شاهد بالصور.. الشاعرة والإعلامية نضال الحاج تخطف الأضواء وتسحب البساط من الجميع في حفل زفاف "ريماز" بأناقتها بالحجاب    شاهد بالفيديو.. خبير التحكيم المصري ونجوم الأستوديو التحليلي يجمعون على تقاضي الحكم عن ركلة الجزاء واضحة لصقور الجديان أمام العراق والجمهور: (الظلم التحكيمي لمنتخبنا في البطولة أصبح متكرر)    شاهد بالفيديو.. خبير التحكيم المصري ونجوم الأستوديو التحليلي يجمعون على تقاضي الحكم عن ركلة الجزاء واضحة لصقور الجديان أمام العراق والجمهور: (الظلم التحكيمي لمنتخبنا في البطولة أصبح متكرر)    شاهد بالصور.. الشاعرة والإعلامية نضال الحاج تخطف الأضواء وتسحب البساط من الجميع في حفل زفاف "ريماز" بأناقتها بالحجاب    شاهد بالفيديو.. اليوتيوبر الشهيرة مها جعفر تعود للظهور بمقطع فيديو كوميدي من مباراة صقور الجديان وأسود الرافدين وتؤكد تشجيعها للمنتخبين لأن والدها سوداني ووالدتها عراقية: (ماما أمسكي المنتخب بتاعك دا)    شاهد بالفيديو.. سيدة الأعمال السودانية "ميادة" تخرج في مقطع وتبرئ نفسها من تهمة الإعتداء على خادماتها الجنوبيات: (أموت على سؤء الخاتمة كل ما تم تداوله شائعات)    شاهد بالفيديو.. بعد أن رفضت الاستجابة لطلبه في الحفل.. شاب يقذف أموال "النقطة" في وجه الفنانة فهيمة عبد الله والأخيرة ترد عليه بنفس طريقته    وزير خارجية بنين يعلن فشل محاولة الانقلاب في البلاد    الكويت تسحب جنسية الداعية طارق السويدان    كامل إدريس يدين قصف روضة أطفال ومستشفى بمحلية كلوقي ويصفه بالجريمة الإرهابية    شركة CNPC الصينية تُخطر وزارة الطاقة بنيتها إنهاء اتفاقيات البلوك 6 بسبب تدهور الأوضاع الأمنية    بدء التخلص من مخلفات الحرب بوسط الخرطوم    حكومة إقليم النيل الأزرق تدين الهجوم الذي شنّته مليشيا الدعم السريع على الأعيان المدنية بمدينة الدمازين    إحباط تهريب (29) ألف رأس بنقو و(46) ألف حبة ترامادول بشندي    صلاح يفتح النار: شخص يريد رحيلي.. وليفربول تخلى عني    تحذير علمي: السمنة تُسرّع تراكم علامات الزهايمر في الدم بنسبة 95%    بكري المدني يكتب: كردفان-لا شيء يدعو للقلق!!    السودان.. احتجاز مدنيين في 6 مناطق بأمر الميليشيا    هيئة مياه الخرطوم تعلن عودة محطة كبيرة للعمل    بيل غيتس يحذر : ملايين الأطفال قد يموتون بنهاية هذا العام    المريخ يستضيف كيجالي وعينه على الانتصار    الجزيرة تقسو على الجامعة في دوري الدامر    الرابطة السليم يكسب شكواه ضد الأمير دنقلا    شاهد بالفيديو.. العروس "ريماز ميرغني" تنصف الفنانة هدى عربي بعد الهجوم الذي تعرضت له من صديقتها المقربة الفنانة أفراح عصام    إسحق أحمد فضل الله يكتب: (حديث نفس...)    تكريم الفنان النور الجيلاني بمنطقة الكدرو    خسارة المنتخب الوطني بهدفين نظيفين من المنتخب العراقي    للمرة الأولى.. السعودية تواجه نفس الخصوم في كأس العالم    فوائد النعناع واستخداماته العلاجية.. تعرّف عليها    السكري وصحة الفم.. علاقة متبادلة    رئيس مَوالِيد مُدَرّجَات الهِلال    نتيجة قرعة كأس العالم 2026.. تعرف على طريق المنتخبات العربية في المونديال    بالصورة.. الفنانة أفراح عصام تفتح النار على مطربة شهيرة عقب نهاية حفل زفاف ريماز ميرغني: من عرفتك نحنا بنسجل في البرنامج وانتي في محاكم الآداب وقبلها المخدرات مع (….) وتبقي فنانه شيك كيف وانتي مكفتة ومطرودة!!    "يارحمن" تعيد الفنانة نانسي عجاج إلى القمة.. أغنية تهز مشاعر السودانيين    تنويه عاجل لهيئة مياه الخرطوم    كامل إدريس يوجه برفع كفاءة قطاع التعدين    تصريحات ترامب المسيئة للصومال تثير غضبا واسعا في مقديشو    قرار عاجل لرئيس الوزراء السوداني    حريق سوق شهير يسفر عن خسائر كبيرة للتجار السودانيين    مياه الخرطوم تكشف تفاصيل بشأن محطة سوبا وتنويه للمواطنين    إدارة التعدين بولاية كسلا تضبط (588) جرام و (8) حبات ذهب معدة للبيع خارج القنوات الرسمية    محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي    بشكلٍ كاملٍ..مياه الخرطوم تعلن إيقاف محطة سوبا    إحباط تهريب كميات كبيرة من المخدرات والمواد الخطرة بنهر النيل    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    إحباط تهريب أكثر من (18) كيلوجرامًا من الذهب في عملية نوعية    مقترح برلماني بريطاني: توفير مسار آمن لدخول السودانيين إلى بريطانيا بسهولة    إحباط تهريب أكثر من (18) كيلوجرامًا من الذهب في عملية نوعية    وصول 260 ألف جوال من الأسمدة لزراعة محاصيل العروة الشتوية بالجزيرة    مصر.. تحذيرات بعد إعلان ترامب حول الإخوان المسلمين    شاهد.. بعبارة "كم شدة كشفت معادن أهلها" صورة ولي العهد السعودي الأمير محمد بن سلمان تزين شوارع العاصمة السودانية الخرطوم    الشتاء واكتئاب حواء الموسمي    عثمان ميرغني يكتب: تصريحات ترامب المفاجئة ..    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    (مبروك النجاح لرونق كريمة الاعلامي الراحل دأود)    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الفكي ابو (3) شلخات قال ليكم شنو في موضوع (شيبوب)؟
محمد عبد الماجد نشر في النيلين يوم 16 - 12 - 2015

صلاح عووضة امس كتب (شوفي ، إنتِ تجيبي لي ديك أحمر بلغ يا دوب وعوعايو مخنوق)
اسامة عطا المنان قال ليهم اقول ليكم بصراحة شيبوب دا تاني (الامم المتحدة) ما بترجعو
ابو 3 شلخات قال ليهم العمل في الزول العمرو (21) سنة ذاتو ما بمشي…اوعكم تقولوا لي (هاوي)
قالوا ليك امين خزينة المريخ قاعد حارس (تحويل الرصيد)…حارس 2870….منتظرين (الرصيد)
مريخابي زول صريح وما قاعد يدسها – قال لي والله من جمال الوالي فات المريخ مشاكلو كترت.
المعسكر ما معروف.
والمدرب زول مجهول ساكت.
وشيبوب طار مننا.
وبكري المدينة ذاتو عمل ليه حادث حركة.
قلت ليه علاقة حادث بكري المدينة بي استقالة جمال الوالي شنو؟..الموضوع دا ما عندو علاقة بي جمال الوالي.
قال لي انت عارف بكري المدينة بكون بفكر في حالة المريخ بعد جمال الوالي ..مرتبات مافي وحوافز ضعيفة.
في اثناء التفكير دا بكون دخل ليه في (عربية).
اها بعد الكلام البقول ليك فيه دا – تفتكر حادث بكري المدينة ما عندو علاقة بي رحيل جمال الوالي؟.
قلت ليه لكن كلامك دا بعيد.
بعيد شديد.
زي الزول البيجيب ليه (بنت) – وفي السماية يقوم يقول ليك خلاص عروسة ابنك وصلت.
امس قرأت عمود الاستاذ صلاح عووضة (بالمنطق) في صحيفة (الصيحة) ..قمت قلت ليه ما نطبق فكرة عووضة في المريخاب.
