التسويق الشبكي ده زي قحت كده .. قدر ما تقول للزول الواقع تحت تأثير (الدعاية ) بتاعتهم .. القصة دي خسارة مالية كبيرة وخسارة جهد و (أحلام ) .. يقول ليك لا سنعبر و سننتصر ..الخ الناس ديل عارفين أنك حتستثمر في ثقة الناس ليك .. حتستثمر في لحمك الحي .. أصحابك و أقربائك .. و هم بناءآ على ثقتهم فيك (حيركبوا الكركابة ) .. انا بنصح اي شخص بعرفو .. لا تشتغل في تسويق شبكي و لا تتعامل مع شخص بيشتغل في تسويق شبكي .. كل هذا الكلام قائم على بيع الوهم و استغفال الناس و اكل اموال الناس بالباطل .. و القصة دي (بديهية ) و من الصعب صراحة تشرح البديهيات للناس .. الموضوع ده لعنة بتعرفو ما نافع لمن تكون غرقت فيهو و اتورطت .. بتكون قدام خيارين يا تورط مزيد من الناس عشان تعوض خسارتك و تلقى نفسك بتكذب باستمرار .. او تقول لا انا عندي اخلاق و تتحمل الخسارة وحدك و تطلع من الموضوع .. و في الحالتين أنت خسران .. #وهكذا