سودارس : جايبين ليكم مدر اسمو زي ( صوت الضحكة) هاي هاي هاي

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جايبين ليكم مدر اسمو زي ( صوت الضحكة) هاي هاي هاي

محمد عبد الماجد نشر في النيلين يوم 20 - 09 - 2016

• ناس مزمل ابوالقاسم ومعاوية الجاك السنة دي قالوا لا عاوزين يشتكوا الامل عطبرة ولا هلال كادوقلي ولا هلال التبلدي.
• السنة دي ناس مزمل وودالجاك قالوا عاوزين يشتكوا عبدالصمد.
• (قفلة البلف) لو مشيتوا بيها على لجنة الاستئنافات على الاقل بتعيد ليكم 3 مباريات.
• من كراسي :
• (اول جنيه أخدته من مجلة (الثقافة) سهر به أصحابى فى العباسية ، أكلنا كبابا وكفتة ، المعلم (كرشو) راح يصفق فرحا ويقول : والله الأدب بيجيب فلوس يا اولاد( .
• نجيب محفوظ
• من قالوا لي مدرب المريخ الجديد اسمو (هاي) – قلت ليهم هسع دا ناس بكري المدينة وصلاح نمر يفهموه ليكم كيف؟.
• ناس بكري المدينة كلام محسن سيد وبرهان ما قاعد يقع ليهم – عاوزين كلام (انتوني هاي) يقع ليهم.
• هاي دي بقولوها لي بكري المدينة وقت يسرح ويكون واقع في التسلل وبقولوها لي صلاح نمر وقت يغطي (التسلل).
• وقت ينوم.
• الجهاز الفني بتاع المريخ كلو بيكون بيكورك هاي ..هاي ..هاي ..عووووك يا بكري.
• افزع يا عنكبة..
• اطلع يا ابراهومة.
• هسع ناس المريخ جابوا ليهم مدرب الماني اسمو (هاي).
• عاوزين يختصروا المسافة.
• وفي رواية بتقول ..ان عبدالصمد جاب (هاي) دا مخصوص – عشان يقول لي مزمل ابوالقاسم في اجتماعات المجلس (هاي يا مزمل).
• ومزمل ما بقبل الكلام دا.
• بالمناسبة (هاي) بالالماني بتعني عباس او جاد السيد ، على ما اعتقد ..ما بقدر احدد ليكم بالظبط ..عشان اللغة الالمانية دي شغال معاها (توقعات) ساكت.
• شغال معاها بي الاحساس.
• بقع ليها الزوّي.
• ما عندي ليها اكتر من كدا.
• يتخيل لي كدا (هاي) دي لو ما بقت بتعادل عندنا عباس او جاد السيد بتكون بتعني (التوم).
• هاي دا شكلو كدا شكل (توم).
• ظاهر ..توم ..توم.
• ما عارف …ليه احساسي بقول لي كدا.
• غير (السلطات) الجانبية.
• انا قلت (سلطات).
• عليكم الله شيلوها برة العمود – ما تشتغلوا بيها.
• مرات بجيب لي حاجات برة العمود.
• المهم يا عالم ..(هاي) دا شوفوا ليه حل مع ناس بكري المدينة وعنكبة وصلاح نمر.
• ضفر ذاتو ما بفهمو ليكم.
• ضفر كان بفهم ليكم (هاي) كان اتسجل في الهلال.
• ما كان بقعد ليكم.
• (ونحن عايشين والحمدلله(النفس) بينزل ويطلع إلى الآن..ولا ينقصنا شيء سوى رؤياكم الغالية).
• طبعا انتصار الهلال على هلال الفاشر بثلاثية نظيفة ..ما عاوز اجيب ليكم سيرتو.
• يقوموا يطقونا عين.
• 77 نقطة.
• و12 نقطة فرق.
• و900 دقيقة دون ان تهتز شباك الهلال.
• ارقام مدهشة.
• والله انتصارات الولايات دي زي (الولد) بتجيبو في كبر.
• مفرحة بشكل عجيب.
• او زي (الولد) في سبع بنات.
• تضبح ليه 7 خرفان.
• قدر ما اوصف ليكم واقول ليكم انتصار الولايات مفرح قدر شنو؟..ما بتستوعبوا لي كلامي فيه.
• زي الطابونة البتلقي فيها (رغيف) بعد ما تكون لفيت على (12) طابونة وما لقيت عيش.
• خاصة لمن الشوط الاول ينتهي تعادل.
• والله نحن بي صدارتنا دي ..وبي فارق ال (12) نقطة ..ما عندنا اعصاب للحاجات دي.
• الله يرحم عبدالمولي الصديق ..ويغفر ليه ..علمنا ما نقبل اي حاجة في الهلال.
• الشوط الاول وقت ينتهي (تعادل)..الباب بتاع الشارع بنشوفو متل (المبخر).
• انا قلت المبخر.
• ما تشتغلوا بالموضوع دا.
• مرات بجيب لي حاجات برة العمود.
• المبخر الدخلو هنا شنو كمان؟.
• خلونا هسع مع (هاي).
• هاي دا شغل حنكشة ساكت.
• وقت تمشي ليك على كافتريا في جامعة من جامعات السودان ..البنات في الكافتريا كلهن بكونن شغالت (هاي).