حالتهم صعبة اصلها الايامات دي وما عارفين يتصرفوا كيف؟.
قالوا ليك امين خزينة المريخ قاعد حارس (تحويل الرصيد).
حارس 2870.
منتظرين (الرصيد).
المريخاب يحولوا ليهم شوية (رصيد) يقولوا ليك حق النثريات طلع.
ينتظروا (7) يوم لمن قروش عطرون تطلع ..يلموها ويدوها ليه.
حارسين الرقم.
هسع الايامات دي بلقطوا في حق المعسكر.
كل ما يلقوا (الرصيد) شوية وما بعمل حاجة بيأجلوا بداية المعسكر.
ارجع ليكم لي صلاح عووضة وفكرة عموده امس.
عووضة امس كتب (شوفي ، إنتِ تجيبي لي ديك أحمر بلغ يا دوب وعوعايو مخنوق)… ويجتهد المرافق في نقل ما قاله الشيخ للفتاة وهي تسجل على كراسة صغيرة… (وبعدين تجيبي لي شوية لبان دكر وبخور حلو وجوزين أرجل سحلية انتاية)..
عمود صلاح عووضة كان تحت عنوان (شيوخ السحالي)..وهو عن (خواجاية) عاوز تربّط ليها (خواجة).
انا هسع عاوز اطبق ليكم نفس النظرية في المريخاب – عشان اطلعهم ليكم من حالة التصدّع العائشين فيه دا.
قالوا ليك المريخاب ..مشوا لي مزمل ابوالقاسم بعد مغادرة (شيبوب) قالوا ليه شوف لينا اي حاجة (نتصبر) بيها.
ان شاءالله (كضب) ساكت.
شوف لينا حاجة نغش بيها الناس الثائرة دي.
مزمل قال ليهم بي صراحة موضوع (شيبوب) دا انا ما عندي ليه حل ..انا ذاتي (مجرسني).
عليكم الله خلوني ..ما تجيبوا لي سيرتو.
المريخاب قالوا يمشوا لي (سلك).
بابكر سلك بيلقي ليهم (طريقة).
بيلقى ليهم (مخرج)..
يا زول قالوا ليك سلك دا قدر ما حك رأسو ما لقى ليه مخرج.
يخش ويطلع ساي.
والجماعة ضاغطينو ..عاوزين الحل.
الجمهور حالتو صعبة ..وما بصبر اكتر من كدا.
سلك جاب ليك خبراتو بتاعة (المخارجات) كلها.
فتش ليك مخارجو من عبده الشيخ وباكمبا.
ادوارد.
حمودة بشير.
علاءالدين يوسف.
الشغيل.
أحمد ميسي.
اصلو ما لقى ليه حاجة.
اخر شيء ..سلك وقت اضغط شديد ..قال ليهم ما عندكم غير (الرباط الصليبي).
امسكوا في (الرباط الصليبي) ما بتجيكم اي عوجة.
المريخاب عرفوها.
قالوا ليه (رباط صليبي) شنو؟..انتوا ما عندكم غير (الحنك) دا.
عبده الشيخ رباط صليبي.
باكمبا قلتوا رباط صليبي.
حمودة بشير ..رباط صليبي.
فييرا رباط صليبي.
الشغيل رباط صليبي.
والله الجماعة ديل مشوا بي (رباطهم الصليبي) دا ترسوا ليك جنس ترس في الهلال.
الحبة ما جاتهم.
المريخاب قنعوا.
اثناء (القنعان) دا في واحد قال ليهم نحاول مع هيثم كابو يمكن يلقى لينا طريقة.
الزول دا (نضام) وما ساهل.
الجماعة مشوا على هيثم كابو.
كابو قال ليهم في شنو؟.
قالوا ليه شيبوب طار مننا.
كابو قال ليهم كيف يطير ؟..ناس (سمير فضل) وين؟..الجماعة ديل ما شايفين شغلهم.
قالوا ليه والله يا كابو ناس سمير فضل الموضوع دا فلت منهم ..ما بقدروا عليه.
كابو قعد يفكر ليك ويضرب في التلفونات.
ما عرف اي حاجة.
