية ..قعد يقول يا سمسم القضارف وبطولة شرق ووسط افريقيا.
يعني لحنتها يا سلك.
أما مزمل ابوالقاسم حكايتو حكاية.
تتخيلوا مزمل ابوالقاسم قالوا ليه مشروبك المفضل شنو؟.
عارفين قال شنو؟.
مزمل قال ليهم مشروبي المفضل (اسكافي).
الدكتور عاين لمزمل كدا قال ليه طول ما مشروبك المفضل (الاسكافي) عمركم ما بتصلوا مرحلة المجموعات.
....
ملحوظة : ولسع في كلام خطير شديد.
هوامش
المريخاب مفتكرننا زعلانين على فرحتهم دي واحتفالاتهم ببطولة سيكافا.
والله العظيم نحن بنضحك في (افراحكم) دي.
انتوا بتصغّروا في المريخ.
والله نحن المريخ شايفنو اكبر من الحاجات البتعملوا فيها دي.
يا جماعة اتجاوزوا خط الاستواء حقكم دا.
اكبروا شوية.
اعملوا ليكم همة.
البتعملوا فيه دا بقلل من مكانة المريخ.
عاوزين ترفعوا قدر جمال الوالي – ما تنزلوا قدر المريخ.
في الحلة مرات بكون في (طفل) كبر.
وبقى كبير.
ودخل الجامعة.
موش مفروض يبقى قدر المسؤولية.
بتجي تلقاه بلعب مع شفع مرحلة الاساس بالشورتي في الشارع.
تلقاه متفن في الواطة وهو بقرأ في الجامعة.
أو مرات الزول يكون عندو ولد.
أبوه يكون خلاص بقى يعتمد عليه.
وبقى يعتبروا راجل البيت.
الولد يعمل ليه (شنبات).
يقوم فجأة كدا يحبط ليك ابوه ويتشبك ليه في (مسدس) موية.
أها يا ناس المريخ.
يا ناس اعلام المريخ (تحديداً)...انتوا هسع البتعملوا فيه دا عمل بتاع (مسدسات موية).
الناس بضحكوا عليكم.
وامانة فيكم اعملوا ليكم مهرجان – خلوا جمال فرفور يغني ليكم فيها اغنية (المشكلة).
كيتا على الهلالاب.
قال سيكافا قال.
.....
عاجل : ناس مزمل ديل الظاهر عليهم زمان كان بدكوا (الفيزياء) – البتعملوا فيه دا ما عمل زول بحضر حصص الفيزياء.
وإن طال السفر - محمد عبد الماجد
صحيفة قوون

انقر هنا لقراءة الخبر من مصدره.