مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    النفط يستقر وسط خسائر أسبوعية والذهب والفضة ينتعشان    "ميتا "تسجّل براءة اختراع لمحاكاة المستخدمين بعد وفاتهم    تطوير بطارية تُشحن خلال ثوانٍ وتصمد 12 ألف دورة    شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل)    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    بالصورة.. لأول مرة منذ 23 عام.. الأمل يودع الدوري السوداني الممتاز والحزن يخيم على عشاق كرة القدم بعطبرة    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    اكتشاف مركبات "زائفة" تشعل نوبات الربو    دراسة: القراءة والكتابة تخفِّضان خطر الزهايمر 40%    طلاب شرق دارفور يسيرون قافلة وطنية إلى جنوب كردفان برعاية والي شرق دارفور    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    ترتيبات لإعادة تشغيل مصنع ألبان بركات وإنشاء مزرعة لتربية الماشية    من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء)    صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية    تشغيل مصنع الاوكسجين بمستشفى الدبة المركزي    الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    المريخ يبارك انتخاب رئيس إتحاد سيكافا وأعضاء اللجنة التنفيذية    مساعد قائد الجيش يكشف عن فساد وزير كبير    إبراهيم شقلاوي يكتب: مسرح ما بعد الحرب لدى يوسف عيدابي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



ليست حرباً ولكنه الثأر
بابكر سلك نشر في النيلين يوم 22 - 02 - 2016

أمل عطبرة لا نعتبره عدواً خارج الملعب
وأكد ذلك في حسن استقباله لبعثتنا بعطبرة يوم المباراة التي قرر القانون اعادتها ورفض امل عطبرة القرار وانسحب من تلك المباراة
مات وقتها القانون واحترامه
واعترت تلك الحقبه فوضى غير مسبوقة
لا عداء لنا مع امل عطبرة
ولكن لنا ثأر شريف لديهم
سنأخذه عنوة واقتداراً وعلو كعب
فأمل عطبرة زميلنا في الممتاز وصديق الهلال ليس نداً لنا
ولا صديق أمل عطبرة زاتو ند لنا
فالجوية اطاحت بالندية
ويمكن ان يكون امل عطبرة نداً لصديقه
وصديقه نداً لصديقته رابطة كوستي
ورابطة كوستي تنعم بنديتها لنهضة ربك
جميعهم انداد في الانجازات الصفرية الدولية والصفرية الجوية
لذا امل عطبرة ليس نداً لنا
ولا قطر عطبرة زاتو
لكن لنا تار بطرفهم
اولادنا لازم يعرفوا كده
ولازم يعرفوا اننا ما برضينا ضد امل عطبرة غير الفوز باكبر نتيجة تحدث في الممتاز منذ تأسيسه
وسنرى ماذا سيفعل التحكيم في مواجهة العنف غير الشرعي المتوقع.
يا ربي التحكيم بنذر ويطرد زي ما شفنا يوم مريخ كوستي ضد اهلي شندي؟
انتوا كورة مريخ كوستي الجاية ضد منو؟
لا اله الا الله محمداً رسول الله
معقولة
ما عارف ليه سبب الرياضة الجماهيرية اللافي في الواتس اليومين دي بقى يزاول لي
عارف ليك سبب يا محمد عبد الماجد؟
يظهر إنو الموسم ده حا يشهد حركات وطنية جديدة يا خالدونا
المهم
كلنا لن ننسى ان امل عطبرة ما ند لينا
كلنا يجب أن نذكر ان عند امل عطبرة تاراً لينا
كلنا يجب أن نشجع بقوة ونحث على النصر العريض لاعبينا
كلنا يجب أن نحترم في خلق رياضي جميل امل عطبرة وبرضك في الرياضة السمحة زميل لينا
كلنا كجماهير يجب ان تتشابك ايدينا
ليقوى الزعيم ويحقق اكبر فوز في الممتاز لينا
ايها الناس
الزول لما يمشي يجيب لمبه صينية من الدكان ويربطها وما تولع
بقول يا ولد شوف الكهربا دي قطعت ولا شنو
ولما يعرف انها ما قاطعة بفتح المفتاح ويقفلو ستة مرات واللمبة في حالها
واخيراً بفكها ويرجعها الدكان والشمطه تقوم
قرأت في الزاوية العملاقة انو ناس ابو كسكتة ركبوا كشافتين ونزلوهم
أبوا يولعوا يا روشا ولا شنو؟
بناظير الزناطير يا اختي انتوا بتخموا ساي قبال تجربوا اللمبات؟
الله يستر من الطابق الجديد ما يلحق قاعة الدراسة بالجامعة الشهيرة
رجعوا لينا دكتوراتنا او أعيدوا تشييد القاعة
بشرط البنا والبناول الطوب يكونوا مننا
باقي بناكم والجاب طوبكم للقاعة كانو صينيين اظنهم.
