سودارس : راكبين ليكم (قطر) عشان تجيبوا ليكم (نقطة)...

مناوي: المدن التي تبنى على الإيمان لا تموت الدعم السريع يضع يده على مناجم الذهب بالمثلث الحدودي ويطرد المعدّنين الأهليين وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان: لا يمكننا الاكتفاء بمتابعة ما يجري في السودان بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية بالصورة.. "حنو الأب وصلابة الجندي".. الفنان جمال فرفور يعلق على اللقطة المؤثرة لقائد الجيش "البرهان" مع سيدة نزحت من دارفور للولاية الشمالية أردوغان يفجرّها داوية بشأن السودان القادسية تستضيف الامير دنقلا في التاهيلي تقارير تتحدّث عن قصف مواقع عسكرية في السودان بمقاطعة شهيرة جنوب السودان..اعتقال جندي بجهاز الأمن بعد حادثة"الفيديو" اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالفيديو.. عودة تجار ملابس "القوقو" لمباشرة البيع بمنطقة شرق النيل بالخرطوم وشعارهم (البيع أبو الرخاء والجرد) مانشستر يونايتد يتعادل مع توتنهام ((سانت لوبوبو الحلقة الأضعف)) شاهد بالصورة والفيديو.. حكم راية سوداني يترك المباراة ويقف أمام "حافظة" المياه ليشرب وسط سخرية الجمهور الحاضر بالإستاد شاهد بالفيديو.. مودل مصرية حسناء ترقص بأزياء "الجرتق" على طريقة العروس السودانية وتثير تفاعلا واسعا على مواقع التواصل بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند شاهد بالفيديو.. "بقال" يواصل كشف الأسرار: (عندما كنت مع الدعامة لم ننسحب من أم درمان بل عردنا وأطلقنا ساقنا للريح مخلفين خلفنا الغبار وأكثر ما يرعب المليشيا هذه القوة المساندة للجيش "….") "واتساب" يطلق تطبيقه المنتظر لساعات "أبل" بالصور.. أشهرهم سميرة دنيا ومطربة مثيرة للجدل.. 3 فنانات سودانيات يحملن نفس الإسم "فاطمة إبراهيم" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

راكبين ليكم (قطر) عشان تجيبوا ليكم (نقطة)...

قوون نشر في قوون يوم 30 - 04 - 2014

امس شفت صحيفة (الزعيم) لقيتهم ليك (قاعدين) ..جايبين ليك ناس باسكال وضفر في (القطر)..تقول بيلعبوا في (المجموعات).
اخر فهلوة ..وفلهمة.
وابتسامات ..وضحكات...(الناس ديل بلعبوا وين؟).
يجدعوا في (الفوط) على كتفوهم زي كأنهم في رحلة جوية.
قاعدين لي كدا ..زي كأنهم ما طلعوا من دور ال (64).
انتوا بتنسوا.
تحلف عليهم ..وتقول بيلعبوا في (المجموعات).
وكمان لابسين لي (طقم) واحد.
ووداع في المحطة ..واستقبال في الدامر.
على شنو يا حسرة؟.
والله انتوا عندكم دم بارد بي شكل.
يا دمكم.
بعدين تعالوا هنا ..خلوها المجموعات.
انتوا قاطعين تذاكر.
وراكبين ليكم قطر.
وواقفين في المحطة.
وفاطرين كمان.
وجايبنكم في الجرايد ..عشان تجيبوا ليكم (نقطة).
نقطة يا بلة.
نقطة.
التعب دا كلو عشان (نقطة).
والله (القطر) كتير في (النقطة).
النقطة دي بي (عجلة) ممكن تجيبوها.
الموضوع دا ما عاوز ليه تعب.
النقطة دي ..بالفاكس ساكت بتجيبوها ..ولا عاوزة ليها (سفر).
قطر شنو البتركبوه لي (نقطة)؟.
ولا عاوزة (التعب) دا كلو.
بعدين تعالوا هنا ..انتوا مفروض تمشوا ليكم لي (دكتور).
مفروض تمشوا تراجعوا الحكاية دي برة.
شنو اي مباراة خارج الخرطوم تجيبوا ليكم منها (نقطة)؟.
مشوا (شندي) جابوا ليهم (نقطة).
قعدنا نتلفت متل (كراسي النص).
قلنا ما مشكلة (النمور) ديل صعبين ..النمور ديل ما بفرطوا في شندي.