آخر شيء – قال ليهم يا جماعة والله انا تجيبوا لي (طه سليمان) بجضمو ليكم.
والله ما يرفع رأسو.
تجيبوا لي عاصم البنا ..اطلعو ليكم اي كلام.
كاظم الساهر ..اطقطقو ليكم زي الحلاوة.
بس موضوع شيبوب دا طلع من اليد.
عليكم الله ما تجيبوا لي سيرتو تاني.
الجماعة اتخارجوا على كدا.
قالوا يمشوا على (الكبير).
يمشوا لي اسامة عطا المنان ذاتو.
اسامة دا موش رفع ليهم ايقاف بكري المدينة.
خلاص – يعني عاوز يغلبو (شيبوب).
زول (هاوي) ساكت.
الجماعة مشوا على اسامة عطا المنان ..لقوه بيقطع في تذاكر السفر.
قال ليهم في شنو؟…عندكم سفرية؟.
قالوا ليه سفرية شنو؟…عاوزنك تشوف لينا مخرج.
اسامة قال ليهم اوعكم تقولوا لي (شيبوب) ..مزمل ابوالقاسم وسمير فضل ومريخاب الجنوب هسع كانوا هنا بفتشوا ليهم عن مخرج…اعتذرت ليهم ..قلت ليهم الموضوع دا كبير.
قالوا يا اسامة شوف لينا (لوائحكم) القاعدة ساكت دي فعّلوا لينا اي لائحة ..75 ..55 …131…9877…اي مادة بس رجع لينا شيبوب.
اسامة عطا المنان قال ليهم اقول ليكم بصراحة شيبوب دا تاني (الامم المتحدة) ما بترجعو.
خلاص الموضوع دا انسوه.
شوفوا ليكم شغلة تانية.
شوفوا مستقبلكم وين؟.
واحد من الجماعة ..قال ليه شغلة شنو؟…يمين شيبوب دا يمشي الهلال (21) سنة تاني ما تغلبوا الهلال.
يا زول الموضوع دا لازم يتلحق.
في واحد منهم قال ليهم نمشي على الفكي ابو (3) شلخات…على طريقة فكرة صلاح عوووضة امس.
واحد منهم قال ليهم هو الفكي ابو 3 شلخات لغاية الآن شغال ..الزول دا ما قالوا قبضوه.
الزول الخبير قال ليهم قاعد – لكن بيشتغل بي الدس.
ركبوا ليهم (لوري) بتاع تراب ومشوا على الفكي ابو (3) شلخات.
لقوا ليك الفكي ابو 3 شلخات يحلب ليه في غنماية…(بحلب) منها (زبادي) بااااارد.
الزبادي ذاتو مطعم.
مرة بنكهة الاناناس.
ومرة بنكهة المنقا.
قالوا ليه يا الفكي ابو 3 شلخات …والله جاينك ممكونين عديل كدا ..وما عندنا اي حل غيرك.
الفكي ابو 3 شلخات ..قال ليهم الهلالاب ديل تاني عملوا فيكم شنو؟..الناس ديل اصلو ما قاعدين يريحوكم.
في شنو؟.
قالوا ليه والله يا ابو 3 شلخات نحن اصلو ما بندس منك حاجة ..ناس الهلال خطفو شيبوب.
ابو 3 شلخات اتنفض ليك ..وقال ليهم وين جمال الوالي؟.
قالوا ليه : لو جمال الوالي قاعد كنا جيناك؟.
ابو 3 شلخات قال ليهم وين لجنة الاستئنافات؟.
قالوا ليه لجنة الاستئنافات الهلالاب كشفوها.
عرفوها.
راحت مع جمال الوالي.
ابو 3 شلخات قال ليهم اعمل ليكم شنو انا؟ …ما عندي ليكم اكتر من (لجنة الاستئنافات).
قالوا ليه اتصرف يا ابو 3 شلخات ..انت ما في حاجة بتغلبك.
قال ليهم شيبوب دا عمرو كم سنة؟.
قالوا ليه 21 سنة.
ابو 3 شلخات قال ليهم العمل في الزول العمرو (21) سنة ذاتو ما بمشي…اوعكم تقولوا لي (هاوي).
قالوا ليه ..والله (هاوي) فعلا يا ابو 3 شلخات.