قاعة تقع قبال الدكتوارة تنشف!!!
حيرتونا يا خالدونا
ايها الناس
ما ننسى تارنا.. لكن كمان ما ننسى احترامنا
وأتمنى أن يتصدر العقرب روليت الهدافين يوم لقاء الأمل
وسؤال ما محتاج جواب
مولانا جمال حسن سعيد جايينا بالكسكتة برضك ولا في دي صحوبية مافي!
معقولة طرد محسن وانذار الواطة كلها؟
طيب مريخ كوستي اللاعب ليها شنو؟
ولا ننسى مريخ كوستي الذي تعادل مع الهلال في موسم الانسحابات في الدورة الاولى.
وفاز عليه الهلال في الدورة التانية بهدف من ضربة جزاء اثر مخالفه ارتكبها مهاجم الهلال مع مدافع مريخ كوستي.
عمركم سمعتوا بضربة جزاء تنتج لصالح فريق مهاجمه عرقل مدافع الخصم؟
في البلد دي بحصل اكتر من كده
مع ناس يخطئ ديل ممكن الواحد فيهم يخطئ في كتابة اسم لاعب تم طرده ويكتب اسم لاعب في البلد مافي.
خليهو في الكورة
أيها الناس
إن تنصروا الله ينصركم
أها
نجي لي شمارات والي الخرتوم
كان شفت يا والينا
التوقيت شتا والجو مسخن فينا
ضل الشتا رامي والسحائي قايم علينا
المجرى في شارع العرضة طافح والمحلية ما شغالة بينا
جرثومة المعدة لافة في معدتنا ما لاقية السخينة
وتأكل فينا يا والينا
نرجع نبيت في الفرن ولا تحلوها لينا؟!
سلك كهربا
ننساك كيف والكلب قال يا حليل مبيت الفرن باعوضة ما كانت بتجينا
وإلى لقاء
سلك
لقاء ونسي والوالي
طباعة البريد الإلكتروني تقييم المستخدم: / 0
التفاصيل
نشر بتاريخ الجمعة, 19 شباط/فبراير 2016 16:03
علمنا بلقاء ونسي بالوالي
فقفز سؤال الى عقولنا
أين العداء بين الرجلين؟؟؟
ولماذا يعكر البعض صفو المياه؟؟؟؟
ما الذي يدور في نفس يعقوب؟؟؟
وماذا يفيد المريخ من حدوث العداء المصنوع بأمر ناس يعقوب؟؟؟
وهل المصالح الشخصية وصلت لدرجة عرقلة مسيرة الكيان من أجلها؟؟؟
أشياء غريبة تحدث بالمريخ
ولا يهزم المريخ إلا المريخ
خليكم تفتيحة وشيلوا مفاتيحا
زي ديل الابتعاد هو الأنسب معهم
لأن الكيان يمرض في وجودهم
هم للأسف كثر
ونحفظ لهم من المواقف ما هو كفيل بإجبارهم على التواري خلف جدران منازلهم
قبل أن نسأل تلك الجدران
بنوك من ياتو قروش يا جدران؟؟؟
المهم
اذا عدنا لمباراتنا ضد أهلي الخرطوم
نلاحظ ارتفاع المستوى عن السابق
وبرغم تحركات تراوري الإيجابية في بعض الأحيان
إلا إنو الزول ده رجع تاني للتعامل باستهتار مع الفرص السهلة
وعاد للأنانية التي تجعله يفضل عمل أي شيء إلا التمرير للزميل
وللسلبية التي تجعله يفقد الكرة بسهولة وترتد علينا الهجمة بعد أن كنا الأقرب للتسجيل
الزول ده أدوهوا العين الحمراء
وهو الموسم ده ما حضر عشان سواد عيوننا
ولكن ليسوق نفسه
ويجب أن نستفيد نحن من تسويقه لنفسه
وفائدتنا في أن يلعب بجدية ويفارق الأنانية