بعدين المريخ يمكن اتأثر بي الموز ابو نقطة بتاع شندي ..قاموا جابوا ليهم من شندي (نقطة).
نسينا الموضوع ..واتجاوزنا الحتة دي.
قام المريخ مشى (الحصاحيصا).
الحصاحيصا دي بالنسبة للمريخ اضمن من (الرد كاسل).
اضمن من انهم يجيبوا ليهم حاجة من (الدولاب).
او يشيلوا ليهم شيء من (التلاجة).
ديل في الحصاحيصا ..جابوا ليهم (نقطة).
حيرونا جنس حيرة.
من الحصاحيصا يجيبوا ليهم (نقطة).
طيب من (الفاشر) تعملوا شنو؟.
اتجاوزنا (النقطة) دي.
المريخ مشى عطبرة.
جابوا ليهم (تقليعة) جديدة ..قالوا ماشيين عطبرة بالقطر.
قلنا يا ربي (القطر) دا لزومو شنو؟.
القطر دا في (البضائع) خلوه ..تقوموا يا ناس المريخ انتوا تسافروا بيه.
لعبوا في عطبرة ..رجعوا من هناك ب (نقطة).
بقت نقطة من شندي.
ونقطة من الحصاحيصا.
ونقطة من عطبرة.
من (9) نقاط ..جابوا ليهم (3) نقاط.
ح تقعدوا تلقطوا لي في النقاط دي نقطة ...نقطة كدا.
الشيء شنو؟.
الشيء (حصة املاء).
انتوا في الولايات قاعدين تلعبوا بي ناس مزمل وكابو.
لو بتلعبوا بي (سلك) بسدها ليكم.
الظاهر بتلعبوا بي مزمل وكابو ومعاوية الجاك.
معاوية الجاك طبعا كورتو زي الراكوبة في الخريف.
كورتو ما عندها اي علاقة بي كتابتو.
نحن زمان.
نحن برانا كدا بي فهم.
بنعرف الموز ابو نقطة ..لكن المريخ ابو نقطة دي حاجة جديدة علينا.
لا ..لا ..لا ..الموضوع دا عاوز ليه مراجعة للاطباء.
انتوا ما براكم يا مريخاب السنة دي.
يمكن عشان (الولايات) طلعت من الحكم المركزي.
يمكن دا الحكم الفدرالي.
جمال (الوالي) بقى ما عندو سيطرة على (الولايات).
الوالي دا مفروض يراجع (مكتبو).
مفروض يشوف الشغل ماشي كيف؟.
الايامات دي في مشاكل في مكاتب الولاة.
عشان كدا ناس شيلميس ديل بقوا في الولايات يظهروا ليك زي البمشي يسأل عن (اسكراتش) في فرن.
كورتهم بخلوها في الخرطوم.
القطر ذاتو بخلى الزول ينسى اي حاجة.
بلة جابر شوية الكورة العندو دي بكون مسحها ليه (القطر).
احلى حاجة في كورة عطبرة ..انو ناس الامل خلوا ليك ناس المريخ يكملوا فهمهم.
خلوا ليك المريخ يتقدم بهدف حتى الدقيقة 97 من عمر المباراة.
الجماعة صدقوا.
قالوا ليك مزمل ابوالقاسم انتهى من عمودو.
خلاص عاوز يختم.
وبابكر سلك ..قالوا ليك لحق عمودو في المطبعة.
الجماعة خلاص اعتبروا المريخ عاد من عطبرة ب (3) نقاط.
وناس (الزعيم) وضعوا (المانشيت) الاول لصدارة المريخ.
بس في (اللخمة) دي ..قام الطاهر حماد عمل ليه عملية ما كويسة..اتقلب في الهوى زي كأنو بيلعب في (الريال مدريد) ما بيلعب في الامل.
قلب ليك دبل كيك..واكرم الهادي سليم ..قاعد يتفرج ..اعتبر المباراة انتهت ..قعد يفكر في (القطر).
اكرم الهادي سليم كان بفكر في (الرجعة).
في اللحظة دي الطاهر حماد ..قال ليهم ألحقوا عمود بابكر سلك في المطبعة.
عمود مامون ابوشيبة طبعا بكون كتبوا من العصر قبل المباراة ..بكون قعد يهاجم في حكم المباراة من الساعة اربعة.