• نظام ترحيب ..وسلام كدا.
• هاي تامر..
• هاي رندا..
• هاي رامي..
• عليكم الله من الله خلقكم ..ِشفتوا ليكم مدرب اسمو (هاي).
• انتوا قاعدين تضحكوا.
• انتوا بتلعبوا.
• المدرب دا في النقعة لا بنستر ليكم ولا حاجة.
• في نيالا ..لو ضربت دانة ساكت بقوم جاري.
• اسمو (هاي) وعاوزنو يركز ليكم.
• ناس برهان ومحسن سيد ما ركزوا مع خمسات التبلدي دي.
• اول مرة اشوف مدرب اسمو زي صوت (الضحكة) ..هاي ..هاي ..هاي.
• مدربكم دا الظاهر عليه ما عندو شخصية.
• ولا عندو تاريخ.
• كل يوم بيعلنوا عن مؤتمر صحفي للتعاقد معه ..وبقوموا يأجلوا المؤتمر الى اجل غير مسمى.
• والله الحركات البتعملوها لي (هاي) دا..محسن سيد ذاتو ما بقبلها ليكم.
• محسن سيد عندو شخصية.
• وفارض نفسو.
• في مدرب بقيبل يكون قاعد الفترة دي كلها في المقصورة؟.
• انتوا جايبنو لي كافتريا؟.
• هاي دا لو قعد كتير في المقصورة بتفك منو.
• علامات ساكت ما بقدر يرصها ليكم.
• والله يتابع لي ناس المقصورة ديل ..يبقى زي (مُحمد ود علي)..ابوه جاب ليه (انجليزي) عشان يعلموا الانجليزي.
• قفلو ليك معاه في غرفة واحدة 6 شهور.
• ابو مُحمد ود علي وقت رجع ..وقال يلقي ولدو اتعلم (الانجليزي)…لقى ليك الخواجة بي العراقي والسروال الطويل طالع في رأس البيت يظبط في طبق قناة النيلين.
• هسع يا ناس المريخ هاي دا لو قعد كتير في المقصورة بيبقى ليكم زي محسن سيد.
• والله رص علامات ما تتطلعوا بيها منو.
• علامة ما يرصها ليكم.
• معقولة بس ..مدرب عاوزينو يقعد يتفرج (7) مباريات على المريخ.
• انتوا جمهوركم ما قادر يتفرج على المريخ مباراة واحدة ..عاوزين هاي يتفرج في ناس صلاح نمر وابراهومة وشمس الفلاح (7) مباريات.
• هاي ..هاي ..هاي..
• الجابرو شنو؟.
• والله بالطريقة دي تجيبوا ليه ضغط.
• تكتلوه ناقص عمر.
• ناس مامون ابوشيبة خلوا الفرجة في المريخ ..بقوا ما بيستحملوا ..عاوزين هاي يستحمل ليكم الفرجة دي كلها.
• هاي ..هاي ..هاي …(قاعد اضحك براي بي صوت عالي شوية).
• الغريبة الزول دا جابوه يتفرج ..واعلام المريخ رافض يشرف على التسجيلات.
• طيب بيتفرج على شنو؟.
• لا عاوزينو يتدخل في التشكيلة.
• ولا عاوزينو يشرف على التسجيلات.
• ولا عاوزينو يشرف على مباريات المريخ القادمة ويشارك فاروق جبرة المسؤلية الفنية.
• طيب جايبنو ليه؟.
• الفرجة دي ممكن يحصل عليها من خلال شرائط المباريات.
• الموضوع دا ما عاوز ليه (مقصورة).
• ولا مؤتمر صحفي.
• المدرب دا يمين ..ما عندو شخصية.
• ولا عندو قيمة.
• ولا عندو رأي.
• ما في مدرب في العالم بيقبل بالوضعية دي.
• هاي ..هاي ..هاي.
• هاي الفوق دي ضحكة عالية ..ما اسم مدرب.
• عشان ما تقعدوا تلخبطوا لينا ساكت.
• اصلو الايامات دي انتوا متحسسين شوية.
• عندكم شوية عقد.
• الفرق 12 نقطة.
• و77 نقطة.
• سبعتين ..ماشاءالله.
• و900 دقيقة دون ان تهتز شباك الهلال.
• الله يزيد..ويبارك.
• والنقعة والجوهرة بقت عندنا واحد.
• تلاتة جوة وبرة.
• ولا بنلعب.
• ولا بنجامل في الحتة دي.
• (ونحن عايشين والحمدلله(النفس) بينزل ويطلع إلى الآن..ولا ينقصنا شيء سوى رؤياكم الغالية).
• بقول ليكم من هسع دي هاي دا بكون مسخرة.
• هاي القاصدو فوق مدرب المرة دي ..وليس صوت ضحكة.
• المدرب دا انتهي عندنا.
• ما بتقوم ليه قايمة تاني.
• الهلال تجاوز (النقعة) الاولى في الفاشر.
• باقى لينا النقعة التانية.
• التركيز اهم شيء.
• والتفريط مرفوض.
• رغم ان منطق الكورة بيقبل اي شيء.
• لكن خلونا نقول يا رب.
• السيدة (ل) – المطرة ما عندها مشكلة مع (الجالوص)…المطرة مشكلتها مع ناس المحليات ديل.
• وقرّط على كدا.
دق الدلجة – محمد عبد الماجد

انقر هنا لقراءة الخبر من مصدره.