السلام عليكم شكرا حمدوك ههههههههههه الموضع انا سواق رقشه قبل اسبوع اتعطلت قلت اشوف اي شغل اصرف الاولاد لقيت شقل عامل طلبه اليوميه ب700ج قلت اوكي نايس الشغل في المنشيه وانا ساكن الوادي الاخضر قلت امش اشيل من المهم مشيت مع المعلم المواصلات عليهو بس انت ترجع من جيبك المهم اليوميه انتهت اداني 600ج خصم الفطور قلت اوكي يوم وبمر ركبت مواصلات بحري ب50باقي 550شربت جبنه ب50باقي500ركبت من بحري لحله كوكو 50باقي450ركبت من الحله للوادي الاخضر ب100باقي 350حسبتها وانا في الحافله وبضحك ههههههههههههه وصلت اخر محطة اشتريت لبن رطلين ب160الباقي 190 عاوز سكر وعاوز بن وشاي وكيس سلطه ولحمه وبانبرس للولد وفحم لانو الغاز قاطع ليهو شهرين والله دا الواقع لناس الاعمال الحره صدقوني اي زول بزيد مع الزياده ماعدا خدمه الضراع والله ياحمدوك لو عارف الناس ديل شموك كيف لياتو درجه كان قدمت استقاله الان قبل بكره البحيرني يجي واحد ناطي في المواصلات بتظارف شكرا حمدوك ياخي الحمو اليقوملك في اباطك والله انا زمان كنت بكره الكيزان هسي بقولها بواضح العباره انا اسف ي كيزان ياريت تنزلو انتخابات عشان نعزكم بلا حمدوك بلا زياده كل اسبوع.