يعني مامون ابوشيبة بكون هاجم حكم المباراة قبل المباراة ذاتها ما تبدأ.
عشان كدا الطاهر حماد ..قال عمود الحبيب ابوشيبة خلوه يفوت ..لكن عمود بابكر سلك ألحقوه.
ألحقوه في المطبعة.
مزمل ابوالقاسم بتصرف.
هيثم كابو بعمل رايح.
ومعاوية الجاك الايامات دي بحتجب ساكت ..زعلان من ناس بلة جابر.
الطاهر حماد ..والله العظيم جاب ليه (هدف)..انا شخصيا ..خلاني الغى لى عمود.
لغيت لي عمود رسمي.
وقعدت اكتب بعد الدقيقة (98) في عمود جديد.
الشيء المحيرني.
والحاجة الما فاهمها انا ..باسكال في الساعة ديك كان وين؟.
يكون مشى يحجز في (القطر).
بلة جابر كان في (اجازة) رسمية.
وشيلميس من القعاد في القطر ..جاتو (فليتة).
عشان كدا عملها ليهم في المباراة كلها (لفيت).
يتلفت متل الحاجة التانية.
اها الحاجة التانية شنو؟.
لكن يا مريخاب ما تزعلوا.
عليكم الله ما تزعلوا.
فيصل سيحة ..بجيكم يوم الجمعة في التلفزيون ..ويقول ليكم هدف (الطاهر حماد) ماصحيح.
عارفين ليه؟.
عشان الطاهر حماد في الحتة دي قبل (4) سنوات في مباراة سابقة امام المريخ كان متسلل.
لذلك الهدف ما صحيح.
بقوم مامون ابوشيبة يفرح بالكلام دا ..ويقول ليك كلام سيحة صاح.
عليكم الله.
ودي حليفة مني ليكم انا.
مباراة المريخ القادمة امام هلال الفاشر ..خلوها يحكمها ليكم فيصل سيحة.
سوقوه معاكم الفاشر.
عشان نكمل للزول دا فهمو.
عاوزين نرتاح من (النقة) دي.
عاوزين نرتاح في (عضمنا) دي.
شنو سيحة دي كل جمعة اتعود يطلع في التلفزيون ..يقول ليك هدف الهلال ما صحيح.
هدف المريخ صحيح.
ضربة جزاء الهلال ما صحيحة.
المريخ عندو ضربة جزاء الحكم ما احتسبها للمريخ.
الحكم مفروض يطرد لاعب الهلال.
الحكم جامل اللاعب الذي ضرب بلة جابر.
سيحة دي من (تعصبو) قالوا ليك مرة يوم الجمعة طلع في التلفزيون وقال ليك هدف الملعب المالي (صحيح).
تتخيلوا كلام زي دا.
اها نحن هسع بنتوقع فيصل سيحة يظهر يوم الجمعة ..(زي غسيل الجمعة ومكوتو) حاجة ثابتة.
سيحة ح يقعد يقول لي رضا مصطفى الشيخ ..كدا ار جع لي للقطة دي.
بس اقيف لينا هنا.
لا..لا ..ما كدا.
يقوم رضا مصطفى الشيخ (ينط) يقول ليه معليش (الجهاز) عطلان ..ما بنقدر (نعيد) ليك اللقطة.
تقول عاوزين يعيدوها من مطار هيثرو.
صدقني ما بقدر اعيد ..صدقني ما بقدر اعيد.
عليكم الله دا هدف وإلّا قصة حب الما قادرين تعودوها دي.
يقوم بناء على الحاجات دي ..فيصل سيحة يقول هدف الطاهر حماد ما صحيح.
صحيح كيف؟..واكرم الهادي سليم قاعد يتلفت.
قاعد يتفرج.
خلاص ..خلاص ..يا مريخاب ..انتظروا (الجمعة).
ما تزعلوا.
فيصل سيحة بيرضيكم يا ناس المريخ.
خلوه يغشكم كدا ..كل مرة يقول ليكم الهدف الذي سجل في المريخ ما صحيح.
وخلوه كمان يكمل جميلو ويقول ليكم هدف الهلال ذاتو ما صحيح.
الغريب في مباراة الهلال امس امام النيل ..ان الهلال سجل ثلاثة اهداف اي هدف خرج له مهاجم الهلال من منتصف الملعب.
مهاجم الهلال كان بطلع من وسط (10) مدافعين من النيل.
ناس النيل كلهم قاعدين وراء.