ابو 3 شلخات قام ليك فيهم …قال ليهم وكمان (هاوي) اعمل ليكم شنو انا؟ ..الموضوع دا صعب شديد.
قالوا ليه اتصرف يا ابو 3 شلخات ..اي حاجة بتطلبها بنجيبها ليك.
ابو 3 شلخات قال ليهم بتقدروا على الشغل دا.
قالوا ليهم والله لو طلبت رقابنا ما بنبخل بيها عليك.
ابو 3 شلخات ..قال ليهم تجيبوا لي (عتّود).
قالوا ليه (العتّود) ساهل.
قال ليهم (العتّود) لونو يكون (اخضر).
ومراراتو مرارة (خروف).
والعيون الفيه في كارينا كابور ما في.
قالوا ليه دا نجيبو ليك من وين؟…(اخضر) دا إلّا نصبغو.
ابو 3 شلخات قال ليهم مع لونو الاخضر ..نظرو يكون 6 من 6 ..واحساسو عالي وعندو رأي في (الحوار الوطني).
الجماعة قالوا ليه …انت ما عاوز ليك (عتّود) – انت عاوز ليك (فيلسوف) كان تطلب ليك (فيلسوف) وتختصر الموضوع.
ابو 3 شلخات ..قال ليهم انتوا عاوزين شيبوب وإلّا عاوزين الهلالاب يضحكوا فيكم.
قالوا ليه عاوزين شيبوب.
قال ليهم خلاص الحاجة البطلبها تجيبوها من سُكات.
قالوا ليه غير (العتّود) عاوز شنو تاني؟.
قال ليهم (طحنية).
قالوا ليه دي ساهلة.
قال ليهم الطحنية طعمها يكون تفاح – تفاح.
قالوا ليه انت ما تطلب (تفاح) مرة واحدة وتريحنا من اللفة الطويلة دي.
قال ليهم انتوا عاوزين شيبوب وإلّا موسى الزومة.
قالوا ليه لا لا لا .. عاوزين شيبوب.
قال ليهم طيب مالكم؟.
وتاني عاوز شنو يا ابو 3 شلخات؟.
قال ليهم عاوز لي زول بعمل اي حاجة في الكورة ..يدخل بي هنا ويطلع بي هناك ..يمر من الملعب كلو ..بي مدرجاته وبدخل ليك الكورة في خرم ابرة…بجيبها من الكورنر ..في الدقيقة بجيب ليه 4 اقوان.
وبصرف مع اي تمريرة 4 ارطال سكر.
قالوا ليه يا ابو 3 شلخات انت ما تحدد لينا عاوز رونالدو وإلّا ميسي؟.
قال ليهم لو جبتوهم الاتنين بضمن ليكم شيبوب في التكميلية يرجع ليكم.
واحد من الجماعة قال ليهم يا جماعة احسن ننسحب ونمسك في كلام (بابكر سلك) ونقول عندو (رباط صليبي)…نحن لو بنقدر نجيب ميسي ورونالدو …كنا بنفك (شيبوب).
بعدين (ميسي) في جونا دا ما بقعد.
المريخاب انسحبوا ليك على كدا.
طبعا عاوزين تعرفوا موضوع (العتّود) الاخضر حصل فيه شنو؟.
والله لغاية ما انتهيت من العمود دا ما عارف (العتّود) حصل عليه شنو؟.
……………
ملحوظة : غايتو كورتنا بقت كلها (شلوخ).
هوامش
ناس المريخ الحاجة البقدروا عليها قالوا برفعو اسمو في الكشف الافريقي.
احسن ما فعلتو.
خلو كشفكم ينقص لاعب.
اصلو ناقص تراوري.
كدا بقى ناقص 2.
نحن مالنا.
ما بتعرفو مصلحتكم.
والفريق النيجيري في انتظاركم.
ووفاق سطيف.
ديل عاوزين تمشوا ليهم بي كشف ناقص.
………
عاجل : بستغرب في شارع النيل ..الشارع يكون طول وعرض وفيه شجرة واحدة …سواق العربية يخلي الشارع كلو ويدخل ليك في (الشجرة).

انقر هنا لقراءة الخبر من مصدره.