غير كده.. الكنبة التي تجبره على التفاني والإخلاص من أجل تسويق نفسه
أيها الناس
تحية لعلي جعفر وهو يتطور في ظل حرب يشنها أهلة عليه
عفارم عليك يا ود الوزير
وخلونا نصنع من ولدنا نجماً كبيراً بدل حربه
الأهلة صنعوا من أسامة التعاون وخليفة نجمين
نحنا علي صاحب الميزات الكتيرة يغلبنا ننجمو؟؟؟
أيها الناس
كوفي كان ما كوفي
واوكرا مستمر في الغياب عن التشكيل بسبب عدم الجاهزية
فهل كان غرزة غلطان ؟؟؟؟
غرزة لما قال بدلوهم لي
الدنيا قامت وما قعدت
وينك يا دنيا
ووين أوكرتك وكوفيكي؟؟؟
الاتنين نجوم
لكن العين الحمراء بتطلع منهما الأفضل
أيها الناس
رجعونا يا حبيبي لي زمن مبيت الفرن
عشان نرجع للرغيف المدعوم
والجنيه المابعوم
ومجانية التعليم والعلاج
وللمساواة أمام تولي الوظائف العامة
رجعونا نبيت في الأفران
عشان نعود نغني أحب مكان وطني السودان
بدل يكون غنانا أحب مكان في السودان صالة المغادرة يا مان
كان وزن العيشة وقتها كان بساوي وزن طاولة من عيش اليومين دي
صاح كنا بنبيت في الفرن لأربع عيشات
لأننا كنا بندعم حركة التحرير الإرتيرية بطاولة رغيف كلما نشيل نحنا أربع عيشات
صاح كنا بنبيت في الفرن لأننا أصحاب مبادئ وقتها وداعمون كنا لكل الثورات
فباسمنا بدت حرية لإفغاني ولزنجية وللثوار في كل مكان زي ما قال الحبيب أكرم زكي
وكنا يا عزيزي بنبيت في صف البنزين
نقتسم البنزين المدعوم
أكرر المدعوم نقطة لكل مواطن
يا ريت نرجع نبيت في الفرن وفي الطلمبات
منو الكان ببيت في الفرن؟؟
ناس الحي يا مسؤلاً فينا
ناس الحلة بكل مضامينا
لأنو وقتها ما كان في زول بخلي حواشتو ويجينا
وما كان في زول خلا سائل في مدينة
كان في مشروع جزيرة مدور لينا
وكان في مصانع غزل ونسيج بتنتج لينا
وبتشغل أولادنا قبلهم في كل مدينة
ياريت نعود لي زمن نبيت في الفرن يا حبيبنا
أقول ليك قولة
رجعونا لي الزمن داك
علي الطلاق نؤيدكم ونطلع نهتف ليكم باقي العمر الفينا
معقوله يا ناس
المهم
لسه أعاني من آثار اعتداء الركشة
وزي ما قلت ليكم جابت لي الحبايب
لكن أخي ورفيقي شيخ أمير خضر
الرجل الخلوق المؤمن
عصر معاي الدكشة بتاعت الركشة عصرة شديدة خلاص
ومازال
الرجال مواقف يا شيخ أمير
وموقفك معاي أكبر وأشهر من موقف جاكسون
أما المحطات الصغيرة
فيتجاوزها الهايس زي الماحصل شيء
نجيكم في السمحة يا حلوين
أيها الناس
«إن تنصروا الله ينصركم»
آها
نجي لي شمارات والي الخرتوم
كان شفت يا والينا
لي زمن مبيت الفرن حنينا
والفرن ذاتو بقى يحن لينا
هل من عودة يا والينا ؟؟؟
سلك كهربا
ننساك كيف ولما كنا بنبيت في الفرن الكلب ذاتو كان بمشي معانا ويبيت جمب الفرن
والي لقاء
سلك

انقر هنا لقراءة الخبر من مصدره.