بشه جاء من المنتصف.
نزار حامد جاء من المنتصف.
صلاح الجزولي سجل بتصويبة من خارج الخط وسط غابة من سيقان لاعبي النيل الحصاحيصا.
اها يا فبصل سيحة (الاهداف) دي ح تقول عنها شنو؟.
غايتو المرة دي إلّا تكون حريف ..وتقول (الجهاز) متعطل.
ما عندكم (خيار) غير انكم تقولوا (الجهاز) متعطل.
وناس مامون ابوشيبة بتموا ليكم الباقي.
طبعا حكم الراية في مباراة الامس حرم الهلال من اكثر من ثلاثة اهداف اخرى.
فقد كان حكم الراية يرفع رأيته كلما وجد مهاجم الهلال منفردا بحارس مرمي النيل الحصاحيصا.
وقد فضحت (الكاميرا) حكم مباراة الامس ..وهو يرفع في رايته في كل هجمات الهلال.
وبرضو ناس فيصل ابوشيبة ومامون سيحة بتكلموا عن (الحكام).
اقصد مامون ابوشيبة ..وفيصل سيحة.
قلت ليكم (تلخبطوا) الزول في (تحكيمو).
محلوظة : حرمتونا من مباراة ريال مدريد وبايرن ميونخ.
هوامش
تتخيلوا الطاهر حماد ..خطف الاضواء حتى من قرعة المجموعات.
الناس فى القرعة ..وجماعتنا ديل في عطبرة.
الهلال وقع في قرعة بكل المقاييس تعتبر جيدة.
وان كان الهلال يخشى عليه عندما توصف مجموعته بانها اقل من المجموعة الاخرى.
مزمل ابوالقاسم امس كتب عن (سبعة ذئاب ..وارنب)...ونحن نقبل بذلك.
لكن اذا كان فريق وصل لمرحلة المجموعات ..وفى المجموعات مصنف مستوى تاني (ارنب) ..ماذا عن الفريق الذي يلعب في التمهيدي؟.
وفي التمهيدي بطلع من دور (64).
لا اريد ان اطلق وصف على المريخ ..كما اطلق مزمل وصفه على الهلال.
بعدين انتوا تعالوا هنا ...(المجموعات) دي بتزعلكم مالكم؟.
القرعة دي لا ناقة ولا جمل ليكم فيها.
ولا ارنب.
اها مع (المجموعات) اتصدرنا.
دي (ارنب) شنو؟.
انا اول مرة اشوف لي (ارنب) تصدر.
طيب قول اتصدرت ارنب.
انتوا تبقوا شنو؟.
ورونا انتوا ..نحن ما عاوزين نقول.
ولا حاجة.
انتوا الاسود ..بتطلعوا من دور الكم؟.
من دور ال (64).
ونحن شنو؟.
نحن (ارنب) بنصل المجموعات.
والارنب بتصنف مستوى تانى.
يا صلاة النبي.
وانتوا شنو؟.
انتوا (النمور).
في شندي ..تتعادلوا.
ترجعوا بي شنو؟.
ترجعوا بي (نقطة).
ونحن شنو؟.
نحن (ارانب) بنتصدر.
وانتوا شنو؟.
انتوا (فهود) بتتعادلوا مع النيل.
النيل شنو؟.
النيل تماسيح.
والمساكين ديل شنو؟.
ديل (ارانب) بتصدروا.
وانتوا شنو؟.
انتوا (اسود) قلنا.
بتعملوا شنو؟.
بتتعادلوا مع الامل عطبرة.
الامل شنو؟.
الامل (فهود).
يا صلاة النبي.
معقولة ..مجموعات ..وكمان معاها صدارة.
انتوا قاعدين وين؟.
اها اقول ليكم حاجة.
من الفاشر نقطة ما بترجعوا بيها.
من هسع قلت ليكم.
بتعرفوا (النقعة).
بقيتوا ناس (نقعة) ساكت.
اها اتحزموا.
والله كمان (النقعة) دي قالوا ليك فيها جنس (هجيرة).
الوديعة استلموها في عطبرة.
يلا يا ناس الفاشر ..الجماعة ماشيين عليكم.
....
عاجل : الطاهر حماد (قلب) الطبق ..جاب القون ..قلنا ليكم ما تحولوا (الطبق) قعدتوا تغالطوا.

انقر هنا لقراءة الخبر من مصدره.