] جانا تعويم المريخ. ] زمان لو باقي دقيقة والمريخ مغلوب عشرة. ] ما بهز ثقتنا شك في أن المريخ سيعود. ] ولكن أمس أول مرة المريخ مغلوب أقول يارب تنتهي كده. ] كنا مغلوبين أتنين. ] قلت إن شاء الله تنتهي كده. ] أخدنا التالت. ] قلت إن شاء الله الشمس تقطع وتنتهي علي كده. ] الرابع. ] يدي في قلبي. ] اللهم أسترنا يا الله. ] لما إتهت قربت أبوس الحكم. ] معقولة المريخ عوموهوا برضو؟. ] الهزيمة أصلها مامشكلة. ] لكن الروح الإنهزامية والخرمجة والتواضع ماحبابهم. ] وصدقوني هزيمة زي دي طبيعية جداً لفريق لا إعداد له ولا استعداد. ] لا استقرار فني ولا براح زمني للجهاز الفني. ] حتى المحترفين جايين متأخرين لأسباب غريبة. ] أما المحليين. ] حدث ولا حرج. ] حراسة المرمى عندنا زي حراسة النظام العام زمان. ] البصلها كلو بخش. ] صناعة اللعب في المريخ زي صناعة القنبلة الذرية في السودان. ] أما الأطراف. ] فتشبه إلى حد كبير الأطراف الصناعية. ] مجرد شكل بدون مهام. ] أي شيء في المريخ منتهي. ] لن نتحدث عن المجلس. ] لأنو الحديث عن المجلس. ] بقودنا لسؤال. ] ياتو مجلس. ] المريخ فيهو عدة مجالس. ] والعضوية على قفا من يشيل. ] زي الشفع الشايلين كرتونة وكاتبين فيها سبعين. ] وباليد التانية شايلين كم طماطمة كده. ] عضوية المريخ بقت زي الطماطم. ] بترخس في الشتا. ] أسد يقول بمية. ] سودا يقول بخمسين. ] وقد يخرج علينا الكندو بتلتين بس. ] للأسف هذا هو الحال في المريخ. ] والمؤسف أكتر من الهزيمة. ] هو تعطيل العضوية عشان كورة أمس. ] كان أخير نمشي عضويتنا نقضي زمننا فيها ونكسب وقتنا. ] أيها الناس. ] إنها نتيجة طبيعية بحسب الإعداد والاستعداد والتخطيط السليم للكورة في البلد دي. ] زمان كان بخفف الأمر شوية الأرض والجمهور. ] أسي سوداكال ودر الأرض(الاستاد)وكورونا ودرت الجمهور. ] عشان كدة لعبنا بدون أرض وبدون جمهور. ] وإنهزمنا بالأربعة على قدر الحضور. ] بركة الماسمحوا لينا بالأربعة الف. ] أيها الناس. ] مايمر به المريخ ممكن ببساطة يودينا حيث أشار رضا عبدالعال. ] ووقتها لن ينفع لطم الخدود. ] ولا شق الجيوب. ] ولا الولولة ويمة أرحميني. ] ولن ينفع اللوم. ] ماكلمنتناش ليه ياعب العال!!!!!!. ] لكن سؤال. ] هل رضا عبدالعال بعرف سوداكال؟. ] الخلاصة. ] عوموا المريخ في البرد ده. ] وتعويم المريخ برجعنا لتعويم الجنيه. ] ياناس الحكومة. ] لما تجي تعوم سباح. ] بتوفر ليهو سبل النجاة. ] موش مجرد سنعبر وخلاص. ] لما تجي تعوم سباحز ] بتديهو طوق نجاة. ] وعوامة. ] ومايوه. ] وحكومتنا لما قررت تعويم جنيهنا. ] لا وفرت ليهو طوق النجاة. ] ولا أدتو مجرد مايوه يسبح بيهو. ] جابوهوا في القيفة. ] وقالوا ليهو دق دايف. ] وجنيهنا ملص. ] وعصر هديماتو بحجر. ] ومولاي كما خلقتني دق راس. ] والغطسة الياها. ] لاعرفناها مهارة غطس. ] ولا عرفناها غرقة. ] وبقينا راجيين جنازة البحر. ] لا سيطرة على الكتلة النقدية. ] لا غندلة عملة أجنبية. ] ولا محاربة لاستيراد العواليق تخفيفاً على عبء الدولار والطلب عليه. ] بس ملص وعوم وسنعبر. ] أيها الناس. ] إن تنصروا الله ينصركم. ] أها. ] نجي لي شمارات والي الخرتوم. ] كان شفت يا والينا. ] كلنا في القيفه راجين جنازة البحر تقلع لينا. ] الصغار والكبار وأولاد ميكي والثوار. ] ومليون كنداكة تزغرد لينا. ] والخوف يا والينا. ] تمساح يطلع لينا. يطلع عيننا. ] يختفنا ويغطس بينا. سلك كهربا ننساك كيف والكلب قال كان حتل وووب وكان طفح بدون مايوه وبين...دي مصيبة شنو دي..!! وإلى لقاء سلك صحيفة الانتباهة
