كشف نائب رئيس مجلس السيادة الفريق أول محمدحمدان دقلو حميدتي عن جهات لم يسمها تعمل على فرتقة البلاد ودافع في الوقت ذاته عن والي ولاية جنوب كردفان حامد البشير وقطع حميدتي خلال احتفال توقيع وقف العدائيات امس بقاعة الصداقة بأن الوالي لايستحق اللافتات الرافضة له وقاطع حديث حميدتي أحد المحتجين قائلا حزب الأمة سبب الدمار ورد عليه حميدتي قائلا الوالي مابستاهل الكلام دا وكان دي طريقتكم ياأهل السودان دي البلد دي بتتفرتق ونحنا اكثر ناس بتضحكوا فينا وكان ختيتونا تلحقوا اليمن وانتو شغالين قبيلتي وقباىل العرب وقبائل النوبة والناس شغالة بتفرتق فيكم وانتو ماجايبن خبر وفي رده على الرافض لحزب الامة قال أرفض بصندوق الانتخابات ولاتشيل وش القباحة واي زول يقول دي بلدي والما عندو بلد يمشي وين َوأعلن حميدتي مساندته للمواطنين الذين يسكنون في الكنابي وأضاف اي زول ساكن خمسين سنة امسح لي ارضى وطلع الشوارع وجيب لي الصحة. وسخر من ترديد بعض السياسين أن جبال النوبة للنوبة وزاد لو جابوا ليك كل ناسك الفي الولايات جبال النوبة مابتشيلهم الأرض دي ماحاتشيل منها شبر دا عيب دي سياسة ياناس ولازم نعرف الجرح وين عشان نعالجوا. َوقلل حميدتي من الأصوات الرافضة للوالي وقال هذه هي الديمقراطية واي شخص يعبر عن رأيه ولكن هذه شهادة في حق الوالي عندما التقيت به لم يذكر سوى اهله وضرورة تحقيق التعايش السلمي بينهم. ونفض حميدتي يده من كل لجان التحقيق واقر في الوقت ذاته بتاخر محاسبة المتورطين في أحداث خور الورل وقال يجب أن نرضى ونتفق واي شخص يقبل بالمعاهو َوالحساب جاي واتاخر جدا واستدرك قائلا لكن دي مازي القضايا دي قضية واسعة ولجان التحقيق أصبحت فضيحة قلنا ليهم تاني تحقيق مافي لانو مافي تحقيق خرج بنتيجة وتعهد بمحاكمة المتورطين في الأحداث في الميدان لأنهم عساكر وطالب بنشر التسامح حتي تسير البلاد للأمام وطالب بقبول الاتفاق وقطع بعدم وجود وصاية مرة أخرى وزاد دا الكلام الجاب لينا المشاكل وخاطب عضو مجلس السيادة الفريق شمس الدين كباشي نقول لي كباشى عايزين محاكم الميدان ونحنا عملنا العلينا كل التحقيقات دي نحناساكنها بمافيها الاعتصام اي متهم يلينا سلمناهو واي زول قاتل نسلموا النائب العام الخرطوم :مزدلفة دكام
